Morgunblaðið - 12.04.1990, Síða 28

28
MORGUNBLAÐIÐ FIMMTUDAGUR 12. APRÍL 1990
MORGUNBLAÐIÐ FIMMTUDAGUR 12. APRIL 1990
29
Jltangtiiiftbifcffe
Útgefandi
Framkvæmdastjóri
Ritstjórar
Aðstoðarritstjóri
Fulltrúar ritstjóra
Fréttastjórar
Auglýsingastjóri
Árvakur, Reykjavík
Haraldur Sveinsson.
Matthías Johannessen,
Styrmir Gunnarsson.
Björn Bjarnason.
Þorbjörn Guðmundsson,
Björn Jóhannsson,
Árni Jörgensen.
Freysteinn Jóhannsson,
Magnús Finnsson,
Sigtryggur Sigtryggsson,
Ágúst Ingi Jónsson.
Baldvin Jónsson.
Ritstjórn og skrifstofur: Aðalstræti 6, sími 691100. Auglýsingar:
Aðalstræti 6, sími 22480. Afgreiðsla: Kringlan 1, sími 83033. Áskrift-
argjald 1000 kr. á mánuði innanlands. í lausasölu 90 kr. eintakið.
Páskar
Sá tími fer í hönd þegar
umhverfi okkar - gróð-
urríkið - rís upp úr klakabönd-
um vetrar, kulda og myrkurs
til nýs lífs: lita, anganar og feg-
urðar. Þannig talar almættið og
sköpunarverk þess til okkar,
árvisst, á táknrænan hátt um
upprisuna og eilífðina.
Það fer vel á því að páskarn-
ir eigi samleið með vorinu. Þeir
eru upprisuhátíð Drottins okk-
ar, Jesú Krists, sem sagði: „Ég
lifi og þér munuð lifa.“ Þeir eru
í raun vitnisburður um sigur
lífsins yfir dauðanum. Þeir eru
sú hátíð með kristnum þjóðum
sem hæst rís.
Það er hins vegar ekki hægt
að horfa fram hjá þeim jarð-
bundna veruleika, að skuggar
píslargöngunnar og krossfest-
ingarinnar hvíla enn yfir mann-
kyni. Grimmdin og ranglætið,
sem föstudagurinn langi stend-
ur fyrir, skyggja gjörvalla
mannkynssöguna, fram á okkar
daga. Milljónir manna þjást enn
í dag vegna kúgunar, ófriðar,
hungurs, fáfræði og sjúkdóma.
Milljónir manna eru landflótta.
Tugþúsundir á tugþúsundir of-
an láta lífið vegna ofstækis,
ofríkis, átaka og hryðjuverka.
Kærleiksboðskapur Jesú
Krists á því ríkulegt erindi til
þjóða og eiristaklinga enn í dag.
Sem betur fer er hann víða að
verki í samfélagi þjóða og ein-
staklinga og hefur miklu góðu
komið til leiðar. En betur má
mannkyn rækta náungakær-
leikann til að sigrast á hörm-
ungum samtímans. Mestu máli
skiptir að missa ekki sjónar á
því góða í tilverunni, því góða
í bijósti sérhvers manns, og
fylgja því.
Páskasól hinnar kristnu
kenningar þarf að rísa í hádeg-
isstað í samfélagi þjóðanna,
leysa klakabönd grimmdar og
ranglætis, og vekja kærleikann,
þekkinguna og fegurðina til
meiri áhrifa.
Það má heldur ekki gleymast
að hver einstaklingur er hugar-
heimur út af fyrir sig, þar sem
á takast hin sömu öfl og í hinum
ytri heimi. Ábyrgð hvers og eins
á þessum einkaheimi er mikil.
Einnig þar og ekki sízt þar er
þörf á því að páskasólin rísi,
vermi og vekji hið góða í hverri
manneskju, guðsneistann í
bijósti hennar, til nýs og ríkara
lífs.
