Morgunblaðið - 27.07.1990, Blaðsíða 38
^38
MORGUNBLAÐIÐ IÞROTTIR FÖSTUDAGUR 27. JÚLÍ 1990
■ CARL Lewis vann sín fyrstu
gullverðlaun á Friðarleikunum í
fyrrinótt. Hann sigraði í lang-
stökki, 8,38 metra hoppaði kappinn.
Veðrið fór eitthvað í taugarnar á
honum, það var kalt og hvasst,
ekki „nema“ 15 stiga hiti og Lew-
is sagði: „Það var skítkalt.“
■ EN „kuldinn" í Seattle fór ekki
ekki í skapið á öllum. Hammou
Boutayeb, frá Marokkó reyndi að
notafæra sér veðurfarið til þess að
setja nýtt heimsmet í 10 þúsund
metra hlaupi. Honum tókst það
ekki, kom þó fyrstur í mark, á 27
mínútum og 26,43. Það er besti
tími sem nokkru sinni hefur náðst
í 10 þúsund metra hlaupi í Banda-
ríkjunum.
■ DAVE Johnson sigraði í tug-
þrautinni,' sem lauk í fyrrinótt.
Hann náði 8403 stigum. I öðru
sæti varð Dan O’Brien, sem hafði
forystu í greininni eftir fyrri daginn.
■ SYSTUR tvær frá Sovétríkj-
unum urðu í 1. og 2. sæti í spjót-
kasti, þær Natalja og Tatjana Sji-
kolenko. Það var hún Natalja sem
sigraði, kastaði 61,62 metra.
■ HEIMSMETHAFINN í kúlu-
varpi, Randy Barnes, sigraði í
dauflegri keppni í greininni í fyrri-
nótt. Hann varpaði 21,44 metra í
fyrstu tilraun. Þetta kast er næstum
tveim metrum styttra en metkastið,
sem er 23,12 metrar.
■ KÍNVERSKU blakstúlkurnar
sigrðu þær brasilísku frekar létt í
undanúrslitum, 3:0. Og sovésku
stelpurnar sigruðu þær perúsku 3:1.
HANDBOLTI / FRIÐARLEIKARNIR
Lengi ígangen
aldrei spuming
Öruggur níu marka sigur gegn Japan
„VIÐ spilum aldrei vel á morgn-
ana. Erum að minnsta kosti
lengi í gang og það sýndi sig
enn einu sinni nú. Við erum
ekki vanir að spila á morgnana
á íslandi og þó strákarnir hafi
vaknað snemma — klukkan 7
(leikurinn hófst kl. 11) — voru
þeir lengi í gang. En ég er mjög
ánægður með leikinn. Það var
gott hjá strákunum að rífa sig
upp í seinni hálfleik og stinga
Japanina af,“ sagði Þorbergur
Aðalsteinsson tandsliðsþjálfari
eftir að ísland sigraði Japan
27:18 íSeattle.
Skapti
Hallgrímsson
skrifarfrá
Seattle
Island byijaði ágætlega, staðan
var fljótlega 3:1, en þá var eins
og íslensku leikmennirnir héldu að
hlutimir kæmu af sjálfu sér - Japan
gerði fimm mörk í
röð. Vörnin var stöð,
einhver doði í leik-
mönnum og kæru-
ieysi einkenndi
sóknarleikinn allt of mikið. Japanir
spiluðu 3-2-1 vörn, mjög framar-
lega en strákarnir náðu ekki að
nýta sér nægilega vel svæðið sem
myndaðist fyrir aftan fremri varn-
armennina. Guðmundur Hrafnkels-
son kom liðinu hins vegar til bjarg-
ar — varði hvorki fleiri né færri en
16 skot í fyrri hálfleiknum. Síðari
hluta hálfleiksins lagaðist sóknar-
leikurinn svo aftur; þegar rnenn
fóru að taka á kom í ljós að Island
hafði aila burði til að vinna auðveid-
an sigur.
Eftir hlé var síðan aldrei spurn-
ing hvernig færi. Jafnt og þétt dró
í sundur með liðunum. Sóknarleikur
íslands varð allur annur — einbeit-
ingin í nokkuð góðu lagi, og vörnin
styrktist. Hún var hreyfanleg og tók
vel á móti Japönum. Enda fékk
íslenska liðið ekki nema sjö mörk
á sig í síðari hálfleik.
Mörkin voru af öllum gerðum að
þessu sinni, nokkur mjög falleg með
langskotum, einnig úr hornum og
eftir hraðaupphiaup. Helst var að
línumennirnir nýttust ekki sem
skyldi. „Eg ákvað fyrir leikinn að
leyfa öllum að spila, til að hafa þá
bestu ekki mjög þreytta á morgun,
gegn Tékkum," sagði Þorbergur í
gær. Allir komu inn á nema Bjarki
Sigurðsson. „Eftir að strákarnir
komust í gang var einbeitingin í
lagi, leikgleðin er mikil hjá þessum
strákum. Þeir hafa mjög gaman af
því sem þeir eru að gera.“
Japanski þjálfarinn, Akira
Tsugawa, sagði að mjög erfitt hefði
verið fyrir sína menn að leika gegn
þeim íslensku, sem væru mun
stærri. „Markvörður þeirra var okk-
ur líka erfiður viðureignar og við
réðum ekkert við Héðin Gilsson.
