Morgunblaðið - 26.05.1993, Blaðsíða 27

MORGUNBLAÐIÐ MIÐVIKUDAGUR 26. MAÍ 1993
27
Morgunblaðið/Rúnar Þór
Leikir, keppni og grill á sunddiskói
BÚAST má við að fjölmargir leggi leið sína í sundlaugarnar í bænum
í dag, en í tilefni Hversdagsleikanna þarf enginn að greiða aðgangs-
eyri. Við Sundlaug Akureyrar ætla valinkunnir sómamenn að gera
Möllersæfingar í morgunsárið og síðan tekur vatnsleikfimi við. Síðdeg-
is, frá kl. 17 til 19, verður sunddiskó fyrir börn. Farið verður í leiki,
hljómsveitir leika og barnakór Lundarskóla syngur. Þá verður keppni
og grillveisla. Um kvöldið frá kl. 21 til 23.30 verður svipuð dagskrá
fyrir þá sem eru 13 ára og eldri. íþróttamannvirkin við Glerárskóla
verða einnig opin, sundlaug og íþróttasalur, en þar verður spilað badmin-
ton síðdegis.
Bæjakeppni við
Ashkelon í Israel
BÆJAKEPPNI milli Akureyrar
og Ashkelon í ísrael fer fram í
dag, miðvikudaginn 26. maí, undir
yfirskriftinni Hversdagsleikarnir
og eru allir hvattir til að taka
þátt og leggja þannig sitt af mörk-
um til að afla stiga i keppninni.
Öll íþróttasvæði verða opin al-
menningi og gefst fólki færi á að
kynnast ýmsum greinum íþrótta.
Ferðafélag Akureyrar efnir til
þægilegra gönguferða með leið-
sögumönnum í tilefni dagsins, önn-
ur verður um Innbæinn og fjöruna
og hin hefur yfirskriftina Oddeyrin,
hernámsárin og liðnir dagar.
Miðbærinn
Það verður mikið um að vera í
Miðbæ Akureyrar, en kl. 14 ætla
júdómenn að kynna íþróttina og
klukkustund síðar Verður fimleika-
fólk þar á ferðinni og loks verður
fólk frá Púlsinum með pallaæfingar
á Ráðhústorgi kl. 16, en á tímabil-
inu frá kl. 17 til 18 verður boðið
upp á blóðþrýstingsmælingar í
göngugötunni.
Krabbameinshlaupið verður við
Dynheima kl. 18.30, en skráning
hefst hálfri klukkustund fyrr. Þá
verða skátar með þrautabraut á
flötinni austan við Samkomuhúsið
frá kl. 17. Þátttökutilkynningum á
að skila í þar til gerða kassa fyrir
miðnætti, en þeir verða staðsettir
m.a. í göngugötu, íþróttamann-
virkjum, stórmörkuðum, í Kjarna-
skógi og Dynheimum.
Fyrirtæki - félagasamtök
Til leigu í sumar
Höfum til leigu nokkur herbergi á stúdentagarðinum Útsteini,
Skarðshlíð 46, Akureyri, á tímabilinu 1. júní - 20. ágúst.
Hver tvö herbergi eru með sér snyrtingu.
Hvert herbergi er með rúmi, skáp, stól og skrifborði.
Aðgangur er að sameiginlegu eldhúsi og setustofu.
Leiguverð fyrir herbergi er kr. 22.800 á mánuði.
Nánari upplýsingar gefur Jóhanna í síma 96-11780 eða 11770
fyrir hádegi.
Félagsstofnun stúdenta á Akureyri.
Skólameistari Verkmenntaskólans á Akureyri
VMA hefur verið á eilíf-
um þeytingi milli húsa
„ÞAÐ ER nauðsynlegt að búa vel að grunnmenntun verklegs náms
og e.t.v.,er gott tilefni á næsta afmælisdegi Akureyrar, iðnaðarbæjar-
ins við Eyjafjörðinn, sem menn nefna svo í hátíðarræðum, þegar
liðinn eru 12 ár frá því er fyrsta skóflustungan var tekin á Eyrar-
landsholti að taka nú ákvörðun um að ljúka þessum byggingum sem
allra fyrst,“ sagði Bernharð Haraldsson skólameistari Verkmennta-
skólans á Akureyri við skólaslit á laugardaginn, en hann gerði hús-
næðismál m.a. að umtalsefni í ræðu sinni.
