Morgunblaðið - 21.05.1994, Blaðsíða 13

MORGUNBLAÐIÐ
LAUGARDAGUR 21. MAÍ 1994 13
LANDIÐ
Helguvíkurmj öl hf. stofnað í Keflavík
Stefnt að bræðslu
á næstu loðnuvertíð
Um fimmtíu
aðilar gáfu
hlutafjárloforð
uppá 55,8 millj-
ónir króna
Keflavík - Helguvíkurmjöl hf.
var formlega stofnað í Keflavík á
fimmtudaginn og var Þorsteirin
Erlingsson skipstjóri og útgerðar-
maður í Keflavík kosinn stjórnar-
formaður. Mikill áhugi er fyrir
stofnun loðnubræðslunnar á Suð-
urnesjum.
Um 50 aðilar komu á stofn-
fundinn og gáfu þeir hlutafjárlof-
orð uppá 55,8 milljónir króna.
Þorsteinn Erlingsson sagði í sam-
tali við Morgunblaðið að ætlunin
væri að koma upp loðnubræðslu,
hráefnistönkum og hafnaraðstöðu
fyrir næstu loðnuvertíð en tími
til þess væri orðinn afar naumur.
Þorsteinn sagði að verið væri
að kanna möguleika á að kaupa
notaða loðnubræðslu frá Noregi
sem menn hefðu þegar skoðað og
virtist álitlegur kostur. Verk-
smiðjan væri útbúin með gufu-
þurrkurum og því kæmi engin
lykt frá henni.
Fram kom á fundinum að þeg-
ar hafa fengist tilskilin leyfi til
að hefja hafnargerð í Helguvík
fyrir byggingu 150 metra viðlegu-
kants og yrði verkið væntanlega
boðið út fljótlega. Þar yrði hægt
að landa úr tveim loðnuskipum
■
FLESTIR fundarmenn létu skrá sig fyrir hlutafé og söfnuðust
55,8 niilljónir.
og einnig myndi hafnaraðstaðan
nýtast malbikunarstöðinni sem nú
er verið að reisa í Helguvík.
Þorsteinn sagði að áætlanir
gerðu ráð fyrir að verksmiðjan
sem nú væri inni í myndinni kost-
aði um 500 milljónir hingað kom-
inn og uppsett. Framleiðslugeta
hennar væri um 1.000-1.100
tonn á sólarhring og hefðu eig-
endur hennar lýst yfir áhuga sín-
um á að gerast hluthafar í hinu
nýja fyrirtæki, en íslensk lög
leyfðu ekki slíkt. í stjórn Helgu-
víkurmjöls hf. ásamt Þorsteini eru
Ellert Eiríksson, Pétur Jóhanns-
son, Dagbjartur Einarsson, og
Gunnar Olafsson.
Morgunblaðið/Bjöm Blöndal
Þorsteinn Erlingsson, stjórn-
arformaður Helguvíkurmjöls
hf. sem stofnað var í Keflavík
á fimmtudaginn.
Gjafir í Barmahlíð
MIKIÐ var um að vera á
Dvalarheimilinu Barmahlíð á
uppstigningardag er Samkór
Reykhólahrepps, undir stjórn
Ólafar Þórðardóttur, heimsótti
vistmenn og söng nokkur lög.
Heimilið seldi kaffi og aldraðir
sýndu muni er þeir höfðu búið
til. I föndurtímum eru leiðbein-
endur þær Sóley Vilhjálmsdótt-
ir og Bergljót Bjarnadóttir og
mátti þar sjá marga fallega
muni.
Við þetta tækifæri gáfu
kvenfélagskonur í Geiradal
dvalarheimilinu stóra og mikla
hrærivél sem forstöðukona
heimilisins, Kristín Ingibjörg
Tómasdóttir, og ráðskona
heimilisins, Unnur Stefánsdótt-
ir, tóku á móti en Erla Reynis-
dóttir, formaður kvenfélagsins,
afhenti gjöfina með stuttri
ræðu.
1
Hí
Morgunblaðið/Silli
NÝUTSKRIFAÐIR stúdentar frá Framhaldsskólanum á Húsavík.
Þrettán-
stúdentar
útskrifaðir
á Húsavík
Húsavík - Framhaldsskólinn út-
skrifaði á þessu vori 34 nemend-
ur á hinum ýmsu námsbrautum
en þar af voru 13 stúdentar.
Alls hófu 192 nemendur nám
sl. haust og hefur farið í vöxt
að utanbæjarbúar sæki skólann.
