Morgunblaðið - 10.06.1994, Blaðsíða 12

12 FÖSTUDAGUR 10. JÚNÍ 1994
VIÐSKIPTI
MORGUNBLAÐIÐ
ísfirðingar hafa áhyggjur af hugsanlegrar sölu á um
23% hlutabréfa í Hrönn hf., útgerð Guðbjargarinnar
Óttast að moivihlui-
inn hverfí úr bænum
ísafjörður - Tæplega fjórðungur
hlutafjár í útgerðarfélaginu Hrönn
hf. á Isafirði er til sölu. Hrönn hf.
gerir út skuttogarann Guðbjörgu
I.S. 46, sem er eitt af aflahæstu
og kvótahæstu skipum landsins,
en jafnframt á fyrirtækið 60%
hlutafjár í íshúsfélagi ísfirðinga,
sem eitt af fáum stórum frystihús-
um í landinu er með sæmilega
sterkan íjárhag. Félagið á nú í
smíðum 2.500 lesta frystitogara í
Flekkefjörd í Noregi, sem von er á
í haust, en það er þriðji togarinn
með sama nafni, sem þar er smíð-
aður fyrir Hrönn.
Það er Margrét Guðbjartsdóttir,
systir Ásgeirs skipstjóra á Guð-
björginni og ekkja Kristins heitins
Arnbjörnssonar vélstjóra, sem er
að selja en þau stofnuðu fyrirtæk-
ið árið 1954, ásamt Guðbjarti föð-
ur Margrétar og Ásgeirs, Guð-
mundi Guðmundssyni útgerðar-
manni félagsins frá upphafi og
Maríasi Þ. bróður hans. Útgerðin
lét í upphafí smíða 53 tonna bát
hjá Marzellíusi Bernharðssyni á
ísafirði og hefur Ásgeir jafnan
Útgerðarfélagið
á von ánýjum 2.500
lesta frystitogara
í haust.
verið skipstjóri síðan, en nú hin
síðari ár til skiptis með Guðbjarti
syni sínum. Útgerðin hefur ávallt
gengið vel, bæði vegna aflasældar
feðganna og ráðdeildar í rekstri.
Óttast að utanbæjarmenn
kaupi meirihluta
Ekki fæst uppgefið hvers vegna
Margrét, sem á nú 23% hlut í fé-
laginu vill selja. Kaupverð er ekki
ákveðið að sögn Amars Kristins-
sonar framkvæmdastjóra Bása-
fells á ísafirði og sonar hennar,
en óskað verður eftir tilboðum,
sýni einhver áhuga á kaupunum.
Hann fullyrðir að engin tilboð hafi
enn borist og að ekki sé á þessari
stundu í gangi samningar um söl-
una við nokkurn aðila.
Ýmsar sögusagnir ganga hér
vestra um ástæðu kaupanna og
jafnframt að fleiri hlutabréf yrðu
föl á næstunni. Margir láta í ljós
ótta um að 1.500 milljóna króna
fjárfesting í nýju frystiskipi, sem
um leið veikir hráefnisöflun frysti-
hússins verði félaginu ofviða og
telja að þessvegna vilji Margrét
selja nú.
Aðrir telja að Ásgeir eigi eina
ferðina enn eftir að fínna nýjar
leiðir í útgerð með hinu nýja og
öfluga skipi auk þess sem kvóta-
kaup undangenginna ára komi nú
útgerðinni að góðu gagni og vel
megi hugsa sér að hægt verði að
vinna frystar afurðirnar í neyt-
endapakkningar í frystihúsinu í
landi og því séu margir sem nú
vilji kaupa hlut í öflugu félagi til
að ávaxta fé sitt.
Helsti ótti er í mönnum hér
vestra, að meirihluti bréfa í fyrir-
tækinu komist í hendur utanbæj-
armanna og með því hverfi frægt
aflaskip úr fiskveiðiflota ísfirðinga
og þar með tekjuhæstu sjómenn
landsins.
