Morgunblaðið - 20.03.1991, Side 27

MÖRGUNBLAÐIÐ' MIÖVlKUDÁGUR 2Ö. MÁRZ '1991
"27
Lech Walesa á Islandi:
„Bjóðum ykkur þátt-
töku í uppbyggingunni“
LECH Walesa, forseti Póllands, hafði stutta viðdvöl á Keflavíkur-
flugvelli síðdegis í gær á leið í opinbera heimsókn til Banda-
ríkjanna. A Keflavíkurflugvelli átti hann fund með Steingrími
Hermannssyni forsætisráðherra og Jóni Baldvin Hannibalssyni ut-
anríkisráðherra. Að honum loknum sagði Walesa að í Póllandi
væru miklir fjárfestingarmöguleikar eftir að horfið hefði verið frá
kommúnískum sljórnarháttum. ,
þessu,“ sagði forsetinn.
Walesa ræddi stuttlega við
fréttamenn eftir fundinn með
íslensku ráðherrunum. Lagði hann
mikla áherslu á mikilvægi þess að
erlent fjármagn fengist til Pól-
lands. Það væri undirstaða þess
að hægt yrði að ná fram efnahags-
legum umbótum.
Pólland hefur að undanförnu
m.a. lagt mikla áherslu á að
landinu verði gefnar eftir gamlar
erlendar skuldir og hefur stór hluti
þeirra verið felldur niður. Sagði
Walesa þá staðreynd auðvelda
verulega umbætur þó vissulega
,Við bjóðum ykkur að taka þátt í
yrði fyrst um sinn erfitt að greiða
niður þær skuldir sem eftir væru.
„Þegar stofnað var til þessara
skulda voru aðrir stjórnarhættir
við lýði í landinu. Því stjórnkerfi
hafði verið þröngvað upp á okkur
en við brutum okkur laus undan
oki þess. Við verðum að sýna heim-
inum fram á það,“ sagði Walesa
einnig.
Um viðræður síiiar við íslensku
ráðamennina sagði hann að ekki
hefði verið farið ofan i smáatriði
varðandi það hvernig íslendingar
gætu helst orðið Pólveijum að liði.
Til að ræða það myndi hann vilja
bjóða mönnum að koma til Pól-
lands. Þær breytingar sem orðið
hefðu í Póllandi opnuðu mikla
möguleika. „Landið er opið og
reiðubúið að takast á við hlutina.
Menn í viðskiptalífinu ættu að
koma og litast um hjá okkur,“
sagði forseti Póllands.
Steingrímur Hermannsson, for-
sætisráðherra, sagði að Walesa
hefði í viðræðunum lagt megin-
áherslu á mikilvægi þess að fá
erlenda aðila til að taka þátt í at-
vinnulífi Póllands. Einnig hefði
hann rætt hvort íslendingar gætu
hugsanlega tekið þátt í skip-
asmíðaiðnaðinum.
I fylgdarliði Walesa voru fjöl-
margir háttsettir pólskir stjóm-
málamenn og embættismenn, m.a.
utanríkisráðherra landsins, iðnað-
arráðherra, einkavæðingarráð-
herra og ráðherra efnahagssam-
skipta.
Reuter
Mengun ógnarheilsu Kúveita
Kúveisk móðir heldur á 11 mánaða gamalli dóttur
sinni, Amal Khamash, á biðstofu sjúkrahúss. Stúlk-
an þjáist af blóðkreppusótt en læknar í Kúveit
sögðu í gær að mengun af völdum brennandi olíu-
linda kynni að hafa varanlegt heilsutjón í för með
sér. Kolsvört og þykk reykjarský sem grúfa yfir
Kúveit hefðu þegar valdið hjarta- og lungnasjúk-
dómum og eitrun matvæla og vatnsbóla. Öndunar-
kvillar hrjá landsmenn, einkum astmi og bráður
