Morgunblaðið - 01.08.1992, Blaðsíða 19

MORGUNBLAÐIÐ LAUGARDAGUR 1. ÁGÚST 1992
19
skammt milli ljóss og skugga, gleði
og sorgar. Þegar góðir vinir og sam-
ferðaménn falla frá er sem ský dragi
fyrir sólu og hugurinn fyllist trega
og eftirsjá. Það er eins og tíminn
nemi staðar eitt andartak og myndir
og minningar frá liðinni ævi koma
fram í hugann.
Mig langar að minnast með fáein-
um orðum mágs míns og góðs vin-
ar, Knúts Jónssonar, sem andaðist
24. júlí eftir erfið og þungbær veik-
indi sl. fjóra mánuði. Hann var að-
eins tæplega 63 ára er hann lést og
erum við fjölskylda hans og vinir
harmi slegin að fá ekki lengur að
njóta samfyigdar við hann.
Knútur fæddist í Reykjavík 5.
ágúst 1929, sonur hjónanna Gíslínu
Magnúsdóttur og Jóns Halldórsson-
ar. Gíslína var ættuð frá Hnjóti í
Rauðasandshreppi, en Jón var ætt-
aður úr Mosfellssveit. Þau áttu
lengst af heimiii á Freyjugötu 27a
í Reykavík. Voru þau bæði annáluð
fyrir dugnað og myndarskap. Knút-
ur var yngstur barna þeirra. Systur
hans eru Gyða, fædd 1920, hún var
gift Friðjóni Bjarnasyni prentara,
sem er látinn, og Erna, fædd 1922,
gift þeim sem þetta ritar. Gíslína
átti einnig son af fyrra hjónabandi,
Ólaf Hólm, fæddan 1914, sem
kvæntur er Þorgerði Grímsdóttur.
Þau systkinin voru öll sett til mennta
eftir því sem efni og aðstæður gátu
leyft á þeim tíma.
Knútur varð stúdent frá Verslun-
arskóla íslands árið 1949. Hann
stundaði síðan nám erlendis árin
1949 til 1954.
Árið 1953 steig hann mikið gæfu-
spor er hann kvæntist Önnu Snorra-
dóttur frá Siglufirði, mikilli myndar-
og mannkostakonu. Ljóst var að
milli þeirra ríkti kærleikur og traust
og þau studdu hvort annað heils
hugar í lífsbaráttunni. Þeim hjónujn
varð ekki barna auðið, en ólu upp
tvö fósturbörn, Fjólu og Óskar. Fjóla
er gift á Siglufirði og á eina dóttur,
Önnur Þóru, sem var augasteinn afa
síns.
Þau Knútur og Anna bjuggu fyrst
nokkur ár í Reykjavík en fluttust
síðan til Sigluíjarðar, þar sem lieim-
ili þeirra var ætíð síðan.
Knútur var greindur maður og
einkar vel gerður. Prúðmennska og
háttvísi voru honum eiginlegar.
Hann var orðvar og forðaðist alla
sleggjudóma um menn og málefni.
Hann naut mikils trausts og honum
voru falin margvísleg trúnðarstörf,
bæði fyrir bæjarfélagið og á vegum
Sjálfstæðisflokksins.
Mér er efst í huga þakklæti fyrir
áratuga trausta vináttu og fyrir
góðar samverustundir sem ánægja
er að minnast.
Ég vil að lokum votta ástvinum
Knúts innilega samúð.
Megi minningin um góðan dreng
veita þeim huggun.
Blessuð sé minning hans.
/ Signrður Ingason.
Það var fyrir réttum tíu árum að
hópur Sigfirðinga lagði land undir
fót og heimsótti vinabæ Siglufjarðar
í Finnlandi, Kangasala, þar kom
fram kirkjukór Siglufjarðar og flutti
tónlist eftir séra Bjarna Þorsteins-
son, fyrsta heiðursborgara Sigluf-
jaðar.
Knútur Jónsson var fenginn til
að kynna Siglufjörð og tónsmíðar
séra Bjarna.
Þar stóð hann mitt í hinni fögru
kirkju í Kangasala, Konungssölum,
og flutti orð sem munu seint líða
úr minni.
Á fágaðri sænsku talaði hann eins
og innfæddur. Sagði frá Siglufirði
og tónlist séra Bjarna. Það kom
eflaust engum, sem þekktu til Knúts,
á óvart hve vel hann talaði erlend
tungumál. Hafði hann á sínum tíma
stundað nám í rómsönskum málum
við háskólana í Osló, Kaupmanna-
höfn, Madrid og Róm.
