Morgunblaðið - 20.03.1990, Blaðsíða 24

24
MORGUNBLAÐIÐ ÞRIÐJUDAGUR 20. MARZ 1990
MORGUNBLAÐIÐ ÞRIÐJUDAGUR 20. MARZ 1990
25
9H**0ttnÞIafrt

Útgefandi
Framkvæmdastjóri
Ritstjórar
Aðstoðarritstjóri
Fulltrúar ritstjóra
Fréttastjórar
Auglýsingastjóri
Árvakur, Reykjavík
Haraldur Sveinsson.
Matthías Johannessen,
Styrmir Gunnarsson.
Björn Bjarnason.
Þorbjörn Guðmundsson,
Björn Jóhannsson,
Árni Jörgensen.
Freysteinn Jóhannsson,
Magnús Finnsson,
Sigtryggur Sigtryggsson,
Ágúst Ingi Jónsson.
Baldvin Jónsson.
Ritstjórn og skrifstofur: Aðalstræti 6, sími 691100. Auglýsingar:
Aðalstræti 6, sími 22480. Afgreiðsla: Kringlan 1, sími 83033. Áskrift-
argjald 1000 kr. á mánuði innanlands. í lausasölu 90 kr. eintakið.
Glæsilegxir sigur
í Austur-Þýskalandi
Helstu andstæðingar
kommúnista og sósía-
lista og jafnframt mestu tals-
menn skjótrar sameiningar
Austur- og Vestur-Þýska-
lands unnu glæsilegan sigur
í lýðræðislegum kosningum í
Austur-Þýskalandi á sunnu-
dag. Hverfa yrði allt aftur til
ársins 1932, ef ætlunin væri
að bera úrslitin nú saman við
síðustu lýðræðiskosningarnar
í þessum hluta Þýskalands.
Eftir það komust Adolf Hitler
og nasistar til valda, eftir
heimsstríðið tóku síðan Jósef
Stalín og kommúnistamir við
stjórnartaumunum.
Áður en alræðið ruddi lýð-
ræði á brott var Prússland,
það er austurhluti Þyska-
lands, kjörlendi fyrir jafnaðar-
menn og kommúnista. Bæði
með tilliti til þess og hvernig
jafnaðarmenn stóðu að vígi í
upphafi kosningabaráttunnar
í A-Þýskalandi var þeim spáð
sigri í kosningunum á sunnu-
dag. Fyrir fáeinum vikum var
haft á orði, að jafnaðarmenn
myndu hefla sigurgöngu sína
í A-Þýskalandi 18. mars og
ljúka henni í sameinuðu
Þýskalandi í þingkosningun-
um í V-Þýskalandi í desem-
ber. Voru uppi vangaveltur
um að Willy Brandt, heiðurs-
forseti jafnaðarmanna í A- og
V-Þýskalandi, yrði kallaður
af pólitískum eftirlaunum til
forystu í hinu sameinaða ríki.
Eftir því sem nær dró kjör-
degi var<j ljósara að fylgi
kristilegra lýðræðissinna,
flokksbræðra Helmuts Kohls,
kanslara V-Þýskalands, væri
að aukast. Kanslarinn var
sjálfur óragur við að láta að
sér kveða í kosningabarát-
tunni. Hann sótti ijöldafundi
í A-Þýskalandi og var ákaft
fagnað þegar hann boðaði
skýra og einfalda stefnu.
Hann hét A-Þjóðveijum að
styrkja þá fjárhagslega, hvatti
þá til að sameinast V-Þýska-
landi og hafnaði hugmyndum
um hlutlaust sameinað Þyska-
land. Skoðanabræður Kohls
unnu mikinn sigur í kosning-
unum og fengu hægrisinnuðu,
kristilegu samstarfsflokkarnir
48,1% atkvæða; 193 þing-
menn af 400.
Eins og í öðru ríki, Nic-
aragua, þar sem alræði
sandinista var nýlega hafnað
í almennum kosningum, kom
það þægilega á óvart í A-
Þýskalandi, hve góðan sigur
einörðustu andstæðingar
kommúnisma og sósíalisma
unnu. Bæði í Nicaragua og
A-Þýskalandi höfðu skoðan-
ankannanir gefið vísbendingu
um annað. Má draga þá álykt-
un, að í alræðisríkjum þori
fólk ekki að segja spyijendum
í könnunum hug sinn af ótta
við persónunjósnir?
