Morgunblaðið - 25.01.1990, Blaðsíða 13

MORGUNBLAÐIÐ FIMMTUDA.GUR: 25C JANÚAR]I9D0i
í skóla hjá Messí-
asi flugmanni
Bókmenntir
Jóhann Hjálmarsson
Richard Bach: ÍMYNDIR. Nýr
Messías kemur svífandi af himn-
um á flugvél. Páll Ingólfsson
íslenskaði. Fjölvaútgáfan 1989.
Richard Bach er ekki ókunnugt
nafn. Þessi fyrrverandi orustuflug-
maður hlaut heimsfrægð fyrir bók
sína um Jónatan Livingston Máv
sem kom út hér á landi 1973 í
þýðingu Hjartar Pálssonar.
ímyndir er skyld saga, en ekki
eins ljóðræn og stendur hinni mjög
að baki. Jónatan Livingston Mávur
er saga um lífið og tilveruna þar
sem höfundurinn glímir við tilvist-
arvandann og veltir fyrir sér leið-
inni til fullkomnunar. Báðar skáld-
sögurnar fjalla um þroska og
viskulærdóm og eru í dæmisagn-
astíl.
Viðfangsefni líkt og þessi hafa
lengi tíðkast í skáldskap, ekki síst
þar sem guðspekin hefur hljóm-
grunn. Hér heima munu auðfundn-
ir áhugasamir lesendur slíkra
verka og í Bandaríkjunum, heimal-
andi Richards Bachs, eru þeir fjöl-
mennir.
Við erum leidd til fundar við tvo
útsýnisflugmenn á gömlum
tvíþekjum sem fljúga með farþega
fyrir vægt gjald yfir gresjur mið-
fýlkja Bandaríkjanna. Annar er
höfundur skáldsögunnar, hinn
sjálfur Messías. Sögumaður fær
leiðsögn hjá Messíasi og er alltaf
að reyna eitthvað nýtt. Hann
kemst fljótlega að því að ekki er
allt sem sýnist. Greinilega hefur
hann kynnst alvöru Messíasi.
Til þess að ná þroska er sífellt
flett upp í Handbók Messíasar,
spakmælabók sem sögumaður fær
í hendur. Þar er m. a: þetta að
finna:
„Skilaboð til allra manna./ Alla
atburði lífs þíns/ hefur borið fyrir
vegna þess/ að þú hefur laðað þá
til þín.“
Og í framhaldi: „Það er undir
þér sjálfum komið/ hvað þú kýst/
að gera við þá.“
Við ferðumst semsagt fram og
aftur í tíma, skiljum og hittumst
aftur eftir andartak eða mörg
æviskeið. Við erum alltaf að læra
og eigum okkur hlutverk. Við
sjáum ekki nema smáblett af þeirri
heild sem lífið er. Þessi heimur er
tóm ímyndun, allt aðeins skynvilla.
Enginn gerir það sem hann ekki
langar til að gera.
Imyndir eru hugleiðingar og
þankar í formi frásagna og dæmi-
sagna, laglega orðaðar sumar
hveijar, en vekja ekki sérstaka
athygli undirritaðs, m.a. vegna
þess að margt er kunnuglegt og
úr ýmsum áttum, eins konar hrist-
ingur ólíkustu hugmynda og kenn-
inga.
Lífsspeki væri reyndar réttast
að kalla bókina.
Það háir íslenskri gerð bókar-
innar að þýðingin er ónákvæm og
þrátt fyrir góða spretti og vilja til
að gera vel tekst það ekki sem
skyldi. Prófarkir hefði þurft að lesa
mun betur.

Ljóðabók
effcir Böðvar
Guðmundsson
Hjá bókaútgáfunni Iðunni er
komin út ný ljóðabók eftir Böðvar
Guðmundsson, sem löngu er orð-
inn kunnur fyrir Ijóð sín og lög.
Hann er nú búsettur erlendis og
hin nýja ljóðabók, Heimsókn á
heimaslóð, er ljóðaflokkur um ís-
landsferð þar sem skáldið gerir á
persónulegan hátt upp við land og
sögu, leitar róta sinna og finnur þrátt
fyrir það að „allt getur brugðið til
beggja vona/enginn veit stund-
ina/þegar veturinn bytjar" eins og
segir í einu ljóðanna.
Þeir sem kynnst hafa ljóðum Böð-
vars Guðmundssonar kannast við
tvíeggjaðar lýsingar hans á mannlíf-
inu og umhverfi sínu, ofnar úr hlýju
og kaldhæðni í samfelldan þráð, þar
sem lífsháskinn er þó aldrei fjarri
líki manns „á bleikum bíl“.
(FVcttatilkynning)
ÁRSHÁTÍÐ - ÞORRABLÓT - AFMÆLI
Á RV-Markaðnum Réttarhálsi 2 færð þú öll
áhöld til veislunnar s.s diska, diskamoítur,
glös, glasamottur, hnífapör, servéttur, kerti,
dúka o.m.fl.
Nú geta allir komið á RV-Markaðinn og
verslað rekstrar og hreinlætisvörur á mjög
hagstæðu verði.
Réttartiálsi2 -HOR.vik - Simar31956-685554
RENAULT EXPRESS
flytur virðisaukann í veltuna!

Renault Express er hreinræktaður vinnuhestur og toil-
afgreiddur sem slíkur. Því fæst VSK af innkaupsverði og
rekstrarkostnaði frádreginn sem innskattur sé bíllinn
notaður í virðisaukaskattskyldri starfsemi.
Renault Express er atvinnutæki sem skilar arði
Hann er sparneytinn og flytur heil 575 kg í 2,6
rúmmetra flutningsrými. Við ábyrgjumst
ryðvörnina í átta ár og bílinn sjálfan í
þrjú.
Framhjóladrifið, snerpuna og þæg-
indin fá allir Renault bílar í
vöggugjöf.
RENAULT
Bílaumbooiö hf
Krókhálsi 1, sími 686633, 130 Reykjavík.
FER A KOSTUM
ARGUS/SÍA