Morgunblaðið - 16.05.1990, Blaðsíða 14

14
MORGUNBLAÐIÐ MIÐVIKUDAGUR 16. MAl 1990
Davíð
Oddsson
borgarstjóri
svarar
spurningum
lesenda
SPURT OG SVARAÐ
UM BORGARMÁL
LESENDAÞJÓNUSTA MORGUNBLAÐSINS
Davíð Oddsson, borgarstjóri í Reykjavík og efsti maður á framboðslista
sjálfstæðisfólks í borgarstjórnarkosningum, sem fram fara 26. maí næstkom-
andi, svarar spurningum í Morgunblaðinu um borgarmál i tilefni kosning-
anna. Lesendur Morgunblaðsins geta hringt til ritstjórnar blaðsins í síma
691 187 á'milli kl. 11 og 12 árdegis, frá mánudegi til föstudags, og lagt
spurningar fyriri borgarstjóra sem blaðið kemur á framfæri við hann. Svörin
birtast síðan í þættinum Spurt og svarað um borgarmál. Einnig má senda
spurningar í bréfi til blaðsins. Utan á bréf skal rita: Spurt og svarað um
borgarmál, ritstjórn Morgunblaðsins, pósthólf 1555, 121 Reykjavík. Nauðsyn-
legt er að nafn og heimilisfang spyrjanda komi fram.
Leikvöllur við Jórusel
Guðjón Jónasson, Jórusel 26,
spyr:
„1981 fenguin við lóð til að
byggja á hér í Jóruseli og 1982
flytjum við inn. Við enda göt-
unnar er svæði sem ætlað var
undir leikvöll og hefur hann
verið á fjárhagsáætlun frá 1981
en gerð hans alltaf verið fre-
stað, nú síðast á þeim forsendum
að ekki sé hægt að hafa lei-
kvelli við hverja götu hér í
hverfinu. Börnin eiga að sækja
á leikvelli í öðrum götum en
heimur ungra barna nær bara
ekki svo langt og auk þess eru
þau ekki alltaf velkomin á aðra
leikvelli. Umrædd lóð er nú eitt
moldarsvað og ekkert verið gert,
fyrir hana. Það myndi nægja að
slétta lóðina þannig að krakk-
arnir geti þó farið í boltaleiki
þar.“
Svar:
í Seljahverfi hefur- verið gengið
frá einu eða fleiri leiksvæðum á
hverju ári eftir því sem hverfið
hefur byggst. Leikvöllurinn við
Jórusel er sá eini sem er ekki lok-
ið við á þessu svæði og verður
hann gerður að ári. Þessi leikvöllur
hefur verið í heildaráætlun um
leiksvæði í hverfínu, sem gerð var
fyrir nokkrum árum, og til þeirra
hefur árlega verið veitt fé í fjár-
hagsáætlun, en ekki sérstaklega
til vallarins við Jórusel. Leiksvæði
fyrir lítil börn eru í næstu götum,
við Jakasel og Kaldasel og spark-
völlur neðan við Jarðarsel.
Félagsheimili
heyrnarlausra
Haukur Vilhjálmsson, Frosta-
fold 107, spyr:
Heyrnarlausir á Reykjavíkur-
svæðinu geta ekki notfært sér
hverfafélagsmiðstöðvar vegna
þess að þar er engin þjónustu
ætluð heyrnarlausum. Heyrnar-
lausir notfæra sér þess i stað
eigið félagsheimili sem er í mið-
bænum. Mér er kunnugt um að
allar hverfamiðstöðvar hafa
þjófavarnakerfi og eftirlitskerfí
frá Vara og Securitas. Félag
heyrnarlausra hefur ekki fjár-
magn til að kaupa slík þjófa-
varnakerfi. Spurning mín til
borgaryfirvalda er hvort þau
séu tilbúin til að standa straum
af slíkri þjónustu fyrir heyrnar-
lausa. Ég vil i þessu sambandi
benda á að heyrnarlausir greiða
sama útsvar og skatta og aðrir
Reykvíkingar en fá ekki notið
sömu þjónustu. Heyrnarlausir
eru mjög virkir í félagsmálum í
félagsheimili heyrnarlausra. Ég
held að það sé tiltölulega auð-
velt að kippa þessu í Iiðinn og
skora ég á borgaryfirvöld að
gera það hið fyrsta."
