Morgunblaðið - 23.05.1990, Qupperneq 13

MORGUNBLAÐIÐ MIÐVIKUDAGUR 23. MAI 1990
13
Sigurgeir Sigurðsson oddviti sjálfstæðismanna á Seltjarnarnesi:
Kjósendur vita að
hverju þeir ganga
í 28 ár hefiir Sjálfstæðisflokkurinn haldið um stjórnartauminn
á Seltjarnarnesi. Þar af hefur Sigurgeir Sigurðsson verið bæjar-
sljóri í 25 ár. „Andstæðingarnir segja að flokkurinn hafi verið
of lengi við völd og ég of lengi bæjarstjóri. Eg held hins vegar
að Seltirningar horfi frekar til þess hvað gert hefiir verið á þess-
um árum heldur en hvað þau eru mörg,“ segir Sigurgeir. „Hvers
vegna að breyta ef reynslan er góð?“
Morgunblaðið/Þorkell
Sigurgeir Sigurðssson, bæjarstjóri og efsti maður á lista Sjálfstæð-
isflokksins á Seltjarnarnesi.
Sigurgeir var í fyrstu inntur
eftir því sem helst hefði verið
unnið að á kjörtímabilinu. „A
þessu kjörtímabili höfum við tekið
á umhverfismálum, uppgræðslu
og útivist. Gerð hefur verið áætlun
um og hafist handa við hreinsun
fjörunnar, markvisst hefur verið
unnið að uppbyggingu útivistar-
svæða víðsvegar á nesinu og átak
hefur verið gert í því að vernda
og byggja upp græn svæði í bæn-
um. Lokið var við að skipuleggja
allt svæðið frá Nesvegi og vestur
að Bakkavör, svo og hefur Val-
húsahæðin verið skipulögð. Vel
hefur verið haldið á spöðunum í
íþrótta- og æskulýðsmálum. Nýtt
íþróttahús var tekið í notkun 1988
og verið er að stækka íþróttavöll-
inn í þijá knattspyrnuvelli. í mál-
efnum aldraðra hefur verið um
miklar framfarir að ræða; var
síðari áfangi af íbúðum aldraðra
tekinn í notkun á árinu 1988,
þannig að vernduðum íbúðum fyr-
ir aldraða hefur fjölgað um 22 á
árinu.“
Landakaup og
skólabyggingar
Sigurgeir benti og á að bærinn
hefði staðið í miklum landakaup-
um á kjörtímabilinu; hefðu verið
fest kaup á stóru landsvæði vest-
an við Lindarbraut fyrir liðlega
120 milljónir króna. „Er þetta lið-
ur í því að bærinn geti skipulagt
svæði innan bæjarmarkanna án
utanaðkomandi afskipta." Bæjar-
stjórinn telur heiisugæslumálin
vera í mjög góðu lagi; heilsu-
gæslustöðin þjóni langt út fyrir
bæjarmörkin. „I dagvistarmálum
eru Seltirningar einnig vel settir;
tekinn var í notkun tveggja deilda
leikskóli að Selbrekku og í Mýrar-
húsaskólanum eldri var sett á
laggirnar skóladagheimili. Er nú
svo komið að í bænum eru 46
dagvistarrými, 150 leikskólarými
og 26 rými í skóladagheimili. Það
er því ekki hægt að tala um neina
biðlista á Seltjarnarnesi." Sigur-
geir gat þess og að lokið væri við
miklar framkvæmdir í Kolbeins-
staðamýri og snemma á kjörtíma-
bilinu hefði verið lokið við fram-
kvæmdir við Eiðistorg. Einnig
væri verið að byggja smábátahöfn
í Bakkavör.
