Morgunblaðið - 19.06.1993, Blaðsíða 18

18
MORGUNBLAÐIÐ LAUGARDAGUR 19. JÚNÍ 1993
Stærsta sýning á handverksmunum hér á landi í Hrafnagili
Handverkskonur
UM 90 konur taka þátt í félagsskapnum Handverkskonur milli heiða,
sem er félag kvenna í nokkrum hreppum i S-Þingeyjarsýslu og var
stofnað til að skapa atvinnu á heimaslóðum.
Morgunblaðið/Rúnar Þór
Sker út í lambshorn
UNNUR Sveinsdóttir starfsmað-
ur Völunnar á Stöðvarfirði sker
út muni úr lambshornum.
Yfír eitt hundrað manns
sýna framleiðslu sína
STÆRSTA sýning á handverksmunum sem haldin hefur venð hér
á landi verður opin í íþróttahúsi Hrafnagilsskóla í dag, laugardag
frá kl. 13. til 17. Sýningin var opnuð í gær, en á morgun, sunnudag
ætlar handverksfólk að efna til fundar þar sem m.a. verður rætt
um hvort stofna eigi
Á annað hundrað aðila sýnir
handverksmuni á þessari sölusýn-
ingu, sem átaksverkefnið Vaki og
samstarfshópur þess, Hagar hend-
ur í Eyjafjarðarsveit, standa að.
í gærmorgun voru sýnendur í
óðaönn að koma sér fyrir í íþrótta-
húsi Hrafnagilsskóla og er óhætt
að segja að þeir munir sem þar eru
sýndir eru af margvíslegum toga.
Atvinna í heimabyggð
Mikil vakning hefur verið meðal
fólks víða um land í gömlu og nýju
handverki og sögðu konur í hópn-
um Handverkskonur milli heiða að
það sem m.a. hefði orðið til þess
að félagsskapurinn var stofnaður
væri samdráttur í landbúnaði, fólk
yrði að skapa sér eigin störf í sveit-
unum eða flytja burtu ella. Hand-
verkskonur milli heiða leggja
áherslu á að framleiða úr íslensku
hrgefni, ull, leðri, birki og gijóti
og hafa þær nú stofnað hlutafélag-
ið Goðafossmarkað sem starfrækir
markað yfír sumartímann á Foss-
hóli við Goðafoss.
36 millj. til kaupa
á mengunarvama-
búnaði fyrir hafnir
SKRIFAÐ var undir samn-
inga um kaup á mengunar-
varnabúnaði fyrir hafnir á
veitingastaðnum Við pollinn
á Akureyri í gær. Alls verð-
ur keyptur mengunarvarna-
búnaður fyrir um 35,8 millj-
ónir króna og verður honum
dreift á 13 hafnir víðs vegar
um land. Seljandi búnaðar-
ins er Móberg hf.
Það er Innkaupastofnun ríkisins
sem kaupir búnaðinn fyrir hönd
Hafnasambands sveitarfélaga og
umhverfisráðuneytisins. Fyrri
sending hans kemur í ágústmán-
uði og hin síðari í október.
Bætt úr brýnni þörf
Fram til þessa hefur nokkuð
skort á að til væri mengunarvarna-
búnaður við hafnir landsins, en
þess er vænst að með kaupum á
búnaði fyrir tæplega 35,8 milljónir
króna verði bætt úr brýnni þröf.
Búnaðurinn er margvíslegur, en
hann dreifist á 13 hafnir, á Akur-
eyri, Reyðarfirði, Vestmannaeyj-
um, Reykjavík, Isafírði, Ólafsvík,
Patreksfirði, Hólmavík, Sauðár-
króki, Siglufírði, Þórshöfn, Seyðis-
firði og Höfn í Hornafirði.
Sjálfstæður
Islendingur
ÞJÓÐHÁTÍÐIN fór vel fram á
Akureyri og þátttaka var býsna
góð, en fremur svalt var í veðri.
Þessi ungi íslendingur lét napra
norðangolu sem vind um eyru
þjóta og hámaði í sig ís.
Félagasamtök - fyrirtæki - einstaklingar
SUMARLEIGA akureyri
Höfum til leigu nokkur herbergi og örfáar paríbúðir í
stúdentagarðinum Útsteini, Skarðshlíð 46, Akureyri.
• Leigutímabil er til 20. ágúst.
• íbúðirnar er hægt að leigja með innanstokksmunum
og eldhúsáhöldum.
□ Herbergin eru mjög rúmgóð eða 22 m2 og eru með
rúmi, stól og borði.
□ Hver tvö herbergi eru með sameiginlegri snyrtingu
(íbúðarígildi).
□ Sameiginlegt eldhús og setustofa er fyrir hver
7 herbergi.
• Hægt er að leigja aukarúm, aukadýnu og sængurföt.
• Nánari upplýsingar gefur Jóhanna í síma 96-11780
fyrir hádegi.
