Morgunblaðið - 25.01.1990, Blaðsíða 21

MORGUNBLAÐIÐ FIMMTUDAGUR 25. JANUAR 1990
21
Hótel Borg 60 ára:
Unnið er að
endurbótum á
sölum Hótel
Borgar.
Afinælistilboð#
á hverjum degi
HÓTEL Borg opnaði fyrir 60 árum, nánar tiltekið 19.
janúar 1930. Hótelið minnist tímamótanna með af-
mælistilboði á hverjum degi. Til stóð að Borgin hætti
rekstri um síðustu áramót, en nýr sex mánaða leigu-
samningur með 45 daga uppsagnarfresti hefur verið
gerður við Ólaf Laufdal, núverandi leigutaka, og hefiir
þegar verið ráðist í ýmsar endurbætur.
Að sögn Ölafs Reynissonar, hót-
elstjóra, er óvíst hvað Hótel Borg
verður lengi við líði í núverandi
mynd. „Samt sem áður ætlum við
að setja fullan kraft í endurbætur
og reksturinn, þannig að hótelið
standi með sóma, þar til það fell-
ur. Við ætlum að samræma Borg-
ina meira þeim rekstri, sem þar fer
fram, og leggja áherslu á þjónustu
við matargesti,“ sagði Ólafur.
Sérstakt afmælistilboð verður á
réttum dagsins alla daga og boðið
verður upp á afmæliskaffihlaðborð,
en stefnt er að því að gera staðinn
aðlaðandi fyrir matargesti. Starfs-
fólki fyrirtækja í miðbænum verður
gefinn kostur á að kaupa sérstakt
10 miða matarkort, þar sem þriggja
rétta máltíð verður á innan við
1.000 krónur. Borgarkráin verður
flutt út í enda, svo matargestir
hafi frið í gyllta salnum til mið-
nættis, en boðið verður upp á nýjan
matseðil um helgar með ýmsum
þjóðarréttum.
Á kvöldin, frá fimmtudegi til
sunnudags, er fyrirhugðuð fjöl-
breytt dagskrá og má þar nefna
tónleikahald, ræðukeppni, brand-
arakeppni, dansleiki, Fegurðars-
amkeppni Reykjavíkur, vörusýn-
ingar fyrir viðskiptamenn, Gala-
kvöld að hætti ársins 1930, franskt
jasskvöld með tríói frá Frakklandi
og ljóðalestur.
í anddyri hótelsins hefur verið
opnuð aðstaða, þar sem listamenn
geta sýnt verk sín sér að kostnaðar-
lausu og 60 daga afmælistilboð er
fyrir næturgesti.
„Sú stefna hefur verið tekin að
fá nýtt fólk og nýtt blóð og fá
snúninginn upp með því móti,“
sagði Ölafur.
„ Var haftiað af
uppstillinganefiid“
- segir Ingólfur Falsson
Keflavík
ELLERT Eiríksson sveitarsljóri í Gerðahreppi og varaþingmaður Sjálf-
stæðisflokksins í Reykjaneskjördæmi verður nýr oddviti Sjálfstæðis-
flokksins í komandi bæjararstjórnarkosningum í Keflavík og skipar
þar efsta sætið á framboðslista flokksins. Hann tekur við forystuhlut-
verkinu af Ingólfi Falssyni sem verið hefur bæjarfulltrúi í Keflavík í
16 ár en er nú ekki í framboði.
Ingólfur Falsson sagði í samtali
við Morgunblaðið að uppstillingar-
nefnd flokksins í Keflavík hefði
hafnað sér. Ingólfur sagði að upp-
stillingarnefndin hefði hafið störf um
miðjan september og ekkert sam-
band hefði verið haft við sig fyrr en
um miðjan janúar þegar honum hefði
verið boðið heiðurssætið, en hann
hefði ekki þegið það boð. Ingólfur
sagðist ekki tjá sig nánar um málið.
Ellert sagði í samtali við Morgun-
blaðið að framhaldið hjá sér tengdist
gengi Sjálfstæðisfiokksins í komandi
kosningum. Þó væri ljóst að hann
myndi hætta sem sveitarstjóri í
Gerðahreppi í sumar.„Ég hef nú
starfað í Garðinum síðan 1982 eða
tvö kjörtímabil og eignast þar marga
vini. Þetta hefur verið góður tími,
ég hef átt sérlega ánægjulegt sam-
starf við hreppssnefndar og sveitar-
stjórnarmenn - og ekki hvað síst
bæjarbúa sjálfa sem eru ákaflega
framtakssamir," sagði Ellert Eiríks-
son. BB
Hlutafélag um flarvinnu-
stofii á Hvammstanga
TIL stendur að stofna hlutafélag á Hvammstanga um ijarvinnustofu
þar sem starfrækt verður hverskonar útgáfustarfsemi, ritvinnsla og
skyld verkefni. Ákveðið hefur verið að fyrirtækið heiti Orðtak-flar-
vinnslustofa. Ráðgert er að hlutafé fyrirtækisins, sem verður stofnað
1. mars næstkomandi, verði þrjár milljónir króna, að sögn Steingríms
Steinþórssonar, eins af forsvarsmönnum fyrirtækisins.
Steingrímur sagði að hugmyndin
væri fengin frá Svíþjóð þar sem
nokkur slík fyrirtæki starfi. Ætlunin
með þessu væri að bæta úr atvinnu-
ástandi á Hvammstanga og innleiða
þar önnur störf en láglaunastörf.
„Starfsemin mun tengjast tölvu-
og gagnavinnslu. Við getum annast
prófarkalestur og umbrot og gengið
frá texta til prentunar. Takmark
okkar er að safna þremur milljónum
í hlutafé og setja fyrirtækið á stofn
án nokkurrar lántöku. Við þurfum
ekki að ijárfesta i öllum tækjum
strax en við höfum sent útboð vegna
tölva sem við þúrfum að kaupa og
við vonumst til að geta keypt öll
nauðsynlegustu tækin í þremur
áföngum," sagði Steingrímur.
Til að bytja með verður einn
starfsmaður í hálfu starfi hjá fyrir-
tækinu og mun hann vinna að því
afla fyrirtækinu verkefna.
ÚTSALA ÚTSALA ÚTSALA ÚTSALA ÚTSALA ÚTSALA ÚTSALA
ÚTSALA ÚTSALA ÚTSALA ÚTSALA ÚTSALA ÚTSALA ÚTSALA