Megi vekjandi sól páskahá-
tíðarinnar rísa í sinni okkar allra
og styrkja frið, kærleika og
velferð í heiminum. Með þeim
orðum óskar Morgunblaðið les-
endum sínum og landsmönnum
öllum gleðilegra páska.
Afmæli for-
setans
Frú Vigdís Finnbogadóttir,
forseti íslands, er sextug á
sunnudag. Af því tilefni birtir
Morgunblaðið viðtal við afmæl-
isbarnið, þjóðhöfðingja okkar.
Þar er víða komið við, en landið
okkar, saga og menning eru
hvarvetna á næsta leiti.
í viðtalinu segir forsetinn
m.a.:
„Við getum aldrei nógsam-
lega glaðst yfir því að eiga þetta
land. Við_ getum litið á fjall og
hugsað: Ég á þetta fjall og eng-
inn tekur það frá mér. Við höf-
um tengsl við landið, náttúruna,
hveija þúfu á einstakan hátt
sem ég hefí hvergi fundið ann-
ars staðar. Að eiga fjallið sitt,
það er kjarni málsins.“
Vigdís forseti segir, aðspurð
um það, hvað hún meti mest í
fari landa sinna:
„Ég gæti notað ýmis orð um
það. En kannski einlægni og
hjartahlýja nái yfir flesta þá
eiginleika sem ég met mesta.
Það felur í sér heiðarleika og
virðingu. Þar með virðum við
lög þjóðfélagsins, umgengnis-
reglur settar af samfélaginu,
og vinnum að eigin heill og
hamingju. Að taka ábyrgð á
sjálfum sér skyldi brýnt fyrir
öllum, þar með tekur hver
ábyrgð á öðrum. Þá gengur allt
betur - orkan beinist í réttan
farveg og það til betra þjóðfé-
lags.“
Landið og þjóðin, menningin
og umhverfið, eru ofarlega í
huga forsetans. Það er gott að
eiga þjóðhöfðinga með svo ríkan
skilning á og svo djúpa virðingu
fyrir því sem gerir þjóð okkar
að þjóð, tungu okkar, menning-
ararfleifð og sögu, að ógleymdu
landinu okkar, sem þjóðin nam
á níundu öld og hefur byggt
síðan.
Morgunblaðið árnar forseta
íslands, frú Vigdísi Finnboga-
dóttur, heilla sextugri. Það tek-
ur heilshugar undir hvatningu
hennar til æsku landsins:
„Menntið ykkur, lærið eitthvað
sem gerir ykkur sjálfstæð, gerir
ykkur að betri foreldrum ...
Við lifum í heimi þar sem þekk-
ingin er lykill að nýjum víddum,
verðmætum sem skipta máli og
velfarnaði þjóðarinnar."
Spjallstund í setustofunni um prestsstarfið og mannlífiö.
Morgunblaðið/Sigurður Jónsson
Námskeið guðfræðinema í Skálholtsskóla:
Kirkjan og staða prests
ins er í brennipunkti
Snlfn&ai
SKALHOLTSSKOLI gekkst
fyrir skömmu fyrir námskeiði
fyrir guðfræðinema undir heit-
inu Að verða prestur. Á nám-
skeiðinu var farið yfir alla þá
þætti sem eru átakapunktar
fyrir presta sem eru að taka sín
fyrstu skref í starfi. Um 30 guð-
fræðinemar sóttu námskeiðið
og í Ijós kom að mikill og brenn-
andi áhugi er á máleftiinu. Þeir
sem sóttu námskeiðið sögðu það
mjög gagnlegt, en hjá guð-
fræðinemum er gjarnan tog-
streita um það hvort þeir eigi
að leggja fyrir sig prestsskap
eða ekki.
