Morgunblaðið - 31.01.1991, Side 52

FIMMTUDAGUR 31. JANUAR 1991
VERÐ I LAUSASOLU 100 KR.
Aðstoðarlæknar
J. fullri vinnu á ný
AÐSTOÐARLÆKNAR á sjúkrahúsum eru nú aftur farnir að ganga
vaktir eins og venjulega, eftir að skrifað var undir kjarasamning
læknafélaganna og ríkisins og Reykjavíkurborgar í gærmorgun. Að-
gerðum aðstoðarlækna er þó ekki endanlega aflýst, heldur frestað
þar til félagsfundur sjúkrahússlækna hefur fjallað um samninginn.
Að sögn Björns Rúnar Lúðvíks-
sonar, ritara Félags ungra lækna,
er óvíst hversu margir af þeim að-
stoðarlæknum, sem sögt höfðu upp
störfum á sjúkrahúsunum, munu
draga uppsagnir sínar til baka. Slíkt
væri persónuleg ákvörðun hvers og
eins.
Aðspurður um viðhorf aðstoðar-
lækna til samningsins, sem nú liggur
fyrir, sagði Björn Rúnar að skiptar
skoðanir væru um samninginn.
„Samningurinn er stórt skref fram
á við í bættum starfsskilyrðum,"
sagði Björn Lúðvík. Hann sagði að
sumir væru hins vegar ósáttir við
að hækka ekki í launum, og vera
kynni að þeir drægju uppsagnir sínar
ekki til baka.
Sjúkrahúslæknar munu fjalla um
kjarasámninginn á félagsfundi
sínum í Domus Medica á morgun,
föstudag.
Sjá frétt um efnisatriði samn-
ingsins á bls. 4.
Verð á 92 okt. bens-
íni lækkar um 4,2%
Tómlegt á Kletti
Morgunblaðið/Ámi Sæberg
VERÐ á 92 oktana blýlausu
bensini lækkar á morgun um
4,2%, eða úr 56,80 kr. lítrinn í
54,40 kr., en þetta var samþykkt
■ifá fundi verðlagsráðs í gær. Fjár-
máiaráðuneytið hefur ákveðið að
bensíntollur, sem lækkaður var
tímabundið í október til að draga
úr verðhækkun, hækki aftur í 50%
úr 30% á morgun. Bensíngjatd
hækkar þá einnig um 60 aura á
lítra, eða úr 18,80 _kr. í 19,40 kr.,
og sagði Georg Olafsson, verð-
lagsstjóri, að tillit hafi verið tekið
til þessa við ákvörðun bensín-
verðsins. Þá var ákveðið á fundi
verðlagsráðs að gefa verðlagn-
ingu á 95 oktana bensíni frjálsa,
en það er bundið því skilyrði að
það gildi á þeim sölustöðum þar
sem 92 oktana bensín verður til
sölu.
gm Georg Ólafsson sagði að gera
mætti ráð fyrir því að verð á 92
oktana bensíni geti haldist óbreytt
jafnvel fram á sumar vegna birgða-
stöðu í landinu og stöðu innkaupa-
jöfnunarreiknings. Hann sagði að
verðlagsráð hefði ákveðið að gefa
verðlagningu á 92 oktana bensíninu
ekki frjálsa að svo stöddu vegna
þeirrar óvissu sem ríkir um þróun
bensínverðs á næstunni, en væntan-
lega kæmi þó fljótlega að því. Gert
er ráð fyrir því að í framtíðinni
muni draga úr sölu á 92 oktana
bensíni hér á landi, og þá verði 95
og 98 oktana bensín ráðandi á mark-
aðnum.
Kristinn Björnsson, forstjóri
•^*Skeljungs, sagði að sala á 95 oktana
*■ bensíni ætti jafnvel að geta hafist á
morgun. I gærkvöldi lá ekki fyrir
ákvörðun um á hvaða verði það verð-
ur selt, né heldur um það hvort verð
á 98 oktana blýbensíni breytist nú
um mánaðamótin.
