Morgunblaðið - 26.05.1993, Blaðsíða 34
34
MORGUNBLAÐIÐ MIÐVIKUDAGUR 26. MAÍ 1993
félk i
fréttum
BRIDS
Heimsmeistarar á jökli
Heimsmeistararnir
brugðu sér í vélsleðaferð
á Skálafellsjökli.
Spilað á jökli
Pað er ekki á hverjum degi sem tekið er í spil á
fjöllum, hvað þá uppi á jöklum. A-landsliðshópur-
inn í brids kom fyrir skemmstu til Hafnar í Horna-
fírði og dvaldi þar langa helgi við spil og leik. Dreng-
irnir fóru meðal annars á jökul og eru trúlega fyrstu
heimsmeistarar í spilamennsku sem spila við borð úr
náttúrulegum ís. Á jökli brugðu þeir sér í vélsleðaferð
með Jöklaferðum og nutu þess mjög auk hins tæra
fjallalofts. Síðar tóku þeir þátt í Opna jöklamóti Brids-
félags Homafiarðar en þar var spiluð hraðsveita-
keppni með 12 sveitum. Þeirri jöfnu keppni lyktaði
svo að sveit Hótel Hafnar sigraði, í öðru sæti var
sveit Jöklaferða, og í þriðja sæti sveit Landsbankans
á Höfn. Mótinu stýrði Sigurpáll Ingibergsson, formað-
ur Bridsfélags Hornafjarðar. Síðar í heimsókninni
spiluðu landsliðspörin við áskorendur og höfðu þar
vinninginn, enda sennilega enginn búist við öðru.
Meðfylgjandi myndir tók Jón Gunnar Gunnarsson í
jöklaferðinni góðu.
Morgunblaðið/Jón Gunnar Gunnarsson
NEKT
„Leigukroppar“ stofna samtök
Madonna er nánast sú eina sem vill endilega sýna kroppinn...
Um fátt er meira talað í Holly-
wood þessa dagana en afhjúp-
anir svokallaðra „leigukroppa",
þ.e.a.s. staðgengla leikara sem
koma fram fyrir þeirra hönd í nekt-
arsenum. Hefur það valdið mörgum
bíóáhugamanninum vonbrigðum að
vita að hann sé ekki að horfa á
raunverulegan líkama Kims Basin-
ger eða Julíu Roberts, heldur ein-
hverra kvenna sem enginn þekkir.
Þessar óþekktu leikkonur hafa
nú komið fram fyrir skjöldu hver
af annarri. Raunar eru þær ekki
allar kvenkyns, sumir. karlleikarar
nota einnig leigukroppa. Það er þó
fátíðara, enda mun jafnan ætlast
til þess af kvenleikurum að þær
sprangi meira naktar eða hálfnakt-
ar um tjaldið heldur en karlarnir.
Nú er sú kenning komin á kreik
að aðeins ein leikkona standi eftir
sem noti aldrei leigukroppa. Það
er Madonna, því meira að segja
Sharon Stone hefur gripið til leigu-
kroppanna af og til.
Á það ber að líta, að stundum
eiga leigukropparnir ekki að sýna
annað en fótleggi eða bakhluta.
Leigukropparnir hafa nú bundist
samtökum í Hollywood og kreijast
meira sannmælis. Þeir halda því
fram, að þeir séu ekki síður leikar-
ar heldur en hinir frægu. Ekki er
reiknað með langlífi samtakanna,
en talsmaður þeirra, Shawn Lusad-
er, er kokhraust og spyr: „Ef þetta
er svona lítið mál sem við gerum,
svona auðvelt, hvers vegna gera
þá stjörnumar þetta ekki sjálfar?"
Lusader er þekktust fyrir að vera
„kroppur" leikkonunnar Anne Arc-
her í kvikmyndinni „A Body of
Evidence".
Samtök leigukroppa í kvik-
myndaborginni eru nokkuð fjöl-
menn. í sumum tilvikum neita leik-
arar að afklæðast fyrir linsurnar
vegna þess að þar draga þeir línum-
ar. í öðrum tilvikum er yngri stinn-
um kroppum stillt upp þar sem leik-
konurnar em ef til vill farnar að
dala. Kim Basinger er til dæmis
komin fast að fertugu og það sam-
ræmist ekki ímyndinni að sýna
kropp hennar þótt fagur sé. Svona
eru ástæðurnar margvíslegar.
DALEIÐSLUNAM
Nú býðst loksins nám í dáleiðslumeðferð hér á landi.