Vestur-Þýskaland reis á
sínum tíma úr rústum styrj-
aldarinnar undir forystu
kristilegra demókrata og fóru
þeir Kondrad Adenauer og
Ludwig Erhard þar í broddi
fylkingar. Flokkur þeirra hef-
ur ætíð haft á stefnuskrá
sinni, að Þýskaland eigi að
sameinast í eitt ríki. Það hefði
orðið sögulegt áfall og mikill
hnekkir fyrir kristilega demó-
krata, ef þeim hefði ekki
vegnað vel í fyrstu frjálsu
kosningunum í Á-Þyskalandi.
Úrslitin voru afdráttarlaus:
sigurvegararnir hafna komm-
únisma og sósíalisma og vilja
skjóta sameiningu Þýska-
lands.
Atburðarásin hefur verið
ákaflega hröð i A-Þýskalandi
frá því að Berlínarmúrinn
hrundi undan þrýstingi fólks-
ins í byrjun nóvember. Kosn-
ingunum á sunnudag var flýtt,
einnig vegna þrýstings fólks-
ins, en að jafnaði flýja rúm-
lega 2.000 manns á degi
hverjum frá ríki kommúnista
vestur í lýðræðið. Helmut
Kohl hefur hvatt A-Þjóðverja
til að dveljast nú á heimaslóð-
um og taka þátt í markvissri
uppbyggingu eigin lands í
samvinnu við frændurna í
vestri. Lýðræðislegir stjórnar-
hættir, markaðsbúskapur og
haldgóður gjaldmiðill munu
enn sýna og sanna, að Berlín-
armúrinn var reistur til að
neyða fólk til búsetu undir
stjórn kommúnista. Kohl eyg-
ir tækifæri til að verða fyrsti
kanslari sameinaðs Þýska-
lands.
A-Þjóðveijar hafa tekið
sögulega ákvörðun í fijálsum
kosningum. Glæsilegur sigur
hefur unnist í gömlu baráttu-
máli lýðræðissinna.
URSLIT AUSTUR-Þ YSKU KOSNINGANNA
Kampavínið flóði á sig'ur-
hátíð kristílegra demókrata
Austur-Berlín. Frá Önnu Bjarnadóttur, fréttaritara Morgunblaðsins.
Umsjónarmaður kjörstaðar í
Potsdam í Austur-Berlín tók
starf sitt hátíðlega á sunnudag.
Hann sá til þess að ölium reglum
væri framfylgt út í ystu æsar.
Kjósendur urðu að merkja við
sinn flokk í kjörklefa, þar sem
enginn sá til, og stinga seðlinum
saman brotnum í kjörkassann.
Kjörklefinn var reyndar bara
trékassi sem stóð upp á rönd á
borði en þjónaði tilætluðum til-
gangi. Fólk mátti ekki vera með
læti og allur áróður var strang-
lega bannaður. Maðurinn var
einn af 220.000 starfsmönnum á
22.000 kjörstöðum í landinu. Þeir
báru ábyrgð á að fyrstu frjálsu
og lýðræðislegu kosningarnar í
Austur-Þýskalandi færu heiðar-
lega fram.
Reuter
Austur-Þjóöverjar í biöröö við kjörstað á sunnudag. í baksýn er Berlínarmúrinn og enn §ær sést varðturn.
Viðbrögð við niðurstöðum kosninganna í A-Þýskalandi:
Urslitín skilyrðislaus
krafa uni sameiningu
London, Bonn, Moskvu. Reuter.
HÆGRISINNAÐIR stjórnmálaleiðtogar á Vesturlöndum og mörg
dagblöð fognuðu í gær sigri kristilegra demókrata í fyrstu frjálsu
þingkosningunum í Austur-Þýskalandi í 57 ár og sögðu úrslitin sýna
skilyrðislausa kröfú kjósenda um sameinað Þýskaland og aðild þess
að Atlantshafsbandalaginu (NATO). Stuðningsmenn kommúnista og
sósíalista í Austur-Þýskalandi hvöttu til að hægt yrði farið í sakirnar
við sameininguna.
Sumir fréttaskýrendur sögðu að
fjárhagssjónarmið ein hefðu ráðið
ferðinni hjá austur-þýskum kjós-
endum. „Þeir kusu með maganum,"
sagði franska dagblaðið Liberation,
sem er vinstrisinnað.
