Morgunblaðið - 25.01.1990, Blaðsíða 41

MORGUNBLAÐIÐ FIMMTUDAGUR 25. JANUAR 1990
41
nefna aksturinn með mig þegar ég
korp í bæinn. Ekki gleymast heldur
skemmtiferðirnar. Ferðin norður að
Hólum á afmælishátíðina 1957 með
fimm stæðilegustu bændurna í
sveitinni sem farþega í litla bílnum.
Kynnisferðir um Vestfirði, ferð um
Kjöl og önnur um Fjallabaksleið og
norður Sprengisand þegar bíllinn
sat fastur í ánni.
Hátíðastundir urðu í Steinsholts-
bænum þegar Guðmundur hafði
ekið í hlaðið eftir langa og stranga
daga í leigubílaakstrinum. Þá var
glaumur og gleði og margt bar á
góma því að hann kunni vel að segja
frá því. sem borið hafði við. Svo var
lagið tekið.
Síðan kom áfallið og fólk varð
að horfa á þennan vængstýfða vin,
sem var svo fleygur í hugsun og
starfi.
Nú er farginu létt af. Margfaldar
þakkir.
Jón Eiríksson
í gær var ég sláttumaður
sveiflaði orfinu glaðlega.
Mér beit,
rekja.
Nokkrum skrefum framar í óslægjunni
stóð blómið.
Skjálfandi heyrði það sláttuhljóðið nálgast
taldi ljáförin þögult í angist sinni
eitt og eitt.
í dag er ég blóm.
(Kristján frá Djúpalæk.)
Eftir því sem árin iíða fjölgar
þeim samferðamönnum sem framúr
fara, verða á undan, hverfa. Kunn-
ingjahópurinn bak við tjaldið
stækkar. Þegar góður vinur kveður
þyrpast minningar liðinna daga
fram, sambland af trega og eftirsjá
eftir ónotuðum tækifærum til sam-
vista, allt sem átti að gera en verð-
ur aldrei gert.
í dag minnumst við manns sem
lifði lífinu lifandi meðan stætt var,
en varð að lúta fyrir óblíðum örlög-
um á tiltölulega góðum aldri, vera
allt í einu kippt út úr því samfélagi
sem hann hafði verið þátttakandi í
að skapa með dugnaði og framsýni.
Ég átti því láni að fagna að kynn-
ast fjölskyldunni í Barðavogi í gegn-
um minn mann og hans fjölskyldu,
þau kynni voru ljúf, þeir voru skóla-
bræður frá Laugarvatni, áttu báðir
ættir að rekja í Árnesþing, stund-
uðu sömu atvinnu, þeir áttu margt
sameiginlegt, þeir voru vinir, ég
erfði þá vináttu, margur hefur feng-
ið minna í arf.
Eins og flestir af hans kynslóð
mátti hann muna tímana tvenna,
það er ekki ofsögum sagt að hann
hafi fæðst á steinöld, lifað og þrosk-
ast til að sjá alla framfaradrauma
mannkyns verða að veruleika á
atómöld nútímans.
Guðmundur Magnússon brást við
öllum breytingum með opnum huga
og fagnandi, án þess að glata eða
kasta fyrir róða fornum hefðum
gestrisni og höfðingsskapar. Hann
notaði öll tækifæri til samfunda,
vina og fjölskylduböndin voru styrkt
og efld, veislur þeirra hjóna voru
víðfrægar fyrir rausn og hlýleika.
Guðmundur kunni vel að meta
lystisemdir lífsins, eðalvín glóandi
á skálum, fagrar konur, vakra hesta
og dýra bíla, söng og dans; glens
og gaman fylgdi honum og gerði
hann miðdepil hvers mannfagnaðar,
þannig man ég hann best.
Skólaganga hans var ekki löng,
engu að síður kunni hann vel að
meta gildi góðrar menntunar, hann
taldi það góða fjárfestingu og studdi
og hvatti þess vegna börn sín og
barnabörn á framabraut. En hann'
Guðmundur stóð ekki einn, hann
var vel kvæntur, hún Svava stóð
við hliðina á honum eins og klett-
ur, ekki síst hin síðari ár, þegar
hið langa stríð heilsuleysis tók við,
mikið var á hann lagt, en hún bar
sínar byrðar án æðruorða. Það var
vel v.ið hæfi að Guðmundur skyldi
kveðja þessa jarðvist í byijun þorra,
nú er hann genginn á vit forfeðra
sinna og vina í hið eilífa þorrablót,
eins og nafni hans á Glæsivöllum,
laus við hjólastól og allar viðjar.