Svar:
Við afgreiðslu fjárhagsáætlunar
þessa árs var samþykkt að veita
Félagi heyrnarlausra 500 þúsund
króna styrk og er það undir stjórn
félagsins komið hvernig honum er
varið.
Efstaleiti-Miðleiti
Gústaf Björnsson, Neðstaleiti
6, spyr:
„Hvað líður frekari fram-
kvæmdum á opna svæðinu milli
Efstaleitis og Miðleitis? Hvað er
fyrirhugað að verði á þessu
svæði?
Svar:
Milli Efstaleitis og Miðleitis var
gerður leikvöllur í fyrrahaust. Um
leið og jörð er orðin ptplöntunar-
hæf verður hafist handa við að
gróðursetja í tijábeðin og setja upp
leiktæki.
Vargur á Tjörninni
Sveinn Björnsson, Grana-
skjóli, spyr:
„Hvað liyggjast borgaryfir-
völd gera til að útrýma vargnum
af Tjörninni svo fuglalíf geti
þrifist þar með eðlilegum
hætti?“
Svar:
Sílamáfs fer að verða vart á
Tjörninni í aprílbyijun ár hvert.
Tegundin er að stærstum hluta
farfugl. Tjörnin í Reykjavík, er
eins og aðrar tjarnir náttúrulegur
viðkomustaður sílamáfsins eins og
annarra vatna- og vaðfugla. A
hveiju ári berast kvartanir til borg-
aryfirvalda vegna sílamáfs þegar
fólk fer niður að tjörn með börn
sín að gefa öndunum brauð. Mein-
dýravarnir hreinsunardeildar
reyna að sinna þessum kvörtunum
eins og tök eru á, með því að
skjóta varginn og eins með notkun
fælingarskota en af augljósum
ástæðum er afar erfitt að athafna
sig með skotvopn á þessum til-
Fyrirspyrjandi vildi vita hvað gert verði til að útrýma varg af
Tjörninni. Borgarstjóri segir að nokkrir tugir upp í nokkur hundr-
uð fúglar séu skotnir á hverju ári við Tjörnina.
tekna stað í borginni. Þrátt fyrir
þetta eru nokkrir tugir og upp í
nokkur hundruð fuglar skotnir á
hveiju ári á Tjörninni. Á vegum
meindýravarna borgarinnar er
einnig unnið starf sem vonast er
til að skili árangri þegar litið er
til framtíðar. Á hveiju ári, frá vori
til hausts, er reynt að koma í veg
fyrir að varp síiamáfsins takist í
varplöndum í nágrenni borgarinn-
ar. Einnig er mikill fjöldi fugla
skotinn í þessum aðgerðum og á
sorphaugunum í Gufunesi að með-
altali 5.817 fuglar á ári frá árinu
1975.^>á hafa 15-16 þúsund varg-
fuglsegg verið eyðilögð frá 1986.
Svar:
Búið er að steypa verulegan
hluta gangstétta við Vesturás.
Gert er ráð fyrir að halda verkinu
áfram samhliða því sem húseig-
endur ganga frá lóðum sínum.
Frágangur grænu svæðanna fylgir
svo á eftir.
Bílskúrar og golf við
Hraunbæ
Jón Hassing, Árbæ, spyr:
1. „Búið er að ryðja ofan í
lóðina á horni Brúaráss og Rofa-
bæjar en ennþá hefur borgin
ekki efht það loforð að sá í svæð-
ið. Þarna er nú ruslahaugur,
gömul bílhræ, byggingarefni og
afgangar úr görðum, og allt fyk-
ur þetta inn á lóðir i næsta ná-
grenni. Ég spyr: Hvenær verður
sáð í lóðina eða hún tyrfð?
2. Hvenær stendur til að
reisa bílskúra við Hraunbæ?
Sóst hefúr verið eftir því í 15
ár að fá að reisa þarna bílskúra
en íbúar hafa fengið neitun frá
tveim borgarstjórum.