Mér var hugsað til þess á þessari
stundu, hve dýrmætt það væri fyrir
kaupstað við hið nyrzta haf að eiga
að slíkan hæfileikamann sem Knútur
var. Hann var ávallt reiðubúinn að
gefa holl og góð ráð þegar til hans
var leitað. Fólk í heimabyggð fann
að hann bjó yfir mikilli þekkingu og
kunnáttu, sem kom mörgum að not-
um í starfi, lífi ög leik.
Vegna hæfileika hans á hinum
ólíkustu sviðum, var hann snemma
valinn til forystustarfa. Hann gengdi
mörgum trúnaðarstörfum. Hann var
m.a. bæjarfulltrúi og bæjarráðsmað-
ur fyrir Sjálfstæðisflokkinn í Siglu-
firði á árunum 1966-1978. Hann
var um langt árabil í forystu fyrir
Sjálfstæðisflokkinn í Norðurlands-
kjördæmi vestra.
Hann tók þátt í margháttuðum
félagsmálastörfum. Hann var mikill
Lionsmaður. í því starfi kenndi hann
svo sannarlega félögum, hve mikil-
vægt væri að vera stundvís, og
skipuleggja starfið út í yztu æsar.
Það er oft þáttur í eðli þeirra, sem
eru virkir í féiagsmálastörfum, að
vera opnir og ræðnir. Knútur var
dulur, hæglátur og rólyndur, það var
aldrei flanað að neinu. Hann virtist
ávallt vera búinn að þaulhugsa það
sem hann lagði til málanna, bæði í
starfi sem og á hinum félagslega
vettvangi. Eflaust þess vegna var
mikið til hans leitað. Allir sem
þekktu hann, allir þeir sem voru svo
heppnir að fá að kynnast honum og
leituðu til hans fengu góð ráð sem
dugðu. Af því naut hann mikillar
virðingar.
Knútur fæddist í Reykjavík 5.
ágúst árið 1929. Hann var sonur
hjónanna Gíslínu Magnúsdóttur frá
Hnjóti í Örlygshöfn við Patreksfjörð
og Jóns Halldórssonar sem ættaður
var frá Hrauni í Ölfusi. Knútur var
yngstur þriggja barna þeirra hjóna,
systurnar eru tvær, Gyða og Érna.
Gíslína móðir Krrúts átti frá fyrra
hjónabandi einn son, Ólaf Hólm Ein-
arsson.
Knútur var strax í æsku mjög
bókhneigður, átti gott með allt nám.
Eftir að hann lauk stúdentsprófí frá
Verzlunarskólanum fékk hann eft-
irsóttan styrk til að stunda háskóla-
nám erlendis. Eins og áður sagði
stundaði hann nám sitt í rómönskum
málum við marga háskóla.
í Verzlunarskólanum kynntist
hann eftirlifandi eiginkonu sinni,
Önnu Snorradóttur, Stefánssonar
framkvæmdastjóra Síldarverksmiðj-
unnar Rauðku í Siglufirði og Sigríð-
ar Jónsdóttur.
Snorri, faðir Önnu, mótaði um
margt líf í Siglufirði, rétt eins og
Knútur á meðan hans naut við. Ég
rifjaði það upp við upphaf þessara
minningarorða, hve vel Knútur hefði
sagt frá Sigiufirði og menningarlífi
staðarins í Kangsala í Finnlandi.
Þegar ég rifjaði upp þennan atburð
kom hún einnig upp í huga minn,
hún Anna okkar Snorradóttir. Þar í
Kangsala, sem og í nærri fimmtíu
ár, hefur hún sungið í Kirkjukór
Siglufjarðar og yijað mörgum um
hjartarætur, sem unna fögrum
kirkjusöng. Þau hjónin hafa verið
samhent í því að vinna Siglufirði allt
í félags- menningar- og kirkjumálum
um langt árabil. Fyrir það veit ég
að margir eru þakklátir.
Anna kveður eiginmann sinn
ásamt börnum þeirra hjóna, Fjólu
og Óskari, sem sjá á eftir góðum
föður sem leiddi þau útí lífið — gerði
þau hæf til að feta lífsins braut.
Knútur verður lagður til hinztu
hvíldar í Siglufirði. Leiðin liggur enn
á ný heim í Þormóðs ramma fagra
fjörð. Heim í sveitina góðu í skjóli
fjallahlíða, þar sem hafið breiðir
faðminn fríða og fram á djúpið bend-
ir vaskri drótt. Sérstakt um margt
er að hann, sem svo lengi starfaði
sem fulltrúi hjá Síldarútvegsnefnd í
Siglufirði og var framkvæmdastjóri
Tunnuverksmiðju ríkisins á Siglu-
firði og lagði sitt af mörkum í sjálfu
síldarævintýrinu, skuli einmitt vera
kvaddur þegar þess ævintýris er
minnst á Siglufirði.
Hann er kominn heim. Við trúum
að sá sem gefur allt líf, sá sem sigr-
aði sjálfan dauðann á krossi hafi
gefið honum hlutdeild í hinni eilífu
gleði, sem kristallast í hinu eilífa
ríki hans.
