Morgunblaðið - 22.03.1991, Blaðsíða 25

MORGUNBLAÐIÐ FÖSTUDAGUR 22. MARZ 1991
25
Framboðsfundur rektorsefna:
Frambjóðendur sammála
um flest málefni háskólans
Morgunblaðið/Ámi Sæberg
Prófessorarnir Sveinbjörn Björnsson og Þórólfur Þórlindsson við
upphaf framboðsfundarins í Háskólabíói í gær.
FRAMBJÓÐENDUR til rektors-
kjörs við Háskóla íslands, sem
fram fer í byijun apríl, mættu
á fjölmennum framboðsfundi í
Háskólabíói í gær. Þar reifuðu
þeir hvað mikilvægast væri í
málefnum skólans á næstu árum
og „gekk ekki hnífurinn á milli
okkar“, eins og Sveinbjörn
Björnsson, prófessor í raunvís-
indadeild, sagði. „Yið erum sam-
mála um flest og baráttan er
því um að framkvæma hlutina,“
sagði Þórólfur Þórlindsson, pró-
fessor I félagsvísindadeild. Þeir
tveir urðu efstir í prófkjöri sem
fram fór fyrir sköinmu og á
milli þeirra verður kosið 5. apríl.
Sveinbjöm lagði mesta áherslu
á stefnu næstu ára í famsöguræð-
unni. Meðal þess sem hann telur
mikilvægt að gera er að bæta
launakjör og sagði hann nauðsyn-
legt að ijúfa tengsl launa og við-
veru í kennslu. Hann sagðist vilja
láta gera könnun á húsakosti há-
skólans til að gera sér betur grein
fyrir því hvernig staðan væri og
hver forgangsröðin ætti að vera.
Hann ræddi um virkni og gæði
rannsókna og sagði að Þjóðarbók-
hlaðan myndi gjörbreyta allri að-
stöðu bæði til kennslu og rann-
sókna. Þá nefndi hann að koma
þyrfti á fót rannsóknamiðstöðvum
í ýmsum greinum.
Auka þyrfti námsval nemenda
og greiða stundakennurum sann-
gjöm laun. Aukið sjálfsnám stúd-
enta væri einnig mikilvægt og
þegar bókhlaðan yrði tilbúin lag-
aðist öll aðstaða til slíks.
Þórólfur ræddi í upphafi máls
síns um háskóla almennt og sagði
engar stofnanir horfa eins langt
til framtíðar. Háskólar væru í
senn íhaldssamir og róttækir.
Auðlegð þjóða væri ekki síst fólg-
in í menningu þeirra og það væri
hlutverk háskólans að viðhalda
henni og endurnýja.
Þórólfur sagði að rektor og
Háskólaráð ættu að beita sér í
kjaramálum. Hann sagði að eins
og staðan _ væri í kjaramálum
væri akademísku starfi háskólans
stofnað í hættu. Það væri ekki
nokkurt vit að kennarar þyrftu
að kenna 100 klukkustundir á
mánuði til að hafa mannsæmandi
laun.
Hann sagði að umræðan um
háskólann ætti að vera opinská.
Hlutverk rektors væri meðal ann-
ars að koma fram út á við fyrir
hönd skólans og einnig að vera
bakhjarl starfsfólks og sameina
krafta deilda. Háskólamenn ættu
að standa saman þrátt fyrir nauð-
synlegan og æskilegan ágreining
innan stofnunarinnar. Ólík sjónar-
mið ættu að vera styrkur skólans
en ekki veikleiki.
Nokkrum fyrirspurnum var
beint til frambjóðenda. í svörum
þéirra kom fram, og reyndar í
framsöguræðum þeirra einnig, að
þeir væru sammála um flest sem
þyrfti að gera á næstu árum.
Þórólfur sagði meðal annars að
fyrif sex árum hefði núverandi
rektor orðað það svo að nóg væri
af góðum hugmyndum, en það
þyrfti bara að koma þeim í fram-
kvæmd.