3. Þá vil ég spyrja hvað
borgarstjóri hyggst aðhafast
varðandi golfiðkun á bæjarl-
andinu austan bílastæðanna við
Rofabæ og Hraunbæ. Þarna
hafa skemmdir orðið á bílum
vegna golfkúlna og börn eru í
stórhættu þegar þau hlaupa á
eftir kúlunum út á umferðaræð-
ina sem þarna er. Komið var
upp skilti á sínum tíma þar sem
golfiðkun var bönnuð á svæðinu
en starfsmenn gatnamálastjóra
rifu þau niðui\“
Svar:
1. Fyrirspyijandi mun, vænta-
lega eiga við lóðina nr. 1-19 við
Brúarás. Er ég honum ■sammála
um það að ástand hennar er óþol-
andi. Borgaryfirvöld eiga stundum
í erfiðleikum með einkaaðila sem
ekki hlýða fyrirmælum, því vald-
beiting er neyðarúrræði og oft er-
fitt að koma henni við. Á um-
ræddri lóð, sem er í einkaeigu, var
á sínum tíma samþykkt raðhús og
byggingarframkvæmdir hafnar, en
þeim hætt, þegar þær voru komn-
ar skammt á veg. Haustið 1986
var jarðvegi rutt yfir það sem
framkvæmt hafði verið, og svæðið
girt af, en þrátt fyrir aðvaranir
og áminningar hefur eigandi lóðar-
innar ekki hirt um að halda girð-
ingunni við, né hirða lóðina, og
hefur ástand hennar valdið íbúum
hverfisins óánægju og óþægindum.
Að tillögu borgarráðs hefur bygg-
ingarnefnd samþykkt að fella
byggingarleyfi hússins úr gildi og
jafnframt sett lóðareigandanum
frest til 1. júní nk. til þess að jafna
lóðina og tyrfa hana. Mun þessari
samþykkt verða fylgt fast eftir.
2. Á síðasta ári var samþykkt
breyting á skipulagi svæðisins á
milli Bæjarháls og Hraunbæjar,
sem m.a. gerir ráð fyrir 5 bílskúrs-
þyrpingum með samtals 210
bílskúrum fyrir íbúa fjölbýlishú-
sanna við Hraunbæ. Til þess að
tryggja hraða og örugga uppbygg-
ingu bílskúranna mun Reykjavík-
urborg sjá um framkvæmdina, en
selja síðan íbúunum þá á kostnað-
arverði. Þessar hugmyndir hafa
verið kynntar íbúum hverfisins og
hlotið góðar viðtökur. Fyrirhugað-
ur er fundur með þeim á næstu
dögum til frekari kynningar. I
sumar verður hafist handa við
byggingarframkvæmdir við vest-
ustu bílskúraþyrpinguna.
3. Borgaryfirvöld geta að
sjálfsögðu ekki komið í veg fyrir
tiltekna leiki barna á útivistar-
svæðum borgarinnar, eða borið
ábyrgð á því tjóni sem af kann að
hljótast. Við skipulag borgarhverfa
er þess gætt, að hafa næg leik-
svæði fyrir börn en þar að auki
eru ýmis opin svæði og ennfremur
athafnasvæði íþróttafélaga. For-
eldrar verða að reyna að beina
börnum sínum á þessi svæði. Ung-
um golfáhugamönnum er rétt að
benda á golfkennslu, sem fer fram
á Korpúlfsstöðum á sumrin á veg-
um Golfklúbbs Reykjavikur.
Ljósmyndasafii
borgarinnar
Einar Vilhjálmsson, Garðabæ,
spyr:
„Ljósmyndasafii Reykjavíkur
Borgartúni 1 er með meiri
menningarstofnunum bæjarins.
Borgarsljóri sá hvað þarna var
í húfi og skapaði safninu aðstöðu
í Borgartúni 1. Haldin var sýn-
ing á gömlum myndum í eigu
safnsins á 200 ára aftnæli borg-
arinnar á Kjarvalsstöðum og
búið er að setja upp myndraðir
og sýningar fyrir íjöldanri allan
af stoftiunum bæjarins, þar á
meðal Vatnsveituna, Hitaveit-
-una, Rafinagnsveituna og Höfn-
ina. Nú hefur borist að svo mik-
ið efni að átak verður að gera
varðandi varðveislu á filmum.
