Morgunblaðið - 20.03.1990, Blaðsíða 23
MORGUNBLAÐIÐ ÞRIÐJUDAGUR 20. MARZ 1990
23
Reuter
Ofurdýrum málverkum
ræntíBoston
Meðal listaverka sem stolið var úr safni í Boston í Bandaríkjunum
um helgina voru nokkrar myndir eftir Rembrandt. Ein þeirra var
myndin Kona og svartklæddur herramaður sem hér sést. Tveir menn
rændu listaverkunum úr einkasafni í Boston í Bandaríkjunum að-
faranótt sunnudags og er verðmæti þeirra talið nema hundruðum
milljóna dollara. Mennirnir villtu um fyrir öryggisvörðum með því
að klæðast sem lögregluþjónar. Þeir sögðust hafa fengið tilkynningu
um óspektir við safnið, bundu og kefluðu verðina sem gátu ekki
gert viðvart fyrr en á vaktaskiptunum kl. átta á sunnudagsmorgni.
Meðal verkanna eru fágæt meistaraverk málaralistarinnar og líklega
er þeirra frægast eina sjávarlífsmynd Rembrandts, Oveður á Genesar-
etvatni. Að auki hurfu verk eftir Vermeer, Degas og Manet.
Shas-flokkurinn í ísrael:
Shamir studdur
með skilyrðum
Jerúsalem. Reuter.
FORYSTU Shas-flokksins, lítils stjórnmálaflokks heittrúarmanna í
ísrael, hefúr snúist hugur og er hún nú reiðubúin að styðja ríkis-
stjórn Yitzhaks Shamirs forsætisráðherra úr Likudflokknum. Attu
þingmenn Shas-flokksins þátt í að samþykkt var vantraust á Shamir
í siðustu viku og setja nú það skilyrði fyrir stuðningi, að fallist verði
á tillögur Bandaríkjastjórnar um friðarviðræður við Palestínumenn
í Kairó.
Leiðtogar Shas-flokksins skýrðu
Chaim Herzog forseta frá þessu á
sunnudag og eru sinnaskipti þeirra
mikið áfall fyrir Shimon Peres, leið-
toga Verkamannaflokksins, en
hann og Shamir leita báðir eftir
stuðningi fjögurra smáflokka heit-
trúarmanna. Forysta Verkamanna-
flokksins virðist þó viss um, að
Shamir muni ekki ganga að skilyrð-
um Shas-flokksins um friðarvið-
ræður við Palestínumenn.
Ovadia Yosef rabbí og einn af
frammámönnum Shas-flokksins
sagði um helgina, að hefði ekki
komið fram vantrauststillaga á
Shamir og forsætisráðherrann því
fengið sitt fram, hefði hann getað
steypt þjóðinni út í stríð. Ef Sham-
ir hefði unnið atkvæðagreiðsluna
um vantraustið hefði hann tekið inn
í stjórnina öfgamenn, sem ekki eru
til tals um neinar viðræður. Yosef
hefur áður sagt, að rétt sé að af-
henda hernumið land til að komast
að friðarsamningum en Likudflokk-
urinn vill innlima allt land, sem ísra-
elar lögðu undir sig árið 1967.
Utanríkisráðherrar arabaríkj-
anna við Persaflóa og þriggja Evr-
ópubandalagsríkja, Bretiands,
Frakklands og írlands, hafa for-
dæmt landnám ísraela á Vestur-
bákkanum og Gazasvæðinu og
Jimmy Carter, fyrrum Bandaríkja-
forseti, sem nú er á ferð um Mið-
austurlönd, fór í gær hörðum orðum
um virðingarleysi Israela fyrir
mannréttindum Palestínumanna.
Carter kom til ísraels frá Sýrlandi
og flutti ísraelum þau boð Assads,
Sýrlandsforseta, að hann væri
reiðubúinn til viðræðna um sambúð
ríkjanna en að því tilskildu, að ísra-
elar féllust á alþjóðlega ráðstefnu
um frið í Miðausturlöndum.
Plostkassar
ogskúHur
Fyrir skrúfur, rær og aðra
smáhluti. Einnigvagnarog
verkfærastatíf. Hentugt á
verkstæðum og vörugeymslum.
Ávallt fyrirliggjandi.
Leitið upplýsinga.
UMBODS OG HEILDVERSLUN
BiLDSHÖFDA 16 SiMI 6724 44
RÖSE-ráðsteftia i Bonn:
Frjálst markaðskerfi verði
grundvöllur Evrópuviðskipta
— er tillaga fulltrúa Evrópubandalagsins
Bonn. Frá Kristófer M. Kristinssyni, fréttaritara Morgunblaðsins.
