Morgunblaðið - 18.07.1993, Blaðsíða 20

20
MORGUNBLAÐIÐ SUNNUDAGUR 18. JÚLÍ 1993
KVIKMYNDIR/Sambíóin sýna kvikmyndina Dragon,
sem ijallar um ævi Bruce Lee, meistara austurlenskra sjálfsvarnaríþrótta, en
hann lék í þekktum karatemyndum áður en hann lést 32 ára að aldri.
Bautasteinn
Drekinn á flugi
Þegar þeir hefðu síðan
fundið þann sem næði að
gæða persónu Bruce Lee
lífi væri hægt að kenna
honum nauðsynlegar brell-
ur fyrir bardagaatriðin í
myndinni. Vinur Cohens
stakk upp á hinum 25 ára
gamla kínversk-ameríska
Jason Scott Lee sem ættað-
ur er frá Hawaii og var
hann snögglega ráðinn til
að fara með hlutverkið.
Hann var hins vegar mjög
hissa á því sjálfur vegna
þess að hann kunni ekkert
fyrir sér í austurlenskri
bardagafími.
Þetta ár ætlar að verða
viðburðaríkt hjá þessum
nánast óþekkta leikara, því
tvær myndir með honum í
aðalhlutverki eru frum-
sýndar á árinu og sú þriðja
er á vinnslustigi. Frumraun
hans í aðalhlutverki er í
kvikmyndinni Map of the
Human Heart, sem íjallar
um 30 ára tímabil í lífí
eskimóa og ástarsamband
hans og konu af kynstofni
Cree-indíána, sem franska
leikkonan Anne Parillaud
(Le Femme Nikita) leikur.
I myndinni sem tekin var
á Norðurheimskautinu
leika einnig þeir Patrick
Bergin og John Cusack.
Hlutverk Bruce Lee fylgdi
síðan strax í kjölfarið og
því næst fékk hann aðal-
hlutverk í mynd Kevins
Kostner og Jim Wilson,
Rapa Nui, sem er róman-
tísk saga úr lífi frumbyggj-
anna á Páskaeyjum.
*
Ikvikmyndinni Dragon:
The Bruce Lee Story,
er brugðið upp mynd af
æviferli hins þekkta bar-
dagalistamanns og kvik-
myndaleikara, en kvik-
myndin er gerð eftir sögu
Lindu Lee Cadwell, ekkju
hans. Aðalhlutverkið ieikur
Jason Scott Lee (alls
óskyldur Bruce Lee), en í
öðrum aðalhlutverkum eru
Laureen Holiy, sem leikur
Lindu, Nancy Kwan og
Robert Wagner. Leikstjóri
myndarinnar er Rob Coh-
en, sem meðal annars hef-
ur framleitt myndirnar The
Witches of Eastwick með
Jack Nicholson í aðalhlut-
verki, Bird on a Wire með
Mel Gibson og Goldie
Hawn og The Hard Way
með Michael J. Fox og Ja-
mes Woods.
Rob Cohen segir Dragon
raunverulega vera þrí-
þætta mynd. í fyrsta lagi
sé um hefðbundna Kung
Fu-bardagamynd að ræða
sem bjóði upp á mörg stór-
fengleg bardagaatriði, í
öðru lagi sé um að ræða
ástarsögu tveggja einstakl-
inga af ólíkum kynþáttum
og frá mismunandi menn-
ingarheimum og í þriðja
lagi fjalli myndin svo um
dularfulla örlagasögu
manns sem allt sitt líf reyn-
ir að ná valdi á örlögum
sínum og sigrast á illum
öflum sem sækja að hon-
um. Cohen varð snemma
hugfanginn af ævi Bruce
Lee og þegar hann var við-
staddur frumsýninguna á
Enter The Dragon, síðustu
kvikmyndinni sem Bruce
Lee lék í árið 1973, varð
hann vitni að því að áhorf-
endur hegðuðu sér eins og
þeir væru á íþróttaleik með
því að hrópa af fögnuði og
hvetja hetjuna á hvíta
tjaldinu. Þá hafði bók
Lindu einnig sterk áhrif á
hann þegar hún kom út og
fljótlega byrjaði hann að
vinna að kvikmyndahand-
riti um ævi bardagalista-
mannsins. Á undan Cohen
höfðu margir reynt að
koma ævi Bruce Lee á
hvíta tjaldið, en ekkja hans,
Linda, hafði neitað að
leggja blessun sína yfir
þær fyrirætlanir allt þar til
hún hitti Cohen og sá upp-
kast hans að handritinu.
Henni þótti hann búa yfir
þeim listrænu hæfileikum
sem til þyrfti og auk þess
skilningi á því í hveiju ævi
Bruce Lee var raunveru-
lega fólgin. Cohen gerði sér
grein fyrir að Bruce Lee
átti í átökum við örlögin
allt frá bamæsku og hann
sá ótímabæran dauða hans
og þá dulúð sem spannst í
kringum hann sem beina
afleiðingu þess sem Lee
stóð fyrir í lifanda lífi. „Ég
vildi ekki segja söguna um
dauða hans heldur um það
líf sem hann lifði, en á
sama tíma sýna fram á að
Staðið fyrir sínu
BRUCE Lee (Jason Scott Lee) þróaði nýja bardagaaðferð sem færði Kung Fu-bar-
dagalistina nær nútimanum og gerði hana einfaldari. Hann varð að taka áskorun
gamals fjandmanns til að sýna fram á að aðferðin ætti rétt á sér.