Hvað hugsar borgarstjóri sér
að gera á næstunni í málum
safhsins? Það er þakkarvert það
sem gert hefúr verið en það
verður að huga að framtíð safns-
ins.“
Svar:
Reykjavíkurborg yfirtók rekstur
ljósmyndasafnsins árið 1987. Áður
hafði safnið verið í eigu einstakl-
inga, sem unnið höfðu ötullega að
uppbyggingu þess. Frá því að
borgin tók við rekstri safnsins hef-
ur verið unnið að því að koma því
fyrir. Safnið hefur nú ágæta að-
stöðu að Borgartúni 1 og er sífellt
verið að vinna að eflingu þess saf-
mfara skráningu á myndefninu.
Það er ánægjulegt til þess að vita
hversu margir sækja myndefni til
safnsins, jafnt fyrirtæki, stofnanir
sem einstaklingar.
Skolaskylda sex ára barna
eftir Birgi ísleif
Gunnarsson
Um alllangt skeið hefur það verið
áhugamál margra að lögfesta skóla-
skyldu sex ára barna og svara þann-
ig kröfum tímans um aukinn þátt
skólanna í fræðslu og uppeldi barna
á þessu aldursskeiði. Stærstur hluti
íslenskra barna á þessum aldri hefur
sótt forskóla. 95% sex ára barna
sækja nú forskóla. Kennslumagn
fyrir sex ára börn er nú miðað við
fjölda þeirra í viðkomandi skóla, þ.e.
ein stund á viku fyrir hvert barn. I
þessu felst mikil mismunun, þar sem
kennslustundir geta verið allt frá
einni stund á viku í minnstu skólun-
um upp í 20 í þeim stærstu.
Tvö frumvörp
Til að ráða bót á þessu máli voru
í neðri dejld Alþingis flutt tvö frum-
vörp á síðastliðnum vetri. í upphafi
þings á síðastliðnu hausti líuttu
þingmenn Sjálfstæðisflokksins, þ.e.
Ragnhildur Helgadóttir, Þorsteinn
Pálsson og sá sem þetta ritar, frum-
varp til nokkurra breytinga á grunn-
skólalögum og var skólaskylda sex
ára barna ein þeirra. Þá flutti
menntamálaráðherra frumvarp til
nýrra grunnskólalaga á vorþinginu,
þar sem tillaga var gerð um skóía-
skyldu sex ára barna.
Menntamálanefhd flytur
nýtt frumvarp
Báðum þessum frumvörpum var
vísað til menntamálanefndar neðri
deildar. Ekki vannst tími til að af-
greiða frumvarp ráðherra, en niður-
staða nefndarinnar eftir athugun á
báðum frumvörpunum var sú að öll
„Nauðsynlegt er að
endurskipuleg-gja nám-
ið í grunnskólunum, og
reyndar einnig í fram-
haldsskólunum, til að
reyna að stytta heildar-
skólagönguna á þessum
tveimur skólastigum.“
nefndin flutti í sameiningu sérstakt
frumvarp þar sem þetta eina atriði
var tekið út úr. Það frumvarp varð
að lögum nú fyrir þinglok. Frá og
með næsta hausti eru sex ára börn
því skólaskyld og er ráðgert að viku-
legur kennslutími á hvern nemanda
verði sem næst 880 mínútur.
Birgir ísleifur Gunnarsson
Endurskipuleggja þarf námið
Með þessu er grunnskólinn orðinn
10 ára skóli. Þótt þessi ákvörðun sé
fagnaðarefni má þó ekki láta við það
sitja að lengja grunnskólann um eitt
ár. Nauðsynlegt er að endurskipu-
leggja námið í grunnskólunum, og
reyndar einnig í framhaldsskólun-
um, til að reyna að stytta heildar-
skólagönguna á þessum tveimur
skólastigum. Við íslendingar út-
skrifum okkar stúdenta einum til
tveimur árum eldri en nágrannaþjóð-
irnar og sama má segja um útskrift
nemenda í öðru framhaldsnámi.
Þegar ég var í menntamálaráðuneyt-
inu skipaði ég sérstaka nefnd til að
íjalla um þetta mál. í henni áttu
sæti fulltrúar frá öllum skólastigum.
Þess er að vænta að hún Ijúki senn
störfum og verður fróðlegt að sjá
hver verður niðurstaða hennar.
Höfundur er eiiui af
alþingismönnum Sjálfstæilisflokks
í Reykjavíkurkjördæmi.