Morgunblaðið - 12.05.1994, Blaðsíða 64
Whp% HEWLETT
mUftM PACKARD
-----------UMBOÐIÐ
HPÁ ÍSLANOI H F
HOfdabakka 9, Reykjavík, sími (91) 671000
Frú möguleika til veruleika
MORGUNBLAÐIÐ, KRINGLAN 1 103 RE\ KJAVÍK
SÍMI 691100, SÍMBRÉF 691181, PÓSTIÍÓLF 3040 / AKUREYRI: HAFNARSTRÆTI 85
FIMMTUDAGUR 12. MAÍ1994
VERÐ í LAUSASÖLU 125 KR. MEÐ VSK
Morgunblaðið og
Smekkleysa halda
tónleika Bjarkar
Byrjuð
ánýrri
plötu
MORGUNBLAÐIÐ og útgáfu-
fyrirtækið Smekkleysa s.m. hf.
hafa gengið frá samningum
um að standa sameiginlega að
tónleikum Bjarkar Guðmunds-
dóttur í tengslum við Listahá-
tíð í Laugardalshöll 19. júní
næstkomandi. Tónleikarnir
verða fyrstu tónleikar Bjarkar
á Islandi frá því að hún hóf
sólóferil og einu fyrirhuguðu
tónleikar hennar hér á landi á
þessu ári. Sala aðgöngumiða
hefst á þriðjudag. Björk er nú
stödd í Lundúnum við upptök-
ur á næstu breiðskífu sinni sem
koma á út snemma á næsta ári.
Björk segist hafa ætlað að
1 taka sér tónleikafrí fram á
haust til að geta helgað sig
upptökunum, en hafi látið til
leiðast að leika á fáeinum tón-
leikum, meðal annars hér á
landi, enda hafi lengi staðið
til að hún héldi tónleika hér;
sína fyrstu frá því hún hóf
sólóferil.
Mikill áhugi
Björk segist hafa eytt tæpri
viku í hljóðverinu við upptök-
ur, með Graham Massey úr
hljómsveitinni 808 State sér
til halds og trausts, en Björk
hefur unnið með honum áður.
■ Björk segist ætla að vinna
væntanlega plötu með fleiri
tónlistarmönnum en áður,
meðal annars til að gera hana
enn fjölbreyttari en Debut.
Upptökurnar hafa gengið að
óskum og Björk segist mjög
spennt yfír því sem hún hefur
þegar tekið upp.
Að sögn Asmundar Jónsson-
ar hjá Smekkleysu er mikill
áhugi fyrir miðum á tónleikana
19. júní og það þó sala hafi
ekki hafist. „Það er allnokkuð
i um að fólk vilji kaupa miða
um leið og það er að kaupa
miða á önnur atriði Listahátíð-
ar, en einnig hafa margir haft
samband við Smekkleysu og
hljómplötuverslanir og spurst
fyrir um miða. Sala hefst þó
ekki fyrr en næstkomandi
þriðjudag, enda hefur ýmis
undirbúningur tekið lengri
tíma en ætlað var.“
Morgunblaðið/Júlíus
EYÞÓR Örn var fluttur í sjúkrabíl á slysadeild en meiðsli hans reyndust minni en útlit var fyrir
í fyrstu. Hann segir að reiðhjólahjálmur sem hann var með hafi valdið því að ekki fór verr.
Vaxtamunur j ókst
um liðlega milljarð
VAXTAMUNUR banka og spari-
sjóða áður en tekið er tillit til fram-
laga í afskriftareiknings jókst um
liðlega einn milljarð króna á sl. ári.
Námu hreinar fjármunatekjur
bankakerfísins alls um 11,3 millj-
örðum króna en voru 10,2 milljarð-
ar árið 1992. í hlutfalli við meðal-
stöðu efnahagsreiknings er vaxta-
munur í fyrra 4,5% en var 4,2%
árið 1992. Á sama tíma lækkaði
rekstrarkostnaður um nálægt 800
milljónir, samkvæmt samantekt
bankaeftirlits Seðlabankans, m.a.
vegna niðurfellingar landsútsvars,
lægri iðgjalda í tryggingasjóði og
lægri launakostnaðar.
Afkoma bankakerfísins fýrir af-
skriftaframlög á sl. ári batnaði því
alls um nálægt 2 milljarða á sl. ári
vegna aukinna fjármunatekna og
lægri kostnaðar. Afskriftir héldust
hins vegar áfram miklar og dugðu
auknar tekjur ekki til að snúa tap-
rekstri í hagnað. Þannig varð um
170 miHjóna tap á bankakerfínu, en
tapið var 2,8 milljarðar árið 1992.
Landsbankinn hefur tilkynnt um
3,7% vaxtamun á sl. ári í stað 3,84%
árið 1992. Vaxtamunur Búnaðar-
bankans að teknu tilliti til framlaga
í afskriftareikning er sagður hafa
verið 2,33% í fyrra og hafa farið
minnkandi undanfarin ár. íslands-
banki hefur m.a. upplýst að vaxta-
munur hafi einungis verið 0,8% í
fyrra í stað 2,2% árið 1992.