í fiskimjölsverksmiðju Faxamjöls á Kletti í Reykjavík er nú tómlegt um að litast vegna loðnuveiðibanns en
á þessum árstíma eru þrær fiskimjölsverksmiðjanna yfirleitt fullar af loðnu og peningalyktin liggur í loft-
inu. Loðna hefur hins vegar fundist við Vestfirði og hún er viðbót við þá loðnu, sem rannsóknaskip hafa mælt
í vetur, að sögn Jakobs Jakobssonar forstjóra Hafrannsóknastofnunar. Rannsóknaskipið Bjarni Sæmunds-
son kannar loðnuna við Vestfirði á næstu dögum en talið er að hún sé blönduð.
Húsnæðismálastjórn leitar til ríkisstjórnarinnar um aðstoð:
Óvíst um greiðslu 1.000 millj.
til 800 lántakenda eftir helgi
STJÖRN Húsnæðisstofnunar ríkisins hefur ritað félagsmálaráðherra
og ríkisstjórninni allri bréf, þar sem farið er fram á úrlausn á fjárhags-
vanda Byggingarsjóðs ríkisins með lántökum eða ríkisábyrgð. Tilefnið
er, samkvæmt heimildum Morgunblaðisins, að verði ekkert að gert
stefni i greiðsluþrot sjóðsins innan næstu tveggja vikna, þar sem tilraun-
ir til að leysa fjárhagsvandann hafa ekki borið árangur. Eftir helgina
á að greiða út um 1.000 milljónir kr. í húsnæðislán til um 800 lántak-
enda og er óvissa um að það takist.
Um síðustu áramót var staða
sjóðsins þannig, að um 1.000 milljón-
ir króna vantaði á að endar næðu
saman. Þá sagði Sigurður E. Guð-
mundsson, forstjóri Húsnæðisstofn-
unar, að reynt yrði að finna heildar-
lausn á fjárhagsmálum sjóðsins, sem
dygði út árið. Samkvæmt heimildum
Morgunblaðsins hafa þær tilraunir
ekki borið árangur.
„Það strandar á að fjármálaráð-
herra sé tilbúinn að viðurkenna að
það vantar hreinlega fjármuni inn í
sjóðinn til þess að geta staðið við
skuidbindingar og annað hvort heim-
ili sjóðnum lántöku til þess að brúa
það bil sem upp á vantar vegna þess
að kaup lífeyrissjóðanna duga ekki
í það núna fyrstu mánuðina, eða
veiti ábyrgð ríkissjóðs gagnvart
Seðlabankanum, sem mundi þá lána
sjóðnum einhveijar ákveðnar upp-
hæðir til að leysa þessi vandræði til
að byija með,“ sagði einn heimildar-
maður Morgunblaðsins í gær.
Annar heimildarmaður sagði aug-
ljóst, að verði ekki útvegað nauðsyn-
legt fjármagn, 1 til 2 milljarðar. á
allra næstu dögum, væri ekki hægt
að standa við að greiða út lán né
heldur að greiða afborganir til lífeyr-
issjóða um miðjan næsta mánuð.
Heimildarmenn blaðsins segja, að
miðað við þau loforð sem lífeyrissjóð-
irnir hafi gefið sé vonast til að þeir
kaupi umtalsvert af skuldabréfum
nú næstu daga og það gæti að ein-
hveiju leyti bjargað málunum næsta
hálfa mánuðinn eða svo.
Húsbréfakerfi stefnir einnig í
stöðvun næstu daga. Samþykkt var
fyrir hálfum mánuði tillaga í hús-
næðismálastjórn um að setja af stað
nýjan húsbréfaflokk, sem yrði sam-
kvæmt heimildum blaðsins að uþp-
hæð 8 milljarðar króna, en að öðru
leyti með sömu kjörum og sá flokkur
sem nú er að klárast. Heimildir blaðs-
ins segja að þessi beiðni hafi ekki
fengist tekin fyrir ennþá á ríkis-
stjórnarfundi.
