Morgunblaðið - 20.03.1991, Page 37
m'l SáAM -02 flUDMTJHVQM SISAJaVíUOaOM
MORGUNBLAÐIÐ MIÐVIKUDAGUR 20. MARZ 1991
Frambjóðendur Kvennalistans í öllum kjördæmum landsins komu
saman tii að stilla saman strengi fyrir kosningarnar á fundi um
helgina.
Kvennalistinn kynnir kosningastefnuskrá:
Island standi utan
EB og evrópska
efnahagssvæðisins
KVENNALISTINN hélt fund með efstu frambjóðendum á listum flokks-
ins í öllum kjördæmum um síðustu helgi og kynnti auk þess nýútkomna
stefnuskrá. Þar kemur fram að Kvennalistinn vill byggja upp samfélag
þar sem kynferði ákvarðar ekki stöðu fólks og dagvinnulaun fyrir 6 -
8 stunda vinnudag nægji til viðunandi framfærslu einstaklings og virt
séu réttindi og þarfir barna.
í kafla um sjávarútvegsmál segir,
að Kvennalistinn telji affarasælast
að 80% heildarafla verði úthlutað til
byggðarlaga með hliðsjón af lönduð-
um afla næstliðinna ára. Þau ráð-
stafí síðan aflanum eftir eigin regl-
um. 20% aflans renni hins vegar í
sameiginlegan veiðileyfasjóð og verði
til leigu, sölú eða til ráðstöfunar
vegna sérstakra aðstæðna en tekjum
sjóðsins verði varið í þágu sjávaröt-
vegs.
Kvennalistinn vill að ísland standi
utan Evrópubandalagsins og evr-
ópska efnahagssvæðisins og að
fryggðir verði möguleikar á fijálsum
vöruviðskiptum við sem flest ríki og
markaðssvæði.
Kvennalistinn vill atvinnustefnu
sem byggist á fjölbreytni, tekur mið
af þörfum framtíðarinnar jafnt sem
nútíðar og er náttúrunni vinsamleg.
Vill Kvennalistinn að komið verði á
endurskoðun skattkerfísins þannig
að litið verði á konur sem efnahags-
lega sjálfstæða einstaklinga. Áhersla
er lögð á hækkun persónuafsláttar
og að skattleysismörk verði miðuð
við framfærslukostnað og tekju-
skattsþrep verði a.m.k. tvö. Þá vill
Kvennalistinn að við fjárlagagerð
verði markmið fjárveitinga úr ríkis-
sjóði endurskoðuð reglulega og að
endurskoðaður verði tilgangur,
markmið og rekstur fyrirtækja og
stofnana ríkisins.
Kvennalistinn vill koma kvenna-
pólitískum sjónarmiðum til áhrifa í
íslensku efnahagslífi og að gert verði
átak til að stórbæta stöðu kvenna á
vinnumarkaði og henni haldið við
með ströngum aðhaldsaðgerðum í
efnahagsmálum. Hann vill jákvæða
en hóflega raunvexti og að allar at-
vinnugreinar búi við sem jöfnust
skilyrði og að efnahagsaðgerðir í
þágu einnar greinar verði ekki á
kostnað annarrar.
í stefnaskránni er lögð mikil
áhersla á umhverfísvernd, uppeldis-
og menntamál, og leggur hann m.a.
til að öllum bömum verði tryggður
aðgangur að dagvistun frá lokum
fæðingarorlofs, sé þess óskað. Þar
segir ennfremur að launakjör kvenna
verði stórbætt t.d. með því að óheim-
iit verði að greiða laun undir ákveðn-
um framfærslumörkum, að dagvinn-
ulaun dugi til framfærslu og stefnt
verði að styttingu vinnuvikunnar. Þá
vill listinn lengja fæðingarorlof í 9
mánuði.
í landbúnaðarmálum vill Kvenna-
listinn m.a. að tekinn verði upp
svæðabúskapur þar sem tekið verði
tillit til landgæða og nálægðar við
markaði, felldar verði niður útflutn-
ingsbætur en þess í stað verði jarða-
og lífeyrissjóðir efldir tii að auðvelda
bændum að hætta búskap. Hagræð-
ing verði aukin til að draga úr opin-
berum framlögum til landbúnaðar,
innflutningur landbúnaðarafurða
miðist við að framleiðsla innanlands
anni ekki eftirspum og að konur
verði hafðar í forystu um endurreisn
ullariðnaðar þar sem byggt verði á
sérkennum og gæðum íslensku ullar-
innar.
Kvennalistinn vill að betur verði
greint á milli framkvæmdavalds og
löggjafarvalds, m.a. með því að ráð-
herrar gegni ekki þingmennsku og
að settar verði tímabundnar reglur
um að í nefndum, stjómum og ráðum
á vegum ríkisins verði hlutur karla
og kvenna sem jafnastur.
