Morgunblaðið - 16.05.1990, Blaðsíða 34
34
MORGUNBLAÐIÐ MIÐVIKUDAGUR 16. MAÍ 1990
Hafskipsmálið:
Tími reikningsskila og upp-
reisnar koniinn eftir 4 löng ár
- segir Jón Steinar Gunnlaugsson hrl., verjandi Helga Magnússonar
JÓN Steinar Gunnlaugsson hrl.,
verjandi Helga Magnússonar fyrr-
um endurskoðanda Hafskips, lauk
varnarræðu sinni í sakadómi
Reykjavíkur í gær. Hann tók til
máls á fimmtudag. Jón Steinar
lauk máli sínu á að segja að hann
teldi sig hafa sýnt fram á að end-
urskoðun og gerð reikningsskila
Hafskips hefði verið í góðu lagi.
jafnvel hefði verið betur að þeim
staðið en gerist og gengur. Jafh-
vel þótt dómurinn teldi sýnt fram
á að í einhveiju tilfelli hefði góðri
reikningsskilaveiyu ekki verið
fylgt hefði slíkt ekkert með refsi-
mál að gera.
Skýlaust þyrfti að sanna að það
hefði verið gert með þeim ásetningi
að blekkja. Hann ítrekaði að Haf-
skipsmálið væri grundvallað á hálf-
pólitískri móðursýki sem komið
hefði upp í þjóðfélaginu á sínum
tíma, og undan þeim áhrifum hefði
það fyrst losnað við meðferð fyrir
sakadómi, þar sem komið hefði
skýrt í ljós að málið hefði aldrei átt
erindi fyrir dómstól. Hann sagði að
ýmsir hefðu lagt mikið undir og
sótt mál þetta fast en dómur mætti
ekki vera undir áhrifum frá slíku
enda blasi við að sýkna beri menn
í stórum stíl. Hann sagði að Helgi
Magnússon hefði verið algjörlega
óháður Hafskip, utanaðkomandi
verktaki. Engin rök styðji ákærur
um að hann hafi staðið í rangfærsl-
um og lagt framtíð sína að veði
fyrir Hafskip. Hagsmunir hans hafí
verið þeir að varðveita starfsferil
sinn, mannorð og rekstrargrundvöll
endurskoðunarskrifstofu sinnar.
Með ákærunni væri óbeint sagt að
maðurinn væri hálfgeðveikur. Til
að sakfella verði að sýna fram á
að Helgi hefði á einhvern hátt hagn-
ast á þessum meintu brotum. Helgi
hafi þegar orðið að þola handtöku,
gæsluvarðhald og sleggjudóma al-
mennings auk þess sem hann hafi
orðið að láta af starfi endurskoð-
anda. Nú fyrst sé málið komið til
þeirrar hlutlausu meðferðar sem ráð
sé fyrir gert að mál af þessu tagi
fái í réttarríki og sé ekki prófsteinn
á neitt annað en hvort það hljóti
slíka meðferð. Þegar málið komi til
dóms standi ekki steinn yfír steini
í ákæru og eftir fjögur löng ár sé
sá tími kominn að Hafskipsmenn
hljóti uppreisn æru. „Kannski ætti
að segja að tími reikningsskilanna
sé runninn upp,“ sagði Jón Steinar
Gunnlaugsson.
Jón Steinar hafði í máli sínu
gert ítarleg skil þeim ákæruliðum
sem lúta að reikningsskilum Haf-
skips í ársreikningi 1984 og einnig
fjallað um gerð milliuppgjörs átta
mánaða þess árs, auk almennrar
umfjöllunar um málið, gögn þess
og málflutning saksóknara. Hann
ræddi meðal annars ítarlega þá
aðferð sem Hafskip viðhafði við
lotun flutningstekna og -gjalda
vegna þeirra skipaferða sem stóðu
yfír á uppgjörsdegi um áramót
1984-1985. Hafskip hafði þann
hátt á að færa tekjur og gjöld til
bókar á upphafsdegi skipaferðar og
því voru tekjur vegna ferðar sem
stóð fram yfír uppgjörsdag að öllu
leyti taldar með í uppgjöri. Þessa
aðferð telur ákæruvaldið ólögmæta
og einn lið í þeim blekkingum sem
Hafskipsmenn eru ákærðir fyrir að
beita stjórn félagsins og Utvegs-
banka Islands. Akæruvaldið telur
að annaðhvort hafí átt að lota þess-
ar tekjur hiutfallslega miðað við
heildardagafjöida ferðar þannig að
hluti teknanna yrði færður á næsta
reikningstímabili eða allar tekjur
að aflokinni ferð.
