Morgunblaðið - 20.03.1991, Side 43

43
MORGUNBLAÐIÐ MIÐVIKUDAGÚR 20. MARZ 1991
Um FRÍMERKI91
________Frímerki____________
Jón Aðalsteinn Jónsson
I síðasta þætti var sagt frá
frímerkjasýningu, sem þá var að
fara í hönd, FRIMERKI 91. Sýn-
ingin var svo haldin dagana
15.-17. febrúar sl. í félagsheim-
ili LÍF í Síðumúla 17. Enda þótt
hvorki færi mjög mikið fyrir
þessari sýningu né kynningu á
henni, var hún ótrúlega vel sótt.
Hafa forsjármenn sýningar-
manna tjáð mér, að um 700 gest-
ir hafi komið til þess að skoða
hana.
Eg hef hitt allmarga safnara,
sem sóttu sýninguna, og virðist
mér það samdóma álit þeirra,
að vel hafi tekizt til í flestum
greinum. Auðvitað verður aldrei
gert svo, að öllum líki. Hins veg-
ar var efni þessarar litlu sýning-
ar ótrúlega fjölbreytt. Hlaut það
og að vera, því að sýningin var,
eins og ég gat um síðast, eins
konar undanfari NORDIU 91,
sem haldin verður í sumár, og
beinlínis hleypt af stokkunum til
þess að gefa ísl. söfnurum tæki-
færi til að geta tekið þátt í þeirri
sýningu, ef þeir fengju tilskilin
verðlaunastig. Einhverjir minnt-
ust á það við inig, að þeim þætti
full þröngt milli ramma. Vel má
vera nokkuð til í því. Sjálfur
sýningarsalurinn er vissulega
ekki stór eða að ég held um 70
fermetrar. Þess vegna þolir hann
ekki mjög marga ramma. Engu
að síður gátu menn auðveldlega
notið þess að skoða efnið, enda
varð aldrei slík ös milli ram-
manna, að það kæmi að sök. Ég
varð a.m.k. ekki var við það.
í tengslum við sýninguna var
rekið sérstakt pósthús, þar sem
menn gátu póstlagt sendingar
og fengið á þær sérstakan hlið-
arstimpil með merki sýningar-
innar. Var pósthúsinu komið
haganlega fyrir í FF-herberginu.
LIF gaf út sérstök umslög til að
nota undir póstsendingar. Þá var
hlutavelta og engin núll. Þannig
fengu allir einhveija vinninga og
sumir mjög góða. Einkum munu
það hafa verið unglingar, sem
freistuðu gæfunnar í happdrætt-
inu.
Síðast sagði ég allrækilega frá
þeim söfnurum, sem tóku þátt í
FRÍMERKI 91, svo að þess ger-
ist ekki þörf að endurtaka það.
Hér skal aðeins greint frá þeim
verðlaunastigum, sem söfnin
fengu. Safn Sigurðar R. Péturs-
sonar af Tveggja kónga merkj-
um hlaut stórt gyllt silfur. Þor-
valdur S. Jóhannesson fékk gyllt
silfur fyrir flugpóstsafn sitt
1928-47 og svo silfur fyrir annað
flugpóstsafn frá 1947-66. Páll
H. Asgeirsson fékk stórt silfur
fyrir flugpóstsafn sitt frá
1945-60 og síðan brons fyrir
safn, sem nefnist Nútíma-flug-
póstsafn (Modern Aerophilately).
Þijú söfn fengu silfrað brons,
safn Sigurðar P. Gestssonar, ís-
land 1903-19, áttahagasafn Jóns
Egilssonar, Hafnarfjörður, og
mótífsafn Guðna F. Gunnarsson-
ar, Knattspyrna. Mótífsafn
Sigmars Sigurðssonar, Fuglar
íslands og Evrópu, fékk gyllta
silfurnál og safn Guðbjörns E.
Ingvarssonar, Sovétríkin 81-88,
silfurnál.
