Morgunblaðið - 12.05.1994, Qupperneq 31

MORGUNBLAÐIÐ
FIMMTUDAGUR 12. MAÍ 1994 31
BORGAR- OG SVEITARSTJÓRNARKOSNINGARNAR 28. MAÍ
Meðan Reykjavík svaf
í íþróttamálum
ÞAÐ er athyglisverð
fullyrðing, að Sjálf-
stæðisflokkurinn hafi
staðið sig vel í upp-
byggingu íþróttamála í
Reykjavík á undanförn-
um árum, eins og lesa
má út úr grein Þor-
bergs Aðalsteinssonar
frambjóðenda . sama
flokks í Morgunblaðinu
30. apríl sl.
Sérstaklega er þessi
fullyrðing athyglisverð
af því að sami Þorberg-
ur er einnig landsliðs-
þjálfari í handknattleik
og ætti þar af leiðandi
að hafa betri yfirsýn
yfir þennan málaflokk en ýmsir aðr-
ir.
Þorbergi og öðrum sjálfstæðis-
mönnum, sem talin hefur verið trú
um ágæta frammistöðu flokks þeirra
í þessum málaflokki, skal eftirfar-
andi upplýst:
Sjálfstæðisflokkurinn í Reykjavík
hefur sáralítið frumkvæði haft í
þessum málaflokki á sl. 12 árum,
ef miðað er við þá uppbyggingu, sem
átt hefur sér stað í nágrannasveitar-
félögum Reykjavíkur. Skiptir þá ekki
máli, hvort borið er niður í Hafnar-
fírði, Garðabæ, á Seltjarnarnesi, í
Mosfellsbæ, á Akranesi
eða Suðurnesjum.
Reykjavík hefur rekið
lestina - bæði hvað
varðar rekstrarskilyrði
og uppbyggingu mann-
virkja. Þannig hafa ná-
grannasveitarfélögin
náð forskoti á Reykja-
vík sem skilar sér m.a.
í betri íþróttalegum
árangri. Á þessum
árum var aðaláherzlan
lögð á Ráðhús, Perlu,
Viðey og fleiri slík verk-
efni.
Finnst Þorbergi t.d.
eðlilegt, að KR, stærsta
íþróttafélag borgarinn-
ar, skuli þurfa að leita út fyrir borg-
armörkin með heimaleiki sína?
Og hvað um hlutverk Reykjavíkur
sem höfuðborgar landsins á sviði
íþróttamála? Laugardalsvöllur er
ekki talinn gjaldgengur í alþjóða-
keppni vegna skorts á áhorfendaað-
stöðu. Ekki er hægt að halda alþjóð-
legt sundmót vegna skorts á aðstöðu
og alþjóðleg fijálsíþróttamót eru
frekar haldin í Mosfellsbæ en
Reykjavík.
Og hvað finnst landsliðsþjálfaran-
um í handknattleik um framlag
Reykjavíkurborgar til HM á næsta
Ekki er gleymt það af-
rek Davíðs Oddssonar,
segir Alfreð Þorsteins-
son, að koma í veg fyr-
ir að í Reykjavík yrði
byggð vegleg íþróttahöll
í samvinnu við ríkis-
stjórnina.
ári? Varla er hann búinn að gleyma
afreki Davíðs Oddssonar, þáverandi
borgarstjóra, sem tókst að koma í
veg fyrir að í Reykjavík yrði byggð
vegleg íþróttahöll í samvinnu við rík-
isstjórnina?
Það kemur í hlut Reykjavíkur-list-
ans að rétta hlut reykvísks íþrótta-
fólks eftir næstu kosningar og hefja
uppbyggingarstarf í íþróttum, sem
hæfir Reykjavík sem höfuðborg, sbr.
stefnuskrá listans.
Höfundur er formaður
íþróttafélags ogskipar 6. sæti
R-listans.
Alfreð
Þorsteinsson
Eru hreppaflutningar
yfirvofandi?
GRUNDVALLAR
lágmarks heilindi í
stjórnmálabaráttu eru
tryggð í lögum, með því
að þeir flokkar sem
bjóða fram til kosninga
skulu skráðir á eigin
heiti. Kjósendur eiga
kröfu á að vita að hveiju
þeir ganga, hvaða
flokksstefnu þeir velja.
Laumuspili í nafngiftum
er algjörlega hafnað
sámkvæmt anda kosn-
ingalaganna. Með sam-
hljóða úrskurði yfirkjör-
stjórnar Reykjavíkur
var nafngiftin „Reykja-
víkurlistinn" dæmd
ólögleg og merkingarlaus og skal
R-listinn koma í staðinn ásamt nöfn-
um þeirra flokka sem að honum
standa.
Meðal þeirra flokka er Framsókn-
arflokkurinn og stendur framsókn-
arkonan í stafni, nr. 1 á R-iistanum.
Nú háttar svo til að framsóknarkon-
an hefur setið í borgarstjórn Reykja-
Slglaugur
Brynleifsson
víkur án þess að eiga
lögheimili í borginni
heldur á hún lögheimili
eins og skylt er á sama
stað og eiginmaður
hennar, þingmaður
Framsóknarflokksins á
Norðurlandi vestra.