Sovésk stjórnvöld ráðlögðu nýju
leiðtogunum í Austur-Þýskalandi
að flýta sér hægt í sameiningarmál-
unum og ítrekuðu þá skoðun sína
að sameinað Þýskaland gæti ekki
orðið aðili að NATO. „Við virðum
afstöðu austur-þýskra kjósenda,“
sagði Gennadíj Gerasímov, tfilsmað-
ur sovéska utanríkisráðuneytisins,
„en ætlumst jafnframt til þess að
nýir ráðamenn Austur-Þýskalands
taki tillit til skuldbindinga þess og
hagsmuna okkar.“
Bandarísk stjórnvöld sögðu kosn-
ingaúrslitin efla þá sem berðusl
fyrir sameinuðu Þýskalandi og aðild
þess að NATO. Margaret Thatcher,
forsætisráðherra Breta, sagði að
úrslitin væru mikill sigur fyrir Aust-
ur-Þýskaland og Evrópu. „Við árn-
um Austur-Þjóðveijum heilla og
óskum þeim velfarnaðar í framtíð-
inni,“ sagði hún.
Roland Dumas, utanríkisráð-
herra Frakka, sagði að kosningaúr-
slitin væru persónulegur sigur
Helmuts Kohls en gagnrýndi bar-
áttu kanslarans fyrir skjótri sam-
einingu.
Jacques Delors, forseti fram-
kvæmdanefndar Evrópubandalags-
ins, sagði að Vestur-Þjóðveijaryrðu
að ráðgast við vinaþjóðir sínar áður
en af sameiningunni yrði.
Kínverskir fjölmiðlar hafa ekki
minnst einu orði á kosningarnar í
Austur-Þýskalandi.
Kjörstaðir voru opnir milli klukk-
an 7 og 18 en nokkrir fengu að
opna klukkan fimm fyrir verkafólk
sem þurfti að fara á vakt. Biðraðir
mynduðust fyrir utan suma en yfir-
leitt dreifðist kjörsóknin vfir dag-
inn. 92% kjósenda greiddu atkvæði.
Ung hjón í Potsdam komu á kjör-
stað skömmu eftir hádegi. Þau
sögðust hafa ákveðið að koma þar
við á sunnudagsgöngunni í góðviðr-
inu. Hingað til höfðu þau orðið að
greiða atkvæði til að komast hjá
vandræðum, yfirleitt farið á kjör-
stað með starfsfélögum sínum og
stungið stuðningsseðlinum frá
gamla kommúnistaflokknum í kjör-
kassann. Þá var óþarfi að merkja
við á honum. Þau greiddu Kristilega
demókrataflokknum (CDU) at-
kvæði í þetta sinn eftir langa um-
hugsun. Þau sögðu að það myndi
koma landinu best. Þannig myndi
ijárhagsstuðningur berast sem
fyrst frá Bonn og samruni þýsku
ríkjanna ganga hraðast fyrir sig.
Mikill mannfjöldi var saman
kominn í miðborg Austur-Berlínar.
Fólk gekk um, skiptist á skoðunum
og beið úrslitanna af mikilli eftir-
væntingu. Fyrsta spáin kom um
kvöldmat. Hún dró niður í jafnaðar-
mönnum en þeir biðu afhroð í kosn-
ingunum. Gamla kommúnista-
flokknum (PDS) gekk hins vegar
mun betur en búist var við, hann
hlaut rúm 16% atkyæða.
Þeir sem kusu kommúnista sögðu
að Jafnaðarmannaflokkurinn (SPD)
hefði ekki hlotið meira fylgi vegna
þess að hann talaði ekki máli verka-
lýðsins í landinu. Þeir voru ánægðir
með fylgi síns flokks og sögðu að
hann yrði sterkt stjórnarandstöðu-
afl í Þýskalandi í framtíðinni. Hóp-
ur unglinga úr flokknum gekk um
kvöldið gi-afalvarlegur um borgina
með fána alþýðulýðveldisins og
minnti helst á Iíkfylgd.