Sigurður Árni Þórðarson rektor
Skálholtsskóla sagði kirkjuna í
íslensku samfélagi vera þunga-
miðjuna í námskeiðinu og þá um
leið staða prestsins. Ennfremur
langanir fólks til starfa og at-
hafna. Tilgangúrinn með nám-
skeiðinu er miðlun reynslu og
fræðslu um prestsstarfið, undir-
búning vígslu og fyrstu skref
prestsstarfsins.
Mig langar að þjóna Kristi
„Ég er ákveðin í að verða prest-
ur,“ sagði Sigríður Guðmarsdóttir
guðfræðinemi frá Reykjavík. „Ég
var hins vegar ákveðin í að verða
ekki prestur þegar ég byijaði í
guðfræðináminu.
Við þessa ákvörðun þarf fólk
að glíma og að það hafi trú til að
byggja starfið á. Það er grunnþátt-
urinn að játast undir trúna. Síðan
Þorgrímur Daníelsson guðfræði-
nemi.
Herra Ólafur Skúlason biskup.
er að þroska hana og viljann til
að vinna að framgangi safnaðar-
starfs. Maður kemst ekkert í þessu
starfi án trúarinnar, hún er út-
gangspunkturinn fyrir starfið al-
mennt.
Það er svo einnig köllun hvers
og eins sem skiptir máli við
ákvörðun um að sökkva sér í starf
að þeim mannlegu þáttum sem
fylgja prestsskap. Á svona nám-
skeiði fær maður tækifæri til að
vega og meta og gera upp hug
sinn. Annað skrefið er að gangast
undir vígsluna og það að helga líf
sitt þessari köllun.
Mig langar til að þjóna Kristi
og færa menn til trúar. Einnig til
að starfa að safnaðaruppbyggingu
og verða að liði í samfélaginu. Ég
hef þá kenningu að trú skipti
máli og geti skipt sköpum í lífi
fólks. Og að mannlífinu sé best
borgið með trúna að leiðarljósi.
Mér fínnst ég hafa öðlast frið í
minni trúarbaráttu og vil gjarnan
miðla honum til annarra.
Ég held að trúin breyti gildis-
mati fólks. Trúin stuðlar að heil-
brigðri lífsskoðun almennt og þeg-
ar kemur að erfiðum augnablikum
skiptir trúin sköpum og fólk grípur
ekki í tómt.“
Sigríður sagði að hún sárkviði
fyrir framhaldinu, en hún er 25
ára og útskrifast í vor. Þá fær hún
réttindi til prestsstarfa að undan-
genginni vigslu. „Ég stend enn
fyrir utan og horfi inn og það á
eftir að reyna á mann í starfi.
Námið og menntunin er mikils
virði en maður stendur og fellur
með því hversu mikil manneskja
maður er og hvað maður hefur
mikinn mannskilning og þjónustu-
lund. í þessu efni held ég að það
sé mjög gott ef agi námsins og
góð manneskja fara saman,“ sagði
Sigríður Guðmarsdóttir guðfræði-
nemi.
Er hennar fag
„Ég lít á þetta sem hennar
starf. Prestsstafið er beint fram-
hald að afloknu námi og hún vinn-
ur þá við sitt fag eins og aðrir,“
sagði Rögnvaldur Guðmundsson,
eiginmaður Sigríðar Guðmarsdótt-
ur.
„Þetta er ekkert öðruvísi en
önnur störf frá mínum sjónarhóli.
Ég hef nú ekki sérstaklega velt
því fyrir mér hvernig það sé að
verða eiginmaður prests, en vinn-
utími presta er auðvitað annar en
í venjulegum störfum. Ég kvíði
því hins vegar ekki að aðlaga þetta
starf Sigríðar að okkar heimili
þegar þar að kemur,“ sagði Rögn-
valdur Guðmundsson, sem stundar
nám í viðskiptafræði.
Ég vil bretta upp ermarnar
„Ég er mjög ánægður með þetta
námskeið,“ sagði Þorgrímur Dan-
íelsson guðfræðinemi. „Þetta er
mikilvægt tækifæri fyrir okkur að
fá að tala við forystu kirkjunnar
um okkar áhugamál og þeirra.
