Morgunblaðið - 25.01.1990, Blaðsíða 4

4
MORGUNBLAÐIÐ FIMMTUDAGUR 25. JANÚAR 1990
Galli í þremur nýjum tog-
urum smíðuðum í Noregi
Skipasmíðastöðin byrjuð að lagfæra eitt skipanna
UPP hefur komið galli í frágangi í lestum togaranna Björgvins EA
og Snæfugls SU, en lestir þeirra eru ýmist notaðar fyrir ísfísk eða
frystar afurðir. Þá hefur komið í ljós að stálplötur við stefni Bessa
ÍS eru ekki jafn þykkar og þær áttu að vera og hafa þær því
dældazt. Öll þessi skip eru ný, smíðuð í Flekkefirði í Noregi og telst
skipasmíðastöðin að öllum líkindum bótaskyld nema víkja þurfí frá
upphaflegri hönnun til að koma í veg fyrir gallana.
Vélasalan hér í Reykjavík hefur
umboð fyrir skipasmíðastöðina í
Flekkefirði. Gunnar Friðriksson,
forstjóri, vildi lítið tjá sig um þetta
mál, en sagði að nú væri unnið að
viðgerð á Snæfugli og ekki yrði
vitað hvemig.til tæki st fyrr en því
lyki. Hins vegar yrði allt gert sem
hægt væri til að leysa þessi mál á
farsælan hátt.
í ljós hefur komið, að settar hafa
verið þynnri stálplötur í byrðing
Bessa ÍS frá Súðavík við stefni en
tekið var fram í smíðasamningi.
Áttu þar að vera 12 millimetra
þykkar plötur en eru 7 millimetra.
Vegna þessa hafa plötumar gengið
inn að böndum að hluta, dældazt
verulega. Ákveðið er að skipta um
plöturnar hér heima, þegar skipið
þarf í slipp til viðhalds. Kostnaður
vegna þessa er óljós, en ekki er
farið að ræða mögulega bóta-
greiðslu Norðmanna.
Togararnir Björgvin frá Dalvík
og Snæfugl frá Reyðarfirði era
systurskip, hönnuð bæði til ísfisk-
veiða og frystingar um borð. Þegar
skipin hafa verið að ísfiskveiðum,
hefur komið í ljós að lestin lekur
og vatn hefur komizt í einangran
undir henni. Vatnið úldnar þar og
verður lestin ónothæf vegna fýlu. I
fyrra var lestargólfið í Björgvin
brotið upp, skipt um einangran og
steypt í það aftur. Einnig var þétt-
ing á samskeytum í lestinni betram-
bætt. Nú hefur komið í Ijós að þessi
viðgerð hefur ekki dugað fyllilega
því rakavottur hefur fundizt í ein-
angruninni að nýju. Með framhaldið
er beðið þar til viðgerð á Snæfugli
lýkur að sögn Valdimars Bragason-
ar, útgerðarstjóra Útgerðarfélags
Dalvíkur hf., sem gerir Björgvin út.
Hallgrímur Jónasson, útgerðar-
maður Snæfugls, sagði, að þegar
skipið hefði skipt yfir í ísfiskveiðar
úr frystingunni, hefði komið í Ijós
mikið vatn í einangrun. Þetta væri
augljóslega smíðagalli, þar sem
lestin héldi ekki vatni og því væri
skipasmíðastöðin ábyrg hvað beinar
lagfæringar varðaði. Hins vegar
þyrfti útgerðin sjálf að standa und-
ir kostnaði við siglingu til og frá
Noregi og sjá um laun 7 skipvetja
meðan á þessu stæði, en það væri
lágmarksfjöldi til að sigla skipi af
þessari stærð yfir úthafið. Viðgerð
hefði hafizt 8 janúar og átt að
standa í hálfan mánuði, en verkinu
hefði seinkað. Síðan væri bara að
sjá hvort viðgerðin dygði.