■ Eykur vaxtamuninn/Bl
Hlutafé í Samskipum
aukið um 480 milljónir
Islensk fyrirtæki undirbúa kaup á stórum hluta ásamt þýskum aðila
UNDIRBÚNINGUR að stórlega breyttu eignar-
haldi og mikilli hlutafjáraukningu hjá Samskip-
um er nú vel á veg kominn. Samkvæmt upplýs-
ingum Morgunblaðsins hefur verið ákveðið að
auka hlutafé fyrirtækisins um 480 milljónir
króna. Islensk fyrirtæki, úr ólíkum atvinnu-
greinum, hyggjast kaupa stóran hluta í Sam-
skipum, fyrir 250 milljónir króna eða meira.
Landsbanki Islands hyggst enn um sinn eiga
180 milljóna króna hlut, eða 26%, og þá liggur
fyrir að þýskur flutningsaðili kemur inn í fyrir-
tækið, fyrst um sinn, með liðlega 100 milljónir
króna, en með möguleika á því að eignast sam-
tals um 40% í fyrirtækinu, eða allt að 280
milljóna króna hlut.
Landsbankinn hyggst færa niður hlutafé í
Samskipum úr 500 milljónum króna í 200 millj-
ónir króna. Þannig verður hlutafé fyrirtækisins
að aflokinni hlutafjáraukningu 680 milljónir
króna.
Undirbúningur þessa máls hefur samkvæmt
upplýsingum Morgunblaðsins staðið um nokk-
urt skeið. Stefnt er að því að niðurstaða liggi
fyrir, fyrir aðalfund Samskipa, sem haldinn
verður 30. maí nk. og hún verði lögð fyrir fund-
inn.
Fyrirtæki úr ólíkum atvinnugreinum
Meðal þeirra íslensku aðila sem verða stærstu
eignaraðilar að Samskipum, takist samningar,
eru: Samvinnulífeyrissjóðurinn, sem hefur for-
göngu um málið, Samvinnusjóður íslands
og/eða hluthafar hans (stærstu eigendur hans
eru KEA, Iceland Seafood Corp., Olíufélagið
hf. og Vátryggingafélag íslands), íslenskar
sjávarafurðir hf., BYKO, Fóðurblandan hf. og
Samheiji á Akureyri. Þá eru líkur á Vinnslu-
stöðin í Vestmannaeyjum eignist lítinn hlut í
félaginu. Auk þess geta tveir eða þrír aðilar
enn bæst í þennan hóp verðandi hluthafa í
Samskipum.
Fyrir liggur að Landsbankinn hyggst ekki
eiga sinn hlut til frambúðar, en a.m.k. fyrst
um sinn. Hyggst bankinn gefa út svokölluð
forgangshlutabréf, við hlutafjáraukninguna,
sem jafngildir því, að nýir hluthafar hafa for-
gang að arðgreiðslum.
Barnið lítið
meitt en
hjálmurinn
ónýtur
„HJÁLMURINN er alveg í spaði.
En hann bjargaði mér nú samt.
Ég væri örugglega ekki heill ef
ég hefði ekkiverið með hann,“
segir Eyþór Örn Jónsson 12 ára.
Hann þakkar hjólreiðahjálmi lít-.
il meiðsl þegar hann hjólaði í
veg fyrir bíl á húsagötu við
Bústaðaveg um kl. 17 í gær.
„Ég hjólaði inn á götuna og
sá ekki að bíll kom á móti. Ég
þeyttist í loft upp og leið eins
og verið væri að spóla mynd-
bandsspólu hægt áfram. Svo
rotaðist ég, a.m.k. man ég ekki
hvað gerðist á eftir,“ segir Ey-
þór. Hann lenti á framrúðu bíls-
ins og var fluttur á slysadeild
Borgarspítalans. Meiðsl reynd-
ust hins vegar vera minni háttar
og fékk Eyþór að fara heim að
lokinni skoðun.
Lögreglan telur að reiðhjóla-
hjálmur hafi einnig forðað níu
ára gamalli telpu í Hafnarfirði
frá hættulegum höfuðmeiðslum
í fyrradag þegar hún féll af hjól-
inu, kom niður á höfuðið og
missti meðvitund á þriðjudags-
morguninn. „Hjálmurinn kom
þarna í veg fyrir stóralvarlegt
slys, að mínu mati, og hefur
kannski orðið telpunni til lífs,“
sagði Gissur Guðmundsson,
rannsóknarlögreglumaður í
Hafnarfirði, í samtali við Morg-
unblaðið. Hjálmurinn var
skemmdur yfir hnakka telpunn-
ar, þar sem höfuð hennar skall
í jörðina. Telpan fékk að fara
heim eftir skoðun á slysadeild.
í dag hefst umferðarátak lög-
reglu á Suðvesturlandi en að
þessu sinni verður sérstakri at-
hygli beint að búnaði hjólreiða-
manna og að því að hvetja þá
m.a. til að nota reiðhjólahjálma.
3Htt¥gttuMnfrU»
MORGUNBLAÐIÐ kemur næst
út laugardaginn 14. maí.