Morgunblaðið - 23.03.1989, Blaðsíða 6

6 C MORGUNBLAÐIÐ, FIMMTUDAGUR 23. MARZ 1989
Tómas Zoega framkvæmdasljóri LR með Hkan af aðalsviðinu. Smiðir að störfum i hliðarsalnum inn af hringsviðinu.
Heimsókn í Borgarleikhúsið:
Framkvæmdum
miðar vel áfram
Æfingar hefjast í ágúst
FRAMKVÆMDUM við innivinnuna í Borgarleikhúsinu miðar vel
áfram og mun öllum stærstu verkunum verða lokið um mitt sum-
ar. Æfingar á fyrsta verkinu eiga að heQast þann 12. ágúst og
segir Tómas Zoega framkvæmdastjóri LR að allt útlit sé fyrir að
það standist. Fyrsta leiksýningin í húsinu er áformuð þann 21.
október.
Morgunblaðsmenn brugðu sér í
heimsókn í Borgarleikhúsið í vik-
unni til að fylgjast með fram-
kvæmdum og skoða húsið undir
leiðsögn Tómasar Zoega. Iðnaðar-
menn úr öllum atvinnugreinum
voru við vinnu, smiðir með svunt-
ur, logsuðumenn í brúnum vinnug-
öllum, rafvirkjar í bláum vinnug-
öllum, iðnverkamenn í rauðum
vinnugöllum, ljósamenn, hljóð-
menn og svo mætti lengi telja.
Tómas byrjar á því að fara með
okkur upp undir rjáfur hússins en
þaðan má horfa fjórar hæðir niður
á hringsviðið sem verður aðalsvið
hússins. Á þessum stað er loft-
ræsting hússins en hún samanst-
endur af 14 loftræstikerfum og
er vart þverfótað fyrir blikkstokk-
um af öllum stærðum og gerðum.
í rjáfrinu eru logsuðumenn að
störfum við að setja upp hið svo-
kallaða flugkerfi hússins. Flug-
kerfið stjórnar leikmynda-og ljósa-
búnaðinum sem notaður verður við
hverja sýningu og samanstendur
af 50 rám sem þessi búnaður
hangir í. Kerfið er vökvadrifið og
vélknúið og getur einn maður
stjómað því frá þar til gerðu
stjómborði en áður fyrr þurfti
helst einn mann á hverja rá. Ef
vélbúnaðurinn bilar er hægt að
handstýra kerfinu. Tómas segir
að vart séu til í heiminum full-
komnari kerfi en þetta.
Á hringsviðið sjálft, fjórum
hæðum neðar, er verið að setja
gólfplöturnar. Sviðið er hannað
með það fyrir augum að nálægð
þess við áhorfendur sé sem mest.
Því skilur aðeins lítið steypuhaft
það frá fremstu áhorfendabekkj-
unum.
Fullkomnar eldvarnir
Tómas leggur mikla áherslu á
öryggisþáttinn í hönnun og bygg-
ingu hússins. Þannig er mjög fUll-
komið eldvamarkerfi til staðar í
húsinu. Vatnskælt bárujárnstjald
hangir milli aðalsviðsins og áhorf-
endasalarins. Fullkomið vatnsúða-
kerfi er í öllu húsinu og allar hurð-
ir úr eldtrausum efnum, svo og
aðrar innréttingar í húsinu.
Húsaskipan eftir hæðum er
þannig að í kjallara hússins er
vélbúnaðurinn undir hringsviðinu
en fjórar vélar munu knýja það.
Þama er einnig að fínna m.a.
geymslur, aðstöðu hljóðfæraleik-
ara en 56 slíkir rúmast fyrir í
hljóðfæragryfjunni undir sviðinu,
leikmunagerð og aðrar vinnustof-
ur.
" Á fyrstu hæðinni er sjálft hring-
Morgunblaðið/Júlíus
Horft niður á hringsviðið af fimmtu hæð. Til hægri er tjaldið sem skilur sviðið frá áhorfendabekkjunum.

Unnið við uppsetningu á flugkerfi hússins.
sviðið og aðaláhorfendasalurinn
sem rúmar 570 manns. Loftið yfir
sviðinu nær sem fyrr segir alveg
upp á fimmtu hæð húsins. Á fyrstu
hæðinni er einnig að finna skrif-
stofur LR og búningsherbergi leik-
ara. Til hliðar við hringsviðið inn
af anddyrinu er „Litla sviðið" sem
þegar hefur komist í fréttimar þar
sem beinar útsendingar á Heims-
bikarmótinu í skák voru sendar
þaðan. Áhorfendabekkir „Litla
sviðsins" rúma 200-270 manns.
Kringum hringsviðið eru svo við-
amiklir salir sem rúma hliðarsvið,
baksvið, málarasal og trésmíða-
verkstæði. Á fyrstu hæðinni er
einnig veitingasala.
Aðaláahorfendasalurinn nær
upp á aðra hæðina en þar er einn-
ig að finna fleiri búningsherbergi
Ieikara, fundaherbergi og bóka-
safn auk skrifstofu leikhússtjóra.
Á þriðju hæðinni er m.a. mötu-
neyti starfsfólks og þar er „þakið“
yfir Litla sviðinu til staðar með
ljósabrú og vinnubrú.
Á íjórðu hæðinni er æfingasalur
leikara og segir Tómas að í raun
sé ekkert því til fyrirstöðu að setja
upp leikrit þar til sýninga ef
ástæða þykir til. Á þessari hæð
eru einnig leikmunageymslur.
Tæknimenn komnir inn
Þótt framkvæmdum sé hvergi
nærri lokið við innivinnuna í hús-
inu er hluti af starfsfólki LR þeg-
ar byrjaður að koma sér fyrir þar.
Hljóðmenn og ljósamenn LR hafa
hafið störf, í fyrstu við að fylgjast
með og taka þátt í uppsetningu á
tæknibúnaðinum.
Tómas segir að alls séu við
vinnu í húsinu núna á milli 40 og
50 starfsmenn. Tæknibúnaðurinn
í öll kerfin í húsinu er kominn til
landsins, eða á leiðinni með skipi.
Eitthvað mun vera um að erlendir
starfskraftar komi til að annast
uppsetningu tækjabúnaðarins en
að öðru leyti er allt í húsinu íslensk
hönnun eða íslensk framleiðsla.
„Miðað við stöðuna í dag og
hvemig verkinu miðar áfram er
ég bjartsýnn á að við munum
standast áætlun hvað varðar
fyrstu sýninguna í húsinu," segir
Tómas Zoega.