Mínir menn héngu á honum, en
fengu ekkert að gert.“
Eftir að ísland fór í gang var
munurinn allt of mikill til að leikur-
inn yrði einn sá eftirminnilegasti
sem undirritaður hefur séð. Japanir
eru ekki með sérstakt lið; góða ein-
staklinga þó en leika ekki mjög
agað og skjóta mikið. En gegn þeim
þarf að halda einbeitingunni, það
sýndi sig í fyrri hálfleik. Strákarnir
gerðu sér grein fyrir því og skiluðu
hlutverkum sínum með sóma eftir
hlé.
GOLF / LANDSMOTIÐ
Morgunblaðið/Rúnar Þór
Hilmar Gíslason slær fyrsta högg-
ið á íslandsmótinu í golfi.
FRJALSAR
Leidrétting
Igrein í Morgunblaðinu í gær sagði
að keppendur fslands í norrænu ungl-
ingalandskeppninni árið 1984 hefðu ekki
komist á verðlaunapall. Byggðist sú full-
yrðing á rannsókn á bók með mótaúrslit-
um, sem Frjálsíþróttasambandið (FRÍ)
gaf út fyrir það ár. í ljós hefur komið
að bókin er ekki fullkomin því þar í vant-
ar úrslit einnar greinar keppninnar, lang-
stökks karla, þeirrar einu sem íslending-
ar unnu. Þar var að verki Kristján Harð-
arson Ármanni sem tryggði sér sigur í
síðustu umferð með 7,41 metra stökki.
Bið ég Kristján velvirðingar á mistökum
mínum.
Þá hef ég orðið var við þann skilning
að greinin, sem fjallaði um hvort íþrótta-
kona hefði orðið Norðurlandameistari
eða ekki, geri lítið úr árangri viðkom-
andi íþróttakonu, Guðrúnar Arnardóttur
UMSK, í mótinu. Það er útúrsnúningur
því sigur hennar í grindahlaupinu var
jafn ánægjulegur og glæsilegur þó hon-
um hafi ekki fylgt meistaratitill því í
hlaupinu voru saman komnir bestu
grindahlauparar Norðurlanda í unglinga-
flokki kvenna.
Ágúst Ásgeirsson
JónÖm
og Böðvar
með
forystu
Magdalena fremst
hjá konunum
JÓN Örn Sæmundsson, GA, og
Böðvar Bergsson, GR, fóru
báðir fyrstu 18 hoíurnar á 84
höggum á íslandsmótinu í
golfi, sem hófst á Akureyri í
gær. Þeir keppa í 3. flokki, en
f 2. fiokki kvenna er Magdalena
S. Þórisdóttir, GS, meðforystu,
fórá 97 höggum.
Ragnar Steinbergsson, formað-
ur Golfklúbbs Akureyrar, setti
íslandsmótið, en síðan hófst keppni
í 2. flokki karla og kvenna og 3.
flokki karla. Hilmar Gíslason, bæj-
arverkstjóri á Akureyri, sló fyrsta
höggið.
Aðstæður voru eins góðar og
hægt var að hugsa sér og höfðu
létt klæddir kylfingar á orði að
þetta væri eins og í útlöndum.
Röð efstu manna er þessi:
3. flokkur karla:
Jón Örn Sæmundsson, GA..................84
Böðvar Bergsson, GR.....................84
Leó Reynisson, GL.......................85
Einar Viðarsson, GA.....................87
Símon Magnússon, GA.....................88
Róbert Öm Jónsson, GR...................89
Jón T. Njarðarson, GL...................89
Sigurður St. Haraldsson, GA.............90
Jón S. Friðjónsson, GK..................90
Helgi Sigurðsson, NK....................90
2. flokkur kvenna:
Magdalena S. Þórisdóttir, GS............97
Karólína Guðmundsdóttir, GA............101
Sigrún Sigurðardóttir, GR..............104
Elínborg Sigurðardóttir, GS............104
Sigurbjörg Gunnarsdóttir, GS...........105
Sigríður Kristinsdóttir, Gr............105
Fjóla Þuríður Stefánsdóttir, GA........105
Auður Guðjónsdóttir, GK................105
Anna Freyja Eðvarðsdóttir, GA..........105
Aðalheiður Alfreðsdóttir, GA...........105
KVENNAKNATTSPYRNA / GULL- OG SILFURMOTIÐ
Liðlega
600
stúlkur
tóku
þátt
GULL- og Silfurmótið í knatt-
spyrnu kvenna fór f ram í Kópa-
vogi dagana 20.-22. júlí, með
'*► þátttöku 56 flokka úr 19 félög-
umfrá 16 bæjarfélögum
víðsvegar að af landinu. Lið úr
2., 3. og 4. flokki tóku þátt í
mótinu, en alls voru keppendur
um600 talsins.
