Morgunblaðið - 01.12.1989, Qupperneq 36

36
danskur>
l úrbeinaöur
hamborgar
hryggur
J 1.350
' Hamborgar
hryggur
ni/bein1 * * * * * * *
r 9U5
lcr. kg*
kr. kg-
i
í
\
á
Reykt .
svínalœrt
fr95l‘rM'
Bayonne skinka
$90«*»
London
lamb
899
Icr. ^9
0angikjöt
Uert
ygOw*9
jrampartuT
),7 5
KJÖT
EROKKAR
SÉRGREIN
KONFEKT
MARKAÐUR
Glœslbæ
2> 68 5168
R
MOkdUNBLAÐIÐ FÖSTUDÁGUR 1. DESEMBER 1989
Minninff:
Margrét Sigurðar
dóttir frá Skamm-
beinsstöðum
Fædd 25. febrúar 1903
Dáin 23. nóvember 1989
I dag, 1. desember, fer fram frá
Fossvogskirkju útför Margrétar
Sigurðardóttur frá Skammbeins-
stöðum í' Holtum í Rangárvalla-
sýslu. Margrét var ömmusystir mín.
Þegar ég var lítil stelpa átti ég
því láni að fagna að fara í sveit til
frænku minnar. Hélt hún heimili á
Skammbeinsstöðum með Sigurði
bróður sínum. Dvöl mín fyrir austan
á Skammbeinsstöðum varð alls 10
sumur. Margar góðar minningar
eru tengdar þeim tíma og tengdist
ég Möggu þá sterkum vináttubönd-
um þótt aldursmunur milli okkar
væri meiri en hálf öld. Magga var
mér góð vinkona og var ávallt boð-
in og búin að hugga eða gleðja
aðra ef á því þyrfti að halda. Ekki
síður átti hún einnig gott með að
gleðjast. Um áratugaskeið átti
Magga við vanheilsu að stríða sem
var liðagigt og dvaldi hún af þeim
ástæðum á Reykjalundi í Mosfells-
sveit hátt á annan áratug til dauða-
dags. Eftir því sem árin liðu versn-
aði Möggu af liðagigtinni og var
hún síðasta áratuginn alveg bundin
við hjólastól. Þrátt fyrir erfið'veik-
indi var Magga glaðlynd kona og
hugprúð. Þakklát var hún fyrir þá
einstaklega góðu aðstoð og hjálp
sem hún fékk frá starfsfólki
Reykjalundar. Alltaf fannst mér
ánægjulegt að heimsækja hana og
eftir að ég eignaðist drengina
gladdist hún við að horfa á leik
þeirra. Nú hefur Magga frænka
kvatt jarðvist vora og hafði hún oft
haft orð á því hin síðustu ár að hún
yrði hvíldinni fegin. Margrét Sig-
urðardóttir er gengin til feðra sinna.
Mér þótti vænt um hana og kynni
mín af henni voru mér dýrmæt. Ég
bið henni blessunar í guðsfriði.
Dagmar Elín Sigurðardóttir
Sjá nóttin er á enda,
nú árdagsgeislar senda
um löndin Ijós og yl.
I nafni náðar þinnar
ég nú til iðju minnar,
minn Guð, að nýju ganga vil.
(H. Hálfd.)
Margrét Sigurðardóttir var fædd
í Götu í Holtum, 25. febrúar 1903.
Elsta dóttir hjónanna Guðríðar Þor-
steinsdóttur frá Holtsmúla í Land-
sveit og Sigurðar Jakobssonar frá
Neðra-Seli í sömu sveit. Börn þeirra
hjóna voru sjö: Margrét, Agústa,
Dagmar, Elísabet, Elínborg, Lára
og Sigurður. Elísabet er látin fyrir
fáum árum. í Götu fæddust tvær
elstu systurnar. Þá flutti Qölskyldan
að Skammbeinsstöðum í sömu sveit.
Föður sinn missti Margrét þegar
hún var átta ára. Þá voru systurnar
fæddar, en sonurinn fæddist litlu
síðar. Erfitt hefur hlutverk ekkj-
unnar verið að standa ein með sjö
ung börn. Þá voru ekki barnabæt-
ur, né neinir styrkir til hjálpar.
