Morgunblaðið - 16.05.1990, Blaðsíða 52

Kringlan 5
Sími
692500
SIOVAl
fflrgtusfíltifrift
Engum líkur
MIÐVIKUDAGUR 16. MAI 1990
VERÐ I LAUSASOLU 90 KR.
Miðbærinn:
Hiti í götur
>á 3 árum
BORGARRÁÐ hefur samþykkt til-
lögu Davíðs Oddssonar borgar-
stjóra, um að á næstu þremur
árum verði kominn hiti í allar
götur og torg í miðbænum. Áætl-
aður kostnaður vegna þessa er 130
til 140 milljónir króna.
Að sögn Davíðs Oddssonar borg-
arstjóra, er þetta fyrsta skrefið í
að nýta vaxandi jarðhita frá Nesja-
völlum. Sagði hann að aðbúnaður
og aðkoma að miðbænum muni
taka stakkaskiptum við þessa fram-
kvæmd. Næsta skref yrði að hita
upp erfiðar brekkur viásvegar í
borginni.
^ Guðlaugur Bergmann fram-
kvæmdastjóri og forsvarsmaður
samtakanna „Gamli miðbærinn,"
segist vera ánægður með þessa
framkvæmd sem yrði til mikilla
kóta. Sjá frétt á bls. 22
Cavendish-bridsmótið:
Sveit Islend-
■4nganna efst
eftir 4 leiki
Aðalsteinn Jörgensen og Jón
Baldursson voru í efsta sæti
sveitakeppni Cavendish-brids-
mótsins þegar fjórum umferðum
var lokið af níu. Mótinu lauk seint
í nótt að íslenskum tíma.
Aðalsteinn og Jón spila í sveit
með Andrew Robson frá Bretlandi
og Kitty Bethe frá Bandaríkjunum.
I fyrstu umferð mótins unnu þau
sveit 20-10, sem skipuð var Marty
Bergen og Larry Cohen en þeir
hafa verið sterkasta bridspar í
Bandaríkjunum undanfarin ár.
~~??tnnar leikurinn vannst 25-5, gegn
sveit sem í var m.a. formaður Ca-
vendish-bridsklúbbsins. Þriðji leik-
urinn vannst 17-13, gegn sveit
Johns Solodars, sem var í sigurliði
Bandaríkjanna á Heimsmeistara-
mótinu 1981. I íjórðu umferð vann
íslendingasveitin 30-0, sveit, skip-
aða áströlsku hjónunum Jim og
Normu Borin, sem margoft hafa
spilað í landsliði Ástrala; og hjónun-
um Alan og Dorothy Truscott, en
Alan er bridsfréttamaður dagblaðs-
ins New York Times og Dorothy
er margfaldur heimsmeistari
kvenna.
Klippt á borðann
Þrír nýir leikskólar voru opnaðir formlega í gær með athöfn í Heiðarborg í Seláshverfi. Tvö börn af leikskólanum klipptu á borða við athöfnina,
þau Elí Bæring Frímannsson og Emilía Björg Óskarsdóttir.
Höfn Hornafirði:
Tilraunir með frystingn
humars með köftiunarefiii
Hvítanes sigldi um ósinn fyrst flutningaskipa síðan í janúar
Höfn, Hornafírði. Frá Guðjóni Guðmundssyni blaðamanni Morgunblaðsins.
KAUPFÉLAG Austur - Skaftfellinga á Hö&i ráðgerir að frysta hum-
ar, sem á land kemur á morgun, fimmtudag, með köfnunarefhi fyrir
markað á Spáni. Það er í fyrsta skipti sem slíkri frystingaraðferð
er beitt á humar hér á landi.
Góð veiði er hjá humarbátum frá
Höfn, en vertíðin hófst á miðnætti
aðfaranótt þriðjudags. Tólf bátar
eru á veiðum á Breiðamerkurdjúpi.
Páll Dagbjartsson skipstjóri á Lyng-
ey var kominn með 650 kíló af
humri þegar Morgunblaðið talaði
við hann í gær og sagði hann byij-
unina á vertíðinni þokkalega. Hann
sagði, að svo virtist, sem hagstæð
skilyrði væru í sjónum núna fyrir
humarinn.
Flutningaskipið Hvítanes fór frá
Höfn í Hornafirði í gærkvöldi til
Vestmannaeyja, en Hvítanes er
fyrsta stóra flutningaskipið, sem fer
um Hornaijarðarós, síðan í janúar
sl. Siglingin gekk að óskum.
Dýpkunarskipið Perla sem hefur
unnið við dýpkun innsiglingarinnar
fór frá Hornafirði á laugardaginn.