Lögmaðurinn færði rök að því
að þegar skip léti úr höfn hefði
félagið tryggt sér flutningatekjur.
Þá væri vandséð að þeir dagar sem
skip væru í hafí skiptu höfuðmáli
fyrir rekstur skipafélags þar sem
öll starfsemin væri liður í að koma
vörum á áfangastað. Hann sagði
endurskoðendur skiptaréttar og
ákæruvalds hafa lýst því yfir að
þeir hefðu einungis kynnt sér hvaða
aðferð Eimskipafélag íslands beitti
í þessum efnum nú og leiddi hún
til svipaðrar niðurstöðu og þeir
teldu rétta. Hins vegar lægi fyrir
að þeir hefðu ekki kannað hvaða
aðferðum skipadeild SÍS, Ríkisskip
eða önnur íslensk skipafélög beittu.
Hann vitnaði til bréfs sem lagt var
fram í málinu þar sem forstjóri
Skipaútgerðar ríkisins staðfesti að
þar séu allar tekjur færðar á fyrra
ár, standi ferð fram yfír áramót.
Lögmaðurinn sagðist draga þá
ályktun af tregðu skipadeildar SIS
til að svara spurningum um þessi
efni að þar hefði til skamms tíma
einnig verið beitt sömu aðferð.
Hann vitnaði til álits fjögurra lög-
giltra endurskoðenda sem telji
tekjufærsluaðferð Hafskips eðli-
lega. Lögmaðurinn greindi frá bréfi
sem forstjóri breska félagsins
Anglia-Shipping hefði ritað og stað-
fest að fyrirtæki sitt og annað nafn-
greint, sem hann þekkti til hjá, við-
hefðu aðferð Hafskips.
Flutningatekjur færðar
í slippnum
Jón Steinar Gunnlaugsson sagði
umsagnarendurskoðendur ekki
greina á milli inn- og útflutnings-
tekna af hverri ferð heldur líta á
hveija hringferð skips sem heild.
Hafskip hafði hins vegar fært við
brottför skips úr höfn tekjur vegna
þess farms sem þá var um borð.
Lögmaðurinn -sagði þessa aðferð
umsagnarendurskoðenda gefa al-
ranga mynd þar sem ljóst væri að
í ferðum þeirra skipa í Atlantshafs-
siglingum, sem staðið hefðu yfir við
áramót á þessum tíma, hefðu um
90% tekna orðið vegna flutnings
vestur um haf en einungis 10% á
Ieiðinni frá Bandaríkjunum til Evr-
ópu. Til útskýringar á því hve að-
ferð umsagnarendurskoðenda gæfi
villandi mynd rakti Jón Steinar að
eitt þeirra skipa, sem verið hefðu í
hafí um áramót, hefði lagt af stað
frá Reykjavík þann 27. desember
1984 og komið til Hamborgar þann
2. janúar 1985. Þar hefði skipið
verið í slipp til 14. janúar er það
lét úr höfn og kom til íslands 22.
janúar. Endurskoðendurnir hafi tal-
ið þetta órofna ferð og látið hlutföll-
un teknanna jafnt ná yfir þá daga
sem skipið var tómt í slipp í Ham-
borg og þá sem það var í flutning-
um í hafi. Ljóst sé að hvað sem líði
sjálfstæðiskvenna
Fundur með frambjóðendum
Laugardaginn 19. maí 1990 kl. 14.00 heldur Landssamband sjálf-
stæðiskvenna fund með kvenframbjóðendum Sjálfstæðisflokksins í
sveitarstjórnarkosningum 1990. Fundurinn verður haldinn í Valhöll
í Reykjavík og yfirskrift hans er:
Sveitarstjórnarkosningar 1990.
Áfram stelpur.
Ræðumenn verða: Katrín Fjeldsted, Reykjavík, Sigurbjörg Ragnars-
dóttir, Akranesi, Birna Friðriksdóttir, Kópavogi.
Athugið: Hópmynd verður tekin af frambjóðendum.
Allir velkomnir.
Kópavogur - opið hús
Opið hús verður i Sjálfstæðishúsinu, Hamraborg 1, 3. hæð, i dag,
miðvikudaginn 16. maí, milli kl. 17 og 19.
Frambjóöendurnir Guðni Stefánsson, Sigurður Helgason og Steinunn
H. Sigurðardóttir verða á staðnum.
Stuðningsmenn Sjálfstæðisflokksins: Leggið ykkar af mörkum við
mótun kosningabaráttunnar. Verið velkomin. Heitt á könnunni.