Heimilinu var haldið saman og
börnin fengu að njóta móður sinnar.
Síðar eignaðist Guðríður son, Guð-
mund Arnason. Þá var þar alinn
upp Benedikt Björnsson.
Magga frænka, eins og við sögð-
um gjarnan, hefur því alist upp við
alla algenga sveitavinnu. Eftir að
hún komst upp fór hún til
Reykjavíkur í vinnu. En hennar
starfssvið var á Skammbeinsstöð-
um, þar átti hún sitt lögheimili til
æviloka.
Eftir að móðir hennar lést, árið
1941, hélt hún heimili með Sigurði
og Guðmundi, bræðrum sínum.
Síðar þegar Guðmundur giftist voru
þau ein, Sigurður og Margrét.
Magga frænka eignaðist ekki börn,
en mörg börn dvöldust sumarlangt
á Skammbeinsstöðum. Þá var
barnaskóli Holtahrepps þar í nokkra
vetur. Magga var félagslynd og
starfaði hún um árabil í kvenfélag-
inu Einingu í Holtum.
Hún var heilsugóð framan af
ævi, en sl. 20-30 ár hefur hún ver-
ið haldin erfiðum sjúkdómi, sem
ágerðist eftir því sem árin liðu. Tvö
ár dvaldi hún hjá systur sinni, Elín-
borgu, og manni hennar, Bjarna
Jóhannssyni, Árbakka, Landsveit.
Mörg hin síðari ár hefur hún dval-
ist á Reykjalundi og notið þar ein-
stakrar aðhlynningar.
Þegar Magga varð 80 ára var
haldin stór veisla. Þá var boðinn
salur á Reykjalundi, en þangað fjöl-
menntu systkini og þeirra afkom-
endur. Bað hún um að ekki væri'
komið með gjafir, en borðin svign-
uðu undan veislukosti sem gestir
höfðu með sér. Allir gerðu sér glað-
an dag, en glöðust allra var Magga
í sínum hjólastól. Vil ég þakka
starfsfólki Reykjalundar, hversu vel
það reyndist frænku minni öll þessi
ár, og bið Guð að blessa störf þeirra.
Utför hennar verður gerð frá
Fossvogskapellu, 1. desember Til
hinstu hvíldar verður hún lögð í
Gufuneskirkjugarði, að hennar eig-
in ósk.
Oss héðan klukkur kalla,
svo kallar Guð oss alla
til sín úr heimi hér.
Þá söfnuð hans vér sjáum
og saman vera fáum
í húsi því, sem eilíft er.
(Vald Briem.)
Hvíli hún í friði.
Guðríður Bjarnadóttir
Móðursystir mín, Margrét frá
Skammbeinsstöðum í Holtum, lést
á Reykjalundi fimmtudaginn 23.
nóvember sl., 86 ára að aldri.
Margrét fæddist í Götu í Holta-
hreppi 25. febrúar 1903 og var elst
sytkina sinna. Bjó hún í vesturbæn-
um á Skammbeinsstöðum ásamt
bróður sínum Sigurði, eins og lengi
og _hún hafði heilsu til.
Ég, og eldri systir mín, áttum
því láni að fagna að fá að vera í
sveit hjá þeim systkinum, og vera
undir þeirra verndarvæng öll ungl-
ingsárin okkar .á sumrin. Magga
var eins og önnur mamma okkar
alla tíð. Margs er að minnast frá
þessum árum, og eru þau ógleym-
anleg.
Hún var með liðagigt og hafði
þjáðst af þeim sjúkdómi lengi. Fór
liðagigtin illa með hana, en alltaf
hélt hún ró sinni og glaðværð.
Dvaldi hún á Reykjalundi í Mos-
fellssveit hin síðari ár. Kom hún
þar fyrst í ágústmánuði 1969, en
dvaldi stutt í það skiptið. Starfs-
fólkið á Reykjalundi sýndi henni
mikinn hlýhug og átti hún aldrei
nógu sterk lýsingarorð fyrir þá
umönnun sem hún hlaut hjá starfs-
fólkinu. Ég vil hérmeð. bera því
þakklæti. Við systkini mín og fjöl-
skyldur kveðjum Möggu með sökn-
uði, þó við vitum að þessa hvíld
hafði hún þráð lengi, lengi. En það
er alltaf sárt að sjá á eftir þeim sem
manni þykir vænt um.