Einnig að fá að vita um gagnlega
hluti varðandi prestsstarfið sem
ekki lærast í hreinni guðfræði.
Eftir fimm ár í guðfræði held
ég að það sé erfitt að gera ekki
tilraun til að takast á við prests-
starfið. Það er eins og að svíkjast
undan merkjum að ákveða að
hætta. Telji maður sjálfur að mað-
ur geti látið gott af sér leiða er
svolítið erfítt að sætta sig við það
að maður reyni ekki að gera það.
Það er ómögulegt að fara út í
prestsskap án þess að vera trúað-
ur. Ef maður er trúaður og telur
sig hafa köllun þá stendur maður
frammi fyrir því að hafa bmgðist,
fylgi maður ekki kölluninni. Eg tel
mig ekki komast hjá því að reyna
starfið.
Þetta er gott starf. Það er aftur
á móti mikill munur á því sem
þarf að gera og hinu sem kirkj-
unni tekst að framkvæma. Ég vil
bretta upp ermarnar og ganga út
á akurinn og takast á við starfið.
Verkefnin sem maður sér eru mik-
il áskoran. Starfið gefur mjög
mikla möguleika á að ná til fólks.
Einnig að flytja því boðskap Krists
og kærleikans. Sá boðskapur er
þess eðlis að hann má boða í ræðu
en hann verður aldrei boðaður al-
mennilega nema í verki,“ sagði
Þorgrímur Daníelsson guðfræði-
nemi frá Tannastöðum í Hrúta-
firði.
Vil auka kynni af stúdentum
Herra Ólafur Skúlason biskup
var einn þeirra sem ræddi við
guðfræðinemana á námskeiðinu í
Skálholti. „Þetta hefur verið ein-
staklega áhugavert. Við höfum
reynt að opna þann heim sem blas-
ir við í starfinu. Ég talaði almennt
um prestsþjónustuna á tillits til
þess hvernig söfnuðurinn verður,
hvernig presturinn þarf að gefa
af sjálfum sér. Það er hins vegar
ekki unnt fyrir hann að ausa stöð-
ugt frá sér án þess að sækja sér
styrk og uppörvun til trúarinnar.
Þessi tími hérna i Skálholti hef-
ur verið einstaklega góður. Spurn-
ingar guðfræðinemanna eru
brennandi vegna vandlætingar
þeirra og beygs í garð framtíðar-
innar. Eg tel að við séum að fá
verulega hæfa presta til þjónustu.
Mig langar til að auka þessi kynni
af stúdentum. Það er gott fyrir
þá og fyrir mig líka. Ég fer héðan
miklu hressari en þegar ég kom
hingað,“ sagði herra Ólafur Skúla-
son biskup.
— Sig. Jóns.
Sigríður Guðmarsdóttir guðfræðinemi og Rögnvaldur Guðmundsson
eiginmaður hennar með soninn Hjalta.
Biskup
Islands
visiterar
BISKUP íslands, herra Ólaf-
ur Skúlason, mun visitera
Borgarfiarðarprófastsdæmi
dagana 15.-29. apríl næst-
komandi. í for með biskupi
verða auk Ebbu Sigurðar-
dóttur, biskupsfrúar, próf-
astshjónin séra Jón Einars-
son og frú Hugrún Guðjóns-
dóttir í Saurbæ. Er þetta
fyrsta visitaziuferð herra
Ólafs, síðan hann tók við
embætti biskups.
í fréttatilkynningu frá Bisk-
upsstofu segir að tilhögun visi-
taziunnar verði sem hér segir:
15. apríl, páskadagur, kl. 14,
Hallgrímskirkja í Saurbæ og
kl. 20.30, Leirárkirkja. 16.
apríl, annar páskadagur, kl.