Kosningaskrifstofan er opin frá kl. 9-19 mánudaga-föstudaga, símar
40708 og 40805. Kosningastjóri er Þorgeir P. Runólfsson.
Sjálfstæðisfélögin í Kópavogi.
Akureyringar
Hverfafundir um bæjarmál á vegum frambjóðenda Sjálfstæðisflokksins:
Utan Glerár - í dag, miðvikudag 16. mai, í sal KFUM í Sunnuhlíð
kl. "20.30. Fundarstjóri: Sveinn Brynjólfsson, arkitekt. Ávörp flytja:
Valgerður Hrólfsdóttir, Jón Már Héðinsson og Hólmsteinn Hólm-
steinsson.
Sunnan Glerár - fimmtudag 17. maí í sal Sjálfstæðisflokksins í Kaup-
angi kl. 20.30. Fundarstjóri: Halldór Jóhannsson, landslagsarkitekt.
Ávörp flytja: Birna Sigurbjörnsdóttir, Jón Kr. Sólnes og Gunnar Jónsson.
Frambjóðendur svara fyrirspurnum úr sal.
Komið og kynnið ykkur stefnumál Sjálfstæðisflokksins.
Sjálfstæðisfélögin.
Þingmenn Sjálfstæðis-
flokksins í Austurlands-
kjördæmi
Egill Jónsson og Kristinn Pétursson
mæta á almenna
stjórnmálafundi í
kjördæminu sem
hér segir:
Reyðarfjörður:
Fundartími:
Miðvikudagurinn
16. maí kl. 20.30.
Fundarstaður:
Félagslundur.
Eskifjörður:
Fundartími: Fimmtudagurinn 17. maí kl. 20.30.
Fundarstaður: Strandgata 45.
Neskaupstaður:
Fundartimi: Föstudagurinn 18. maí kl. 20.30.
Fundarstaður: Egilsbúð.
Seyðisfjörður - Egilsstaðir - Vopnafjörður:
Auglýst síðar.
Kjördæmisráð Sjálfstæðisflokksins i Austurlandskjördæmi.
5KAST KEYPT
Kaupi málma
Ál, kopar, eir, zink og ryðfrítt
stál.
Upplýsingar gefur Alda í síma
91-667273.
KENNSLA
Vélritunarkennsla
Vélritunarskólinn, s. 28040.
V ÉLAGSLÍF
Hörgshlíð 12
Boðun fagnaðarerindisins.
Almenn samkoma í kvöld
kl. 20.00.
Hf,
H ÚTIVIST
GRÓFIHNI l • REYKJAVÍK • SÍMIAÍMSVARI 14606
Kvöldganga
Miðvikudaginn 16. maí Bessa-
staðanes. Brottför kl. 20.00 frá
BSÍ, bensínsölu. Verð kr. 600 kr.
Sjáumst.
Útivist.
'5*
SAMBAND ÍSLENZKRA
// KRISTNIBOÐSFÉLAGA
Samkoma verður í kristniboðs-
salnum, Háaleitisbraut 58, í
kvöld kl. 20.30. Ræðumaður:
Ástráður Sigursteindórsson.
Allir velkomnir.
Hvítasunnukirkjan
Fíladelfía
Biblíulestur I kvöld kl. 20.30.
„Lifandi steinar í lifandi bygg-
ingu“. Ræðumaður: Hafliði Krist-
insson. Allir hjartanlega vel-
komnir.
FERÐAFÉLAG
@ ÍSIANDS
ÖLDUGÖTU 3 & 11798 19533
Helgarferð 18.-20. maí
Vestmannaeyjar
Með Herjólfi báðar leiðir. Gist i
svefnpokaplássi. Gönguferðir
um Heimaey. Bátssigling kring-
um eyjuna. Brottför frá BSl,
föstudaginn kl. 19.30.
Upplýsingar og farmiðar á skrif-
stofunni, Öldugötu 3.
Helgarferðtr 25.-27. maí: Þórs-
mörk og Eyjafjallajökull—Selja-
vallalaug. .
Ferðafelag Islands.
Miðvikudagur 16. maí
kl. 20
Sólarlagsganga við Slunkaríki
og Lónakot.
Mætum vel í fyrstu kvöldgöngu
vorsins. Verð kr. 500,-, frítt fyrir
böm með fullorðnum. Brottför
frá Umferðarmiðstöðinni, aust-
anmegin. Verið velkomin!
Munið þriðja áfanga í afmælis-
göngunni kl. 10.30 og 13.00
sunnudaginn 20. maí.
Ferðafélag íslands.