Samkvæmt undan-
þáguákvæði um þing-
menn gat hann valið
milli þess að eiga lög-
heimili í Reykjavík eða
á Höllustöðum fyrir
norðan og kaus Höllu-
staði. „Hjón eiga sama
lögheimili", stendur í
lögum um lögheimili.
Lögin eru afdráttar-
laus og endanieg og stangast á við
setu Sigrúnar Magnúsdóttur í borg-
arstjórn og sem flaggskips á lista
minnihlutaflokkanna til borgar-
stjórnar 28. maí nk.
Eins og nafngiftin „Reykjavíkur-
listinn" er marklaus má svo fara að
núverandi borgarfulltrúi Framsókn-
arflokksins í Reykjavík og stafnkona
Lög mæla fyrir um að
hjón eigi sama lögheim-
ili, staðhæfir Siglaugur
Brynleifsson, sem seg-
ir eiginmann „stafn-
konu R-listans“ með
lögheimili á Höllustöð-
um í Húnavatnssýslu.
R-listans verði dæmd á sína sveit;
úr borgarstjórn og af R-listanum og
síðan flutt hreppaflutningi á stað-
festu eiginmannsins, Höllustaði í
Svínavatnshreppi í Austur-Húna-
vatnssýslu, þar sem hún á lögheim-
ili og verði þar njörvuð niður og láti
af vafri og hæpnum söguburði í
öðrum sóknum.
Höfundur er rithöfundur
Þrír listar á
Seyðisfirði
Seyðisfirði - Þrír
framboðslistar
hafa verið lagðir
fram til bæjar-
stjórnarkosn-
inganna á SeyðisT
firði í vor.
Lista Sjálfstæð-
isflokksins skipa:
Arnbjörg Sveins-
dóttir, skrifstofu-
stjóri, Davíð Ó.
Gunnarsson,
framkvæmdastjóri, Hrafnhildur
Sigurðardóttir, þroskaþjáifi, Guð-
jón Harðarson, kaupmaður, Sig-
finnur Mikaelsson, framkvæmda-
stjóri, Þorgils Baldursson, lyfsali,
María Ólafsdóttir, bankastarfs-
maður, Birna Guðmundsdóttir,
húsmóðir, Sveinbjörn Ó. Jóhanns-
son, stýrimaður, Hildur Hilmars-
dóttir, bankastarfsmaður, Páll
Guðjónsson, rafsuðumaður, Guð-
rún V. Borgþórsdóttir, húsmóðir,
Haraldur Sigmarsson, sjómaður,
Níels Daníelsson, vélvirki, Sigurð-
ur Hauksson, vélamaður, Ottó Ei-
ríksson, trésmíðameistari, Adolf
Guðmundsson, framkvæmdastjóri,
Theódór Blöndal, framkvæmda-
stjóri.
Á lista Framsóknarflokksins eru
þessir: Jónas Hallgrímsson, fram-
kvæmdastjóri, Sigurður Jónsson,
verkfræðingur, Jóhann P. Hansson,
kennari, Gestur Valgarðsson, verk-
fræðingur, Sigiíður Stefánsdóttir,
símritari, Ingibjörg Svanbergsdótt-
ir, skrifstofumaður, Anna Karls-
dóttir, skrifstofumaður, Jóhann
Stefánsson, vél-
virki, Snorri Jóns-
son, verkstjóri, Jón
Hilmar Jónsson,
rafvirki, Magnús
Baldur Kristjáns-
son, nemi, Sigríður
H. Friðriksdóttir,
nuddfræðingur,
Unnar Ingimundur
Jósepsson, sjómað-
ur, Sigurður Orm-
ar Sigurðsson,
vélavörður, Bjarney Emilsdóttir,
húsmóðir, Þórður Jakobsson, húsa-
smiður, Birgir Hallvarðsson, ræðis-
maður, Þórdís Bergsdóttir, heil-
brigðisfulltrúi.
Listi Tinda, félags jafnaðar- og
vinstrimanna, er sem hér segir:
Pétur Böðvarsson, skólastjóri, Her-
mann V. Guðmundsson, ökukenn-
ari, Ólafía Þ. Stefánsdóttir, fóstra,
Sigurður Þ. Kjartansson, leiðbein-
andi, Egili Sölvason, verslunarmað-
ur, Bryndís Sigurðardóttir, verka-
maður, Soffía Ivarsdóttir, Jón Hall-
dór Guðmundsson, skrifstofustjóri,
Ólöf Hulda Sveinsdóttir, skrifstofu-
maður, Þorgeir Sigurðsson, útgerð-
armaður, Magnús B. Svavarsson,
sjómaður, Sigþrúður Hilmarsdóttir,
húsmóðir, Stefán Smári Magnús-
son, hlunnindabóndi, Ragnhildur
Billa Árnadóttir, húsmóðir, Magnús
Guðmundsson, skrifstofumaður,
Sigrún Ólafsdóttir, Jijúkrunarfræð-
ingur, Margrét Gunnlaugsdóttir,
hárgreiðslumeistari, Hallsteinn
Friðþjófsson, formaður Verka-
mannafélagsins Fram.
