Morgunblaðið - 07.12.1990, Side 50

1<1
50
MORGUNBLAÐIÐ FÖSTUDAGUR 7. DESEMBER 1990
félk í
fréttum
VESTMANNAEYJAR
Dúndur stemmning
á Lundaballinu
Vestmannaeyjum.
Bjargveiðimenn í Vestmanna-
eyjum héldu fyrir skömmu
árs hátíð sína. Árshátíðin, sem
venjulega gengur undir nafninu
Lundaballið, var að þessu sinni í
umsjá Álseyinga, en veiðifélögin
í úteyjunum skiptast á um að sjá
um framkvæmd hátíðarinnar.
Lundaballið hefur verið árviss
atburður í skemmtanalífi Eyja-
manna um áratuga skeið. Þykir
skemmtun þessi eitt af betri böll-
um ársins og bíða bjargveiðimenn
ballsins yfirleitt með eftirvænt-
ingu. Undanfarin ár hefur mat-
seðill hátíðarinnnar orðið fjöl-
breyttari með ári hveiju. Að þessu
sinni var gestum boðið upp á for-
drykk við innganginn og með
honum voru borin fram söl og
harðfiskbitar. Blandaður sjávar-
réttadiskur með rækjum, humri,
smokkfiski og hörpuskel var í for-
rétt en aðalréttir voru á hlað-
borði. Þar mátti finna reyktan og
steiktan lunda, lundabringur í
villikryddsósu og piparsósu,
hangikjöt og blandaða sjávarrétti
ásamt öllu hugsanlegu meðlæti.
Mátulegur rígur, sem ávallt er
þó á léttu nótunum, er milli útey-
inganna og ganga skotin á víxl
milli manna. Álsey er ein af suðu-
reyjunum og til að minna á það
skreyttu Álseyingar salinn í suð-
rænum stíl. Pálmatré og sólir voru
á víð og dreif um salinn til að
minna á sólina og suðræna veður-
farið hjá þeim. Til að minna enn
frekar á suðrænu stemmninguna
báru Álseyingar forréttinn fram
á stuttbuxum með stráhatta og
sólgleraugu.
Að borðhaldi loknu var telpð
til við skemmtidagskrá og þá
flugpi allföst skot á milli manna
og veiðifélaga. Álséyingar færðu
Bjarnareyjaijarlinum, Árna
Johnsen, uppstoppaðan „lunda“,
sem var um það bil helmingi minni
en venjulegur lundi. Fylgdu gjöf-
inni þau orð að þessi litli fugl
væri Bjarnareyjarlundi \ fullri
stærð, en lundarnir þar væru mun
rýrari en í öðrum úteyjum.
Þannig leið skemmtidagskráin
með gálgahúmor, myndasýningu,
söng og fleira sprelli. Dans var
síðan stiginn við undirleik hljóm-
sveitarinnar 7-undar en laust eftir
miðnætti var borin fram kraftmik-
il humarsúpa sem gestir gerðu
góð skil.
Lundakarlar og gestir þeirra
dönsuðu síðan fram á morgun og
höfðu fæstir fengið nóg þegar
dansleiknum iauk í morgunsárið.
Grímur
Kalli Birgis og Jón Þór skenkja veislugestum miðnætursúpu.
Bjarnareyjarjarlinn með smálundann sem honum var færður.
Álseyingar bera forréttinn inn klæddir á suðræna vísu.
SIEMENS
Litlu roftœkin frá SIEMENS gleðja
augað og eru afbragðs jólagjafir!
kaffivélar
^ hrærivélar
1 brauðristar
vöfflujárn
gj strokjárn
handþeytarar
eggjaseyðar
djúpsteikingarpottar
hraðsuðukönnur
dósahnífar
áleggshnífar
kornkvarnir
,yaclette“-tæki
veggklukkur
vekjararklukkur
rakatæki
bílryksugur
handryksugur
blástursofnar
hitapúðar
hitateppi o.m.fl.
Lítiö inn til okkar og skoöiö vönduö tœki.
Munið umboðsmenn okkar víös vegar um landið!
■
K