13.30, Innra-Hólmskirkja. 19.
apríl, sumardagurinn fyrsti,
kl. 14, Akraneskirkja og kl.
20.30, Dvalarheimilið Höfði.
20. apríl kl. 11, Sjúkrahús
Akraness, kl. 15, Alftanes-
kirkja og kl. 20.30, Álftárt-
ungukirkja. 21. apríl kl. 14.30,
Akrakirkja og kl. 20.30, Fit-
jakirkja. 22. apríl kl. 11, Bor-
garneskirkja, kl. 15.30, Dval-
arheimili aldraðra, Borgarnesi
og kl. 20.30, Borgarkirkja. 23.
apríl kl. 13, Lundarkirkja, kl.
15, Bæjarkirkja og kl. 21,
Féíagsheimili KFUM og K á
Akranesi. 24. apríl kl. 10.30,
Fjölbrautaskóli Vesturlands á
Akranesi, kl. 13.30, Bænda-
skólinn á Hvanneyri og kl. 15,
Hvanneyrarkirkja. 26. apríl kl.
11, Samvinnuháskólinn, Bi-
fröst, kl. 14, Hvammskirkja -
og kl. 21, Norðtungukirkja.
27. apríl kl. 11, Hjarðarholts-
kirkja, kl. 14, Stafholtskirkja
og kl. 21, Vatnaskógarkapella.
28. apríl kl. 13, Húsafells-
kirkja, kl. 16 Gilsbakkakirkja
og kl. 21 Stóra-Áskirkja. 29.
apríl kl. 11, Síðumúlakirkja,
kl. 14, Reykholtskirkja og kl.
18.30 Héraðsskólinn í Reyk-
holti.
Kópavogur og Reykjavík:
Eignarréttur o g
lögsaga sitt hvað
NIÐURSTÖÐUR þriggja greinargerða, sem Reykjavíkurborg hefur lát-
ið vinna um landamerki við nágrannasveitarfélögin ber ekki að öllu
leyti saman við álit bæjaryfirvalda í Kópavogi. Sigurður Björnsson
bæjarverkfræðingur, bendir á að ekki megi rugla saman eignarrétti og
lögsögu sveitarfélaga en hann segist að mestu vera sammála greinargerð-
um borgaryfirvalda um hvar mörkin liggi.
Vegna vinnu við Aðalskipulag
Kópavogs 1982 - 2003 aflaði Sigurð-
ur gamalla gagna og kannaði mer-
kjalýsingar frá síðustu öld, til að
grafast fyrir um hvar sýslumörk
Arnessýslu teldust vera. „Um þetta
vor uppi ýmsar skoðanir og misgöml-
um landakortum ber ekki saman um
mörkin," sagði Sigurður. „Greinar-
gerðir Reykjavíkurborgar eru mjög
samviskusamlega unnar og eru hin
merkustu rit, sem ber að þakka.
Þessar athuganir, bæði Reykjavíkur-
borgar og Kópavogs, bera að sama
brunni, það er að sýslumörk liggi um
háeggjar Bláfjalla í Vífilfelli og það-
an í landnorður um Sýslustein og
Sýsluþúfu í Borgina á Stóra-Borgar-
hól á Mosfellsheiði."
Sagði Sigurður að í markalýsingu
Vatnsenda, sem þinglýst er hinn 22.
maí 1883, er mörkum lýst allt upp
í Stóra-Kóngsfell og lýsing Elliða-
vatns, sem þinglýst er 16. maí 1884,
greinir mörk jarðarinnar allt að
sýslumörkum. „Þess vegna er lög-
saga Kópavogs og raunar Reykjavík-
ur einnig, talin ná allt að sýslumörk-
um á háhrygg Bláfj alla, þótt vitað
sé, að fyrr á öldum hafí þar efra
verið sá almenningur, sem nefndur
var Kóngsland," sagði Sigurður.