Enn er unnið við að setja sandsekki
í skarðið sem myndaðist í Suður-
flörutanga í marz sl. og verða á
föstudag komnir 800 sekkir í skarð-
ið, en í fyrstu var ráðgert að setja
aðeins 400 til 600 sekki í skarðið.
^Sigíús Jónsson bæjarstjóri á Akureyri:
Um líf og dauða að tefla að
við náum álverinu til okkar
„EF VIÐ horfum þröngt á eyfirska hagsmuni, þá má segja að það
sé verri kostur fyrir okkur að álver rísi á suðvesturhorninu en að
^ekkert álver verði reist. Ef álver risi á suðvesturhorninu, þá hefði
það gífiirlega neikvæð áhrif hér á okkar svæði, á Norðurland.i, það
myndi draga fólkið með sér,“ sagði Sigfús Jónsson bæjarstjóri á
Akureyri í ávarpi sínu á fjölmennum fundi sem haldinn var í Sjallan-
um í gærkvöld.
Til fundarins boðuðu Iðnþróunar-
félag Eyjafjarðar og álviðræðu-
nefnd sveitarfélaga við Eyjafjörð
■'yog var tilefnið að kynna heima-
* mönnum stöðu mála og einnig að
ná fram samstöðu um álverið þeirra
á meðal. Tæplega 400 manns sóttu
fundinn og var Sjallinn troðfullur.
í máli bæjarstjóra kom fram að
um væri að ræða mikið hagsmuna-
mál, þar sem atvinnuleysi er hvergi
meira en á Norðurlandi, eða 3,5%
á meðan það er um 1,9% yfir landið
allt. „Hér er um líf eða dauða að
tefla, að við getum náð til okkar
álverinu, ef það á annað borð verð-
ur reist hér á landi,“ sagði Sigfús,
en hann bætti við að Eyfirðingar
væru ekki tilbúnir að kaupa það
hvaða verði sem væri.
Sigurður P. Sigmundsson fram-
kvæmdastjóri Iðnþróunarfélags
Eyjafjarðar ræddi um möguleika
svæðisins, og sagði að staðan væri
sú að nú stæðu Eyjafjörður og
Keilisnes í Vatnsleysustrandar-
hreppi nokkuð jafnfætis varðandi
, staðsetningu .álvers..
í máli Andrésar Svanbjörnssonar
yfirverkfræðings markaðsskrif-
stofu iðnaðarráðuneytis og Lands-
virkjunar kom fram að endanlegar
niðurstöður úr Nilu — mengunar-
varnaskýrslunni — lægju ekki fyrir,
en samkvæmt þeim athugunum
sem gerðar hefðu verið á Eyjafjarð-
arsvæðinu miðað við 200 þúsund
tonna álver virtist sem álver af
þeirri stærð og 130 þúsund tonna
álver hefðu svipuð áhrif á umhverf-
ið, þ.e. á slæmum degi með mikilli
norðanátt 'væri áhrifasvæðið um
þrír kílómetrar.
Yoko Ono
sýnir á Kjar-
valsstöðum
YOKO Ono hefur þegið boð menn-
ingarmálanefndar Reykjavíkur-
borgar um að sýna á Kjarvalsstöð-
um í apríl á næsta ári. Sýningin
sem um ræðir kemur hingað frá
Sonju Heine safninu í Ósló og er
það fyrsta sýning sem Yoko Ono
heldur í Evrópu en þaðan fer hún
til Milanó áður en hún kemur til
Islands.
Að sögn Gunnars Kvaran listráðu-
nauts Kjarvalsstaða, hafði hann sam-
band við umboðsmann Yoko Ono
þegar hann frétti af sýningunni í
Ósló og óskaði eftir að fá hana hing-
að. „Yoko Ono varð þegar hrifin og
samþykkti strax að sýna hér og er
von á listakonunni til landsins í tíl-
efni sýningarinnar,“ sagði Gunnar. Á
sýningunni verða aðallega sýndar
höggmyndir frá 7. áratugnum.
Yoko Ono tilheyrir Fluxus-sam-
tökunum, en það er hópur listamanna
sem kom fyrst fram á 7. áratugnum
og er þekktastur fyrir að vilja bijóta
af sér gamlar listhefðir. Einn í þess-
um hópi er Nam Jun Paik en hann
kom hingað á vegum Musika Nova,
á sínum tíma. Að sögn Gunnars
vöktu tónleikar hans eða öllu heldur
sýning hans mikla hneykslan en nú
er hann meðal virtustu listamanna
heims og sýnir verk sín í þekktum
sýningarsölum og helstu listasöfn
státa af verkum hans.