Morgunblaðið - 01.12.1989, Page 17

MORGUNBLAÐIÐ FOSTUDAGiUR 1. DESEMBER 1989
17
Ákvörðun um samein-
ingu AB og Stuðla hf.
ALMENNA bókafélagið og Stuðlar hf. boða félagsmenn sína og hlut-
hafa saman til furular síðdegis í dag til að taka ákvörðun um, hvort
sameina eigi félögin í eitt félag, Almenna bókafélagið hf. Einnig
liggja fyrir tillögur um að stórauka hlutafé í hinu nýja sameinaða
félagi í allt að 140 milljónir króna.
Sameining félaganna tveggja
hefur verið lengi á döfinni að sögn
Björns Bjarnasonar, stjórnarfor-
manns Almenna bókafélagsins. Fél-
ögin tvö AB og Stuðlar hf. voru
stofnuð á árinu 1955. Bókafélagið
hefur síðan stundað umfangsmikla
bókaútgáfu auk þess sem það á og
rekur Bókaverslun Sigfúsar Ey-
mundssonar, sem starfar nú á fjór-
um stöðum í Reykjavík. Megin-
hlutverk Stuðla hf. hefur frá upp-
hafi verið að tryggja ijárhagslegan
grundvöll AB og á félagið húseign-
ina að Austurstræti 18. Því var
hreyft þegar árið 1975 að sameina
ætti félögin en verulegur skriður
komst á málið fyrir tveimur árum.
Björn Bjarnason segir, að meg-
intilgangurinn með sameiningunni
sé sá að bregðast við nýjum aðstæð-
um í fjármála- og viðskiptalífi. Það
þyki ekki henta lengur að reka jafn
umsvifamikið fyrirtæki eins og AB
sem sjálfseignarstofnun. Þá sé það
vilji forráðamanna félagsins að
halda upphaflegu merki um sem
víðtækasta aðild almennings að fél-
aginu á loft. í upphafi hafi menn
gerst félagar í AB, síðan hafi verið
stofnað til bókaklúbbs sem nái til
tug þúsunda manna og nú sé ætlun-
in að bjóða hlutabréf í félaginu til
sölu á almennum markaði, enda
hafi aðstæður verið að skapast til
þess á undanförnum misserum eins
og aukin hlutabréfasala til almenn-
ings sýni.
Ævifélagar Almenna bókafél-
agsins og hluthafar í Stuðlum hf.
hittast í dag, 1. desember, klukkan
15 í Átthagasal Hótel Sögu til að
taka ákvarðanir um framtíð félag-
anna.
Nínu veitt verðlaun
í París fyrir málverk
NÍNU Gautadóttur, myndlistar-
konu, var nýlega veitt viðurkenn-
ing í París fyrir málverk, sem
hún sýnir á ljstsýningu i boði
borgarinnar. Á sýningunni eru
um 100 verk, eftir konur frá
ýmsum Evrópulöndum.
Árlega er haldin sýning í einu
Evrópulandanna, þar sem eingöngu
konum er boðin þátttaka. Nína hélt
einkasýningu í galleríi í París í fyrra
og þá var henni boðið að taka þátt
í þessari sýningu. Sýningin er í
ráðhúsi 4. hverfis, við hlið borgar-
ráðhússins og stendur til morgun-
dagsins.
„Þátttakendur nú eru um eitt
hundrað og sýnir hver eitt verk,“
sagði Nína Gautadóttir, þegar
Morgunblaðið hafði tal af henni í
París í gær. „Á sýningunni, sem
hófst 16. nóvember, eru flest verkin
málverk, en að auki eru skúlptúrar,
vefnaður og grafík. Við opnunina
tilkynnti sérstök dómnefnd, að tvö
málverk, tveir skúlptúrar, eitt
grafíkverk og eitt veflistarverk
fengju sérstaka viðurkenningu og
málverk mitt, Rok og rigning, var
í þeim hópi.“
Þremur dögum síðar fór Nína í
mótttöku í ráðhúsi Parísar, þar sem
henni var afhentur verðlaunapen-
Nína Gautadóttir.
ingur og heiðursskjal, undirritað af
Jacques Chirac, borgarstjóra.
Nína hefur verið búsett í París í
nokkur ár. Hún heldur sýningu hér
á landi á Kjai’valsstöðum í júlí á
næsta ári.
Andvari kominn ut
ANDVARI, tímarit Hins íslenska þjóðvinafélags og Bókaútgáfu Menn-
ingarsjóðs, er kominn út. Þetta er 114. árgangur ritsins, en hinn 31.
í nýjum flokki. Ritstjóri er Gunnar Stefánsson.