Báðir töldu æskiiegt að kennsla
og rannsóknir færu saman.
Óæskilegt væri að stór hópur
manna kenndi eingöngu en stund-
aði engar rannsóknir.
Varðandi þær stjórnsýslubreyt-
ingar sem gerðar voru nýlega
sögðust frambjóðendurnir á því
að aukið sjálfræði deilda væri af
hinu góða en bentu á að nægileg
reynsla væri ekki enn komin á
þessar breytingar, enda væri þeim
ekki lokið.
Þeir töidu nauðsynlegt að ljúka
ófullgerðum byggingum en því
miður væru nýbyggingasjóðir
ekki digrir og því væri æskilegt
að fá ijármagn með öðrum hætti
eins og gert hefði verið að undanf-
örnu.
Varðandi æviráðningu kennara
sagðist Sveinbjörn skilja rökin
fyrir því að æviráðning væri
óæskileg en benti mönnum á að
fara varlega í að afnema hana
með öllu. Þórólfur sagði akadem-
ísk rök fyrir æviráðningu því með
henni hefðu menn frelsi til starfa
án þess að eiga á hættu að missa
stöðuna.
Spurt var um afstöðu þeirra til
stundakennaradeilunnar. Þeir
sögðust ekki þekkja deiluna nógu
vel en almennt væru þeir á móti
því að fólk gengi í störf félaga
sinna sem væru í verkfalli. Svein-
björn sagðist helst ekki vilja fara
í verkfall sem kennari.
Tillögrir um takmörkun umferðar vinnuvéla á höfuðborgarsvæðinu:
Ottast að umferðin færist á íbúða-
götur og auki slysahættu þar
- segir framkvæmdastj óri Verktakasambandsins
TILLÖGUR sijórnar Samtaka sveitarfélaga á höfuðborgarsvæðinu
um takmörkun umferðar vinnuvéla gætu haft í för með sér meiri
vanda en þær leysa, að mati Pálma Kristinssonar framkvæmdasljóra
Verktakasambands Islands. „Það sem ég óttast mest er að þessar
reglur, sem eru gífurlega hertar, færi umferð vinnuvéla af stofn-
brautunum yfir á íbúðagötur og þá óttast ég að upp fari að koma
önnur vandamál eins og slysahætta í íbúðahverfum og alls konar
önnur truflun þar af þessari umferð," sagði Pálmi í samtali við
Morgunblaðið í gær.
Pálmi sagði að fyrir þremur til
fjórum árum hefðu þessi mál verið
til umræðu og þá hefðu verktakar
lýst skilningi sfnum á va.ndanum,
sem fylgdi umferð vinnuvéla á
umferðargötum, enda hefði hann
verið mikill á þeim tíma. Síðan hefði
gatnakerfi á höfuðborgarsvæðinu
batnað að mun og dregið úr vandan-
um. Nú væri hins vegar ljóst að
skýr vilji væri meðal sveitastjórna-
manna á höfuðborgarsvæðinu að
taka á þessmu málum og af hálfu
Verktakasambandsins væri sem
fyrr fullur skilningur á að taka
þurfi á vandanum og menn séu
sammála um að gera allt sem hægt
er til að draga úr neikvæðum áhrif-
um þessara tækja í umferðinni.
Hann sagði hins vegar að þær
tillögur sem lagðar hafa verið fram
nú séu gjörsamlega óaðgengilegar
fyrir þá verktaka sem eru með þess-
ar vélar. Einnig að allar breytingar
í takt við þessar tillögur þýði auk-
inn kostnað við verktakaþjónustu.
„Það eru auðvitað kaupendur þess-
arar þjónustu sem greiða þann
kostnað að lokum, það eru að miklu
leyti þessi sveitarfélög sem um er
að ræða, því að þessar vélar vinna
mikið fyrir sveitarfélögin bæði við
gatnagerð og annað,“ sagði Pálmi.