bronkítis.
Morgunblaðið/Júlíus
Steingrímur Hermannsson forsætisráðherra og Lech Walesa, forseti
Póllands, í Flugstöð Leifs Eiríkssonar í gær.
Fransk-íslenska verslunarráðið:
Ahersla lögð á að
auka samskiptin
París. Frá Kristófer M. Kristinssyni, fréttaritara Morgunblaðsins.
AÐALFUNDI Fransk-íslenska verslunarráðsins lauk í París í gær. Á
fundinum var kosin stjórn fyrir verslunarráðið en í henni eiga sæti
18 Islendingar og jafn margir Frakkar. Formaður stjórnarinnar er
Magnús Gunnarsson framkvæmdastjóri SÍF.
Fransk-íslenska verslunarráðið
var stofnað í ágúst á síðasta ári í
tilefni heimsóknar Francois Mitterr-
ands Frakklandsforseta til íslands.
Markmið ráðsins er að auka sam-
skipti Frakka og Islendinga á sem
flestum sviðum viðskiptalífsins. Sér-
stök áhersla er lögð á að rækta
tengslin við Boulogne-sur-Mer, bæ
í Norður-Frakklandi.
Fundinn sátu rúmlega eitthundr-
að manns og þar af rúmlega 30 ís-
lendingar. I máli ræðumanna kom
fram að samskipti íslendinga við
Frakka eru umtalsverð á mörgum
sviðum og mikill áhugi er á að þau
verði aukin enn frekar.
Sovétríkin:
Danir gagnrýndir
Moskvu. Reuter.
SOVÉTMENN gagnrýndu Dani í gær fyrir gera samstarfssamn-
ing við Eistland og sögðu samninginn brjóta í bága við alþjóðalög.
Vítalíj Tsjúrkín, talsmaður sov- þyrfti fyrirkomulag þeirra að vera
éska utanríkisráðuneytisins, sagði í samræmi við stjórnarskrá Sov-
í gær að sovésk stjórnvöld hefðu étríkjanna.
mótmælt samningnum formlega Á undanförnum þremur vikum
við dönsk stjórnvöld. hafa Danir einnig undirritað sam-
„Ákvæði samningsins, einkum starfssamning við hin Eystrasalts-
þau sem fjalla um endurnýjun ríkin tvö, Lettland og Litháen. í
stjórnmálasambandsins við Eist- samningunum er m.a. kveðið á um
land, stangast á við alþjóðalög," fjármögnun ýmissa framkvæmda
sagði Tsjúrkín. Hygðust Danir eiga og fyrirætlana á sviði efnahags-
samskipti við tiltekin Sovétlýðveldi og atvinnulífs.
SÞ:
Albanir fá
aðstoð við
framkvæmd
kosninga
Vín. Reuter.
SAMEINUÐU þjóðirnar hafa
boðist til að veita albönskum
stjórnvöldum tæknilega aðstoð
við framkvæmd fyrstu frjálsu
kosninganna í landinu sem
verða í lok mánaðarins, að sögn
albönsku fréttastofunnar ATA.
Einnig fá þau hjálp vegna vand-
ans sem flótti tugþúsunda
manna úr landi hefur valdið.
Kommúnistastjórnin í landinu
fór sjálf fram á aðstoðina er nefnd
á vegum Sameinuðu þjóðanna
heimsótti höfuðborgina Tirana.
Um 20.000 Albanir hafa flúið
land, flestir til Ítalíu, vegna
óánægju með hrakleg lífskjör og
skort á mannréttindum. ’ í
3SX'

<
I
E
S
s

°ðs
• '6.
ve/rt
°Oo..
Dugmikill 9 nála prentari fyrir heimili og skólafólk.
FERMINGARTILBOÐ
Mannesmann Tally MT 81
duglegur og vandaður tölvuprentari á
sérstaklega hagstæðu fermingartilboðsverði.
EinarJ. Skúlasonhf.
Grensásvegi 10, sími 686933