Aðalgrein Andvara að þessu sinni
er æviágrip Þorbjörns Sigurgeirs-
sonar, prófessors, skráð af Páli
Theodórssyni, eðlisfræðingi. Sveinn
Skorri Höskuldsson skrifar um
Gunnar Gunnarsson og Sigfús
Daðason um Þórberg Þórðarson og
nýútgefin rit með æskuskrifum
hans. Gunnar Kristjánsson á grein
sem heitir „Prestar á vogarskálum"
og fjallar um nýjar ævisögur presta.
Eftir Ástráð Eysteinsson er ítarleg
grein um þýðingar fyrr og nú, „Af
annarlegum tungum". Tvær grein-
ar um ljóðlist eru í ritinu: Gunnar
Stefánsson skrifar í tilefni af
síðustu bók Jóhanns Hjálmarssonar
og Eysteinn Þorvaldsson um Þor-
stein skáld Valdimarsson.
Þá eru greinar sögulegs efnis:
Einar Pálsson á greinina „Krúna í
Kantaraborg“, þar sem athuguð er
grein eftir Barða Guðmundsson um
Njálu. Eysteinn Sigurðsson gerir
athugasemd við umsögn Þóris
Óskarssonar um bók Eysteins um
Bólu-Hjálmar. Þá er birtur fyrirlest-
ur eftir Benedikt S. Benedikz um
Guðbrand Vigfússon, málfræðing í
Oxford, og Siguijón Guðjónsson á
grein um Sálmabókina 1886. Þórar-
inn Þórarinsson skrifar um Jónas
frá Hriflu og sköpunarár Fram-
sóknarflokksins, athugasemd við
grein Helga Skúla Kjartanssonar
um það efni í ritinu fyrir tveimur
árum. Loks er ítarleg grein eftir
Hannes Jónsson um íslenska hlut-
leysisstefnu, mótun hennar, inntak
og endalok.
Ljóð eru í Andvara eftir Gylfa
Gröndal, Hjört Pálsson, Berglind
Gunnarsdóttur og Þórunni Valdi-
marsdóttur. Ritið er 244 blaðsíður.
Prenthúsið prentaði.
Hjá öðrum heitir það tilboð.
Hjá okkur er það sjálfsagður hlutur.
Hærri staðgreiðsluafsláttur, afborgunarkjör
og jólaafsláttur á öll viðskipti
umfram fimmtíu þúsund krónur.
Stofu- og herbergjateppið-
„Quartet" gólfteppið hefur 5 ára slitþols-,
litheldnis- og blettaábyrgð. í hverjum
fermetra eru 630 gr af garni.
Fæst í góðu litaúrvali.
VERÐ AÐEINS KR. 1.598,- fermetrinn.
_________Gólfdúkurinn,_______________
„Ornament Life“ er eini gólfdúkurinn með
„Scotchgard" óhreinindavörninni sem
auðveldar öll þrif. Fæst í 3ja metra
breidd. Óþarfi að líma.
VERÐ AÐEINS KR. 1.262,- fermetrinn.
___________Stöku teppin,______________
Gífurlegt úrval af stökum teppum í mörgum
gerðum og stærðum. Sem dæmi má nefna
„Onyx“ úr 100% ull í stærðinni 60x120 sm.
VERÐ AÐEINS KR. 3.345,- stk.
_____________Parketið,________________
Eigum nú mikið úrval af parketi. Sem dæmi
má nefna „Merbau“ parketið frá Þýskalandi.
VERÐ AÐEINS KR. 3.796,- fermetrinn.
Stigahúsateppi.
„Clarion" er þrautreynt teppi á stigahús í
mörgum skemmtilegum litum með 5 ára
slitþolsábyrgð. Auðvelt í þrifum,
jafnvel með klór.
VERÐ AÐEINS KR. 1.397,- fermetrinn.
Þetta eru nokkur dæmi um fjölbreytnina í
gólfefnum sem stendur þér til boða á
einstaklega hagstæðu verði.
HÆRRI
STABGREIDSLUAFSLÁrrm
Til að sem flestir geti notfært sér þessi
hagstæðu kaup í gólfefnum fyrir jól, munum
við bjóða hærri staðgreiðsluafslátt en
almennt þekkist í slíkum viðskiptum.
AEBQRGUnarkjör
Kjósir þú frekar afborgunarkjör, getur þú
notfært þér afborgunarsamninga Visa,
Eurocard og Samkorta.
JÓLAGJÖFIN OKKAR,
Jólagjöf okkar tijþín er viðbótarafsláttur af
öllum viðskiptum fyrir hærri upphæð en
50.000,- krónur. Þessi afsláttur er óháður
greiðslukjörum.
Teppaland • Dúkalánd
Grensásvegi 13, sími 83577, Reykjavík.