Lægstu fasteignagjöldin
Að sögn Sigurgeirs eru fjármál
bæjarfélagsins eitt af aðalsmerkj-
um sjálfstæðismanna. „Hjá okkur
hafa aldrei verið nein vandræði
með fjármálin. Langtímaskuldir
bæjarfélagsins eru aðallega vegna
byggingar íþróttahúss og landa-
kaupa. Við ætlum okkur hins veg-
ar að greiða þessar skuldir upp
hratt.“ Sigurgeir segir heildar-
skuldir bæjarfélagsins vera um
50% heildarárstekjum þess. „Þrátt
fyrir miklar framkvæmdir og góða
þjónustu, höfum við haldið opin-
berum gjöldum í algeru lágmarki.
Við keyrum enn á því að veita
25% afslátt á fasteignagjöldum,
þannig að hvergi á landinu eru
lægri fasteignagjöld. Við höfum
haldið okkur í 7% útsvari, sem er
um meðaltal og við höfum ekki
lagt á holræsagjald, sem gæti séð
bænum árlega fyrir 15 milljóna
króna tekjum."
Umhverfismálin í brennidepli
Aðspurður um helstu verkefnin
framundan segir Sigurgeir að
mörg spennandi verkefni bíði
sjálfstæðismanna, fái þeir áfram-
haldandi umboð til að stjóma
bænum. „Eitt af stærstú verkefn-
unum er holræsaáætlun fyrir
bæinn til ársins 1996; með tug-
milljóna fráveituframkvæmdum
er koma til með að standa yfir í
sex ár og enda í lokatakmarkinu;
hreinum sjó umhverfis nesið. Á
þessu ári verður lokið við sam-
tengingu útrása í Strandahverfi
og gerð dælustöðvar og yfirfalls
við Tjarnarstíg og Fornuströnd.
1991 verður lokið við gerð yfir-
falla við Fornuströnd, 1992 dælu-
stöð og yfírfall við Eiðistorg, 1993
lýkur samtengingu útrása frá
Byggarði til Barðastrandar. 1994
verða samtengdar útrásir frá
Lindarbraut að Steinavör og yfir-
fall þar, 1995 samtenging útrása
frá Steinavör að Tjarnarstig og á
árinu 1996 verður fráveitukerfið
tengt við dælustöð er dælir frá-
rennslinu 3,5 km á haf út.
Verkefni eru einnig óþijótandi
í sjóvörnum enda er strandlengjan
mjög viðkvæm víða. Við höfum
þegar komið upp varnargörðum á
eiðinu út í Suðurnesið og hluti af
suðurströndinni er búinn. Sjálf-
stæðismenn ætla sér að gera stór-
átak í þessum málum á næsta
kjörtímabili.“
Uppbygging í skóla-
og öldrunarmálum
„Sjálfstæðismenn ætla sér
einnig stóra hluti í skólamálum.
I sumar byijum við að byggja við
Mýrarhúsaskólann. Þegar þessari
viðbyggingu er lokið, verðum við
með einsetinn og samfelldan
skóladag á Seltjarnarnesi og um
verður að ræða varanlega lausn
á skólamálum Seltirninga. Við
stefnum að því að klára fyrsta
áfanga af þremur á kjörtímabil-
inu. Þessi áfangi kemur m.a. til
með að hýsa yfirstjórn skólans,
mötuneyti fyrir nemendur og fé-
lagsaðstöðu nemenda.
Við stefnum einnig að mikilli
uppbyggingu á aðstöðu aldraðra.
Nú standa yfir samningar við
Reykjavík og samtökin Skjól,
DÁS og Blindravinafélagið um
byggingu hjúkrunarheimilis fyrir
aldraða. Tvö slík hjúkrunarheimili
eru fyrirhuguð. í heilsugæslu
verður það helsta verkefni
kjörtímabilsins að að stækka heil-
sugæslustöðina, það er að segja
að innrétta allt húsnæðið, en til
þess hefur skort fé. Reiknað er
með að þessari stækkun ljúki á
næsta ári, þannig að allt hf'ilsu-
gæslusvæðið mun þá njóta þjón-
ustu heilsugæslustöðvar Seltjarn-
arness.“
Reynsla Seltirninga góð
Sigurgeir var inntur eftir horf-
unum fyrir komandi kosningar,
en að þessu sinni bjóða andstæð-
ingar Sjálfstæðisflokksins fram
saman. „íbúar Seltjarnarness
hafa reynslu af áratuga stjórn
sjálfstæðismanna. Okkur hefur
gengið vel að byggja upp þetta
bæjarfélag og erum stolt af okkar
vinnu. Sjálfstæðismenn vinna vel
að framfaramálum, án ofsköttun-
ar eða ofstjómar. Eg hef ekki trú
á því að Seltirningar vilji táka
áhættu með því að veita öðrum
brautargengi, allra síst þegar
framboðið er hannað sérstaklega
af ráðherrum ríkisstjórnarinnar,
eins glæsileg og þeirra verk eru,“
sagði Sigurgeir Sigurðsson bæjar-
stjóri á Seltjarnamesi.