Ungir safnarar settu veruleg-
an svip á FRÍMERKI 91. Er hér
að koma fram árangur af starfi
þeirra Guðna F. Gunnarssonar
og John Zalewskis með skóla-
nemendum í Árbæjar- og Breið-
holtshverfi. Efast ég ekki um,
að ýmsir þessara ungu manna
eiga eftir að komast langt á sýn-
ingum, ef þeir leggja stöðuga
alúð við söfn sín og fara bæði
eftir kennslu leiðbeinenda sinna
og eins umsögnum dómara. Eitt
safn hlaut silfrað brons og um
leið rétt til þátttöku á NORDIU
91 næsta sumar. Nefnist það
Merkir íslendingar. Kári Sig-
urðsson er eigandi þess. Margt
skemmtilegt kom fram í safni
þessu, en vitaskuld á Kári eftir
að bæta það á næstu árum. Þrjú
unglingasöfn fengu bronsverð-
laun. Eitt þeirra nefndist Fuglar
Evrópu, og það á Björgvin I.
Ólafsson. Annað var um Sumar-
Ólympíuleika^ 1948-88 í eigu
Péturs H. Ólafssonar, og hið
þriðja var Saga flugsins í eigu
Jóns Þórs Sigurðssonar. Fjögur
unglingasöfn fengu gyllta silfur-
nál: Evrópsk blóm, eigandi Ólaf-
ur Kjartansson, Fuglar, eigandi
Skúli Sigurðsson, Þróun farar-
tækja, eigandi Hörður Valsson,
og Island, æviskeið mitt, eigandi
Sigursteinn Ingvarsson.
Eins og sést af þessari upp-
talningu, voru öll unglingasöfnin
svonefnd mótífsöfn. Er það ekki
nema að vonum, því að slík söfn-
un býður upp á margs konar
leiðir og gefur safnandanum oft
færi á að veita safninu í
skemmtilegan farveg. Hins veg-
ar er þessi söfnun engan veginn
alltaf auðveld, en hefur svo
óneitanlega þann kost, að efnið
í hana þarf ekki alltaf að kosta
mikla fjármuni. Því hentar þessi
mótífsöfnun ungum skólanem-
endum einkar vel, enda getur
hún orðið til þess að minna þá
á margt, sem náminu viðvíkur.
Ekki verður svo skilizt við
FRÍMERKI 91, að eins nýmælis
verði ekki getið sérstaklega. Það
varðar sjálfa verðlaunaafhend-
inguna. Dómnefnd sýningarinn-
ar skipuðu Guðmundur Árnason,
sem var jafnframt formaður
hennar, Hálfdán Helgason, Jón
Aðalsteinn Jónsson, Ólafur
Elíasson og Sigurður R. Péturs-
son. Dómnefndin lauk störfum
svo tímanlega á laugardegi, að
unnt var að ganga frá verðlauna-
peningum og öllum skjölum svo
snemma, að hægt var að afhenda
sýnendum verðlaun sín, þegar
sýningu lauk kl. 17 á sunnudeg-
inum. Það gerðu formaður dóm-
nefndar og formaður sýningar-
nefndar Guðni F. Gunnarsson.
En með honum í nefndinni voru
John Zalewski, Kjartan Þ. Þórð-
arson, Rúnar Þ. Stefánsson og
Sigfús Gunnarsson.
Næsta frímerkjasýning hér-
lendis verður svo NORDIA 91
dagana 27.-30. júní nk. Ég vænti
þess, að fljótlega verði unnt að
segja nánar frá henni og undir-
búningi hennar.
Sea Shepherd:
Safna fyrir Islandsferð
Frá Atla Steinarssyni, fréttaritara Morgunblaðsins í Bandaríkjunum.
