Morgunblaðið - 27.11.1990, Side 48

48
MORGUNBLAÐIÐ ÞRIÐJUDAGUR 27. NÓVEMBER 1990
fclk í
fréttum
HEIÐUR
> " >
Svavar Gestsson sæmdur heiðursorðu ISI
Svavar Gestsson íþróttamálaráðherra var sæmdur heiðursorðu íþróttasambands íslands í tilefni 60.
íþróttaþings, sem haidið var á dögunum. Þetta er æðsta heiðursmerki ÍSÍ. Það var Sveinn Bjömsson,
forseti ÍSÍ, sem afenti Svavari orðuna og em þeir á meðfylgjandi mynd, ásamt Hannesi Sigurðssyni, frá-
farandi varaforseta íþróttasambandsins, til vinstri, og Reyni Karlssyni, íþróttafulltrúa ríkisins, til hægri.
Donald og Marla
samdrSSr
Donald og Marla
eins og blómi í eggi
Nú þegar ekkert er eftir nema
ganga frá formsatriðum í
skilnaði einhverra umtöluðustu hjóna
á Vesturlöndum, Ivönu og Donalds
Trump, lætur Donald sjá sig hvað
eftir annað í fylgd ungu konunnar
sem kom upp á milli hjónanna, en
sú heitir Marla Maples og er fyrir-
sæta. Illar tungur sögðu Mörlu ekk-
ert annað en gullgrafara, enda var
Trump-veldið ekki hrunið er sam-
band Mörlu og Donalds hófst. Nú
þegar Donalds er ekki einu sinni
getið í hópi 400 ríkustu manna
Bandaríkjanna, reiknuðu margir með
því að Marla léti sig hverfa, en það
hefur ekki orðið.
Enn er uppi orðrómur um að
Trump-hjónin muni ganga í eina
sæng á ný, en Donald vísaði því á
bug fyrir skemmstu og sást skömmu
síðar í fylgd Möriu á heiðurskvöldi
Mikes Tysons hnefaleikakappa sem
haldið var á hóteli Trumps í Atlantic
City. A meðan hefur Ivana sést mik-
ið í félagsskap breska aðalsins. Hún
er nú farin að undirbúa rithöfundar-
feril sinn og ætlar sjálf að gefa út
ritverk sín. Þá er hún í þann mund
að setja á laggimar póstverslun með
rándýrar vörur. „Fólk sem hefur efni
á slíku hefur oft ekki tíma til að
versla vegna mikillar vinnu. Svona
verslun ætti því að létta á því,“ er
haft eftir Ivönu sem hefur í engu
slegið af glæstum lífsstílnum frekar
en bóndi hennar Donald.
UNDARLEGHEIT
Dóttir Davids Lynch
á líkri línu
A
Ibókaverslunum fyrir vestan haf
er nú að finna dagbók Lauru
Palmer, og ef nafnið hljómar
kunnuglega, þá var Laura Palmer
„líkið“ í sjónvarpsþáttaröðinni
Twin Peaks sem sýndir eru á Stöð
2 um þessar mundir. Dagbókin
selst eins og heitar lummur, enda
hefur þáttaröðin gripið bandaríska
sjónvarpsáhorfendur heljartökum.
Eins og kunnugt er, var það leik-
stjórinn kunni David Lynch sem
stjórnaði þáttaröðinni, en fram-
leiðandinn er Propaganda Films,
fyrirtæki Siguijóns Sighvatssonar
í Los Angeles. Höfundur dagbók-
arinnar er hins vegar ung stúlka,
Jennifer Lynch, og eins og nafnið
bendir til, er hún dóttir leikstjór-
ans.
David Lynch bað dóttur sína að
rita dagbókina og skipti sér síðan
ekkert af afurðinni. Dagbókin þyk-
ir mjög „blá“ og „undarleg“ á
köflum svo notuð séu ofnotuð lýs-
ingarorð, „undarleg“ eins og and-
inn sem svífur yfir vötnunum í
Twin Peaks. Annars kemur fáum
á óvart að dagbókin hafi verið rit-
uð með þessum hætti. Menn vita
að David Lynch þrífst á undarleg-
heitum, myndir hans bera flestar
þann keim og svo virðist sem það
sé það sem tryggir þeim gífurlega
stóran aðdáendahóp, hóp sem fer
vaxandi. Hin 22 ára gamla Jenni-
fer er úr sama mótinu. Hún er
nauðalík föður sínum í útliti, hún
segir sjálf „Við David tölum eins,
hugsum eins og erum eins í út-
liti.“ Sagt er að þegar menn koma
inn í vinnustofu Jennifer megi
skynja nærveru Davids þótt hann
sé í raun hvergi nærri.
Morgunblaðið/Steinunn Ósk Kolbeinsdóttir
Kasper, Þorsteinn Ragnarsson,
að drekka kóla að lokinni sýn-
ingu.
LEIKLIST
Jónatan
rænir pylsum
frá frumsýn-
ingargestum
Leikfélag Rangæinga frumsýndi
laugardaginn 17. nóvember
Kardemommubæinn eftir Thorbjörn
Egner. Þótti sýningin takast hið
besta og létu ungir sem aldnir hrifn-
ingu sína í ljós að sýningu lokinni
með langvarandi lófataki.
Mesta aðdáun vakti hinn stóri
bamahópur sem tekur þátt í sýning-
unni. Leikmyndin er falleg og vönd-
uð og liggur augljóslega mikil vinna
í henni.
Að sýningunni lokinni var frum-
sýningargestum boðið í mjög svo
óhefðbundið fmmsýningarpartý.
Þar voru á boðstólum pylsur og ís
og fleira góðgæti. Ræningjamir
vom ekki alveg tilbúnir að hætta
leik sínum og reyndi Jónatan að
hnupla pylsum frá gestunum. Að
lokum stigu leikarar og gestir af
yngri kynslóðinni dans fram á
kvöld.
- S.Ó.K.