Morgunblaðið - 01.08.1992, Blaðsíða 32

32
MORGUNBLAÐIÐ LAUGARDAGUR 1. ÁGÚST 1992
Dögglingskvistur.
Kvistir
3. grein
Blóm vikunnar
Umsjón Ág. Björnsd.
244. Þáttur
Loðkvistur (spiraea millifolia) frá
Kína verður æ algengari hér í görð-
um og er einn allra sérkennilegasti
náunginn i þessum hópi. Kemur
þar einkum til vaxtarlagið, hin
smáu kafloðnu blöð og gulhvít
blómin sem raða sér þétt ofan á
bogsveigðar greinarnar. Loðkvist-
urinn vex hægt í fyrstu, en getur
með tímanum orðið á annan metra
á hæð og meiri um sig — það hafa
margir mátt reyna sem stungið
hafa þessu litla kríli úr gróðrarstöð-
inni í lítið steinbeð. Loðkvisturinn
er harðger og blómstrar frekar
snemma, oft þegar í júní. Blómin
standa fremur stutt og falla ekki
af heldur verða brún, sem ekki lýt-
ir runnann til muna — og þá hefur
maður runna með brúnum blómum
það sem eftir er sumars! Á vorin
þarf að gæta hans vel fyrir maðki
sem sækir mjög í hann eins og
marga aðra runna með loðin blöð.
Víðikvistur (Spiraea salicifolia)
sem vex villtur víða um Evrópu er
líklega harðgerastur allra kvist-
anna, jafnvel í mögrum og þurrum
óræktaijarðvegi. Hann verður um
einn metri á hæð og blómstrar
daufbleikum blómum síðla sumars.
Ekki telst hann neinn fyrirmyndar
garðrunni og veldur því helst að
hann skríður vítt og breitt um með
rótarskotum og lætur ófriðlega.
Dögglingskvistur (Spiraea
douglasii) er rauðblómstrandi teg-
und frá Norður-Ameríku, sem í
heimkynnum sínum verður á þriðja
metra á hæð og blómstrar síðsum-
ars. Þær plöntur sem hér ganga
undir þessu nafni eru þó líklega
flestar rangnefndar og munu vera
blendingar, líklega á milli úlfa-
kvists og dögglingskvists. Þekkt-
astur þeirra blendinga mun vera:
úlfakvistur (Spiraea billardii) sem
maður að nafni Billard skóp í
Frakklandi um miðja síðustu öld.
Hann er talinn betri garðrunni en
báðir foreldramir, skríður ekki eins
mikið og blómstrar lengur. Erlend-
is er hann talinn svipaður á hæð
og dögglingskvisturinn en hér verð-
ur hann sjaldan meira en einn
metri. Er klipptur mikið niður eftir
blómgun.
Ekki get ég stillt mig um svona
í lokin, að nefna einn kvist sem ég
hef mikið dálæti á, en það er blend-
ingur á milli dögglingskvists og
Japanskvists og hefur hér verið
nefndur potsdamkvistur (Spiraea
sanssouciana eða Spiraea nobel-
ana). Þetta er Ijómandi fallegur
runni um 60-70 sm á hæð og
hlómstrar síðsumars rósrauðum
blómum í þéttum pýramídalöguð-
um klösum á greinaendunum.
Hann virðist harðger hér en er lítt
reyndur og mætti að mínum dómi
sjást víðar.
Minning:
Mikael Ríkarðsson
Fæddur 29. september 1989
Dáinn 25. júlí 1992
„Hér skal hjartaljúfur
heyra um Stóra-Faxa,
hestinn úti í ánni.
Áin svöl og skyggð
rennur gegnum gljúfur
grænrökkvaðra skóga,
byltist undan brúnni
barmafull af hryggð.
Aldrei drenginn dreymir
dul, sem áin geymir,
hálf í undirheimum,
hálf í mannabyggð."
Þessar máttugu ljóðlínur eftir
Federico García Lorca í þýðingu
Magnúsar Ásgeirssonar komu mér
í hug þegar mér bárust þau ógnar-
tíðindi að Mikael frændi minn,
tæplega þriggja ára gamall, hefði
drukknað. Hann hafði horfið frá
leikfélögum sínum til að leita á
fund föður síns heim í sumarbú-
stað, en tekið öfuga stefnu og
haldið í átt til árinnar, sem beið —
barmafull af hryggð. I dag er þessi
hugljúfi og fjörmikli hnokki lagður
til hinstu hvíldar norður í landi,
einkabarn ungra foreldra, sem sjá
verða á bak sólargeislanum sínum
fyrir óskiljanlega duttlunga forlag-
anna. Mikael var sonur hjónanna
Lilju Lofnar Skúladóttur og Rík-
harðs Guðmundssonar. Ekki eru
nema fjórar vikur síðan Mikael litli
lék sér glaður og áhyggjulaus við
tvær yngri frænkur sínar, dóttur
mína rúmlega hálfs árs gamla og
aðra frænku hálfs annars árs. Þau
frændsystkin voru sem sé sitt á
hverju árinu og fór afar vel á með
þeim. Því var það tilhlökkunarefni
okkar mæðrunum að sjá þau verða
samstiga í uppvextinum. Þeirri von
hefur snögglega verið svipt burt,
og við stöndum eftir höggdofa yfir
blindni örlaganna.
Þó árin væru ekki fleiri, skilur
Mikael eftir ljúfar og góðar minn-
ingar um svipbjartan og greindar-
legan dreng sem var hvers manns
hugljúfi, enda var hann fæddur á
messu ljóssins engils, Mikjáls.