POUL WATSON, skipstjóri á Sea Sheperd II, safnar nú gjafafé til
fjáröflunar fyrir Islands- og Færeyjasiglingu næsta vor. í frétta-
bréfi Sea Sheperd samtakanna segir að tilgangur fararinnar sé að
ganga frá hvalveiðiskipum Islendinga og koma í veg fyrir hrefnu-
og höfrungaveiðar Færeyinga. Fram kemur að Alþjóða livalveiðiráð-
ið fundi í Reykjavík í maimánuði og því er haldið fram að samtímis
haldi íslendingar áfram að brjóta alþjóða samþykktir, eins og þeir
hafi gert alla tíð síðan hvalveiðibann var fyrirskipað 1986, með ólög-
legum hvalveiðum.
í frétt frá Atla Steinarssyni,
fréttaritara Morgunblaðsins, segir
frá atviki sem átti sér stað er skip
Watsons, Sea Sheperd II, og skip
Sigurðar Þorsteinssonar, E.T., lágu
við bryggju í höfninni í Key West
á syðsta tanga Florida í Mexíkó-
flóa, 8.mars. Sigurður var staddur
í brúnni og heyrði í opinni talstöð
að bækistöð bandarísku strand-
gæslunnar var kölluð upp og henni
tilkynnt að íslendingarnir á E.T.
hefðu dælt olíu í sjóinn. Hann kall-
aði þegar í strandgæsluna og bað
hana að senda menn til skipsins og
sannreyna að engin olía væri í sjón-
um.
Ákæran var að sögn Sigurðar
tekin mjög alvarlega. Ekkí síst
vegna þess að E.T. var í leigu
bandaríska flotans og þar af leið-
andi á ábyrgð bandarískra yfir-
valda. Komu fulltrúar FBI (banda-
rísku rannsóknarlögreglunnar) á
vettvang ásamt starfsmönnum
strandgæslunnar og sannfærðust
um sannleiksgildi orða Sigurðar.
Sigurður sagði að þeir hefðu til-
kynnt Watson, skipstjóra, að ef
hann léti ekki af slíkri hegðun yrði
hann umsvifalaust settur í gæslu-
varðhald.
í nýjasta tölublaði Sea Shepherd
samtakanna segir að tilgangur
hópsins sé að trufla og koma í veg
fyrir hvalveiðar íslendinga og
áhersla er lögð á að unnt sé að
gera mikið úr mótstöðu samtak-
anna gegn ólöglegum hvalveiðum
með því að láta til skarar skríða í
tengslum við fund Alþjóða hvalveið-
iráðsins í Reykjavík.
--------*-*-*--------
■ G7f0AW-kynning verður hald-
in í Veislurisinu, Hverfisgötu 105,
miðvikudagskvöldið 20. mars kl. 20.
Gronn-námskeið verður haldið
laugardaginn 23. og sunnudaginn
24. mars kl. 9-17 báða dagana.
Þetta námskeið er fyrir bæði karla
og konur sem eiga við matarfíkn
að stríða. Skráning á námskeiðið
fer fram á Gronn-kynningunni í
Veislurisinu og hjá Mannræktinni.
Leiðbeinandi á námskeiðunum er
Axel Guðmundsson.
Láttu ekki lokast á þig !
Aðeins nokkur sæti laus á virkum dögum
Hvar færðu fermingarmyndalöku á aðeins
kr. 7.500, þar sem innifalið er 6 myndir og
tvær stækkanir 20 x 25 cm
Aðeins hjá okkur!
Ljósmyndatofumar:
Bama og fjölskylduljósmyndir sími
1-26-44
Ljósmyndastofa Kópavogs sfmi
4-30-20
Ljósmyndastofan Mynd súni
^ 5-42-07
3 Odýrastir
Hafnarf jarðarslagur í Kaplakrika
F.H. - HAUKAR
í íþróttahúsinu í Kaplakrika mióvikudaginn 20. mars kl. 20.00
Sparisjóðsbikarinn afhentur fyrir leik
F.H.-ingar, mætið allir og hvetjið ykkar lið til sigurs
Sparísjoður
Hafnarfiarðar