Morgunblaðið - 04.05.1993, Blaðsíða 32
MORGUNBLAÐIÐ ÞRIÐJUDAGUR 4. MAI 1993
32
Ökuskóli íslands hf
Dugguvogi 2,
104 Reykjavik
Námskeiö til undirbúnings aukinna öku-
réttinda (rútupróf) veróur haldiö í
Reykjavík og annars staðar á landinu
þar sem næg þátttaka fæst.
Umsóknir berist fyrir 1 5. maí nk.
Nánari upplýsingar í síma 683841.
Ökuskóli íslands hf.
7 k
Kr. 19.900
Upplifðu töfra Parísar í sumar
Parísarferðir Heimsferða á einstökum kjörum í
samvinnu við stærstu ferðaskrifstofur Frakklands.
Yika í París: Flug og hótel frá kr. 29.900
m.v. 2 í herbergi.
Flug og bíll: Frá lcr. 24.900,-
Vikulegar brottfariv frá 7. júJí til 25. ágúst.
Flugvallarskattar:
Við f'ar-fyald lia-tast ultiifnkaUar og lorfallatrygging.
Fullorðnir kr. 3.090,-, bnrn 12 ára og yngri kr. 1.865,-.
Takmarkað sælamagn
HEIMSFERÐIR hf.
Austurstræti 17,2. hæð • Sími 624600
með færanlegum rimlum
HURÐIR HF
Skeifan 13 •108 Reykjavík-Sími 681655
Fyrirtæki
Tap SS af reglulegri
starfsemi um 30 millj.
Selfossi.
TAP af reglulegri starfsemi Sláturfélags Suðurlands á síðasta ári nam
29,8 milljónum króna samanborið við 57 milljóna tap árið áður. Sölu-
tekjur félagsins námu 2,2 milljörðum króna og lækkuðu um 11% milli
ára. Heildarskuldir félagsins eru 1,8 milljárðar, þar af eru skammtíma-
skuldir rúmur milljarður en þær lækkuðu um 420 milljónir milli ára.
Veltufjárhlutfall fyrirtæksins er 0,78 og eiginfjárhlutfall 10%.
Páll Lýðsson stjórnarformaður
Sláturfélags Suðurlands sagði með-
al annars í setningarræðu á aðal-
fundi félagsins á Selfossi 30. apríl
að þrennt þyrfti til að hagur félags-
ins batnaði. Vaxtakjör að batna,
aukin hagræðing þyrfti að koma til
og efla þyrfti stofnsjóði félagsins.
Á árinu voru boðin út B-hlutdeildar-
skírteini sem seldust fyrir rúmar
30 milljónir. „Við verðum að hjálpa
okkur sjálf, það verður okkar mál
að SS lifi,“ sagði Páll Lýðsson með-
al annars í ræðu sinni. • '
Steinþór Skúlason forstjóri SS
segir meðal annars í ársskýrslu fé-
lagsins að fyrirtækið hafi ekki farið
varhluta af samdrætti, ákafri sam-
keppni á innanlandsmarkaði og
lægri álagningu. Þessar aðstæður
og hár fjármagnskostnaður væru
ástæður taprekstrar í ár. Vegna
mikillar skuldsetningar fýrirtækis-
ins segir Steinþór að félagsmenn
verði að fylgjast náið með hag þess
enn um sinn og vera tilbúnir að
styðja það frekar, reynist þess þörf.
í árslok 1992 störfuðu 305
starfsmenn hjá Sláturfélaginu en
voru 315 árið áður. Þegar starfs-
menn voru flestir hjá fyrirtækinu
voru þeir 583. Unnin ársverk voru
323 og fækkaði um 53.
Hjá SS var slátrað 15 þúsund
fjár. Meðalþungi dilka var 14 kíló.
Heildarsala kindakjöts var 1.502
tonn sem er 19% minnkun frá árinu
áður. Birgðir í árslok voru 1.235
tonn. 5.537 nautgripum var slátrað
sem vógu 598 tonn en það er 38
tonnum meira en árið áður. Heildar-
sala nautgripakjöts var 538 tonn
sem er 9% minnkun milli ára. Af
hrossum var slátrað 1.696 gripum
sem gera 188 tonn og er það 78
tonnum meira en árið áður. Heildar-
sala hrossakjöts var 190 tonn.