Mikill mannfjöldi var á kosninga-
hátíð Sambands ’90, sem Nýr vett-
vangur á aðild að. Sambandið hlaut
tæp þijú prósent atkvæða og má
vel við una. En mest var kætin á
stjörnulaga skemmtistað þar sem
kristilegir demókratar héldu upp á
stórsigur sinn. Þar var skálað í
kampavíni og fólk hló, söng og
klappaði saman lófunum. Það fagn-
aði því að rúm 40% Þjóðveija höfðu
greitt atkvæði með velferð og frelsi
í landinu.
Reuter
Helmut Kohl, kanslari Vestur-Þýskalands og leiðtogi flokks kristi-
legra demókrata (CDU), sést hér brosleitur á blaðamannafundi á
sunnudag. Fyrstu kosningatölur í Austur-Þýskalandi gáfu þegar til
kynna hvað í vændum væri; stórsigur systurflokks kristilegra í al-
þýðulýðveldinu er senn samcinast V-Þýskalandi í eitt ríki.
Hátíðarstund í
lífi Þjóðverja
—segir Helmut Kohl kanslari
Bonn. Reuter.
URSLITIN í kosningunum í Austur-Þýskalandi eru mikil stuðnings-
yfirlýsing við Helmut Kohl, kanslara Vestur-Þýskalands, og hugmynd-
ir hans um sameiningu þýsku ríkjanna.
„Niðurstaðan er stórkostleg.
Þetta er hátíðarstund í lífi Þjóð-
veija,“ sagði Kohl þegar úrslit kosn-
inganna í Austur-Þýskalandi voru
kunn. Hann hafði sætt ámæli heima
fyrir og erlendis fyrir ákefð í mál-
flutningi fyrir sameiningu þýsku
'ríkjanna. Urslitin eru hins vegar
túlkuð sem stuðningsyfirlýsing við
tillögur Kohls.
í gær hvöttu leiðtogar hægri
manna í Vestur-Þýskalandi til þess
að sameiningu yrði hraðað sem
frokast væri og myntbandalagi
komið strax á legg. Talið er að
úrslit kosninganna í Austur-Þýska-
landi muni stórauka möguleika
Kohls til að fara með sigur af hólmi
í þingkosningunum í Vestur-Þýska-
landi í desember næstkomandi.
Jafnaðarmenn eru einnig í kosn-
ingahug því í gær tilkynnti Hans-
Jochen Vogel, leiðtogi Jafnaðar-
mannaflókksins (SPD), að Oskar
Lafontaine, forsætisráðherra Saar-
lands, yrði kanslaraefni flokksins í
þingkosningunum.
Eftirlitsnefíid Evrópuráðsins:
Ekkert í framkvæmd kosn-
inganna sem gæli ógilt þær
Austur-Berlín. Frá Önnu Bjarnadóttur, fréttaritara Morgunbladsins.
„ÞAÐ kom greinilega fram i viðtölum við undirkjörnefndir og
starfsmenn kjörstaða að fólk lagði mikinn metnað í að sýna fram á
að eftirlit með því að kosningarnar væru frjálsar og leynilegar
væri strangt,“ sagði Ragnhildur Helgadóttir, þingmaður Sjálfstæð-
isflokksins, í samtali við Morgunblaðið í gær. Hún er fulltrúi í tíu
manna eftirlitsnefhd Evrópuráðsins sem fylgdist með kosningunum
í Austur-Þýskalandi á sunnudag. Hún fór á 22 kjörstaði í Leipzig
og nágrenni ásamt þingmönnum Frjálslynda demókrataflokksins
(LDP) í Austur-Þýskalandi á kjördag. „Neftidin varð ekki vör við
neitt í framkvæmd kosninganna sem gæti ógilt þær,“ sagði hún.
Eftirlitsnefndin fylgdist með
kosningunum þar sem Austur-
Þýskaland hefur sótt um gestaað-
ild að Evrópuráðinu. Aðildarríki
þess eru lýðræðisríki og frumskil-
yrði er að fjölflokkaþing þeirra séu
kjörin í fijálsum, leynilegum kosn-
ingum. Nefndin lýsti því yfir að
kosningunum loknum að hún teldi
að þessum skilyrðum hefði verið
fullnægt og ekkert stæði í vegi
fyrir gestaaðild Austur-Þýska-
lands að ráðinu.
Ragnhildi og félögum hennar
var ekið á milli kjörstaða í svörtum
Volvo, sem er í eigu ríkisins.
