Morgunblaðið - 19.05.1989, Page 21

MORGUNBLAÐIÐ FÖSTUDAGUR 19. MAÍ 1989
21
Walesa íBelgíu
Reuter
Lech Walesa, leiðtogi Samstöðu, óháðu verkalýðsfélaganna í Pól-
landi, kom á miðvikudag til Belgíu, þar sem hann mun dvelja í
tvo daga í boði Alþjóðasamtaka frjálsra verkalýðsfélaga, sem eru
með aðsetur í Brussel. Walesa ræddi við Wilfred Martens, forsæt-
isráðherra Belgíu, sem er til hægri á myndinni. „Við vitum að
þið tilheyrið þeim hluta Evrópu, sem er ef til vill lengra á veg
kominn, og þess vegna leitum við til ykkar til að læra af reynslu
ykkar,“ sagði Walesa meðal annars við komuna.
Thatcher andvíg fé-
lagslegum sáttmála EB
London. Reuter.
MARGARET Thatcher, forsætisráðherra Bretlands, sagði í gær í við-
tali við breska dagblaðið Daily Mail að það yrði mikið reiðarslag fyrir
evrópskan iðnað ef tillögur framkvæmdastjórnar Evrópubandalagsins
um félagslegan sáttmála bandalagsins næðu fram að ganga. Hún sagð-
ist myndu beita öllum tiltækum ráðum, þar með talið neitunarvaldi, til
að hindra að tillögurnar yrðu að Iögum.
Vasso Papandreou, sem fer með
félagsmál í framkvæmdastjórn EB,
sagði að tillögumar miðuðu að því
að vemda 320 milljónir íbúa EB-
landanna gegn neikvæðum áhrifum
þess að allar viðskiptahömlur falla
niður milli aðildarlandanna 1992.
Með sáttmálanum, sem fram-
kvæmdastjóm EB kynnti í Brussel á
miðvikudag, yrði ferða- og búsetu-
frelsi verkamanna aðildarríkjanna
tryggt og í honum er jafnframt kveð-
ið á um þátttöku launþega í stjóm
fyrirtækja, viðunandi laun, réttindi
aldraðra, jafnrétti kynjanna, rétt til
félagslegrar' þjónustu og til að vera
í verkalýðsfélagi.
„Afleiðingarnar yrðu þær að
rekstrarkostnaður fyrirtækja ykist
gríðarlega og evrópskur iðnaður
hætti að vera samkeppnisfær viðjap-1
anskan, bandarískan eða suður-
kóreskan iðnað,“ sagði Thatcher.
„Þá yrði ekki hjá því komist að reisa
hina hæstu tollmúra og þar með yrði
' martröð mín að veruleika," bætti hún
við.
Hún líkti þeim hluta tillagnanna
sem kveða á um að launþegar sitji
í stjómum fyrirtækja við marxisma
og sagði að sín hugmynd um þátt-
töku launþega í stjómun fyrirtækja
væri að gera þá að meðeigendum.
Fyrsta umræða hinna 12 ráðherra
aðildarríkjanna um sáttmálann fer
fram 12. júní næstkomandi.
Recruit-hneykslið:
Vilja fórna þingmennsku
í þágu flokksforystunnar
Tókíó. Reuter.
Stjórnarandstöðuþingmenn í
Japan féllust á það í gær að Yasu-
hiro Nakasone, fyrrverandi for-
sætisráðherra Japans, þyrfti að-
eins að bera vitni fyrir neðri
deild japanska þingsins um hlut-
deild sína í Recruit-málinu,
mesta sljómmálahneyksli í Jap-
an eftir síðari heimsstyijöld.
Reuter
Takao Fujinami, fyrrum ráð-
herra í ríkisstjóm Yasuhiros
Nakasone, á leið til skrifstofu
ríkissaksóknara í Tókió í gær.
Þá var yfirheyrslum yfír honum
haldið ádram annan daginn í röð
vegna meintrar aðildar hans að
Recruit-hneykslismálinu.
Áður hafði stjórnarandstaðan
krafist þess að Nakasone bæri
vitni fyrir báðum deildum þings-
ins og hefur sú deila tafið þing-
störf og hindrað framgang Qár-
lagafrumvarps ríkisstjómarinn-
ar.