9.410 svínum var slátrað eða 555
tonnum að verðmæti 164 milljónir
króna. Þetta kjöt seldist allt á árinu.
Aðalfundinn sóttu ríflega 100
fulltrúar af Suðurlandi en félags-
svæði Sláturfélagsins er frá Lóma-
gnúpi að austan til Skarðsheiðar
að vestan. Sig. Jóns.
*
Kaupfélag Arnesmga með
54 milljóna tap á sl. ári
Aðhald boðað í rekstri til að lækka kostnað
Selfossi.
HEILDARVELTA Kaupfélags Árnesinga var 2,8 milljarðar króna á
síðasta ári og lækkaði um 1,49% frá því árið áður. Reksturinn, sem
var með hefðbundnum hætti, skilaði 54,3 milljóna króna tapi sem
er 16 milljóna króna lakari afkoma en árið áður. Heildarskuldir
kaupfélagsins voru 1,3 milljarðar í árslok en þar af voru skammtíma-
skuldir 619 milljónir. Þetta kemur meðal annars fram í ársreikningi
félagsins en aðalfundur þess var haldinn 27. apríl síðastliðinn.
Hagnaður félagsins án fjár-
magnsliða nam 62 milljónum króna
sem er ríflega 30 milljóna betri
staða en árið áður og kemur aðal-
lega til af niðurfellingu aðstöðu-
gjalds 1992.
Um 86,9% af heildarveltu kaup-
félagsins er í verslunardeildum,
9,8% í iðnaði og 3,3% koma frá
annarri starfsemi. 72,8% veltunnar
var í Ámessýslu, 16,6% í V-Skafta-
fellssýslu og 10,6% í Vestmanna-
eyjum.
Vöruhús KÁ var söluhæst 1992
með 786,8 milljónir, í Þorlákshöfn
er salan 129,5 milljónir og Betri
bónus í Vestmannaeyjum var með
94 milljónir. Af iðnaðar- og þjón-
ustudeildum var Selfoss-apótek
hæst með 91,6 milljónir, Kjöt-
vinnsla KÁ með 82,8 miljónir og
Trésmiðja KÁ með 73,8 milljónir.
„Mér finnst við hafa gert ýmis-
legt til að nálgast þau markmið
að ljúka lágmarksfjárfestingum og
að halda rekstrinum ofan við núll-
ið,“ sagði Sigurður Kristjánsson
kaupfélagsstjóri. Hann sagði að
miðað við getu félagsins hefðu fjár-
festingar verið fullmiklar á síðast-
liðnu ári og þær yrðu í algjöru lág-
marki á meðan reksturinn stæði
ekki fyllilega undir sér. „Ég met
stöðuna sem kreppuástand. Við
munum nýta þau tækifæri sem við
höfum til að minnka kostnað og
lyfta undir tekjur. Við höfum gefið
forstöðumönnum deilda fyrirmæli
um að endurskoða reksturinn og
munum leita eftir því að allir taki
sameiginlega á við að stoppa í fjár-
lagagat KÁ. Tap okkar er innan
við 2% af veltu og þess vegna á
þetta verkefni að vera framkvæm-
anlegt. Við getum gert talsvert í
krafti stærðar okkar svo sem flutt
sjálfir inn vörur með sérstökum
samningum og skapað þannig lágt
vöruverð á Suðurlandi ásamt því
að hafa eðlilega afkomu. Ég er
svartsýnn á þróunina í þjóðfélag-
inu, það er samdráttur í veltunni.
Heimilin og fyrirtækin eru á sama
báti og menn verða að fara var-
lega,“ sagði Sigurður Kristjánsson
kaupfélagsstjóri.
