Morgunblaðið - 04.05.1993, Blaðsíða 22
22
MORGUNBLAÐIÐ ÞRIÐJUDAGUR 4. MAÍ 1993
Chris hleypur hér með hryssuna Fýlu í dómi en hún
er undan Mergi sem aftur er undan Magnúsi frá Grens-
landhof en móðirin er Hrappsdóttirin Freyja.
Morgunblaðið/Valdimar Knstmsson
Werner og Chris með stóðhestinn Halldór á milli sín.
Siggi Muller lætur hér stóðhestinn Víking frá Wendal-
inushof taka nokkur létt spor fyrir gestina en hann
er undan Magnúsi frá Grenslandshof og Lýsu frá
Skeyabrekku.
Hrossarækt í Þýskalandi
Ræktunarmarkmiðið stór, vilj-
ug* og hreyfingarmikil hross
- segir Werner Muller hrossabóndi á Hocwaldhof
Halldór frá Hochwaldhof undan Hetju sem er af Eiríksstaðakyni
og Gylfa frá Ponsheimerhof sem er talinn einn af bestu stóðhestun-
um í Þýskalandi.
________Hestar____________
Valdimar Kristinsson
Á Hundshryggjarhæð sunnan við
Moseldalinn í þorpinu Bruchwe-
iler reka þau Werner Muller
ásamt dóttur hans og Sigga og
tengdasyninum Chris stórt
hrossabú þar sem viðfangsefnið
er ræktun og sala á íslenskum
hestum. Hrossin eru á annað
hundrað og líklega með stærstu
hrossaræktarbúum í Þýskalandi
sinnar tegundar. Á ferð umsjón-
armanns „Hesta" um Þýskalands
var litið við á Gestut Hochwald-
hof en svo kalla þau búið og
ræktunarfólkið tekið tali.
Werner byijaði með islenska
hesta 1969 en hafði áður verið með
stóra þýska hesta. Það kom fljót-
lega í ljós að mun auðveldara var
að annast um íslensku hestana sem
leiddi til þess að Wemer losaði sig
við þá stóru. Fyrstu hryssurnar sem
hann byrjaði með voru frá Claus
og Ullu Becker á Grenslandshof
undan Hrappi frá Garðsauka og
Hrappssyni frá Grenslandshof en
síðan hefur oft verið grisjað og
bætt inn nýjum ræktunarhrossum.
Chris segir að nú seu tvær línur
ræktaðar á Hochwaldhof annars-
vegar eru það hross af Stokkhólma-
ættum og svo Sauðárkrókslínan.
Sjálfur segist hann vera hrifnari
af Sauðárkrókshrossunum. Werner
segir að ræktunarmarkmiðið sé
stór, viljug og hreyfingamikil fjór-
gangshross með góðu geðslagi.
Með „danska" fslendinga í
ræktuninni
„Við höfum ræktað dálítið út af
Glaði frá Ytra-Skörðugili sem er í
Danmörku en þaðan höfum við flutt
inn nokkur hross sem við notum í
ræktunina. Eigum við til dæmis
einn stóðhest undan Glaði og Busku
frá Ytra-Skörðugili en sá heitir
Frekur frá Fuglsang,“ segir Chris.
Auk þess eru á bænum stóðhestarn-
ir Víkingur frá Wendalinushof og
Halldór frá Hochwaldhof sem er
fæddur þeim. Ræktunarhryssurnar
eru 20 en fjöldi reiðhesta og sölu-
hesta breytilegur eins. Alltaf er eitt-
hvað um aðkomuhryssur sem leidd-
ar eru undir stóðhestana og voru
um 40 hryssur á síðasta ári. Aðeins
hafa þau reynt að flytja inn hross
frá íslandi þegar vantað hefur sölu-
hross en útkoman af því varð ekki
sem skyldi. Fengu nokkrir hestanna
sumarexem og urðu þau sammála
um flytja ekki meira inn að sinni
nema ef vera skyldi kynbótahross.
Hefðu þau til dæmis mikinn áhuga
á að eignast stóðhestefni undan
Hrafni frá Holtsmúla. Segir Chris
að ekki sé ólíklegt að þau láti verða
af því ef þau fari til íslands á næsta
landsmót. „Það er að vísu mjög
erfitt fyrir okkur að fara frá því
annirnar við búskapinn eru miklar,“
segir Chris sem alltaf er kominn
til starfa fyrir allar aldir og vinnur
yfirleitt fram í myrkur.