TOGARINN — Teikning af nýju Guðbjörginni, frystitogara sem Hrönn hf. á ísafirði er að láta smíða
og valdið hefur nokkrum titringi vestra.
Vistala
sementssölu,
1980=100 .
100 -i
80
60 -
40 -
20 -
.JFMAMJ JÁSON D„ J FMAMJ JÁSON D„J F M A
1992 1993 1994
Vístala sementssölu hér á landi var 72,4 stig í aprílmánuði.
Þessi vístitala, sem sett var 100 stig árið 1980, hefur þó
ekki verið hærri frá því í september 1992 og ætti að gefa til
kynna að eitthvað væri að glæðast á byggingamarkaðnum.
Sementssala eykst
Þórður Friðjónsson forstjóri
Þjóðhagsstofnunar
Meiri halli þarf
ekki að þýða
vaxtahækkun
ÞÓRÐUR Friðjónsson, forstjóri
Þjóðhagsstofnunar, segir aðspurður
að meiri halli á fjárlögum ríkisins
en fjárlög geri ráð fyrir leiði ekki
sjálfkrafa til vaxtahækkunar, en í
Morgunblaðinu í gær kemur fram
að halli fjárlaga stefni í 13-14 millj-
arða króna, sem er 3-4 milljörðum
meira en ráð var fyrir gert í fjárlög-
um. Þetta sé þó eins konar viðvör-
un. Á fótboltamáli megi líkja þessu
við það að fá „gula spjaldið". Meiri
halli auki þrýsting á, vaxtahækkun
en það sem úrslitum réð væri hvern-
ig gengi að koma saman fjárlögum
næsta árs og hvort tækist að móta
trúverðuga stefnu í ríkisfjármálum
til næstu ára, en ríkisstjórnin hefði
boðað kynningu á þeirri stefnu síð-
ar á þessu ári.
„Aukinn halli hefur óhagstæð
áhrif á vaxtaþróunina. Hins vegar
er spurningin sú hversu mikil áhrif-
in eru. Ef ríkisfjármálastefnan fyrir
næsta ár og stefnan til langs tíma
verður sett fram með trúverðugum
hætti þá tel ég að áhrifín af því,
að hallinn verði eitthvað meiri á
þessu ári en menn reiknuðu með,
þurfi ekki endilega að að verða
mikil, þó áhrifin séu áreiðanlega til
hins verra,“ sagði Þórður.
Hann sagði að það skipti megin-
máli að það tækist að setja fram
og framfylgja trúverðugri stefnu í
ríkisfjármálum á næstu misserum
og árum. Að öðrum kosti væri ekki
hægt að gera sér vonir um að vext-
ir yrðu jafn lágir áfram og þeir
-hefðu verið undanfarna mánuði.
Eitt brýnasta hagstjórnarverkefnið
í íslenskum efnahagsmálum væri
óhagstæð þróun ríkisljármála og
skuldasöfnun samfara henni.
Verðbréfasjóðir
Landsbréfasjóðir
innlendra verð-
bréfa stærstir
Morgunblaðið/Árni Sæberg
Alíslensk lýðveldistjöld
VERÐBRÉFASJÓÐIR Landsbréfa
sem fjárfesta aðallega í innlendum
verðbréfum eru nú orðnir stærstir
allra slíkra sjóða. í apríl 1992 var
heildarstærð verðbréfasjóða með inn-
lendum verðbréfum á vegum fyrir-
tækisins um 1 milljarður króna. I lok
apríl á þessu ári var heildarstærð
sjóðanna komin í 5,3 milljarða og
hafa þeir því rúmlega fimmfaldast á
tveggja ára tímabili.