Ég sendi ástvinum hans öllum
mínar innilegustu samúðarkveðjur,
og bið honum blessunar á ókunnum
leiðum.
Rósa Sveinbjarnardóttir
t
Eiginmaður minn, faðir okkar, tengdafaðir, afi og langafi,
ODDUR ÓLAFSSON
læknir,
Hamraborg,
Mosfellsbæ,
verður jarðsunginn frá Hallgrímskirkju fimmtudaginn 25. janúar
kl. 13.30. Þeim, sem vildu minnast hans, er bent á líknarfélög.
Ragnheiður Jóhannesdóttir,
Vífill Oddsson, Katrín Gústafsdóttir,
Ketill Oddsson, Hlín Árnadóttir,
Þengill Oddsson, Steinunn Guðmundsdóttir,
Óiafur Hergill Oddsson, Kristin Sigfúsdóttir,
Guðríður Steinunn Oddsdóttir, Þorsteinn Broddason,
Jóhannes Vandill Oddsson, Þóra A. Sigmundsdóttir,
barnabörn og barnabarnabörn.
Lokað í dag vegna jarðarfarar ODDS ÓLAFSSONAR.
Skrifstofur og vinnustofur
Öryrkjabandalags íslands.
+
Eiginmaður minn, faðir okkar, tengdafaðir og afi,
JÓN KRISTMUNDSSON,
Bauganesi 44,
sem lést 19. janúar sl., verður jarðsunginn frá Dómkirkjunni föstu-
daginn 26. janúar kl. 10.30.
Guðlaug Magnúsdóttir,
börn, tengdabörn og barnabörn.
MMvægir Lh unktar varðandi
bílastæði í miðborginni:
Gífurlegt átak hefur verið gert í bílastæðamálum
borgarinnar. í miðborg Reykjavíkur hafa á tiltölu-
lega skömmum tíma vérið byggð og tekin í notkun
svokölluð bílastæðahús og einnig hefur almennum
bflastæðum verið fjölgað verulega. Ökumenn eru
hvattir til að kynna sér þessi mál.
Á kortinu hér að neðan má sjá greinilega merkta
punkta, sem sýna hvar í miðbænum er heist að
finna aðgengileg og örugg bílastæði.
Starfsfólk í miðborginni er eindregið hvatt til að
leggja bílum sínum fjær, þannig að viðskiptavinir
komist með hægara móti sem næst þeirri þjónustu
sem þeir þurfa að sækja.
Sérstaklega er bent á í þessu sambandi gjaldtöku-'
stæði merkt C og D og stæði merkt E og F, en í þau
er engin gjaldtaka.
Almennir stöðumælar í miðborginni eru 1200
talsins. Nýverið hefur hámarkstími á rúmlega 200
stöðumælum verið lengdur í 2 klukkustundir. Má
þar nefna stöðumæla við Túngötu, Kirkjutorg,
Kalkofnsveg, Ingólfsstræti norðan Hverfisgötu,
Vitastíg, Frakkastíg, Grettisgötu við BSRB og
Rauðarárstíg við Hótel Lind.
Hér að neðan eru leiðbeiningar um notkun á gjald-
tökubúnaði, sem tekinn hefur verið í notkun á
Bakkastæði og í bflastæðahúsum. Tekið er við
þremur myntstærðum, sem eru 5 krónur, 10 krónur
og 50 krónur og einnig er gefið til baka. Mánaðar-
kort fyrir alla staðina eru seld í varðskýli
Bakkastæðis.
Klippið út auglýsinguna og hafið meðferðis í bílnum
NOTKUN A G1ALDTÖKU BÚNAÐF.
1 Komið að bílastæðahúsi:
Ýtið á hnapp við innkeyrsluhliðið, takið
við miða og geymið!
A Bílastæðahús - Vesturgata 7 - 109 stæði
B Bílastæðahús - Bergstaðir - 153 stæði
C Bílastæðahús - Kolaport - 180 stæði
2. Bíllinn sóttur:
Gengið að miðaaflesara. Setjið miðann
í miðaraufina, uppsett gjald greitt, þú
færð miðann aftur. Þessi ferill gildir
jafnvel á þeim tímum dags og um
helgar, þegar ekki er gjaldtaka.
3 Ekið frá bílastæðahúsi:
Akið af stæði að útaksturshliði, setjið
miðann í miðaraufina, hliðið opnast.
D Opin bílastæði - Bakkastæði - 350 stæði
E Opin bílastæði - milli Sætúns og Skúlagötu - 150 stæði
F Opin bílastæði - milli Vatnsstígs og Frakkastígs - 150 stæði
Bílastæðasjóður Reykjavíkur
Umferðamefnd Reykjavíkur