Morgunblaðið - 02.03.1989, Síða 14

MORGUNBLAÐIÐ FIMMTUDAGUR, 2. MARZ 1989
14
FLOTT
FORM
í Kramhúsinu
Flottform-æfingakerfið styrkir, liðkar,
grennir og veitir góða slökun.
Tækin eru hönnuð með það í huga að veita
alhliða þjálfun án of mikils álags.
Auknar birgðir súrefnis og bætt blóðstreymi
hjálpa til við að brjóta niður erfiða
appelsínuhúð og losa um vöðvabólgu,
bakverk svo og aðra álagssjúkdóma.
HÖFUM OPNAÐ AFTUR
Flottform æfingasalinn okkar eftir gagngerar
breytingar -og nþ getum við boðið
8 tímar á kr. 2.800,-
14 tímar á kr. 4.600,-
Verið velkomin í áhrifaríka og þægilega
líkamsrækt. Tímabókanir standa yfir
ísímum 15103 og 17860.
Memphis
- Mílanó
List og hftnnun
Frá sýningunni í Mirale. Morgunbiaðið/Emiiía
BragiÁsgeirsson
Það verður að teljast stórvið-
burður á íslenzkum menningarvett-
vangi, að sýnishom af vinnubrögð-
um hins heimskunna listahóps
Memphis, sem höfuðsetur hefur í
Mflanó, skuli rata hingað.
Er hér um að ræða hóp manna
frá sex löndum, sem flestir eru arki-
tektar að mennt, með mjög nýstár-
legar hugmyndir i hönnun brúks-
hluta. Höfuðpaurinn telst Ettore
Sottsass, sem hlaut heimsfrægð á
sínum tíma fyrir nýstárlega og af-
burða fagra hönnun rauðu Valent-
ine-ritvélarinnar frá Olivetti-verk-
smiðjunum, er gekk sem faraldur
víða, en allir 20 meðlimimir eru full-
gildir og skapandi einstaklingar.
Slíkir hafa í senn verið nefndir mót-
unarlista-arkitektar eða verkfræði-
listamenn og víst er, að þeir fara
ekki troðnar slóðir og gefa flestum
viðteknum reglum og hugmyndum
um útlit brúkshluta langt nef — en
gera það á glæsilegan hátt og af
mikilli þekkingu á öllu því, sem þeir
hafa á milli handanna, og eru enda
hámenntaðir í sínu fagi.
Það var á sjöunda áratugnum,
sem þessir menn sáu, hvert stefndi
í brúkshönnun, og þeim ofbauð hinir
sálarlausu hlutir sem voru að yfír-
taka markaðinn en formlega var
hópurinn ekki stofnaður fyrr en upp
úr 1980 og hlaut fyrir tilviljun nafn-
ið Memphis. Bæði skírskotar nafnið
til hinnar sögufrægu borgar fom-
Egypta á vinstri bakka Nflarfljótsins
svo og nafns á lagi á annarri hlið
hljómplötu með Elvis Presley, sem
var á fóninum kvöldið sem félags-
skapurinn var formlega stofnaður,
og enginn nennti að snúa við í ákaf-
anum, svo að hann spilaði lagið í
sífellu og fékk þá Sottsass hugmynd-
ina.
Það sem vakir fyrir listhópnum
er að gera hluti, sem gangi þvert á
allar viðteknar hugmyndir um
brúkslist og hristi upp í skoðendun-
um, og þetta hefur þeim tekist svo
rækilega, að þeir eru sagðir hlið-
stæða nýbylgjumálverksins og hinna
svonefndu síðnúlistamanna
(postmodemista) í myndlistinni.
Þróun brúkshluta hefur snúist
kringum hreint hagnýtisgildi þeirra,
allt frá því að hinn nafntogaði Vínar-
arkitekt Adolf Loos mælti af munni
fram hina frægu setningu árið 1908:
„Allt skreytigildi (omament) er
glæpur." Þessi stefna fékk svo auk-
inn meðbyr með stofnun Bauhaus
árið 1919 og hefur verið ráðandi afl
og markað steftiuna fram á daginn
í dag, en þó með hinum margvís-
legustu frávikum svo sem að líkum
lætur. En Memphis-hópurinn hefur
tekið skreytigildið í sátt og hefur
litlar áhyggjur af kenningum Bau-
haus — hann virkjar jafnvel fárán-
leikann við gerð og samsetningu
hlutanna, svo að skoðandanum
hnykkir við, enda hefur hann ekki
litið slíkt augum áður, en óneitan-
lega er leikurinn skemmtilegur og
vissulega vel fallinn til að losa um
nýjar og ferskar hugmyndir, svo sem
fram hefur komið. Glæsileikann
vantar svo sannarlega ekki í hönnun-
ina, hugmyndaauðgina né hina óvið-
jafnanlegu útfærslu, sem menn
þekkja svo vel frá þessum breidd-
argráðum. Þótt minna en áratugur
sé liðinn síðan listhópurinn var stofn-
aður, er hann löngu heimskunnur,
og sýningar á munum hans hafa
víða farið og sá ég m.a. eina á
Louisiana-safninu fyrir fáum árum,
en ég hef fylgst með athöfnum hans
í fjarlægð frá upphafi.
Það er freistandi að gera þessari
sýningu mun nánari skil en þar sem
hún stendur einungis yfír í vikutíma,
er það vonlaust verk, ef skrifið á
að birtast áður en sýningunni lýkur
— auk þess vissi ég ekkert um að
sýningin væri væntanleg, svo að hún
kemur flatt upp á mig og undirbún-
ingurinn því enginn.
En sjón er sögu ríkari og ættu
sem flestir að líta inn í húsakynni
Mirale á Engjateigi 9, þar sem sýn-
ingin er til húsa fram til 27. febrúar.
Utsölustaðir:
Ingólfsapótek, Kringlunni.
Stella, Bankastræti 3.
Brá, Laugavegi 74.
Snyrtistofan, Rauðarárstíg 27.
Lilja, Grenigrund 7, Akranesi.
Kaupf. Skagfirðinga, Skagfirðingabúð.
Kaupf. Eyfirðinga, Akureyri.
Húsavíkurapótek, Húsavík.
Egilsstaðaapótek, Egilsstöðum.
Vestmannaeyjaapótek, Vestmannaeyjum.