Hver með sitt sérsvið
Þótt þau hjálpist að við alla þætti
búrekstursins er nokkur verka-
skipting þannig að hvert þeirra
þriggja hefur sitt sérsvið. Chris sér
um alla fóðuröflun, girðingar, fóðr-
un og hirðingu. Siggi hefur með
höndum allar tamningar og þjálfun
en hún er með B-reiðkennararétt-
indi og starfaði í tvö -ár hjá Walter
Feldmann jr. Werner hefur séð um
fjármálin og einnig eru jámingarn-
ar í hans umsjá en það er töluvert
mikil vinna að jáma öll tamninga-
og þjálfunarhrossin. Fyrir þessi
rúmlega eitthundruð hross hafa þau
um 70 hektara af grónu landi og
túnum sem notað er til beitar og
heyöflunar. Einnig eru þau með
tvær kýr til heimilisnota. Nýlega
keyptu þau stórt hesthús og 10
hektara lands í bænum Allenbach
sem er í nokkurra kílómetra fjar-
lægð því bústofninn hefur stækkað
ört síðustu árin. En útlitið segja
þau gott, mikil eftirspum sé eftir
íslenskum hrossum í Þýskalandi um
þessar mundir. Öll hross sem fara
á sölulista seljist á augabragði og
geti þau alls ekki annað eftirspum
og meðan svo sé er óhætt að fjölga
hrossunum segja þau að lokum.
Verðlaunahafar í karlaflokki í firmakeppni Harðar frá vinstri talið Axel Blomsterberg á Drottn-
ingu, keppti fyrir Reiðsport, Þorvarður Friðbjörnsson á Prins, keppti fyrir Vöruflutningamiðstöð-
ina, Örn Ingólfsson á Pjakki, keppti fyrir Tannlæknastofu Guðmundar Lárussonar, Sævar Haralds-
son á Brjáni, keppti fyrir Stálsveip og sigurvegarinn Sigurður Sigurðarson á Víði en hann keppti
fyrir Landflutninga. Rúnar Sigurpálsson formaður Harðar stendur við hlið Sigiírðar og Víðis.
Sigurbjörn Bárðarson sigursæll að venju hjá Fáki, tekur hér Höfðá
til kostanna í fimmgangsúrslitum.
Firmakeppni og íþróttamót
V etrarmótsstemmning
í Víðidal og Mosfellsbæ
Hestar Valdimar Kristinsson
Hestamannafélögin halda hvert af öðru firmakeppnir sínar um
þessar mundir. Hörður í Kjósarsýslu var með sína keppni á sunnu-
dag í hálfgerðu vetrar veðri þar sem keppt var í sex flokkum. Sigur-
vegari í karlafiokki varð Landflutningar sem Víðir frá Hala og
Sigurður Sigurðarson kepptu fyrir.
I kvennaflokki sigraði Fuglakyn- ungmennaflokki sigraði Valhús-
bótabúið á Reykjum sem Snjall og gögn sem Fjölnir og Svanhildur
Herdís Hjaltadóttir kepptu fyrir. I Jónsdóttir kepptu fyrir. í unglinga-
flokki sigraði Tannlæknastofa Elm-
ars Geirssonar sem Boði og Sölvi
Sigurðarson kepptu fyrir. Barna-
flokki var skipt í tvo hópa yngri
og eldri og sigraði Málning hf í
þeim eldri en þeirra fulltrúar voru
Vafí frá Mosfellsbæ og Magnea
Rós Axelsdóttir en í yngri hópnum
sigraði Hestamaðurinn sem Páfí og
Eva Dögg Rúnarsdóttir kepptu fyrir
Gustur í Kópavogi hélt sína
keppni fyrir rúmri viku en þar var
keppt í fjórum flokkum. í barna-
flokki sigraði Dagblaðið Vísir,
keppandi var Sigurður Bjarnason á
Hæringi. í unglingaflokki sigraði
Þórsbakarí, keppandi Þórir Krist-
mundsson á Krumma. í kvenna-
flokki sigraði Smith og Norland,
keppandi Sigrún Sigurðardóttir á
Funa. í karlaflokki sigraði svo
Björn Sigurðsson byggingaverktaki
en keppandi var Bjarni Sigurðsson
á Flóka.
Blíðskaparveður var þegar
Gustsmenn héldu sína keppni en
góð þátttaka var á báðum stöðum
til dæmis tóku um 26 börn þátt í
keppninni hjá Gusti.
Þá héldu Fáksmenn Reykjavík-
urmeistaramót í hestaíþróttum um
helgina. Að venju var Sigurbjöm
Bárðarson þar stórtækur í verð-
launaöflun og þá sérstaklega í fyrstu
verðlaununum. Sigraði hann í öllum
greinum nema fjórgangi en þar tókst
Sveini Ragnarssyni að skjótast upp
fyrir hann, Þátttaka var mjög léleg
á mótinu að þessu sinni og er það
orðið umhugsunarvert hvað veldur.
Sama vetrarríkið ríkti í Víðidalnum
og í Mosfellsbæ og þurfti að ryðja
völlinn tvívegis til að keppnin gæti
farið fram.
Mikið verður um að vera hjá
hestamönnum um næstu helgi, fáks-
menn og sunnlenskir hestamenn
verða með stórsýningu í Reiðhöllinni
í Víðidal og árleg sýning Stóðhesta-
stöðvarinnar verður á laugardag.