Sigurður Tómasson
____________Brids________________
ArnórRagnarsson
Reykjavíkurmót í
tvímenningi
Lokið er undankeppni Reykjavíkur-
móts í tvímenningi. Spilaðar voru þrjár
lotur um 23 laus sæti í úrslitum. Fyrsta
kvöldið tryggðu átta pör sér strax sæti
í úrslitum:
Guðlaugur R. Jóhannsson — Örn Arnþórsson
Ólafur Lárusson — Hermann Lánisson
Ásmundur Pálsson — Guðmundur Pétursson
Sveinn K. Kiríksson — Steingrímur G. Pétureson
Sævai' Þorbjörnsson — Karl Sigui-hjailai,son
Sverrir Ármannsson — Helgi Jónsson
Sigurður Vilhjálmsson — Valur Sigurðsson
Matthías Þorvaldsson — Aðalsteinn Jörgensen
Annað kvöldið tryggðu eftirtaiin pör
sér sæti í úrslitum:
Hörður Arnþói-sson — Símon Símonarson
Svavar Björnsson — Jón Ingi Bjömsson
Björn Kystcinsson— Guðm. Sv. Hennannsson
Ragnar Magnússon - Rúnar Magnússon
Bernharð Bogason — Viðar ólafsson
Guðjón Bragason — Daði Bjömsson
Sigtiyggur Sigurðsson — Bragi Hauksson
Júlíus Snorrason — Sigurður Siguijónsson
Þriðja kvöidið var spilað um sjö laus
sæti og þau hrepptu:
HrAlfur Hjallason — Ásgeir Ásbjörnssun
Gestur Jónsson — Sigfús Örn Árnason
Sigmundur Stefánsson — Hallgrímur Hallgrímsson
Páíl Valdimai*sson — Magnús Ólafsson
Steinberg Ríkhai*ðsson - Ríkliarðui- Steinbergsson
Kiríkur Hjallason — Páll Hjaltason
Hjálmar Pálsson — Jömndur Þórðai-son
Alls eru þetta 23 pör og Reykjavikur-
meistarar fyrra árs, þeir Sigurður B.
Þorstéinsson og Gylfí Baldursson,
verða 24. parið í úrslitum sem verða
spiluð um næstu helgi. Spilamennskan
hefst á laugardag 2. desember kl. 13.00
og spilað er í húsi Bridssambands Is-
lands, Sigtúni 9.
Philip Morris-
tvímenningur
Hinn árlegi Philip Morris-tvímenn-
ingur var spilaður sl. föstudagskvöld,
23. nóvember. Einungis mættu 11 pör
til keppni sem verður að teljast, mjög
léleg þátttaka því þetta form er eitt-
hvert það skemmtilegasta sem spilað
er eftir í dag. Úrslit urðu eftirfarandi:
N-S-riðilI Stig %
Einar Jónsson — Valgarð Blöndal 1299 54,1
Sigurður Þorsteinsson — Gylfi Baldursson 1210 50,4
Steingrímur G. Pétursson — Hjálmtýr Baldursson 1210 50,4
A-V-riðill Hörður Arnþói-sson — Símon Símonarson- 1356 56,5
Hjalti Elíasson — Jón Ásbjörnsson 1326 55,3
Frímann Frímannsson —Jón Björnsson 1282 53,4
Júlíus Snorrason — Sigurður Siguijónss. 1257 52,4
Bridsfélag HaftiarQarðar
SI. mánudagskvöld, 27. nóvember,
voru spilaðar tvær umferðir í sveita-
keppni félagsins. Staðan eftir sex um-
ferðir er eftirfarandi:
Sveit Drafnar Guðmundsdóttur 122
Sveil Alberts Þoi-steinssonar 103
Sveil Kristófers Magnússonar 99
SveitSverrisJónssonar 98
Sveit Ingvars Ingvarssoar 96
Frá Bridssambandi
Norðurlands
Dregið hefur verið í fyrstu umferð
Bikarkeppni Bridssambands Norður-
lands og í 1. umferð mætast:
Slefán Vilhjáimsson, Ak.