„Höfum fengiö góðar mót-
tökur hjá bæjarbúum“
- segir Ellert Eiríksson sveitarstjóri og oddviti Sjálfstæðisflokksins í Keflavík
Keflavík.
„KOSNINGARNAR leggjast vel í mig persónulga. Við sem erum
í framboði fyrir Sjálfstæðisflokkinn höfum verið ákaflega sam-
stiga og fengið góðar móttökur hjá bæjarbúum á þeim liðlega
100 vinnustaðafúndum sem við höfum verð með að undanförnu,“
sagði Ellert Eiríksson sveitarstjóri sem skipar efsta sætið á fram-
boðslista Sjálfstæðisflokksins í Keflavík, en þar hefur flokkurinn
verið í minnihluta síðasta kjörtímabil. Ellert sagði að markmiðið
væri að fella meirihluta Alþýðuflokksins, en það yrði náttúrlega
á valdi kjósenda hversu mikinn meðbyr Sjálfstæðisflokkurinn fengi
á laugardaginn.
Ellert sagði að frambjóðendur
Sjálfstæðisflokksins hefðu farið
nýjar leiðir til að ná til kjósenda.
„Við byijuðum með vel auglýsta
fundi sem voru með hringborðs-
umræðusniði. Fólk kom og ræddi
við okkur eins og það sæti heima
í eldhúsi með kaffibolla fyrir
framan sig. Þarna náðum við góðu
og mikilvægu persónulegu sam-
bandi við borgarana og ég get
sagt um þessa fundi eins og
krakkarnir segja: „Þetta var
meiriháttar gott.“ Síðan lukum
við fundaherferðinni með atvinnu-
málaráðstefnu sem tókst vel í alla
staði og þar fengum við einnig
ýmsar gagnlegar ábendingar.“
Ellert sagði að áberandi hefði
verið hversu miklar áhyggjur
Keflvíkingar hefðu af fjármálum
bæjarins og að menn legðu mikið
uppúr að þar þyrfti að taka til
hendinni. „Mikið var um að fólk
segði: „Komið fjármálunum í
Keflavík í gott lag - og ef þið
getið staðið við það loforð erum
við ánægð.“ Enda ekki nema von
að Keflvíkingar hafi áhyggjur af
fjármálum bæjarins sem nú greið-
ir 100 þúsund kr. á dag í refsi-
vexti. Á síðasta ári greiddi
Keflavíkurbær 8,3 milljónir í
dráttarvexti af langtímalánum og
um 32 milljónir af skammtímalán-
um.
Fjármál bæjarins eru því mjög
til umræðu og þar höfum við lofað
að ráða bót á. í því sambandi
höfum við lofað að lækka fast-
eignaskatta um 10% og fólk spyr
hvernig við ætlum að fara að því?
Svarið okkar er: „Við ætlum að
hætta að borga dráttarvexti."
Þarna væri um að ræða 8,3 millj-
ónir eða sömu upphæð og bærinn
greiddi í dráttarvexti á síðasta ári
af langtímaskuldum. Með því að
ná tökum á fjármálunum gætum
við lækkað fasteignaskatta um
Ellert Eiríksson sveitarstjóri
skipar efsta sætið á framboðs-
lista Sjálfstæðisflokksins í
Keflavík.