Hann sagði tillögurnar eins og
þær eru núna ganga beinlínis út á
það að loka fyrir alla umferð vinnu-
véla allan sólarhringinn á svæðinu
milli norðurs og suðurs, milli Hafn-
arfjarðar og Mosfellsbæjar, ekki
yrði hægt að komast þar á milli.
„Menn losna ekki við þessi tæki,
þau fara bara aðrar leiðir. Þá er
auðvitað spurningin: Skánar
ástandið eða versnar það?“ sagði
Pálmi. „Aðalatriðið er að bæði aust-
ur-vestur umferðin í Reykjavík og
umferðin á milli þessara bæjarfé-
laga fer nánast alfarið inn í íbúða-
götur, það er viðbúið að menn þræði
Vogana, Hlíðahverfið og svo fram-
vegis. I Kópavogi fara tækin af
Nýbýlaveginum og þá væntanlega
upp á Digranesveg, framhjá skólun-
um. Það gætu orðið stórkostleg
áhrif af þessum tillögum, sem ekki
er gott að átta sig á nú þegar,“
sagði Pálmi Kristinsson.
■ AÐALFUNDUR Arkitektafé-
lags íslands haldinn í Ásmundar-
sal 16. mars sl. teldur brýnt að
hafist verði hánda við að vinna
skipulega gegn því vandamáli sem
nefnt hefur verið húsasótt og lýsir
sér í óhollustuáhrifum og of-
næmiseinkennum af völdum bygg-
ingarefna og byggingarhátta.
Ljóst er að til að sporna gegn
þessu vandamáli verður til að
koma samvinna allra þeirra sem
að byggingarmálum starfa, hönn-
uða, byggingaryfirvalda, byggj-
enda, efnissala og heilbrigðisyfir-
valda. Skorar fundurinn á um-
hverfismálaráðherra að hafa for-
sögu um stofnun starfshóps er í
sitji fulltrúar ofangreindra aðila
og geri hann tillögu um með hvaða
hætti verði tekið á þessu máli,
segir í frétt sem blaðinu hefur
borist.
■ DAVÍÐ ODDSSON borgar-
stjóri tekur fyrstu skóflustunguna
að nýrri sundlaug við Fylkisveg í
Árbæjarhverfi í dag, föstudag, kl.
16.00. íbúum Árbæjar- og Selás-
hverfis er boðið að vera viðstaddir
skóflustunguna og þiggja kaffiveit-
ingar strax á eftir í Félagsmiðstöð-
inni Arseli, en þar verða einnig til
sýnis teikningar og líkan að sund-
lauginni.
0. Johnson & ' ~'Kdðt*er hf
SÍMI: 91 -24000
...ekkibarakaffi
Þ.Þ0RBRÍMS50W&C0
E30EJQDQE1,
gólfflísar - kverklistar
ÁRMÚLA29, SÍMI 38640
BÚSTOFN HÆTTIR
Nýir eigendur, T.S. húsgögn og hurðir, heldur nú út-
sölu á lager Bústofns hf. til að rýma fyrir nýjum vörum.
Sjaldan hefur gefist betra tækifæri til að eignast
vönduð og falleg húsgögn í stofuna, eldhúsið,
borðstofuna, svefnherbergið, anddyrið, garðskálann,
sumarhúsið eða garðinn.
Öll húsgögn á lægra verði en áður:
Leðursófasett - Svefnsófar - Vegghillur og
veggsamstæður - Borðstofusett - Stakir stólar
og borð - Fataskápar - Kommóður - Skrifborð -
Skrifborðsstólar - Reyrborð og hillur - Veggspeglar
- Rimlagluggatjöld - Fatahengi og margt,
margt fleira.
Ath: 10% kynningarafslátturá hurðum
meðan á útsölunni stendur.
ÚTSALA
SMIDJUVEGI6, KÓPAVOGI.
SÍMAR 44544 OG 44117.