28.MAI
Margir listar í
A-Hún
Blönduósi - Fjórir listar verða í
framboði í sveitarstjórnarkosning-
unum á Blönduósi ,í Torfalækjar-
hreppi eru þrír listar og í Sveins-
staðahreppi verður óhlutbundin
kosning.
Á Blönduósi eru D-listi, listi
Sjálfstæðisflokksins, F-listi, listi
framfarasinnaðra Blönduósinga,
H-listi, listi vinstri manna og
óháðra, og K-listi, listi félags-
hyggjufólks. F-listinn er nýtt fram-
boð undir forystu Sturlu Þórðarson-
ar tannlæknis, en annað sætið skip-
ar Sigrún Zophoníasdóttir, sem var
áður bæjarfulltrúi fyrir H-listapn.
Sigurlaug Hermannsdóttir og Ág-
úst Þ. Bragason skipa efstu sæti
sjálfstæðismanna. Hörður Rík-
harðsson og Ragnhildur Húnboga-
dóttir skipa tvö efstu sæti K-lista.
Pétur A. Pétursson og Gestur Þór-
arinsson skipa efstu sæti H-listans.
Pétur A. Pétursson og Sigi-ún Zop-
honíasdóttir eru einu frambjóðend-
urnir sem sæti eiga í núverandi
bæjarstjórn
Þrír listar eru boðnir fram í
Torfalækjarhreppi. Efstu menn á
J-lista eru Erlendur G. Eysteinsson
oddviti og Stefán Á. Jónsson. Efstu
sæti L-lista skipa tvær konur, Inga
Þórunn Halldórsdóttir og Björk
Axelsdóttir, og efsu sæti O-listans
skipa Páll Þórðarson og Þorgrímur
G. Pálmason.
Þó svo ekki séu listakosningar í
Svínavatnshreppi liggur það fyrir
að núverandi oddviti, Siguijón Lár-
usson á Tindum, gefur ekki kost á
sér til endurkjörs.
Jafnframt sveitarstjómarkosn-
ingunum verður skoðanakönnun
um það hvort sameina eigi Búnað-
arfélag íslands og Stéttarsamband
bænda, en niðurstöður þeirrat-
könnunar verða að bíða til 11. júní
því Skagahreppur hefur óskað eftir
því að fá frestað kosningum til þess
tíma.
flliklu meira cn veniule? sólarlandaferð!
A*
ó or 4

Samvinnuferðir - Landsyn og Atlasklúbburinn bjóða til sumarveislu
Ein af mörgum:

Það verður eldhress
stemmning á sólarströndum
okkarísumaráári
fjölskyldunnar. Allt fullt af
bráðskemmtilegum gestum
og hugmyndaríkum
fararstjórum sem gefa
ferðinni allt í senn
spennandi, menningarlegan
og sprenghlægilegan blæ!
Diddú dr—*s$
heillar landann og aðra gesti upp úr sandölunum með sínum
hrífandi söng við undirleik Jónasar Þóris.
Snm vinnuferMr-L anús ýn
Veldu sólarlandaferð
þar sem grín, listræn
tilþrif, söngur, spenna,
slökun og spilakúnstir
tryggja þér sumar-
ævintýri í sérflokki.
EUROCARD
(IL'ATLAS
- nýtur sérkjara!
4000 kr. afsláttur i pakkaferðir
fyriralla þá sem eru með
Atlas- eða Gullkort frá
Eurocard.
5000 kr. afsláttur á mann til
Benidorm 30. júnl og til Cala
d’Or 28. júni.
Víðtæk tryggingavernd, hafi
a.m.k. helmingur ferðar
verið greiddur með kortinu.
Möguleiki á einni af 30
bónusferðum á 30 kr!
Ótal vildarkjör að auki.
Nú er rétti tíminn til að fá
sér Eurocard!
I Atlasklúbbnum eru allir handhafar
ATLAS- eða Gullkorta frá Eurocard.
Reykjavik: Austurstræti 12 • S. 91 - 69 10 10 • Innanlandsferðir S. 91 - 69 10 70 • Simbréf 91 - 2 77 96 / 69 10 95 • Telex 2241 •
Hótel SÖQU við Hagatorg • S. 91 - 62 22 77 • Slmbrél 91 - 62 24 60 Hafnarfjöröur: Bæjarhrauni 14 • S. 91 - 65 11 55 • Simbróf 91 - 655355
Kellavík: Hafnargötu 35 • S. 92 - 13 400 • Símbréf 92 -13 490 Akranes: Breiðargötu 1 • S. 93 T.1 33 86 .• Slmbréf 93 -1 11 95
Akurcyri: Raðhustorgi 1 • S 96 - 27200 • Simtmd 90 - 1 10 35 Vcstmannaeyjan Vestmannabraut 38* S. 98 - 1 12 71 • Simbrel 93 - 1 27 92
QATL