Megi Ijósið hans bjarta, sem lýsir
upp allt myrkur, lýsa okkur öllum.
Vigfús Þór Árnason.
Knútur Jónsson lést í Borgarspít-
alanum 24. júlí sl. eftir erfiða bar-
áttu við sjúkdóm sinn. Með honum
er genginn einn helsti forystumaður
sjálfstæðismanna á Siglufirði um
áratuga skeið.
Sjálfstæðismenn hafa misst mikið
við fráfall Knúts Jónssonar. Hann
var mikill gáfumaður og bjó yfir
sterkri réttlætiskennd. Til hans var
jafnan horft þegar mest reið á.
Sjálfur kynntist ég Knúti fyrst
þegar val á framboðslista Sjálfstæð-
isflokksins á Norðurlandi vestra fyr-
ir kosningarnar 1987 stóð fyrir dyr-
um. Þá fann ég hversu mikillar virð-
ingar hann naut meðal samstarfs-
manna sinna annars staðar í kjör-
dæminu. Þegar innt var eftir skoðun-
um sjálfstæðismanna á Siglufirði á
framboðsmálunum var jafnan spurt:
„En hvað segir Knútur Jónsson?"
Við fyrstu kynni okkar fann ég
að virðingin fyrir Knúti og skoðunum
hans var engin tilviljun. Þar fór
gegnheill maður sem óhætt var að
treysta í hvívetna. Allt sem hann
sagði var skynsamlegt og skipti
máli. Knútur var hæglátur maður
og á fundum hafði hann sig oft ekki
mikið í frammi. En þegar hann tók
til máls var hlustað gaumgæfilega
og hann hafði mikil áhrif með orðum
sínum. Knútur talaði jafnan með
mikilli rökfestu, yfirvegun og sann-
færingarkrafti og var ekki fyrir það
að fela skoðanir sínar. Hann var
einnig einn af þeim mönnum sem
geta sagt skoðun sína með einni
beittri spurningu meðan margir aðr-
ir hefðu þurft langa ræðu til þess
að koma hinu sama frá sér. Menn
þurftu að vanda sig þegar þeir töluðu
við hann.
Knútur fylgdist afar vel með þjóð-
málum og það var hvergi komið að
tómum kofunum hjá honum í þekk-
ingu á mönnum og málefnum. Knút-
ur hafði ákveðnar skoðanir sem
mótuðust í senn af skynsemi og rétt-
læti. Hann var einlægur sjálfstæðis-
maður og einn af þeim máttarstólp-
um sem hafa borið Sjálfstæðisflokk-
inn uppi í byggðum landsins og gert
hann að því afli sem hann nú er.
Einn sá eiginleiki sem vakti hvað
mest virðingu samstarfsmanna fyrir
Knúti var hversu yfirvegun hans og
rökvísi jukust þegar átök stóðu yfir.
Hann hélt rósemi sinni þess betur
eftir því sem deilur mögnuðust og
gaf því betri ráð þegar aðrir áttu
til að gleyma sér í hita leiksins.
Þess vegna var leitað ráða hjá Knúti
þegar mikið lá við.
Sjálfstæðismenn fengu að njóta
starfa, hollustu og visku Knúts í
margvíslegum trúnaðarstörfum.
Hann sat í bæjarstjórn Siglufjarðar
í 12 ár og var í forystusveit í kjör-
dæmisráði flokksins á Norðurlandl
vestra. Knútur lagði mikið af mörk-
um í þágu þeirra hugsjóna sem sjálf-
stæðismenn beijast fyrir.
Ég lít á það sem forréttindi að
hafa fengið tækifæri til þess að
kynnast Knúti Jónssyni og ég votta
Önnu Snorradóttur konu hans og
öðrum aðstandendum samúð mína.
Minning Knúts Jónssonar mun ávallt
lifa.
Vilhjálmur Egilsson.
Færð þú endurgreiðslu
frá skattinum um
mánaðarmótin?
Fjárfesting í erlendum verðbréfa-
sjóðum getur gefið góða ávöxtun.
Hafðu það í huga ef þú færð glaðn-
ing frá skattinum.
Leitaðu ráðgjafar hjá
sérfrœðingum okkar!
Dæmi um raunávöxtun í erlend-
um verðbréfasjóðum frá áramót-
um til 1. júlí:
Sjóður:
Raunávöxtun:
FAR EAST 43,0%
NATURAL RESOURCES 27,1%
CONTINENTAL EUROPE 9,3%
Skandia
w
Til hagsbóta
fyrir íslendinga
FJÁRFÉSTINGARFÉLAGIÐ SKANDIA HF.
Hafnarstræti 7, sími (91) 619700, Kringlunni 8 - 12, sími (91)689700