Námið nýtist öllum þeim s'em vilja skapa sér ný atvinnutækifæri og
víkka starfssvið sitt.
Skólinn hefst 14. júní og stendur yfir í þrjá mánuði, tvö kvöld í viku.
DALEIÐSLUSKOLI ISLANDS
Vesturgata 16 ■ 101 Reykjavík ■ ® 91 - 625717 • Fax 91- 626103
Viðurkenndur af Inlernational Medical and Dental Hypnotherapy Association
I pplýsingar og skráning allíi virka daga kl. 16.00-18.00.
Morgunblaðið/Sverrir
Benedikt Gunnarsson sem var frkvstj. framkvæmdanefndar hægri
umferðar og Valgarð Briem formaður hennar halda á skilti sem
útbúið var til að minna fólk á breytinguna. Við hlið Valgarðs stend-
ur Einar B. Pálsson verkfræðingur sem einnig var í framkvæmda-
stjórninni. í annarri röð f.v. er Kári Jónasson fréttastjóri Rikisút-
varpsins en hann var blaðafulltrúi nefndarinnar, Ingvar Björnsson
fyrrv. bifriðaeftirlitsmaður og Guðmundur Þorsteinsson ökukenn-
ari. I þriðju röð f.v. eru Ásgeir W. Björnsson fyrrv. starfsmaður
Olgerðar Egils Skallagrimssonar, Valdimar Órnólfsson leikfimikenn-
ari og Pétur Jónsson framkvæmdasljóri Landspítalans. í öftustu röð
eru Steinn Lárusson starfsmaður Flugleiða og Marinó Þorsteinsson
skrifstofustjóri Innkaupastofnunar Reykjavíkurborgar, en þeir voru
allir starfsmenn nefndarinnar.
UMFERÐ
Tuttugu og fimm
ár frá H-deginum
A
Islendingar stigu stórt skref til
framfara fyrir 25 árum eða 26.
maí 1968, en þá breyttu þeir frá
vinstri yfir til hægri umferðar.
Undirbúningur fyrir H-daginn svo-
nefnda var iangur og strangur og
vel til hans vandað, enda var sam-
dóma álit manna að vel hefði tekist
til. Fólk var hvatt til að brosa og
sýna þolinmæði og kom í ljós svo
ekki varð um villst, að íslendingar
geta hvort tveggja þegar mikið ligg-
ur við.
Nokkrir aðstandendur H-dagsins
komu árlega saman í fyrstu til
minnast þessa merka atburðar, en
síðar hittust þeir á fimm ára fresti.
í framkvæmdanefnd voru Einar B.
Pálsson verkfræðingur, Kjartan Jó-
hannsson læknir og aiþingismaður
sem nú er látinn og Valgarð Briem
lögfræðingur, sem var formaður.
Framkvæmdastjóri var Benedikt
Gunnarsson. Þegar Valgarð er
spurður hvers hann minnist helst
frá H-deginum svarar hann: „Léttis
og hversu vel fólk tók því að drífa
sig strax út í umferðina. Þá var
mjög gleðilegt að engin slys urðu
og hversu brosleitir allir voru.“
FUNDUR
Sannkölluð kæling
Reiknistofa fiskmarkaða hélt
aðalfund sinn við óvenjulegar
aðstæður sunnudaginn 15. maí síð-
astliðinn. Til fundarins var boðað
uppi á Vatnajökli til að minna á
nauðsyn þess að fiskinn verður að
kæla mjög vel, þegar hiýnar með
sumrinu. Kælingarmáttur Vatna-
jökuls fór ekkert á milli mála, því
fundarmenn hreppu slæmt veður,
norðan rok og mikinn kulda. Fund-
urinn var engu að síður haldinn,
þrátt fyrir að erfitt hafi verið að
komast á jökulinn.
Fundarmenn í rokinu á Vatnajökli. Ágúst Sigurðsson Ólafsvík, Ólaf-
ur Jóhannsson framkvæmdastjóri Fiskmarkaðs Suðurnesja, Logi
Þormóðsson stjórnarformaður, Einar Garðar Hjaitason ísafirði, Ingv-
ar Guðjónsson Reiknistofu fiskmarkaða, Styrmir Jóhannsson Grinda-
vík, Eyjólfur Guðmundsson Reiknistofu fiskmarkaða, Þórður Stefáns-
son Ólafsvík og Kári Sölmundarson Höfn í Hornafirði.