„Ætti að endurvekja þá skipan mála
er næsta líklegt að Reykjavík hlyti
ekki lögsögu þar heldur yrði hún
falin sýslumanninum í Kjósasýslu eða
bæjarfógetanum í Kópavogi.
Lögsaga er eitt og afnotaréttur
eða eignarréttur annað og þarf ekki
að fara saman þó svo geti verið. Ég
tel rangt að halda því fram að
Reykjavík sé hluti af Seltjarnarnes-
hreppi hinum forna eins og Hjörleifur
Kvaran gerir, heldur er borgin byggð
sem þéttbýliskj arni út úr landi
hreppsins og getur það vissulega
haft sitt að segja varðandi rétt eða
réttleysi Reykjavíkurtil afréttarins."
Sagði hann að þegar Kópavogs-
kaupstaður hlaut kaupstaðarréttindi
árið 1955 og þar með sjálfstæða lög-
sögu yfir jörðunum Gunnarshólma,
Landsmenn kaupa 45-50 tonn af páskaeggjum:
Langmest keypt af íslenskum
eggjum en innflutt ódýrari
MOSFELLSBÆR
R E Y K J A V í K
Lögsagnarumdæmi
Kópavopgs
/
HAFNARFJORÐUR
* /Sýsluþúfa
0 1
u
Motgunbiaðið/ GÓI
Boru
/
.Eiturhóll
Við endurskoðun aðalaskipulags
var merkjalýsing endurbætt í nóv-
ember 1989, að sögn Sigurðar
Björnssonar bæjarverkfræðings,
og það kort gert, sem hér fylgir
með. A því sjást lögsögumörk
Kópavogs eins og bæjaryfirvöld
telja þau vera. Aðalskipulag
Kópavogs 1988 til 2008 er nú til
staðfestingar hjá skipulagsstjórn
rikisins.
10 km
Heimild: BÆJARVERKFRÆÐINGUR KÓPAVOGS
KAUPMENN segja að nú sé mjög mikið keypt af páskaeggjum. Verslan-
ir sem haft var samband við í gær höfðu selt upp undir helming súkkul-
aðieggja sem tekin höfðu verið í búðirnar. Aðalsalan hefúr þó undanfar-
in ár verið á miðvikudegi og laugardegi fyrir páska. Langmest er keypt
af íslenskum páskaeggjum frá Nóa-Síríusi og Mónu, en sennilegt að sala
á frönskum eggjum sem Islensk dreifing flytur inn liggi nærri 8% af
heildinni. lnnfluttu eggin eru mun ódýrari en þau íslensku, en fást ekki
eins víða. Hlutfallið milli innlendu framleiðendanna tveggja hefúr víða
verið þannig að upp undir 70% seldra páskaeggja koma frá Nóa-Síríusi
og um 30% frá Mónu.
Geirlandi og Lækjarbotnum þá fylgdi
lögsagan yfír Sandskeiði og löndum
þar í grennd með 5 raun, enda óeðli-
legt annað. „Ég vil benda á, að Kópa-
vogur og Garðabær hafa sett niður
aldagamlar þrætur um landamörk
og samið um ný bæjarmörk í takt
við síðari tíma byggðaþróun," sagði
Sigurður. „Einnig hafa Reykjavík og
Kópavogur samið um breytt bæjar-
mörk í tvígang. Þessir samningar
hafa ekki farið hátt en málin verið
leyst farsællega. Mér er til efs að
svo hefði orðið ef íjölmiðlar hefðu
náð að gera sér þær samningaumleit-
anir að veislumat meðan á þeim stóð.
Bæjarfélögin á höfuðborgarsvæð-
inu ásamt fleiri sveitarfélögum hafa
bundist samtökum um rekstur skíða-
svæðisins í Bláfjöllum til heilla fyrir
almenning. Þetta hefur orðið óháð
öllum ágreiningi um lögsögumörk á
svæðinu. Ég hef þá trú, að þeim sem
stofnað hafa til svo glæsilegrar sam-
vinnu, eigi að vera í lófa lagið, án
milligöngu dómstóla, að finna skyn-
samlega lausn á því hvernig hagað
skuli lögsögu í Bláfjallafólkvangin-
um, ef menn ná að setjast niður og
ræða málin æsingalaust."