FESTA Félagsstofnun stúdenta á Akureyri
Akureyrarvöilur sunnudag kl. 20.00
FYLKIR ©
%íl*
...að sjálfsögðu
Komið og sjóið spennondi leik.
Menntaskólanum á Akureyri slitið í 113. sinn
Meðaleinkunn á stúdents-
prófi sú hæsta í áratugi
MEÐALEINKUNN á stúdentsprófi við Menntaskólann á Akureyri hef-
ur hægt og sígandi farið hækkandi, var 7,27 og hefur ekki verið hærri
í áratugi. Árangur nemenda skólans var góður í vetur og fall minna
en áður. Menntaskólanum á Akureyri var slitið í 113. sinn á þjóðhátíðar-
daginn, 17. júní, og voru 125 stúdentar brautskráðir frá skólanum, en
þá hafa 4.894 stúdentar lokið stúdentsprófi frá MA frá árinu 1927.
í skólaslitaræðu Tryggva Gísla-
sonar, skólameistara, kom fram að
síðasta vetur stundaði 641 nemandi
nám við skólann og er það helmingi
fleiri en hús skólans geta borið með
góðu móti, því að í stað 6.000 fer-
metra sem skólinn ætti að ráða yfir
hefur hann aðeins tæplega 3.000
fermetra húsnæði. Næsta vor standa
vonir til að hafist verði handa um
smíði nýs húss sem rísa mun á gamla
Olgeirstúninu, um 2.400 fermetra
skólahús með 10 kennslustofum,
bókasafni og samkomurými fyrir
nemendur. „Nýtt hús gerbreytir
skólahaldi og lífi í Menntaskólanum
á Akureyri og skólinn verður enn
betur fær um að gegna hlutverki
sínu en áður,“ sagði Tryggvi, en inn-
an tíðar verður undirritaður samn-
ingur úm smíði þessa húss.
Góður árangur
Árangur nemenda skólans í vetur
var góður, af þeim 172 nemendum
sem gengust undir próf á fyrsta ári
luku 160 fullgildu prófí og er fall
því um 11%, sem er minna en verið
hefur um langt árabil. Fyrir hálfum
öðrum áratug var þetta fall á fyrsta
ári nær 30% og mörg undanfarin ár
hefur það verið um 20%. Á öðru ári
var fall um 8% sem einnig er lægra
en á síðustu árum.
Tryggvi sagði einkum þijár ástæð-
ur fyrir góðum árangri, skólinn tæki
aðeins inn nemendur sem náð hefðu
góðum árangri í bóklegum greinum
á grunnskólaprófí, starf umsjónar-
kennara hefði verið eflt og að lokum
leystu kennárar skólans störf sín vel
af hendi.
Landsmenntaskóli
Um 85% nemenda skólans eru af
Norðurlandi, rúmlega 70 af Norður-
landi eystra og um helmingur nem-
enda er frá Akureyri. Tryggvi sagði
það umhugsunarefni hvort ekki ætti
að heimila Menntaskólanum á Akur-
eyri að taka við nemendum alls stað-
ar að af landinu og gera skólann að
landsmenntaskóla - eins og hann
var áður - og hugsanlega sem sjálfs-
eignarstofnun. Slíkt gæti haft mikið
uppeldislegt og menningarlegt gildi
og væri í samræmi við vilja stjóm-
valda að auka faglegt og fjárhags-
legt sjálfstæði skóla.
Umferðarátak
Nokkrir enn
á negldum
hjólbörðum
LÖGREGLA á Norðurlandi hefur
kannað ástand ökutækja og öku-
manna undanfarna daga í svoköll-
uðu norðlensku umferðarátaki
sem stendur yfir til mánaðamóta.
Alls hafa 265 ökumenn verið
stöðvaðir og eru langflestir þeirra
með alla hluti í lagi, að því er fram
kemur í frétt frá lögreglunni á Akur-
eyri. Nokkrir hafa þó ekið um á
óskoðuðum bílum og negldum hjól-
börðum. í nokkrum tilfella voru skrá-
setningarnúmer tekin af vegna van-
búnaðar ökutækja, en 43 ökumönn-
um var veitt áminning vegna smá-
vægilegra yfírsjóna.
Norðlenskir lögreglumenn verða á
vegum úti um helgina og halda áfram
að kanna ástand ökumanna og tækja.
Jörö til sölu
Til sölu er jörðin Merkigil í Eyjafjarðarsveit.
A jörðinni er 1 1 5 fm nýuppgert íbúðarhús, 58 bása fjós
með mjaltabás. Lausagöngurými fyrir allt að 90 gripi og
áföst 2.700 rúmmetra hlaða.
Ræktað land er um 57 ha auk beiti- og upprekstrarlands.
Jörðin er án kvóta.
Upplýsingar gefur Eignakjör, sími 96-26441.
V______________________________________________________/