Morgunblaðið - 26.05.1993, Blaðsíða 3

MORGUNBLAÐIÐ MIÐVIKUDAGUR 26. MAÍ 1993
3
, Morgunblaðið/Júlíus
Gambri
ARNÞÓR H. Bjarnason lögreglumaður í brugggerðinni við Súðarvog
við tvær tvö hundruð lítra tunnur fullar af gambra. I baksýn eru
eimingartækin, sem taka um 350 lítra af gambra og er talið að
gætu annað eimingu á þeim 950 lítrum sem fundust á staðnum á
um það bil sólarhring.
Rekstrarstöðvun
öflugrar bruggiðju
LÖGREGLAN í Breiðholti hellti í gær niður um 950 lítrum af gambra
og 30 lítrum af soðnum landa í afkastamikilli brugggerð við Súðar-
vog í Reykjavík. Tveir menn sem áður hafa verið staðnir að fram-
leiðslu af þessu tagi eru taldir bera ábyrgð á málinu en þeir höfðu
tekið húsið á leigu og sagst þurfa á því að halda undlr fatalager.
Þeir voru ekki á staðnum þegar lögreglan lét til skarar skríða og
höfðu ekki verið handteknir síðdegis í gær.
Að sögn lögreglumanna höfðu
þessir bruggarar yfir mjög öflugum
300 lítra eimingartækjum að ráða
og áætlar lögreglan að þeir hefðu
getað eimað 950 lítrana og búið til
nothæfan landa úr honum á um það
bil einum sólarhring. Þá segir lög-
reglan að einungis líði fjórir sólar-
hringar frá því að bruggarar með
umsvif af þessu tagi „leggja í“ og
þar til þeir bytja að eima mjöðinn.
Er því talið að þeir sem mest hafa
umleikis á þessum markaði selji
hundruð lítra á viku hverri fyrir um
það bil 1.000 krónur hvern lítra.
Lögreglan hafði um skeið fylgst
með húsinu við Súðarvog og beið
eftir hentugu tækifæri til að láta
til skarar skríða. Það var svo gert
í gær þótt bruggararnir væru ekki
á staðnum þar sem kvartanir fóru
að berast um ólykt frá nálægum
húsum. Skýringin var sú að brugg-
ararnir höfðu misst niður tvö hundr-
uð lítra tunnu þannig að gambri
flóði um gólfið og lagði dauninn
um nágrennið. Húsnæðið höfðu
þeir nýlega tekið á leigu og sögðu
eiganda þess að þá vantaði hús-
næði undir fatalager.
Mennirnir tveir hafa áður komið
við sögu bruggmála, annar var
handtekinn í vetur við þessa iðju
og hinn var í fyrrahaust viðriðinn
umfangsmikinn iðnað á þessu sviði
í Vogum.
Reyna að komast í heimsmetabókina
1.110 manns í reip-
togi í Hafnarfirði
1.110 þátttakendur í Landsmóti skólalúðrasveita ætla að reyna með
sér í reiptogi við reiðhöll Hafnfirðinga á sunnudag. Engin fjöldamet
í reiptogi eru skráð í Heimsmetabók Guinness en meiningin er að
metið verði skráð í bókina, að sögn Stefáns Ómars Jakobssonar móts-
haldara.
Stefán sagði að rúmlega 1.100
börn, unglingar og stjórnendur
skólalúðrasveita þeirra kæmu til
mótsins á föstudag. Á sunnudag
verður boðið upp á grillveislu við
reiðhöllina fyrir ofan Háfnarfjarð-
arbæ milli kl. 10 og 12 og verður
þá skipt í tvö lið og farið i reiptog.
Gert er ráð fyrir um hálfum metra
fyrir hvern þátttakanda svo reipið
verður i heild 500-600 metrar.
Heimsmet skráð
Engin fjöldamet í reiptogi eru
skráð í Heimsmetabók Guinness en
ætlunin er að reiptogið verði skráð
í bókina. Til þess þarf að fylla út
sérstakt eyðublað aftast í bókinni
en þar kemur fram lýsing á meti
og staðfesting fjögurra vitna. Eyðu-
blaðinu, sem senda á til ritstjórnar
bókarinnar, eiga svo að fylgja mynd-
ir af sjálfu afrekinu.
Þess má geta að einnig verður
keppt í svokölluðum kínverskum
leiguvagnaakstri við reiðhöllina en
eftir hádegi verða tónleikar úrvals-
sveitar og mótsslit. Bein útsending
verður frá tónleikunum í Ríkisút-
varpinu kl. 14.30.
Háir sem lágir, mjóir sem breiðir, ungir sem aldnir
þurfa Weetabix til að halda athygli sinni og
starfsgleði í erli dagsins.
ÞÚ KEMST LANGT Á EINNI KÖKU.
-OA—
( EINNIG Á SUNNUDÖGUM )
ORKIN 1012 -