Hússtjórnarsviðið skólans er enn
á sínum gamla stað í svokölluðum
Húsmæðraskóla, sem bráðum á
hálfrar aldar afmæli, „gott hús á
sinni tíð, sem svarar hvergi kröfum
tímans", sagði Bernharð og bætti
við að trésmíðadeildin, sem væri
einn af burðarásum verklegs náms,
væri enn á sínum upprunalega stað,
í kjallara Háskólans á Akureyri
„nærri þijátíu ára gömul er hún,
líka mestur hluti búnaðarins. Þar
kennum við um 70 stundir á viku,
14 stundir á dag til jafnaðar, tvö
kvöld í viku til klukkan 21.30. Þetta
er vélvæddur vinnustaður lítt
harðnaðra unglinga."
Erfiðleikar alla tíð
Bernharð sagði þetta óviðunandi
ástand, sem bæta þyrfti úr hið snar-
asta og sagði gott tilefni til að taka
ákvörðun þar að lútandi á næsta
afmælisdegi bæjarins. „Því er nú
þannig varið, að í Verkmenntaskól-
anum á Akureyri höfum við búið
við erfiðleika í húsnæðismálum alla
tíð, nemendur og starfsfólk hefur
verið og er reyndar að nokkru enn,
á eilífum þeytingi milli húsa, það
slítur þannig starfsviðfangið í sund-
ur svo gott sem það nú er,“ sagði
skólameistari.
Stefnir í 20 ára byggingatíma
Hann nefndi að á hveiju ári hafi
menn þóst sjá betri tíð og brátt
yrði lokið við byggingarnar. „Þeim,
sem finnst við vera óþolinmó,ð, en
það stefnir í að byggingartíminn
verði allt að tuttugu ár, bendi ég á
að nú alveg nýverið var gerður
samningur um byggingu nýs fram-
haldsskóla í Grafarvogi í landnánu
Ingólfs og Hallveigar Fróðadóttur.
Þessi skóli á að vera svipaður að
gerð og skólinn okkar og bjóða upp
á líkt nám, nám sem við köllum
stundum starfstengt. Hins vegar
verður byggingartíminn stuttur, því
það var auglýst rækilega í útvarp-
inu, auðvitað sem frétt, að skólinn
skyldi fullbúinn 10 þúsund fermetr-
ar á árinu 1998, eftir 5 ár, þá hafa
byggingaframkvæmdir okkar stað-
ið í 17 ár. Mér dettur ekki annað
í hug en að það sé einskær tilviljun
að tyeir deildarstjórar í mennta-
málaráðuneytinu eru í bygginga-
nefnd þessa nýja skóla,“ sagði
Bernharð.

Dráttarvélanám-
skeið fyrir unglinga
Dráttarvélanámskeið fyrir
unglinga fædda 1978, 1979 og
1980 verður haldið á Akureyri
föstudaginn 28. maí og laugar-
daginn 30. maí næstkomandi.
um er að ræða fornámskeið
sem er tvískipt, annars vegar
kennsla og hins vegar verkleg
þjálfun.
Það eru Umferðarráð og
Vinnueftirlit ríkisins sem standa
að þessu námskeiði. Innritun fer
fram á skrifstofu Vinnueftirlits
ríkisins á Akureyri miðvikudag,
fimmtudag og föstudag, 26. til
28. maí frá kl. 13 til 17, en þá
þarf jafnframt að greiða þátt-^"’
tökugjald, sem er 3.000 krónur.
(Fréttatilkynning.)
Nýsköpun er nauðsyn
Fundur á Akureyri
Ræðumenn verða Jón Sigurðsson,
iðnaðarráðherra, Sveinn Hannesson,
Félagi íslenskra iðnrekenda og
Geir A. Gunnlaugsson, Marel hf.
Fundurinn er öllum opinn en höfðar einkum
til þeirra, sem láta sig varða atvinnumál.
Fjallað verður um aðgerðir og verkefni
til að styðja við frumkvæði í nýsköpun.
Fundartími:
Fundarstjóri:
Staður:
27. maí 1993 kl. 20.30.
Ásgeir Magnússon.
Hótel KEA.
Jón Sigurðsson,
iönaðarráðherra.
Geir A.
Gunnlaugsson,
Marel hf.
Sveinn Hannesson,
Félagi ísl.
iðnrekenda