Frammámönnum gamla kommún-
istaflokksins var áður ekið um í
slíkum bifreiðum. Farþegum þeirra
er enn gefið hornauga og Ragn-
hildur sagði að brúnin hefði lyfst
á fólki þegar það hefði heyrt að
þingmennirnir væru úr evrópsku
eftirlitsnefndinni. „Það voru yfir-
leitt sjálfboðaliðar úr öllum flokk-
um á kjörstöðum. Margir bentu
okkur á að þjóðin hefði enga
reynslu af að halda leynilegar
kosningar og spurðu hvernig þeim
væri háttað í heimalöndum okkar,“
sagði Ragnhildur.
Ragnhildur var í Höll lýðveldis-
ins, þar sem þing Austur-Þýska-
lands kemur saman, á sunnudags-
kvöld. Þýsku sjónvarpsstöðvarnar
og aðrar höfðu aðstöðu þar og
Ragnhildur sagði að það hefði ver-
ið merkilegt að fylgjast með við-
burðunum i þessari byggingu á
kosninganótt. Hún sagði að kosn-
ingarnar sýndu mjög greinilega að
Austur-Þjóðveijar vildu breyta
stjórnarfyrirkomulagi landsins,
sameinast sambandslýðveldinu,
taka upp markaðsbúskap og stuðla
að betri afkomu. Algeng skýring
á stórsigri Kristilegra demókrata,
CDU, er að Austur-Þjóðveijar hafl
í raun verið að kjósa Helmut Kohl,
kanslara Vestur-Þýskalands, ríkis-
stjórn hans og vestur-þýska mark-
ið er þeir greiddu flokknum at-
kvæði sín. Ragnhildur var á öðru
máli. „Stuðningsmenn flokksins
Ragnhildur Helgadóttir alþingis-
maður.
voru að greiða frelsi, mannréttind-
um og samstarfi við önnur Evró-
puríki atkvæði þegar þeir kusu
hann,“ sagði Ragnhildur.
Kohl á RÖSE-ráðstefíiu:
Itrekar aðild sameinaðs
Þýskalands að NATO
Bonn. Frá Kristófer M. Kristinssyni, fréttaritara Morgunblaðsins.
HELMUT Kohl, kanslari Vestur-Þýskalands, ítrekaði við upphaf ráð-
stefnu um efnahagssamvinnu í Evrópu í Bonn í gær tryggð þýsku
þjóðarinnar við vestræna samvinnu og sagði að sameinað Þýskaland
yrði aðili að Atlantshafsbandalaginu (NATO).
í ávarpinu vék kanslarinn jafn-
framt að landamærum Póllands og
sagði, að sem fyrst yrði gengið frá
formlegum samningi á milli Pól-
Iands og þýsku ríkjanna, sem
tryggðu Pólveijum óbreytt landa-
mæri.
Kohl lýsti vilja vestur-þýsku
stjórnarinnar og þingsins til tafar-
lausra viðræðna við nýkjörin stjórn-
völd og þing í Austur-Þýskalandi
um allt er varðar sameiningu
ríkjanna. Kanslarinn Iagði áherslu
á að sameinað Þýskaland yrði innan
Evrópubandalagsins og benti á að
allar götur frá 1957 hafi verið gert
ráð fyrir aðild Austur-Þýskalands
án fyrirvara ef til sameiningar
ríkjanna kæmi.
Lothar de Maiziere:
*
Abyrgðarfullur og skylduræk-
inn en enginn mælskumaður
LOTHAR de Maiziere, formaður Kristilega demókrataflokksins í
Austur-Þýskalandi og að öllum líkindum síðasti forsætisráðherra
ríkisins, er öðrum inönnum fremur talinn hafa gefið flokknum
það yfirbragð ábyrgðar og festu, sem einkenndi hann í kosninga-
baráttunni. Það var þó ekki fyrir mælskuna því að hann er lítill
ræðumaður, hcldur vegna ábyrgðartilfinningar og skyldurækni,
sem eins og skein út úr hverjum hans andlitsdrætti.