— Gylfi Pálsson, Eyjafirði
Tengiliðir, Akureyri
— Ásgrímur Sigurbjörnsson, Siglufirði
Þorsteinn Friðriksson, Ak.
— Stefán Benediktsson, Fljótum
Leikjum í 1. umferð á að vera lokið
fyrir 15. desember.
í annarri umferð mætast:
Bjöm Fríðriksson, Blönduósi
— Krislján Guðmundsson, Akureyri
Hermann Tómasson, Akureyri
— Þorsteinn Fr./Slefán Benediktss.
Ingibergur Guðmundsson, Skagaströnd
- Stefán Vilhj./Gylfi Pálsson
Dagur Akureyri
— Guðlaugur Bessason, Húsavík
Gunnar Berg, Akureyri
— Örn Einarsson, Akureyri
Guðmundur H. Sigui’ðsson, Húsavík
- Ormar Snæbjörnsson, Akureyri
Te ngil iði r/ Ásgrímu r S igu rbj.
— Grettir Frímannsson, Akureyri
Jóhann Pálsson, Akureyri
— Jón Berndsen, Sauðárki-óki
Leikjum í 2. umferð á að vera lokið
fyrir 1. janúar 1990.
Minning:
OscarLarsen fv. ræðis-
maður íAlasundi
I dag, 1. desember, verður til
moldar borinn í Álasundi í Noregi
Oscar Larsen, framkvæmdastjóri
og fyrrum ræðismaður Islands.
Hann andaðist 23. nóvember eftir
stutta sjúkdómslegu, áttatíu ára að
aldri.
Þegar Oscar Larsen baðst lausn-
ar frá ræðismannsstarfinu 1986,
hafði hann verið ræðismaður ís-
lands í Álasundi síðan 1949, eða
lengur en nokkur annar af kjörræð-
ismönnum Islands í Noregi. Ungur
að árum tók hann við stjórn fiskút-
flutningsfyrirtækis þess, sem faðir
hans hafði rekið, og stýrði því áfram
af dugnaði, festu og forsjálni.
Oscar Larsen var mikill átthaga-
vinur og tók virkan þátt í málefnum
bæjarfélagsins. Einkum var honum
annt um að varðveita hinn sérstæða
svip og sögulegar menjar Álasunds.
Hann var fjársjóður af fróðleik um
byggðarlagið og íbúa þess, og kunni
ógrynni af sögum og skrýtlum.
Frásagnargáfa hans var orðlögð,
og eru margar af sögum hans varð-
veittar á segulbandi í byggðasafni
bæjarins. Hann var gleðimaður
mikill, hafði yndi af tónlist, einkum
kórsöng, og var söngmaður góður
og söng bassa í karlakór staðarins,
Heibergs Mandskor. Hann var á
æfingu með kórnum tveimur vikum
áður en hann dó, og lék þá við
hvern sinn fingur.
Eins og að líkum lætur var Oscar
Larsen mikill íslandsvinur og lét
sér annt um sambandið við Island,
og þá sér í lagi vinabæinn Akur-
eyri. Hann átti og dijúgan þátt í
því að koma upp talsverðu safni af
íslenskum bókum í bókasafni Ála-
sunds.
Oscar Larsen var gjörvilegur
ásýndum og var glæsileik þeirra
hjóna beggja viðbrugðið. Voru þau
höfðingjar heim að sækja, og marg-
ir eru þeir íslendingar sem notið
hafa gestrisni þeirra og hjálpfýsi.
Oscar Larsen var sæmdur stór-
riddarakrossi Hinnar íslensku
fáikaorðu, í viðurkenningarskyni
fyrir margvísleg og óséiplægin
störf í þágu íslands.
Ég kynntist Oscari Larsen fyrir
fjörutíu árum er ég starfaði í sendi-
ráði íslands í Osló. Frá þeim tíma
geymi ég minningar um drengskap,
heiðarleika, hlýja vináttu og traust
samstarf. Fyrir það samstarf þakka
ég nú með þessum línum.
Frú Hildu, ekkju hans, dætrum
þeirra hjóna og barnabörnum vott-
um við hjónin fyllstu samúð.
Haraldur Kröyer