VEÐUR
Morgunblaðið/Sverrir
Grafíð á Arnarneshæð
Undirbúningur fyrir að steypa upp brúarstöpla á Amarneshæð er
nú langt kominn og verður bytjað að steypa um helgina. Ráðgert er
að sjálf brúin verði tilbúin næsta sumar. Lokið er að steypa svo-
nefnd bergakkeri í vestanverðu gilinu og sprengjuvinnu er að mestu
lokið. Þó er eftir að sprengja fyrir niðurfölium og lögnum. Stórvirk-
ar vinnuvélar hafa að jafnaði verið á vinnusvæðinu, tvö bortæki, fímm
gröfur og jafnmargir flutningavagnar. Verkið hefur gengið sam-
kvæmt áætlun, og að sögn verkstjóra á vinnusvæðinu, ræður þar
mestu hagstætt veður í vetur.
Kópavogshæli:
4 starfemenn játa fjár-
drátt á fé vistmanna
VEÐURHORFUR í DAG, 25. JANÚAR.
YFIRLIT í GÆR: Skammt vestur af Vatnajökli er 950 mb lægð sem
þokast suður og síðan austur en yfir norðvestanverðu Grænlandi
er 1018 mb hæð. í nótt fer að kólna í veðri, fyrst norðvestantil.
SPÁ: Hvöss norðan- og norðaustanátt um allt land, að mestu úr-
komulaust sunnan- og suðaustanlands, en annars staðar él.
VEÐURHORFUR NÆSTU DAGA:
HORFUR Á FÖSTUDAG OG LAUGARDAG: Allhvöss norðan- og
norðaustanátt á landinu öllu, víða él vestan- og norðanlands, en
að mestu úrkomulaust annars staðar. Frost 5-7 stig.
TÁKN:
Heiðskírt
x Norðan, 4 vinastig:
' Vindörín sýnir vind-
stefnu og fjaðrirnar
vindstyrk, heil flöður
er 2 vindstig.
Léttskýjað
Hálfskýjað
Alskýjað
r r r~
r r r r Rigning
/ / /
* / *
/ * / * Slydda
/ * /
* * *
* * * * Snjókoma
* * *
■j 0 Hitastig:
10 gráður á Celsius
Skúrir
*
V El
— Þoka
= Þokumóða
», ’ Súld
OO Mistur
4
K
Skafrenningur
Þrumuveður
VEÐUR VÍÐA UM HEIM
kl. 12:00 í gær að ísl. tíma
hiti veður
Akureyri 1 rigning
Reykjavik 2 úrkoma
Bergen 1 skýjað
Helsinki 2 rigning
Kaupmannah. 2 skúr
Narssarssuaq +18 léttskýjað
Nuuk +15 léttskýjað
Osló 1 hálfskýjað
Stokkhólmur vantar
Þórshöfn 3 slydduél
Algarve 16 skýjað
Amsterdam 6 skúr
Barcelona 14 léttskýjað
Berlín 7 úrkoma
Chicago 2 léttskýjað
Feneyjar 4 þokumóða
Frankfurt 8 skýjað
Glasgow 1 slydduél
Hamborg 6 skýjað
Las Patmas 18 skýjað
London 7 léttskýjað
Los Angeles 10 heiðskirt
Lúxemborg 6 skýjað
Madríd 5 þoka
Malaga 17 skýjað
Mallorca 16 hálfskýjað
Montreal 0 snjókoma
New York 7 alskýjað
Orlando 16 heiðskírt
París 8 skúr
Róm 14 hálfskýjað
Vín 2 þokumóða
Washington 8 alskýjað
Winnipcg 13 skafrenningur
ATHUGUN Ríkisendurskoðunar hefúr leitt í ljós að fjórir fyrrum
starfsmenn Kópavogshælis, gjaldkeri og þrír deildarþroskaþjálfar,
hafa dregið sér á þriðju milljón króna, frá 30 þúsundum til 1,5 milljón-
ar króna, af fé sem vistmenn fá greitt frá Tryggingastofhun ríkisins
en er í vörslu starfsmanna hælisins.