De Maiziere er kominn af Húg-
enottum, sem flýðu til Berlínar
frá Frakklandi, og hóf starfsferil
sinn sem tónlistarmaður. Síðar
stundaði hann laganám og tók oft
að sér málflutning fyrir andófs-
menn. í Kristilega demókrata-
flokkinn (CDU), sem í 40 ár var
undir hælnum á kommúnistum,
gekk hann 16 ára gamall en vegna
þess hvernig ástandið var vildi
hann aldrei taka að sér neinar
trúnaðarstöður fyrir flokkinn. Það
kom því flestum á óvart þegar
de Maiziere var valinn flokks-
formaður en sannleikurinn er sá,
að það var ekki um marga að
velja, sem ekki höfðu á einhvern
hátt tengst kommúnistum í her-
leiðingunni.
Sigur kristilegra demókrata og
samstarfsflokka þeirra var mikill
og virtist ekki korna neinum jafn
mikið á óvart og de Maiziere sjálf-
um. Hann er ekki margmáll yfir-
leitt en nú mátti hann vart mæla.
„Lothar, Lothar,“ hrópuðu stuðn-
ingsmenn flokksins þegar úrslitin
voru ljós og de Maiziere gat að-
eins stunið þessu upp: „Þetta eru
ánægjuleg úrslit, sem við getum
verið stoltir af.“
De Maiziere tók við flokks-
forystunni 2. nóvember á liðnu
hausti og lét það verða sitt fyrsta
verk að víkja þeim til hliðar, sem
höfðu starfað mest með kommún-
istum. Hann var aðstoðarforsæt-
isráðherra í bráðabirgðastjórn
Hans Modrows forsætisráðherra
og vann samtímis að því að koma
á bandalagi við tvo aðra hægri-
flokka og treysta böndin við kristi-
lega demókrata í Vestur-Þýska-
landi. De Maiziere þykir mikill
mannasættir og líklegt, að þeir
eiginleikar hans komi að notum
við stjórnarmyndunina og í þeim
samningum, sem brátt munu fara
í hönd, um sameiningu ríkjanna.
Reuter
Lothar de Maiziere var að sjálf-
sögðu kampakátur þegar hann
sá hvert stefndi í talningunni
en það kom ekki síður honum
en öðrum á óvart hve sigurinn
var stór.
Lothar de Maiziere er fæddur
2. mars árið 1940 í Nordhausen
og voru foreldrar hans mjög trú-
aðir mótmælendur eins og líklegt
er með afkomendur Ilúgenot-
tanna. Hann er kvæntur og á
þijár dætur barna.
(Heimild: Reuter, The Ec-
onomist)
Skipting þingsæta
Austur-Berlín. Reuter.
ALLS fengu þrettán flokkar þingsæti í kosningunum í Austur-
Þýskalandi á sunnudag. Bandalag fyrir Þýskaland, þ.e. Kristi-
legi demókrataflokkurinn (CDU), Þýska sósíalsambandið (DSU)
og Lýðræðisvakning (DU), fékk alls 193 þingsæti af 400.
Hér er fylgi flokkanna þrettán í prósentum og síðan kemur fjöldi
þingmanna:
• Kristilegi demókrataflokkurinn (CDU):....40,91% 164
• Jafnaðarmannaflokkur Þýskalands (SPD):....21,84% 87
• Fl. hinslýðræðislegasósíalisma(PDS):......16,33% 65
• Þýska sósíalsambandið (DSU):..............6,32% 25
• Samband frjálsra demókrata (BFD):.........5,28% 21
• Sambandið ’90:............................2,90% 12
• Lýðræðislegi bændaflokkurinn (DBD):.......2,19% 9
• Græningjar og óháðu kvennasamtökin:.......1,96% 8
• Lýðræðisvakning (DA):................... 0,92% 4
• Þjóðarflokkur demókrata (NDPD):...........0,39% 2
• Lýðræðislega kvennafylkingin (DFD):.......0,33% 1
• Bandalag sameinaðra vinstrimanna (AVL):...0,18% 1
• Valkostur ungmenna (AJL):.................0,13% 1
Kristilegi demókrataflokkurinn fékk mest fylgi í suðurhluta lands-
ins. Til að mynda fékk flokkurinn 62% í Erfurt, 60% í Dresden og 50%
í Leipzig, sem er mun meira fylgi en hægriflokkar í Vestur-Þýska-
landi hafa fengið í síðustu kosningum. Hins vegar fékk hann aðeins
rúmlega 18% atkvæða í Austur-Berlín, en þar var fylgi Jafnaðar-
mannaflokksins mest, eða um 35%.