Á aðalfundinum var samþykkt
reglugerð fyrir B-deild stofnsjóðs
sem kveður á um hámarksfjárhæð
B-deildar, 200 milljónir kr. Sam-
þykkt var á fundinum stuðningsyf-
irlýsing við stofnun samvinnuráðs
og ályktun um endurskoðun
fundarskapa félagsins. Þá lýstu
55% fundarmanna sig fylgjandi
nafnbreytingu en um 74% voru
andvígir fækkun aðalfundarfull-
trúa.
Stjórn KÁ skipa Erlingur Lofts-
son, Arndís Erlingsdóttir, Gunnar
Kristmundsson, Sveinn Tómasson,
Valur G. Oddsteinsson, Þorfinnur
Þórarinsson og Garðar Hannesson.
Sig. Jóns.
Ráðstefnuskrifstofan
Magnús Oddsson kjörinn
stjómarformaður
FYRSTI aðalfundur Ráðstefnuskrifstofu íslands var haldinn 23. apríl
sl. Skrifstofan var stofnuð í maí á síðasta ári með þriggja ára sam-
starfssamningi Ferðamálaráðs íslands, Reykjavíkurborgar, Flugleiða,
Félags ísl. ferðaskrifstofa og Sambands veitinga- og gistihúsa og síðan
hafa 19 aðilar til viðbótar gerst aðilar að skrifstofunni, segir í frétta-
tilkynningu. Hlutverk skrifstofunnar er fyrst og fremst að koma upp-
lýsingum um Island á framfæri á alþjóðamarkaði hvað snertir mögu-
leika til funda- og ráðstefnuhalds.
DAGBÓK
Aðalfundur FVH
AÐALFUNDUR Félags
viðskiptafræðinga og hag-
fræðinga verður haldinn
fimmtudaginn 6. maí kl. 16.00
að Hótel Holti. Á dagskrá verða
venjuleg aðalfundarstörf og
Páll Skúlason mun flytja erindi
sem ber yfirskriftina: Um eðli
siðaregla. Ættu viðskiptafræð-
ingar og hagfræðingar að skrá
siðareglur sínar?
Aðalfundur ÍMARK
AÐALFUNDUR ÍMARK
verður haldinn föstudaginn 7.
maí nk. að Hótel Sögu, 2. hæð
og hefst hann kl. 17.00. Á dag-
skrá verður skýrsla stjórnar
vegna síðasta starfsárs, skýrsla
gjaldkera, lagðir fram end-
urskoðaðir reikningar, kjör
stjórnar og endurskoðenda,
ákvörðun árgjalda og önnur
mál.
Til þessa markaðsstarfs eru skrif-
stofunni tryggðar a.m.k. 30 milljónir
krónar á ári næstu árin og hér er
um að ræða mestu fjármuni árlega
sem settir hafa verið í einstakt sam-
starfsverkefni ríkis og sveitarfélaga
með íslenskum ferðaþjónustu- og
hagsmunaaðilum. Aðilar að Ráð-
stefnuskrifstofu íslands eru nú:
Ferðamálaráð íslands, Holiday Inn,
Reykjavíkurborg, Hótel Loftleiðir,
Flugleiðir hf., Hótel Óðinsvé, SVG,
Flughótel, Fél. ísl. ferðaskrifst., Hót-
el Áning, Urval-Utsýn hf., Hótel
KEA, Samvinnuferðir Landsýn, Hót-
el Valaskjálf, Ráðstefnur og fundir
hf., Perlan, Ferðaskrifstofa íslands
hf., Viðeyjarstofa, Háskólabíó, BSÍ,
Hótel Saga, Kreditkort hf., Hótel
Esja og Keflavíkurbær.
Næsta starfsár eru eftirtaldir í
stjóm Ráðstefnuskrifstofu íslands:
Magnús Oddsson, Ferðamálaráði ís-
lands, Júlíus Hafstein, Reykjavíkur-
borg, Kjartan Lárusson, Fél. ísl.
ferðaskrifstofa, Pétur J. Eiríksson,
Flugleiðum, Wilhelm Wessman, Sam-
bandi veitinga- og gistihúsa, og Gunn-
ar Bæringsson, Kreditkortum hf.
Stjómarformaður Ráðstefnuskrif-
stofu íslands er Magnús Oddsson og
Pétur J. Eiríksson varaformaður.