Morgunblaðið - 11.11.1990, Side 38
MORGUNBLAÐIÐ FOLK I FRIHTUM ABNNUDAGUR HppÓyEkfBEK .1990
Við lofum yíásur
ARSHATIÐ
sem varið er í
hverju fyrirtæki og félagi erárs-
hátíð mlkilvægasta gleði-
stund ársins. Til að hún heppnist
fullkomlega þarf rétta umgjörð, at-
læti og glens sem hrífur gesti strax í
algleymi ósvikins fagnaðar.
i \ y7 ið í Átthagasalnum höfum
hlustað sérstaklega eftir ósk-
um gesta okkar. Til að þeir séu í ess-
inu sínu þarf gleðin að skína úr
hverju horni, hreyfmgar þjónanna að
fylgja stemningu andartaksins og
dagskráin að verka fersk.
r\Y ið búum árshátíðinni ykkar
veglega umgjörð, framreiðum
lostæti að ykkar vali og ljúfar veig-
ar, útvegum skemmtiatríði og tón-
list við hæfi. Auk þess spörum við
ykkur ótal snúninga og áhyggjur —
allt I einum pakka á góðu verði.
Vinsamlega hafið samband í síma
29900 og við sendum ykkur tilboð
um hæl.
Qóða skemmtuní
Inóiel
TIZKA
María myndar í París
I^EKKT tízkublað í París heitir L’Officiel og þar má sjá það nýj asta
sem tízkufrömuðir heimsborgarinn ar hafa uppá að bjóða. í nýjasta blað-
inu, sem er tæplega 400 síður, allar litprentaðar, eru 15 síður með mynd-
um íslenzka tízkuljósmyndarans Maríu Guðmundsdóttur. María myndar
fatnað sem seldur er undir hinu þekkta merki Lous Féraud. Þetta er glæsi-
legur og rándýr fatnaður eins og myndin ber með sér.
ÍÞRÓTTIR
Þrítug
stjarna
Stjarnan í Garðabæ er þrítug um
þessar mundir og er sennilega í
hópi yngri íþróttafélaga hér á
landi. I vikunni sem leið voru
mikil hátíðarhöld í tilefni áfang-
ans og eins og sjá má af meðfylgj-
andi myndum Arna Sæbergs var
margt um manninn, enda að-
standendur margir í ört vaxandi
íþróttafélagi.
Stjörnumaður einn, sem taldi
óþarfa að geta nafns, sagði það
hafa verið einkar skemmtilegt að
fylgjast með framgangi Stjörnunnar
í gegn um tíðina. Hann hefði leikið
með knattspyrnuliðinu og handknatt-
leiksliðinu á fyrstu árunum er Stjarn-
an þótti ekki merkilegur pappír og
menn veigruðu sér jafnvel við að
segja til félags ef á þá var gengið.
„Við fórum til Eyja, lékum tvo leiki
gegn ÍBV og töpuðum samanlagt
1-21. Það þótti ekki nema hæfilegt.
Ég man líka eftir að UBK tók okkur
1-9 og þannig mætti áfram telja.
Þetta var í 3. og 2. f!okki,“ sagði
viðmælandinn.
En Garðabærinn var ört vaxandi
og þar kom að skipulag fór að kom-
ast á íþróttastarfið og þá fór vegur
Stjörnunnar fljótt vaxandi. Nú á lið-
ið 1. deildar lið í handknattleik og
knattspyrnu karla og handknattleik
kvenna. Yngri flokkarnir eru hver
öðrum efnilegri og ýmsar íþrótta-
deildir aðrar eiga vaxandi meðbyr
að fagna. Sýnist sem Stjarnan sé á
réttri hillu um þessar mundir og þar
vilja Garðbæingar hafa hana ...
DELLA
Skipbrotskona frá
1912 lifandi á ísjaka
suðvestur af Islandi!
Bandaríska vikurítið Weekly
World News, hefur greint frá því
á forsíðu að norskur togari hafi
fundið konu á ísjaka 220 mílur
suðvestur af íslandi(!) Hún hafi
verið klædd upp á nióð fyrsta
áratugar þessarar aldar og veif-
að farmiða með Tilanic, sem
sökk í sæ eftir að hafa stímt á
ísjaka 15. apríl 1912(!) Nú verður
að segjast eins og er, að Weekly
World News er ekki sérstaklega
vant að virðingu sinni og sumir
segja flestar stóru fréttir blaðs-
ins annaðhvort stórfelldar ýkjur
ef ekki hreinar lygar. Engu að
síður er gaman að velta „frétt-
inni“ fyrir sér, því Islands er
getið í henni.
*
Iumræddri frásögn er þess getið
að konan, 29 ára gömul, heiti
trúlega Winnie Coutts og hún hafi
ekki elst um einn einasta dag síðan
Titanic hvarf í sæinn. 27 sérfræðing-
ar við hið „fræga" Saether-sjúkrahús
hafi rannsakað hana og væru sam-
mála um að hún væri Winnie Coutts
og hefði í raun verið um borð í
Titanic. Vitnað er í einhvern Halland
lækni og hann segist ekki treysta
sér frekar en kollegar sínir til þess
að útskýra hvers vegna veslings kon-
an hefði ekki elst um mínútu síðan
að slysið varð.
Hvað var líka norskur togari að
gei'a suðvestur af Reykjanesi? Vitnað
er í skipstjórann, kaptein Hus, og
sagðist hann hafa haft illan bifur á
frúnni, hún hefði verið móðursjúk
og rugluð, allt þetta tal um Titanic
hafi farið í fínustu taugar sínar.
Hann hefði því ákveðið að stytta
veiðitúrinn og halda til Óslóar(!)
Já, það er ekki öll vitleysan eins
og óhætt að slá föstu að umrædd
frétt sé ein af hinum „ýktu“ svo
ekki sé sterkar að orði kveðið. En
fleiri dæmi um slíkar fréttir í um-
ræddu blaði má nefna, t.d. um mann
nokkurn í Mexíkó sem fékk heiftar-
lega tannpínu og skaut tönnina úr
sér með skammbyssu. Þá er „frétt“
um matreiðslumann í Hong Kong
sem sagður er hafa myrt tíu manns
og borið fram kjöt fórnarlambanna
í hinum ýmsu réttum og hafi veit-
ingahúsagagnrýnendur gersamlega
sleppt sér í hrifningu yfir staðnum.
Sagt er frá afturgöngu í verksmiðju
sem er svo magaveik, að er hún leys-
ir vind flýja allir starfsmenn hver
um annan þveran og þetta vandamál
sé farið að koma svo illa niður á fram-
leiðni verksmiðjunnar að í óefni er
komið. Sagt er frá konu sem tapaði
gullhring í brimgarðinum nærri
heimili sínu en beit svo í hart á veit-
ingastað sex vikum síðar er hún
snæddi rétt dagsins, sem var fiskur.
í fiskinum fann hún auðvitað hring
sinn! Þannig mætti lengi halda áfram
en í lokin flýtur með fréttin um spillta
siðgæðislögreglumanninn sem skildi
ekki í því hvers vegna lyftan sem
hann var í á gistihúsi nokkru stöðv-
aðist ekki á jarðhæðinni, heldur hélt
áfram æ neðar. Eða þar til hún var
komin til helvítis! Þar hafi verið svo
hræðilegt um að litast, að lögreglu-
maðurinn tók sig saman í andlitinu
og gerðist predikari.
i
I
€
I
I
4
í
í
I
I
í
i