Dönsk þyrla
kom með slas-
aðan sjómann
ÞYRLA af danska varðskipinu
Vædderen flaug í gærkvöldi
með fótbrotinn sjómann af
grænlenskum togara að Borg-
arspítalanum í Reykjavík.
Togarinn var á veiðum á
Dohmbanka þegar slysið átti sér
stað. Haft var samband við land-
helgisgæsluna í Reykjavík en
danska varðskipið var á nálæg-
um slóðum og sótti þyrla skips-
ins sjómanninn og flaug með
hann til Reykjavíkur.
Stjórn Dagsbrúnar fjallar um verðhækkanir frá áramótum:
Haldi svona áfram er
þjóðarsáttin liðið lík
- segir Guðmundur J. Guðmundsson
VERKAMANNAFÉLAGIÐ Dagsbrún hefur boðað til sérstaks stjórnar-
fundar í dag þar sem birtur verður listi yfir verðhækkanir frá upp-
hafi þessa árs. Guðmundur J. Guðmundsson formaður Dagsbrúnar
sagði að jafnframt yrði rætt til hvaða aðgerða yrði gripið gegn verð-
hækkunum.
Á lista Dagsbrúnár yfir verð-
hækkanir er 5% hækkun á gjaldskrá
Rafveitu Reykjavíkur frá 1. janúar,
8,4% hækkun á gjaldskrá Hitaveitu
Reykjavíkur frá 11. janúar, strætis-
vagnagjöld hækkuðu um 9% frá 1.
janúar, fasteignagjöld í Reykjavík
hækkuðu um 12% frá 1. janúar, fast-
eignagjöld i Kópavogi hækkuðu um
18% en auk þess hefur verið boðað
sérstakt sorphirðugjald þar, 3,5%
hækkun á gjaldskrá Pósts og síma
frá 1. janúar, bifreiðagjöld hækkuðu
um 17% 1. janúar, afnotagjöld
Ríkisútvarpsins hækkuðu um 3% 1.
janúar og húseigendatryggingar um
45-50%. Þá er ekki ljóst hve mikil
hækkun verður á ökumannstrygg-
ingu né boðaðri hækkun á bílatrygg-
ingum.
„Við þetta bætist hækkun vaxta
Landsbankans og væntanlega ann-
arra banka í kjölfarið. Þá má minna
á að hækkun ÁTVR á síðari hluta
seinasta árs nam 5% umfram al-
mennar verðlagsbreytingar," sagði
Guðmundur. „Fargjöld með Akra-
borginni hækkuðu um 10% seinni
hluta ársins og mér skilst að bank-
arnir séu á leiðinni með hækkanir.
Hækkanir sem eru framundan hjá
tryggingafélögunum verða örugg-
lega tveggja stafa tölur. Haldi svona
áfram þá er þjóðarsáttin liðið lík,“
sagði Guðmundur.
Strandaði
við innsigl-
inguna í
Njarðvík
MUMMI GK 230 tonna bátur
úr Sangerði strandaði við
innsiglinguna í Njarðvíkur-
höfn um tíuleytið í gær-
kvöldi. Báturinn sem rær á
línu með sjö manna áhöfn var
að koma úr róðri þegar hann
tók niðri.
Tilkynningaskyldan náði
sambandi við bátsveija í gær-
kvöldi og sögðu þeir að veður
væri slæmt og mjög hvasst.
Þeir töldu þó ekki hættu á ferð-
um og ætluðu að halda kyrru
fyrir um borð í nótt. Enginn
sjór var kominn í skipið, en
ljósavélin sló út að sögn lög-
reglunnar í Keflavík.
Björgunarsveitarmönnum
var gert viðvart og voru þeir í
viðbragðsstöðu ef eitthvað
kæmi uppá og bátur var tilbú-
inn ef Mummi færi að hallast.
Átti að reyna að koma bátnum
á flot á háflóðinu kl. 7 í morgun.