Uppvíst varð um málið eftir að
gjaldkerinn lét af störfum í byijun
nóvembermánaðar. Hann játaði fyrir
ríkisendurskoðun að hafa dregið sér
1,5 milljónir króna af peningum vist-
mannanna. Athugun Ríkisendur-
skoðunar náði einnig til annarra
starfsmanna hælisins sem höfðu á
hendi sjóðsvörslu og gengust þrír
deildarþroskaþjálfar við fjárdrætti,
frá 30 þúsund krónum til 650 þús-
und króna. Þeir hafa látið af störfum
hjá Kópavogshæli. Samkvæmt heim-
ildum Morgunblaðsins hefur einn
starfsmannanna fyrrverandi, endur-
greitt það fé, nokkra tugi þúsunda,
sem hann dró sér.
í fréttatilkynningu sem stjórnar-
nefnd Ríkisspítala hefur sent frá sér
vegna þessa máls segir að nú þegar
hafi verið gerðar ráðstafanir þannig
að vistmenn muni ekki bera fjár-
hagslegt tjón af málum þessum.
Jafnfram sé verið að herða allt eftir-
lit með vasapeningum vistmanna til
að koma í veg fyrir slík atvik í fram-
tíðinni. Málum á hendur starfsmönn-
unum hefur verið vísað til RLR.
Grindavík:
Sparkaði í kvið
11 ára stúlku
Arásarmannsins leitað
RÁÐIST var á 11 ára stúlku á Ægisgötu í Grindavík um klukk-
an ellefu á þriðjudagsmorgun og sparkað í kvið henni. Eftir
skoðun á sjúkrahúsi fékk stúlkan að fara heim. Hún þekkti
ekki árásarmanninn, sem réðst að henni þegar hún beygði sig
eftir blaði sem hún missti í götuna, en gat gefið allgóða lýsingu
á honum og telur hann vera 17-18 ára. Eftir árásina lá stúlkan
ósjállbjarga af kvölum nokkra stund en komst síðan af sjálfs-
dáðum á vinnustað fóður síns. Þá var árásarmaðurinn á bak
og burt og var ófundinn í gærkvöldi þrátt fyrir víðtæka leit en
ábendingar hafa borist um ferðir hans.
Stúlkan var að koma úr skóla
og var á gangi eftir Ægisgötu á
leið til föður síns í vinnuna.
Skammt frá húsi Vörubílastöðv-
arinnar veitti hún athygli ungum
manni, svarthærðum, klæddum
svörtum leðuijakka og leðurbux-
um, sem hún telur að sé 17-18
ára. Hún hélt áfram för sinni en
missti skömmu síðar blað úr
höndum sér. Hún beygði sig eft-
ir blaðinu og var að rísa upp
þegar hún sá að maður þessi stóð
yfir henni. Hann sparkaði af afli
í kvið henni og sagði: „Ég á eft-
ir að hitta þig aftur.“ Meðan
stúlkan engdist af kvölum í göt-
unni gekk maðurinn burt í hægð-
um sínum. Hún sá á eftir honum
austur Hafnargötu og suður
Mánagötu í átt að höfninni.
Stúlkunni tókst að liðnum nokkr-
um mínútum að rísa á fætur og
komast til föður síns. Þaðan var
farið með hana til læknis sem
sendi hana á sjúkrahúsið í
Kefiavík til frekari skoðunar.
Stúlkan var marin eftir spark
árásarmannsins en fékk að fara
heim að lokinni skoðun á sjúkra-
húsinu.
Lögreglunni í Grindavík var
tilkynnt um árásina um klukku-
stund eftir að hún átti sér stað.
Allt tiltækt lögreglulið var kallað
út en leit bar ekki árangur. Að
sögn Sigurðar Ágústssonar aðal-
varðstjóra hefur lögreglunni bo-
rist ábending um að skömmu
síðar þennan dag hafi sést til
manns sem kemur heim og sam-
an við lýsingu stúlkunnar á árás-
armanninum. Hann var þá við
verslunarmiðstöð í bænum,
stöðvaði gamlan rauðan Volvo-
fólksbíl og fékk með honum far.
Þeir sem veitt gætu nánari upp-
lýsingar um ferðir manns þessa
eru beðnir að hafa samband við
lögreglu. Stúlkan sem ráðist var
á er innfæddur Grindvíkingur og
kannaðist ekki við að hafa séð
piltinn áður.