I aðalhlutverkum
JASON Scott Lee, sem leikur Bruce Lee í Dragon,
sést hér ásamt Ieikstjóra myndarinnar Rob Cohen.
dauðinn var nálægur allt
hans líf. Ég held að það
sé til staðar innri vitneskja
um meiningu tímans hjá
slíkum mönnum sem lifa
bæði hratt og brenna skær-
um loga og því hef ég reynt
að koma til skila í kvik-
myndinni."
Þegar handritið að kvik-
myndinni var tilbúið hófst
hin erfiða leit kvikmynda-
gerðarmannanna að leik-
ara til að fara með aðal-
hlutverkið, en þeir vildu að
sá útvaldi væri fyrst og
fremst leikari en ekki ein-
ungis bardagalistamaður.
bardagamanns
SAMBÍÓIN sýna kvikmyndina Dragon sem fjallar um ævi kvikmyndaleikarans
Bruce Lee, sem var meistari á sviði sjálfsvamaríþrótta, en hann reyndi vægðar-
laust að ná bæði andlegri og líkamlegri fullkomnun á því sviði. Hann nálgaðist
hina ævafomu bardagalist á nýstárlegan hátt og tókst það sem hann stefndi að allt
frá bamæsku: að verða goðsögn í lifanda lífi bæði í kvikmyndum og sem bardagamað-
ur. Á stuttri ævi tókst honum að yfirstíga ótta og fordóma, auk þess sem hann veitti
nýrri kynslóð kvikmyndahetja innblástur. Bmce Lee var aðeins 32 ára gamall þegar hann
lést árið 1973, og er hin opinbera skýring á dauða hans sú að efni í verkjatöflu hafi valdið
heilabólgu sem leiddi hann til dauða. Dragon var fmmsýnd í byrjun maí síðastliðins við geysi-
góða aðsókn og á fyrstu tveimur sýningarvikunum skilaði hún um 30 milljónum dollara í kassann.
Litli drekinn varð stór
BRUCE Lee fæddist í San Francisco á stund drek-
ans, 27. nóvember árið 1940, ári drekans. Hann var
skírður Lee Yuen Kam, en varð seinna þekktur sem
Lee Siu Yoong, en það nafn merkir Litli drekinn.
Lee ólst upp í Hong Kong þar til hann var 18 ára
gamall en þá fluttist hann aftur til Bandaríkjanna
eftir að hafa lent í útistöðum við laganna verði vegna
slagsmála og þátttöku í glæpaklíkum. í Bandaríkjun-
um kynntist hann fljótlega hinni Ijóshærðu Lindu, sem
síðar varð eiginkona og móðir tveggja barna hans,
en þrátt fyrir mótmæli fjölskyldu hennar og fordóma
stóð hjónaband þeirra allt til dauðadags Lee.
Astfangin
LINDA Cadwell (Lauren Holly) og Bruce Lee (Jason
Scott Lee) mæta fordómafullri andstöðu fjölskyldu
hennar þegar þau taka saman ung að aldri, en sambúð
þeirra stóð allt til dauðadags Bruce Lee.
Bruce Lee hóf fljótlega
að kenna þær austur-
lensku bardagaaðferðir sem
hann hafði lært allt frá barn-
æsku, en hann vakti fljótlega
hneykslun með því að taka
að sér nemendur sem ekki
voru af kínversk-amerísku
bergi brotnir. Þá var hann
óánægður með hinar ófrá-
víkjanlegu fornu hefðir bar-
dagalistarinnar, og þess
vegna þróaði hann nýja að-.
ferð, Jeet Kune Do, sem ein-
faldaði og gerði Kung Fu
nútímalegri bardagaaðferð.
Sjálfur varð hann besta aug-
lýsingin fyrir þessa nýju að-
ferð en fæmi hans dró fljót-
lega að sér fjölda áhorfenda.
Ekki leið svo langur tími þar
til Hollywood uppgötvaði
þennan unga bardagamann
sem einnig reyndist vera
ágætur leikari, og meðal
nemenda hans í bardagafimi
urðu James Coburn, Steve
McQueen og Karem Abdul-
Jabbar.
Eftir skammvinnan feril í
Kung Fu sjónvarpsþáttum
sem Bruce Lee átti þátt í að
skapa missti hann hlutverk
sitt í hendur David Carrad-
ine. Skömmu síðar sneri
hann aftur til Hong Kong
að heimsækja ættingja sína,
en sér til mikillar furðu
komst hann að því að sjón-
varpsþættirnir nutu gífur-
legra vinsælda þar og hann
sjálfur var orðinn að eins-
konar þjóðargersemi. í kjöl-
farið fylgdu svo kvikmyndir
þar sem bardagahetjan sýndi
snilli sína og varð velgengni
hans að lokum til þess að
bandarískir framleiðendur
fjármögnuðu einu stórmynd-
ina sem hann lék í. Það var
myndin Enter the Dragon,
en þremur vikum áður en
hún var frumsýnd lést Bruce
Lee úr heilabólgu aðeins 32
ára gamall. Ymsar sögu-
sagnir komust á kreik um
hvað hefði valdið dauða
hans, en engin þeirra hefur
verið staðfest. Rúmlega 25
þúsund manns komu til
minningarathafnar sem
haldin var í Hong Kong, en
jarðarförin fór fram í Seattle
í Bandaríkjunum.
Sonur Bruce Lee óg
Lindu, Brandon Lee, fetaði
í fótspor föður sins og steig
hann sín fyrstu skref í kvik-
myndum í Höng Kong þar
sem faðir hans hafði notið
fádæma hylli á sínum tíma.
Brandon lést á voveiflegan
hátt eins og faðir hans, en
hann varð fyrir voðaskoti við
upptökur á kvikmyndinni
Krákunni síðastliðið vor.
Brandon var 28 ára þegar
hann lést og þótti hann eiga
bjarta framtíð fyrir höndum
í Kung Fu og Ninja myndum.