í heimavist sem hefur verið starf-
rækt í sambandi við Hótel Húsa-
vík voru 17 nemendur en á því
verður einhver breyting og er
þegar farið að undirbúa bygg-
ingu sérstaks heimavistarhúss.
A þessu vori lætur af störfum
Kristrún Karlsdóttir eftir 25 ára
starf og minntist skólaineistari,
Guðmundur Birkir Þorkelsson
þess sérstaklega og þakkaði
henni gott samstarf.
♦ ♦ ♦----
Þrastalund-
ur opnaður
VEITINGASTOFAN Þrastalundur
við Sogsbrú í Grímsnesi hefur verið
opnuð eftir vetrarhlé og verður opin
um hvítasunnuhelgina frá kl. 9 á
morgnana til kl. 11 á kvöldin.
Um þessar mundir sýnir Magnús
Ingvarsson listmálari málverk sín í
Þrastalundi.
Rekstur Þrastalundar hefur verið
í höndum sömu aðila í 20 ár og
þessara tímamóta verður minnst
með bættri þjónustu við ferðamenn
og sumarþústaðaeigendur, segir í
frétt frá éigendum.
0
Isafjörður
Lands-
bankinn
90 ára
ísafirði - Landsbankinn hélt ný-
verið uppá 90 ára starfsafmæli
sitt á ísafirði, en hann tók við af
Sparisjóði ísafjarðar 15. maí 1904,
sem helsta lánastofnun bæjarins.
Boðið var til afmæliskaffis í
afgreiðslu bankans á mánudag en
á afmælisdaginn var opnuð sýning
á málverkum í eigu bankans í
Frímúrarasalnum. Mikill fjöldi
starfsmanna og visðskiftavina
bankans voru við opnun sýningar-
innar, þar sem sýnd voru verk
helstu listmálara þjóðarinnar.
Það var Birgir Jónsson, svæðis-
stjóri Landsbankans á Vestfjörð-
um, sem opnaði sýninguna og
stjórnaði henni, en meðal starfs-
manna bankans sem þarna voru
var Halldór Guðbjarnason banka-
stjóri.
í bankanum var komið fyrir
glærri súlu, fylltri af tíukrónu pen-
ingum og var heitið 25 þúsund
króna verðlaunum til þess sem
gæti getið næst um verðmætið.
Það var Finnbogi Hermannsson
svæðisstjóri Ríkisútvarpsins á
Vestfjörðum sem þar varð hlut-
skarpastur. Giskaði hann á að þar
væru 117.500 krónur og sagðist
hafa metið það með hliðsjón af
aurakrukku í eldhúsinu hjá sér. í
súlunni voru 115.700 krónur svo
ekki munaði nema 1.800 krónum.
## Morgunblaðið/Benedikt Sigurðsson
BJORGUNARMENN á Austurlandi munda klippurnar.
Bráðvantar
bj örgunarbúnað
Egilsstöðum - Endurmenntun-
arnámskeið var nýlega haldið fyr-
ir sjúkraflutningamenn á Austur-
landi og var þá meðal annars sýnd
notkun á nýjum vökvaknúnum
klippum til að losa fólk úr bílum.
Dæmin sýna að þörf er á slíku
verkfæri.
Námskeiðið var haldið á vegum
Heilsugæslustöðvar Egilsstaða og
Rauða kross íslands og sóttu það
sjúkraflutningamenn í fjórðungn-
um, alls um 12 manns, en þeir
sem við slíkt starfa, verða að
hafa réttindi til þess. A námskeið-
inu var mest áhersla lögð á endur-
lífgun og meðferð slasaðra barna.
Læknar og hjúkrunarfólk heilsu-
gæslustöðvarinnar önnuðust
fræðsluna.
í lok námskeiðsins var sýnd og
kennd notkun á vökvaknúnum
björgunarklippum, sem notaðar
eru við að losa fólk úr bílum er
lent hafa í árekstri. Klippur hafa
verið til á Héraði en þær eru, að
sögn Baldurs Pálssonar slökkvi-
liðsstjóra, ekki nógu vel útbúnar.
Við þær vantar öfluga vökvadælu
og mótor sem hægt er að flytja
á miili staða án mikillar fyrirhafn-
ar. Baldur segir það 'forgangs-
verkefni að skipuleggja hvar
klippur eigi að vera á Austurlandi
og hveijir eigi að fara með þær.
Til stendur að hrinda söfnun af
stað á næstu dögum fyrir tækjun-
um.