Engin orð fá sefað harminn sem
að hinum ungu foreldrum er kveð-
inn, en kannski geta hugljúfar og
grómlausar minningarnar tekið
sárasta broddinn úr sársaukanum
og söknuðinum.
Mig langar að ljúka þessum fá-
tæklegu kveðjuorðum með því að
vitna í ljóð sem Tómas Guðmunds-
son orti fyrir margt löngu eftir
frænda okkar Mikaels litla, Jón
Thoroddsen yngra:
„Og skín ei ljúfast ævi þeirri yfir,
sem ung á morgni lífsins staðar nemur,
og eilíflega, óháð því, sem kemur,'
í æsku sinnar tipu fegurð lifir?
Sem sjálfur Drottinn mildum lóf-
um lyki
um lífsins perlu í gullnu augna-
bliki.
Ragnhildur Bragadóttir,
Dóra Kjartansdóttir.
Myndin Börn Náttúrunn-
ar sýnd í eitt ár samfleytt
35000 manns hafa séð myndina
KYIKMYND Friðriks Þórs Frið-
rikssonar Börn Náttúrunnar náði
þeim áfanga hinn 30. júlí að hafa
verið sýnd samfellt í eitt ár. Á
þeim tíma hafa um 35000 manns
séð myndina og að mati Friðriks
Þórs er það viðunandi. í tilefni
af sýningarafmæli myndarinnar
hefur miðaverð nú verið lækkað
í 500 kr.
Sýningum hér á landi fer nú óð-
um fækkandi og með haustinu hefj-
ast almennar sýningar í kvikmynda-
húsum víða um heim. Myndin verð-
ur meðal annars sýnd kvikmynda-
húsum í Danmörku, Svíþjóð, Japan
og Þýskalandi. Þess má og geta að
hún verður frumsýnd í Teheran,
höfuðborg íran.
Engin önnur íslensk kvikmynd
hefur verið sýnd lengur í kvik-
mymdahúsum. Þessi langi sýningar-
tími hefur þó ekki valdið því að hún
sé aðsóknarmesta íslenska kvik»
mynd sem gerð hefur verið. Þvert
á móti nær hún hvergi upp í aðsókn
á myndir á borð við Land og syni.
Nú þegar eins árs sýningaraf-
mæli myndarinnar er fagnað hefur
verið ákveðið að lækka miðaverð í
krónur fimm hundruð. Þá hefur
verið opnuð sýning á ýmsum viður-
kenningum sem myndin hefur hlot-
ið síðastliðið ár. Hún hefur eins og
mörgum er kunnugt farið víða og
hlotið lof á tugum kvikmyndahá-
tíða.
I stuttu samtali við Morgunblaðið
sagði Friðrik að nú gæfist tækifæri
fyrir íslenskt kvikmyndaáhugafólk
að sjá myndina í síðasta skipti því
fljótlega yrði hætt að sýna hana
hér á landi. Það kom einnig fram
í máli hans að litlar líkur væru á
því að myndin yrði gefin út á mynd-
bandi. „Hún nýtur sín einfaldlega
betur á breiðtjaldi,“ sagði Friðrik
að lokum.
------♦ ♦ ♦-----
__________Brids____________
Umsjón Arnór G. Ragnarsson
Sumarbrids
Úrslit í sumarbrids í Reykjavík.
Þriðjudagur 28. júlí, frekar rólegt.
NS:
Guðrún Jóhannesdóttir—Jón Hersir Elíasson 526
Jón Steinar Gunnlaugsson—Gylfí Baldursson 462
Þrösturlngimarsson-ÞórðurBjörnsson 450
Alfreð Kristjánsson—Gylfi Guðnason 448
Guðmundur Eiríksson—Bjöm Theodórsson 447
AV:
Erlendur Jónsson—Jón St. Ingólfsson 521
Kristjana Steingrímsd.—Halla Bergþórsdóttir 492
Hrafnhildur Skúladóttir—Jörundur Þórðarson 489
Guðmundur Sveinsson-Mapús Ólafsson 488
Gísli Steingrímsson—Kjartan Jóhannsson 484
Fimmtudagur 30. júlí.
A-riðill:
Albert Þorsteinsson—Hjálmar S. Pálsson 262
Sigurður B. Þorsteinsson—Gylfí Baldursson 241
KolbrúnThomas-EinarPétursson 229
Guðmundur Kr. Sigurðsson—Friðrik Jónsson 227
Þórarinn Ámason—Höskuldur Gunnarsson 225
B-riðill:
Ljósbrá Baldursdóttir—Matthías Þorvaldsson 93
Gylfí Gíslason—Ari Konráðsson 92
Siguijón Helgason—Gunnar Karlsson 92
Minnt er á að spilað er á mánu-
daginn kemur. Húsið opnar kl.
18.00 og spilamennska hefst kl.
19.00.
Sumarbrids á Akureyri
21. júlí:*’
Ármann Helgason-Sveinbjöm Siprðsson 130
Hermann Huijbens—Stefán Vilhjálmsson 128
Anton Haraldsson—Kristján Guðjónsson 120
Jónína Pálsdóttir-Una Sveinsdóttir 119
28. júlí:
Jakob Kristinsson—Pétur Guðjónsson 197
Reynir Helgason—Magnús Magnússon 171
Gísli Pálsson—Halldór Ámason 166
Kolbrún Guðveigsdóttir—Páll Þórsson 165