Það eru einkum fjórir sjóðir Lands-
bréfa sem hafa vaxið umtalsvert, að
því er fram kemur í frétt frá fyrir-
tækinu. Stærsti einstaki langtíma-
verðbréfasjóðurinn á vegum Lands-
bréfa, Öndvegisbréf, hefur vaxið úr
70 milljónum króna í 1.660 milljónir
króna á síðastu tveimur árum, og
Reiðubréf, sem er skammtímaverð-
bréfasjóður, hefur vaxið úr 162 millj-
ónum króna í 2,427 milljónir króna
á sama tímabili. Sá sjóður sem vaxið
hefur hvað mest hlutfallslega er
Þingbréfasjóður, en sá sjóður hefur
rúmlega fjörutíufaldast á síðustu
tveimur árum. Fjórði sjóðurinn er
Launabréfasjóður en hann er nú
stærsti einstaki innlendi verðbréfa-
sjóðurinn sem greiðir eigendum sín-
um reglulega tekjur.
Markaðshlutdeild þeirra verð-
bréfasjóða Landsbréfa sem fjárfesta
nær eingöngu í innlendum verðbréf-
um hefur vaxið nokkuð jafnt og þétt
frá því að þeir voru settir á stofn,
flestir fyrir um fjórum árum. í lok
apríl á þessu árí var markaðshlut-
deild sjóðanna um 33,6%.
Helstu ástæður þessa góða árang-
urs segir Landsbréf að megi rekja
til traustrar eignarsamsetningar og
góðrar ávöxtunar. Þannig hafa verð-
bréfasjóðir Landsbréfa gefið bestu
ávöxtun innlendra verðbréfasjóða
(þegar ávöxtun er vegin með stærð
einstakra sjóða) síðustu tvö ár miðað
við 1. júní sl.
SEGLAGERÐIN Ægir hefur
hafið framleiðslu á stórum
tjöldum sem kölluð eru lýðveld-
istjöld. Þau þykja sérstök fyrir
það að dúkurinn er borinn uppi
af sjálfstæðu burðarvirki úr
stáli sem fest er í jörð þannig
að tjaldstög eru óþörf.
Að sögn Jóns A. Barðdal, í
Seglagerðinni Ægi, eru tjöldin
220 fermetrar að stærð og
henta mjög vel fyrir allar úti-
samkomur.
Tjald af þessari gerð var
nýlega sett upp við Reykjavik-
urhöfn og tvö Ijöld eru farin til
Selfoss. Þá má reikna með að
lýðveldistjöld verði reist á Þing-
völlum þann 17. júní næstkom-
andi. Tjahlið sé að öllu leyti ís-
lensk hönnun og framleiðsla en
þar hafa komið við sögu þeir
sem sjást á myndinni, Einar
Þorsteinn Ásgeirsson hönnuð-
ur, Ólafur Ragnarsson segla-
saumari, Gísli Guðmundsson
seglasaumari auk Jóns A. Barð-
dals.
nuiiiu.ii.Miir* ■
Vífilfell sel-
urgos til
Finnlands
VÍFILFELL hf. hefur náð samn-
ingum um sölu á 45 þúsund köss-
um af Coke og Sprite til framleið-
anda Coca Cola í Finnlandi. Drykk-
irnir verða í hálfs lítra umbúðum
þannig að al’ls er um að ræða 540
þúsund lítra. Áður hafði Vífílfell
náð samningi í Svíþjóð um sölu á
235 þúsund kössum eða 2.820
þúsund lítrum.
Erla Pétursdóttir, upplýsinga-
fulltrúi Vífilfells hf., sagði í sam-
tali við Morgunblaðið að ástæðan
fyrir kaupum finnsku aðilanna
væru hertar reglur um notkun ein-
nóta umbúða þar í landi. „Við erum
mjög bjartsýn um að framhald
verði á þessum útflutningi, sér-
staklega vegna þess að við höfum
verið með þeim fyrstu að tileinka
okkur gamla lagið á umbúðunum."
Útflutningur Vífilfells hefur farið
fram fyrir milligöngu höfuðstöðva
Coka Cola-fyrirtækisins í Atlanta
í Bandaríkjunum en þar hefur sú
stefna verið mörkuð að Coke skuli
eingöngu sett á umbúðir með upp-
runalega laginu.“