Flestir leíkimir fóru fram á
Smárahvammsvelli, en alls var
leikið á sjö völlum og flestir úrslita-
leikirnir fóru fram á Kópavogsvelli.
Margir leikjanna þóttu bráð-
skemmtilegir, og í öðrum, þar sem
tvísýnt var um úrslit, ríkti mikil
spenna. Liðin voru jafnari að styrk-
leika nú en í fyrra, og ræður aukin
leikreynsla stúlknanna líklega
mestu þar um.
Valdir voru bestu leikmenn í
hveijum flokki og hlutu þeir að
launum verðlaunagripi og flugfar
innanlands. Þá hlutu markadrottn-
ingar í hveijum flokki einnig verð-
laun. „Fyrirmyndarliðið" var valið
— KA, fyrir framkomu og umgengni
á keppnis- og dvalarstað.
Bestu leikmenn og
markadrottningar
Valdir voru bestu ieikmenn mótsins
og þeir eru á efri myndinni frá vinstri:
Ásdís Þorgiisdóttir ÍBK í 2. flokki,
Anna Björk Björnsdóttir Val í 4. flokki
B, Anna Sigursteinsdóttir ÍA í 4. flokki
A, Rut Steinsen Stjörnunni í 3. flokki
B, og Brynja Steinsen KR í 3. flokki A.
Á myndinni til hliðar eru markadrottn-
ingarnar frá vinstri: Heiða Haralds-
dóttir Reyni, 2. fl. A með 8 mörk;
Sóley Elísdóttir ÍA, 4. fl. B með 10
mörk; Hanna Guðrún Stefánsdóttir
Haukum, 4. fl. A með 7 mörk;Rut
Steinsen Stjörnunni, 3. fl. B með 11
mörk: Á myndina vantar drottningarn-
ar Hjördísi Símonardóttur, 3. fl. A hjá
Vai, sem gerði 10 mörk, Erlu Hend-
riksen, 4. fl. A hjá UBK ( 7 mörk)
og Valdísi Fjölnisdóttur KR.
ÚRSLJT
2. flokkur
Úrslit:
ÍBK-Reynir...........................1:1
Haukar-Selfoss.......................4:0
Selfoss-UBK..........................1:6
Haukar-Reynir........................0:3
UBK-Haukar...........................6:0
ÍBK-Selfoss..........................6:0
Haukar-ÍBK...........................0:1
Reynir-UBK...........................1:4
UBK-ÍBK..............................4:0
Selfoss-Reynir.......................1:5
Lokaröð:
1. sæti.............................UBK
2. sæti..........................Reynir
3. sæti.............................IBK
4. sæti..........................Haukár
5. sæti.........................Selfoss
3. flokkur A
Leikir um sæti:
I. -2. sæti: KR-UBK.................2:0
3.-4. sæti: Valur-Stjaman............2:4
5.-6. sæti: Týr-Sindri...............2:1
7.-8. sæti: KA-Reynir................2:0
9.-10. sæti: FH-ÍA...................0:0
II. -12. sæti: Tindastóll-Grindavík.4:0
13.-14. sæti: Haukar-Ægir............1:0
15.-16. sæti: Þór-KS.................5:0
3. flokkur B
Leikir um sæti:
1.-2. sæti: Stjarnan-Tindastóll......5:0
3. -4. sæti: Haukar-UBK.............3:0
5.-6. sæti: Sindri-Grindavík.........3:0
7.-8. sæti: Þór-Reynir...............0:0
9.-10. sæti: KA-FH...................1:0
4. flokkur A
Leikir um sæti:
I. -2. sæti: Stjarnan-KR............4:1
3. -4. sæti: UBK-ÍA.................0:1
5. -6. sæti: Skallagrímur-Týr.......2:0
7.-8. sæti: KA-Grindavík........... 1:1
9.-10. sæti: Haukar-ÞórVe............1:1
II. -12. sæti: Valur-Sindri.........0:1
13. sæti: Selfoss.
4. flokkur B
Leikir um sæti:
I. -2. sæti: UBK(1)-ÍA..............0:1
3.-4. sæti: Stjarnan-Haukar..........1:1
(Stjarnan hlaut 3. sæti eftir framlengingu
og hlutkesti).
5. -6. sæti: KS-UBK(2)..............1:0
7.-8. sæti: Valur-Sindri.............0:2
9.-10. sæti: Þór Ve.-KR..............0:1
II. -12. sæti: Selfoss-KA...........1:0