Búist er við meiri páskaeggjasölu
í Hagkaupum nú heldur en í fyrra.
„Þá seldum við 40.000 egg,“ segir
Þorsteinn Pálsson sölustjóri, „en nú
gæti talan hækkað um 5.000. Við
höfum þegar selt ríflega 20.000
páskaegg og almennt virðist meira
keypt af stærri eggjum en undanfar-
in ár.“ Hagkaup selur aðeins íslensk
páskaegg. Þorsteinn segir ástæðu
þess vera að frönsku eggin hafi selst
illa í fyrra, bragðið hafí ekki líkað vel.
Að sögn Mána Ásgeirssonar í
Kjötstöðinni í Glæsibæ, einni þeirra
verslana sem selja innfluttu eggin,
hefur langmest verið keypt af þeim.
Kjötstöðin býður einnig páskaegg
Nóa-Síríusar. „Við erum búin að selja
2.000 egg af 4.000 sem við fengum-
og megnið er innflutt, enda eru
frönsku eggin miklu ódýrari. Þau
seldust raunar líka mjög vel hér í
fyrra.“
Verðmunur á íslenskum páska-
eggjum og innfluttum er víða um
50%. Hvernig stendur á því?
Hafþór Guðmundsson, fram-
kvæmdastjóri íslenskrar dreifingar,
segist hafa náð hagstæðum samn-
ingum við franska framleiðandann,
sem annast kaup á hráefni eftir ósk-
um héðan. Þá stilli hann álagningu
sinni mjög í hóf.
„Þetta er þriðja árið sem ég flyt
inn páskaegg frá sama framleiðanda.
Ég keypti sérhönnuð mót fyrir eggin
í Þýskalandi fyrir tveimur árum.
Framleiðslukostnaður lækkar veru-
lega við að steypa eggin í einu lagi
og setja tappa í bakhliðina, í stað
þess að steypa súkkulaðið í tvo helm-
inga sem h'ma þarf saman.“ Þess
má geta að Nói-Síríus keypti nýlega
mót til að steypa heil egg auk vélar
sem pakkar eggjum og öðru sælgæti
í álumbúðir.
Hafþór Guðmundsson segir eggin
sem hann flytur inn vega 9,8 tonn
en gefur ekki upp hve mörg þau
eru. Slíkar upplýsingar fengust ekki
heldur hjá Nóa-Síríusi, en Kristinn
Björnsson framkvæmdastjóri fyrir-
tækisins segir að sér kæmi ekki óvart
að landsmenn keyptu nærri 300 þús-
und páskaegg fyrir hátíðina. Hann
segist telja með lítil egg, svokölluð
hænuegg. Kristinn spáir því að her-
legheitin vigti 45-50 tonn og kosti
145-150 milljónir króna.
Kristinn segir með ólíkindum
hvernig hægt sé að halda verði á
frönsku páskaeggjunum nánast
óbreyttu milli ára, meðan frankinn
hafi hækkað verulega. Hann segir
að eggin frá Nóa-Síríusi hafi í fyrra
hækkað um 7% milli ára. Nú sé
hækkunin 14-17% og töluvert lægri-
en sem nemi verðbólgu. „Við teljum
okkur geta verið býsna keikir, við
kaupum hráefni að utan á heims-
markaðsverði og höfum 140 manns
í vinnu. Álagningarkrafan í fram-
leiðslu og innflutningi er aldrei sam-
bærileg og ég efa stórlega að við
leggjum óeðlilega mikið á þessa vöru.
Hitt er ljóst að álagning kaupmanna'
er afar misjöfn, allt frá 5 upp í 50%.“