10% og auk þess fengjust 24 millj-
ónir til framkvæmda í bænum.
Einnig bendum við á að endur-
heimta þarf viðskiptavild sem
Keflavíkurbær hafði, en hefur
víða misst að undanfömu.
Mötuneyti í Holtaskóla er
brennandi mál hjá mörgum for-
eldrum sem við höfum rætt við
og fyrir því ætlum við að beita
okkur. Þá viljum við að gert verði
iðnaðarskipulag í Helguvík fyrir
minni eða millistóran iðnað svo
sem fiskimjöl, þilplötu- eða
ísframleiðslu. Einnig viljum við
að nafni og hlutverki atvinnu-
málanefndar verði breytt. Hún
verði kölluð sölu- og markaðs-
nefnd og að verkefni hennar yrði
að kynna og selja Keflavík sem
atvinnusvæði. Við viljum hafa
fmmkvæðið í stað þess að bíða
eftir að einhver hringi.
Málefnin eru mörg sem við
höfum á stefnuskránni og erfitt
að koma þeim öllum að en ég vil
þó nefna nokkur að Iokum. Við
erum stöðugt að leita að leiðum
til að ná til þeirra ferðamanna sem
um Reykjanesskagann fara og þar
eru uppi ýmsar hugmyndir. Við
viljum að sett verði upp tjaldstæði
og þjónustumiðstöð og einnig að
hægt yrði að kaupa svefnpoka-
pláss í Holtaskóla. Ráðstefnuhald
í Keflavík er góður kostur sem
kynna þarf betur. Hér er góð að-
staða til íþróttaiðkana og við höf-
um komið með þá hugmynd að
reka körfuboltaskóla á sumrin og
koma á nokkurs konar landsmóti
í minnibolta í líkingu við Tomma-
mótið í knattspyrnu í Vestmanna-
eyjum og Andrésar andarleikana
á skíðum á Akureyri. Þá þarf að
skipuleggja og bæta almenningss-
amgöngur á svæðinu og þar ber
að taka sérstakt tillit til ferða-
manna.
Einnig vil ég nefna að við höf-
um lengi haft áhyggjur af Reykja-
nesbrautinni og leggjum áherslu
á að þungavörum verði skipað upp
í Keflavík og Njarðvík, en ekki í
Reykjavík og henni síðan ekið til
Suðurnesja. Tugir þúsunda tonna
eru þannig fluttir á hveiju ári um
Reykjanesbraut og þar má nefna
að allt eldsneyti til farþegaflugs
í millilandaflugi er flutt með tank-
bílum frá Reykjavík. Það er álit
margra að hjólförin sem myndast
hafa á veginum séu að mestu til-
komin vegna þeirra miklu þunga-
flutninga sem þar hafa átt sér
stað.“
Ellert Eíríksson er nú í fram-
boði til bæjarstjórnar Keflavíkur
í fyrsta sinn. Hann hefur undan-
farin ár starfað sem sveitarstjóri
í Garði og setið á Alþingi sem
varaþingmaður Reyknesinga. Ell-
ert sagði að það væri ekkert laun-
ungarmál að hann sæktist eftir
að verða bæjarstjóri í Keflavík
fengi hann umboð til þess. Tals-
verð uppstokkun var nú gerð á
lista Sjálfstæðisflokksins frá
síðustu kosningum. Ellert sagði
að hann hefði ekki getað fengið
betri samheija sem kæmu úr hin-
um ýmsu þjóðfélagsstéttum. Gott
jafnvægi væri á milli yngri og
eldri, karla og kvenna - og endur-
speglaði hann samfélagið í
Keflavík.
„Þar sem fer samhentur fram-
boðslisti og góð stefnuskrá þar
sem grundvallarhugsjón sjálf-
stæðisstefnunnar er viðhöfð, tel
ég lista Sjálfstæðisflokksins lang-
besta kost sem kjósendum býðst
í Keflavík," sagði Ellert Eiríksson
að lokum.
BB