RÁÐSTEFNA um viðskipti og efiiahagssamvinnu í Evrópu hófst
í Bonn í gær. Að henni standa þau 35 ríki sem aðild hafa átt að
ráðstefhu um öryggi og samvinnu í Evrópu (ROSE). Ráðstefhuna
sitja rúmlega eitt þúsund fulltrúar frá ríkisstjórnum og úr við-
skiptalífi. Fyrir ráðstefhunni liggur tillaga að lokayfirlýsingu frá
aðildarríkjum Evrópubandalagsins (EB).
Öll ríki Evrópu nema Albanía
eiga fulltrúa á ráðstefnunni auk
Kanada og Bandaríkjanna. At-
hygli vekur að rúmlega helmingur
ráðstefnugesta er úr viðskiptalíf-
inu en góðar líkur eru taldar á að
þessar fjórar vikur í Bonn skapist
fjöldi ábatasamra sambanda á
milli fyrirtækja í austri og vestri.
Engir fulltrúar úr íslensku við-
skiptalífi hafa tilkynnt þátttöku.»
Ráðstefnan hefur vakið mikla
athygli fjölmiðla og samkvæmt
heimildum í Bonn fylgjast rúmlega
sex hundruð blaðamenn með ráð-
stefnuhaldinu. Tillaga EB sem
undanfarið hefur m.a. verið til
umfjöllunar á fundum aðildarríkja
Atlantshafsbandalagsins gerir ráð
fyrir róttækum breytingum á sam-
skiptum Evrópuríkja á sviði efna-
hags og viðskipta. í tillögunni er
gengið út frá því að grundvöllur
samskipta Evrópuríkja í framtíð-
inni verði frjálst markaðskerfi án
hindrana hvað varðar flutning á
fjármagni, vörum og fólki. Sam-
kvæmt tillögunni er stefnt að sömu
markmiðum innan Evrópu allrar
og gert er í viðræðum EB við
Fríverslunarsamtök Evrópu,
EFTA, um hið svokallaða evrópska
efnahagssvæði (EES).
Töluverður áhugi mun fyrir því
a.m.k. innan EB að ríkin í Mið-
og Austur-Evrópu taki þátt í
EES-samstarfinu í framtíðinni.
Ljóst er að tillaga EB gengur mjög
langt í þá átt að aflétta hvers
kyns hömlum af viðskiptalífinu og
skapa fyrirtækjum þau skilyrði
sem duga til að reisa efnahag
kommúnistaríkjanna fyrrverandi
úr rústum. Háttsettur embættis-
maður í Bonn sagði að óhugsandi
hefði verið að leggja fram tillögu
af þessu tagi fyrir ári. Ráðstefnan
stendur til 11. maí en síðustu dag-
ana sitja utanríkisráðherrar þátt-
tökuríkjanna hana. Á sama hátt
og á öðrum RÖSE-ráðstefnum
verða niðurstöðurnar að hljóta
samþykki allra þátttökuríkjanna.
Opinn fundur
Opinn fundur
ATVINNULÍF Á KROSSGÖTUH
Sjálfstæðisflokkurinn efnir til opins fundar um atvinnumál á Holiday
Inn miðvikudaginn 21. mars nk. kl. 16.30-19.00.
Málshefjendur:
Þorsteinn Pálsson,
formaður Sjálfstæðisflokksins,
Arnar Sigurmundsson, formaður
Samtaka fiskvinnslustöðva,
Þorsteinn Arnar
Haraldur Haraldsson, formaður
Félags íslenskra stórkaupmanna,
Víglundur Þorsteinsson, formaður
Félags íslenskra iðnrekenda.
Setning fundar:
Eggert Hauksson,
formaður iðnaðarnefndar.
Fundarstjóri:
María E. Ingvadóttir,
formaður viðskiptanefndar.
Haraldur Víglundur
. Eggert María
íslenskt atvinnulíf gengur nú í gegnum mikið breytingaskeið: Fjármagns-
kostnaður hefur stórhækkað - eigið fé fyrirtækja rýrnað - samdráttur
tekið við af miklu góðæri - gjaldþrotum stórfjölgað - fyrirtæki ganga
kaupum og sölum - vaxandi atvinnuleysi - brottflutningur fólks frá
landinu - erlend samkeppni harðnar. Á móti kemur: Lækkað raungengi
- hóflegir kjarasamningar - minni verðbólga - almenningur festir fé í
fyrirtækjarekstri - nýtt álver - ný fiskveiðstefna - Evrópumarkaðurinn
á bak við næsta leiti.
□ Hvernig vinnum við okkur út úr vandanum?
□ Hver er stefna Sjálfstæðisflokksins?
□ Hver eru viðhorf forystumanna í atvinnulífinu?
Fundurinn er öllum opinn. Allt áhugafólk um atvinnumál er hvatt
i
M
Atvinnumálanefndir Sjálfstæðisflokksins.