Morgunblaðið - 10.06.1994, Blaðsíða 52

Mem&í
-setur brag á sérhvern dag!
MORGUNBLAÐID, KRINGLAN 1 103 REYKJAVÍK
SÍMI 691100, SÍMBRÉF 691181, PÓSTHÓLF 3040 / AKUREYRl: HAFNARSTRÆTI 86
FÖSTUDAGUR 10. JÚNÍ1994 VERÐ í LAUSASÖLU 125 KR. MEÐ VSK
Gífurlegt eignatjón í eldsvoða í einu stærsta fjölbýlishúsi Keflavíkur
Morgunblaðið/RAX
Á annað hundrað manns
bjargast úr logandi húsi
Á ANNAÐ hundrað íbúar fjölbýlishúss í Keflavík björguðust ómeidd-
ir þegar eldur kom upp í húsinu um klukkan ellefu gærkvöldi. Ljóst
er að gífurlegt eignatjón varð í brunanum, en fjöldi slökkviliðsmanna
fSuðurnesjabæ, ásamt liðsauka frá Keflavíkurflugvelli og nágranna-
byggðum, barðist enn við eldinn um kl. 2 í nótt. Samkvæmt upplýsing-
um lögreglunnar hafði slökkviliði þá tekist að ná tökum á eldinum.
Fjölbýlishúsið er um 40 ára gam-
alt steinhús, fjórar hæðir auk ris-
hæðar og stendur á horni Sólvalla-
götu og Faxabrautar. 32 íbúðir eru
í húsinu og er verðmæti þeirra
áætlað 110-160 milljónir króna. Þá
er í húsinu lítil hverfaverslun að
Faxabraut 27.
Eldurinn kom upp í risinu Sól-
vallagötumegin, þar sem eru
geymslur og þvottahús, en hafði
eftir miðnætti breiðst yfir í þakið
Faxabrautarmegin. Illa gekk að
ráða niðurlögum eldsins lengi fram-
an af.
Fólk tók aðeins það
nauðsynlegasta með
Björgunarsveitir á svæðinu voru
kallaðar út, auk þess sem Rauði
krossinn aðstoðaði íbúa hússins,
sem þurftu að flýja híbýli sín. Rút-
ur frá Sérleyfisbifreiðum Keflavíkur
tóku við fólkinu, þegar það yfirgaf
húsið og Almannavarnir ríkisins
settu upp stjórnstöð í Holtaskóla,
til að aðstoða þá íbúa sem ekki áttu
í nein hús að venda. Að sögn lög-
reglu gekk vel að rýma húsið, en
íbúar höfðu ekki ráðrúm til að taka
nema nauðsynlegustu hluti með
sér. Þeir fengu ýmist gistingu hjá
vinum og ættingjum í bænum, eða
á hótelum og gistiheimilum.
„Ég átti leið þarna framhjá fyrir
algera tilviljun þegar þetta var að
gerast,“ sagði Ellert Eiríksson,
bæjarstjóri í Keflavík. „Við vorum
þarna á rölti tveir þegar litum upp
og sáum að reykur stóð upp úr
þakinu. Lögreglan kom að aðvífandi
á sömu sekúndu og þá slökkvilið-
ið.“ Ellert er í stjórn Almannavarna
Suðurnesja og sá ásamt öðrum um
að skipuleggja hjálparstarf sem
hann sagði að hefði gengið vel.
Bærinn á 25% eignarhlut í húsinu
og sagði Ellert að í dag yrði farið
að vinna að því að koma þessu í lag
sem fyrst.
„Það hefur gengið erfiðlega að
ráða við eldinn, en slökkviliðsmenn
einbeita sér greinilega að því að
sprauta á þakskeggið, til að reyna
að veija íbúðirnar á neðri hæðun-
um,“ sagði Hilmar Pétursson, íbúi
á Sólvallagötu 34, þriðja húsi frá
fjölbýlishúsinu, í samtali við Morg-
unblaðið um kl. 1 í nótt.
Hilmar sagði að fyrir um 20 árum
hefði eldur komið upp í þessu sama
húsi og þá hefði þakið brunnið að
verulegum hluta. „Þessi bruni er
miklu meiri en þá var.“
Að sögn sjónarvotta gekk slökkvi-
starf illa framan af því ekki fékkst
nægt vatn úr brunahönum, en fór
að ganga mun betur eftir að slökkvi-
liðið á Keflavíkurflugvelli kom með
körfubíla og öflugar dælur.
Morgunblaðið/Arnór
MIKINN mannfjölda dreif að húsinu í nótt til að fylgjast með
baráttu slökkviliðsmanna við eldinn.