Þá lýstu Noboru Takeshita, sitj-
andi forsætisráðherra, og Nakasone
þvi jrfir að þeir væru reiðubúnir að
segja af sér þingmennsku ef það
mætti verða til þess að flokksfélagi
þeirra í Frjálslynda demókrata-
flokknum, Mayaoshi Ito, tæki við
af Takeshita sem forsætisráðherra
landsins. Takeshita lýsti því yfír 25.
apríl s.l. að hann myndi segja af
sér embættinu vegna tengsla sinna
við Recruit-málið. Ito hefur sagt
að hann taki ekki við af Takeshita
nema gerðar verði gagngerar breyt-
ingar innan flokksins og að allir
þingmenn hans sem viðriðnir eru
Recruit-málið segi af sér þing-
mennsku.
Junya Yano, formaður næst-
stærsta stjórnarandstöðuflokksins,
Khomeito, og Takao Fujinami, fyrr-
um ráðherra Fijálslynda demó-
krataflokksins, sögðu sig báðir úr
flokkum sínum á miðvikudag. Yano
varð uppvís að því að þiggja hluta-
bréf frá raftækjaverksmiðju og
Fujinami ákvað að segja sig úr
flokknum vegna tengsla við Rec-
ruit-málið.
27 ára gamall hægri-öfgamaður
var handtekinn á heimili sínu í
Tókíó í gær með skammbyssu og
skotfæri undir höndum. Honum var
gefið að sök að hafa ætlað að ráða
Nakasone af dögum fyrir þátt hans
í hneykslinu.
V estur-Þýskaland:
Einkavæða
flugumferð-
arstjórnina
Bonn. Reuter.
FRIEDRICH Zimmermann, sam-
göngumálaráðherra Vestur-
Þýskalands, skýrði frá því í gær
að ríkisstjóra landsins hefði sam-
þykkt að stefha beri að því að
einkavæða vestur-þýsku flugum-
ferðarþjónustuna á næstu þremur
til fimm árum.
Auking flugumferðar er orðið að-
kallandi vandamál við vestur-þýska
flugvelli, sem eru þeir fjölförnustu í
Evrópu, samkvæmt opinberum upp-
lýsingum.
„Sveigjanleiki í starfsmannahaldi
og á fjárfestingarsviði flugumferðar-
stjómarinnar er ekki nægur til að
mæta síaukinni flugumferð," sagði
Zimmermann á blaðamannafundi.
EINSTOK
UPPSKRIFT
AÐ GÓLFEFNI
Bretland:
BBC í flárkröggum
London. Reuter.
TALSMAÐUR BBC World
Service, . Heimsþjónustu BBC,
sagði í gær að hætta væri á því
að útvarpútsendingar fyrirtækis-
ins á 37 tungumálum legðust niður
vegna síhækkandi kostnaðar
nema gripið yrði í taumana með
hærri fjárframlögum.
Hann sagði að erfiðleikar blöstu
við Heimsþjónustunni vegna fyrir-
séðra launahækkana á þessu ári og
gripið hefði verið til þess ráðs að
fækka útsendingum frá Samveldis-
leikunum á Nýja Sjálandi á næsta
ári og hætta við áform um að breyta
formi þáttarins Newshour.
Fjárskorturinn hefur einnig áhrif
á fyrirhugaða fjölgun útsendinga á
rússnesku og kínversku.
Heimsþjónustan, sem nær til 120
milljón hlustenda hvarvetna í heimin-
um, er fjármögnuð af breska utanrík-
isráðuneytinu. Þriggja ára fjárhagsá-
ætlun, sem lögð var fram 1987, var
byggð verðbólguspá þar sem gert var
ráð fyrir að árleg verðbólga yrði í
kringum 5% en í dag er verðbólga á
Bretlandi um 8%.
Takið línolíu og blandið með trésagi. Bætið leir og krít til
mýkingar og korkberki til að auka hlýleikann og fjaður-
magnið. Litið með náttúrulegum litarkornum og þurrkið í
allt að einn mánuð. Útkoman verður óviðjafnanlegt nátt-
úrulegt gólfefni, LINOLEUM. Efni á heimili, skrifstofur og
stofnanir. Endingargott og auðvelt í þrifum. Litirnir hafa
aldrei verið jafn margir og fallegir.
SENDUM BÆKLINGA OG SÝNISHORNABÆKUR
Dúkaland
Grensásvegi 13,105 Rvík, simar 83577 og 83430
GLEYMDI
ÉG
AÐ
BORGA
RAFMAGNIÐ?
RAFMAGNS-
REIKNINGINN
HAFA
FORGANG!
RAFMAGNSVEITA
REYKJAVÍKUR
SUÐURLANDSBRAUT 34 SlMI 68 62 22
ARGUS/SlA