Kvennalistinn varð 8 ára 13. mars
og í nýútkomnu afmælisblaði, Pilsa-
þyt, er birt grein eftir Kristínu Hall-
dórsdóttur, fyrrv. þingkonu Kvenna-
listans, um möguleika á stjórnaraðild
listans. Þar segir m.a.; „Kvennalista-
konur hafa sett mark sitt á stjórn-
málin á síðustu ámm og sá tími kem-
ur vafalaust fyrr en seinna, að þær
láta til sín taka I ríkisstjón. Það get-
ur þó ekki orðið í skiptum fyrir
grundvallarmál eins og rétt fólks til
þess að semja um kjör sín. Því má
heldur ekki gleyrna, að í lýðræðis-
þjóðfélagi er virk og ábyrg stjórnar-
andstaða ekki síður mikilvæg en
stjórnaraðild.“
Náttúruverndarfélag Suðvesturlands:
Verkefnið Vorkoman fyrr og
nú byrjar á vorjafndægri
Á VORJAFNDÆGRI, fimmtudaginn 21. mars, byrjar Náttúruverndarfé-
lag Suðvesturlands með nýtt verkefni, sem nefnist Vorkoman fyrr og
nú. Leitað verður samvinnu við einstaklinga, félög, stofnanir og fyrir-
tæki á Suðvesturlandi um að standa að kynningum á vorkomunni i ís-
lensku lífríki fyrr og nú.
Fimmtudaginn 21. mars verður
siglt í ljósaskiptunum. Lagt verður
af stað klukkan 19 með farþegabátn-
um Hafrúnu og siglt eftir gömlu sigl-
ingaleiðunum til og frá Reykjavík.
Farið verður frá Grófarbryggju
gegnt Hafnarhúsinu. Þórunn Þórðar-
dóttir sjávarlíffræðingur fjallar um
vorkomuna í sjónum á fundi, sem
byijar klukkan 21 í Náttúrufræði-
stofu Kópavogs á DigráneSvegi 12.
Kynningin Á fyrri tíð í Grófínni
verður opin á virkum dögum klukkan
16-18 í Geysissalnum Vesturgötu 1,
efri hæð. Kynntir verða ýmsir munir
og sagnir, sem tengjast Grófínni
fram að árinu 1917, þegar Reykja-
víkurhöfn hafði verið fullgerð og
Grófin fyllt upp. Einnig verður í sam-
vinnu við Þjóðminjasafnið kynnt
ýmis starfsemi, sem fram fór í Gróf-
irini fyrr á tírnum.
Fákur:
Iþrótta- eða hestamannafélag?
FRÆÐSLUFUNDUR verður hald-
inn í félagsheimili Fáks fimmtu-
daginn 21. mars kl. 20.30. Um-
ræðuefnið er, hvort Fákur sé
íþróttafélag eða hestamanna-
félag.
Framsögumenn verða Jón Albert
Sigurbjörnsson, formaður íþrótta-
deildar Fáks; Kári Arnórsson, for-
maður Landssambands hestamanna-
félaga; Sigurður Magnússon, fram-
kvæmdastjóri íþróttasambands ís-
lands, og Valdimar Kristinsson,
formaður Hestaíþróttafélagsins
Harðar.
Aðgangur er ókeypis fyrir þá, sem
hafa félagsskírteini í Fáki. Aðrir
greiða 200 krónur.
VOR - dömufatnaður
Frá GARDEUR
Jakkar, einlitir,
köflóttir, stuttir, síðir
Síðbuxur, margar gerðir
Hnébuxur, margar gerðir
Pils, bein 62 cm og síð 72 cm
Víð pils, einlit, munstruð
Frá DIVINA
Tvískiptir kjólar
Jakkar
Frá GEISSLER
Dragtir
Stakir jakkar
Frá SEIDENSTICKER
Blússur, margar gerðir,
úr bómull og viscose
Frá JAGER-GROTE
Peysur, venjulegar
stærðir og yflrstærðir
Bómullarbolir
UJuntu
verzlun v/Nesveg, Seltjarnarnesi,
sími 611680.
Opið daglega frá kl. 9-18,
laugardaga frá kl. 10-14
... meðgeislaspilara.
FM steríóútvarpi, plötuspilara, tvöföldu
kassettutæki og tveimur hátölurum,
kostar aðeins kr.
29.900,-
Þetta ættu allir sem eru í fermingargjafa-
hugleiðingum að athuga betur. Strax.
Heimasm iðjan
Kringlunni • Sími 68 54 40
HUSASMIÐJAN
Skútuvogi 16 ■ Simi 68 77 10