Morgunblaðið - 10.06.1994, Blaðsíða 40

40 FÖSTUDAGUR 10. JÚNÍ 1994
MORGUNBLAÐIÐ
Dýraglens
BREF
ITL BLAÐSINS
Kringlan 1103 Reykjavík • Sími 691100 • Símbréf 691329
Tommi og Jenni
Ég þarf svo mikið á hjálp að Allt í Iagi, en þú verður Nú, við þennan fyrsta Ég hata að fylgjast
halda við heimaverkefnin þá að fylgjast með... vanda... með...
mín...
STJÖRNUSTRÍÐSÁÆTLUN Bandaríkjamanna var gerð til þess
að knésetja Rússa, segir Magnús Skarphéðinsson.
Rússar unnu
heimsstyijöldina,
ekki bandamenn
Smávægilegir draugar úr kalda stríð-
inu leiðréttir
Frá Magnúsi H. Skarphéðinssyni:
Kaldastríðssagnfræðingurinn hefur
hlaupið í margan fjölmiðlunginn í
kringum Normandíafmælið mikla.
Forystugreinarhöfundar Morgun-
blaðsins sl. þriðjudag (7. júní) hefur
ekki alveg verið laus við þá heimsókn
frekar en margir aðrir nú. Hann seg-
ir að innrás bandamanna í Normandí
hafi leitt til þess að sigurs vannst á
Hitler og heijum hans. Þetta er auð-
vitað satt, en samt ekki nógu satt.
Stríðið tapaðist haustið 1942 í
austurvegi
Heimsstyijöldin síðari vannst ekki
af „bandamönnum“, heldur að Jang-
mestu leyti Sovétmönnum einum
saman. Auðvitað komu afar margir
þar við sögu. En sigur Sovétmanna
á hinum fjölmennu úrvalshersveitum
Þjóðveija í Rússlandi veturinn 1942
til ’43 í hinum ógnarmannskæðu og
hörðu átökum sem þar áttu sér stað
réð óumdeilanlega úrslitum um af-
drif styijaldarinnar.
Flest sem á eftir kom allt til form-
legrar uppgjafar Dönitz eftirmanns
Hitlers 1945 var miklu frekar „sam-
anpökkun" þjóðveija en sigur á þeim.
Sigurinn vannst í Rússíá tæpum
þremur árum áður, eða líklegast í
nóvermber 1942. Enda vildu flestir
hershöfðingjar Hitlers semja um frið
við alla andstæðinga sína eftir ósig-
urinn þar á lunganum úr þýsku her-
sveitunum í austurvegi af skiljanleg-
um ástæðum. Bróðurpartur slag-
krafts Þjóðverja var þorrinn eftir þau
átök.
Á hinn bóginn er sjálfsagt að gleðj-
ast yfir því að sami ritforystuhöfund-
ur Mogga hefur náð að hafa kaldara
mat á vopnakapphlaupi Rússa og
Bandaríkjamanna á síðustu áratug-
um þegar hann segir að stjörnu-
stríðsáætlun Reagans hafi gert sov-
éska heimsveldið endanlega gjald-
þrota.
Stjörnustríðið var til að
knésetja Rússa
Þetta er ekki bara líklega rétt mat
hjá Mogga, heldur það sem Sovét-
menn sögðu alla tíð um stjömu-
stríðsáætlunina umdeildu. Að hún
væri til að knésetja sig fjárhagslega
sökum ríkidæmis Bandaríkjanna sem
blésu til stríðs í þessum vafasama
kafla kalda stríðsins. Að hún hafi
mestanpart verið sett fram af fjár-
hagslegum ástæðum frekar en hern-
aðarlegum. Jú og auðvitað hafi hern-
aðarástæðumar svo sem staðið sína
plikt, en gjaldþrotatilhugsunin dró
liðið hans Sveins hálfa leiðina eða
meira.
Auðvitað hlustaði enginn maður
með mönnum á þessi rök Sovét-
manna nema þessar örfáu hræður
sem enn drógu siðferðisyfirburði
Ameríkana yfir Rússunum í efa. Vei
þeim, og vei þeim öllum sem tóku
upp hanskann fyrir þetta Moskvitch-
framleiðsluþjóðfélag allt saman.
Þangað var ekki mönnum bjóðandi.
Að lokum langar mig að geta þess
að enn á alveg eftir að gera því „við-
eigandi skil“ í pressu Vesturlanda
hver góðu áhrifin voru sem af bolsé-
vísku byltingunni 1917 í Rússíá
leiddu sem og öllu því sem henni
fylgdi.
Að vísu týndu um 100 milljónir
manna lífinu í Gúlaginu og annars
staðar í hreinsunum heimskommún-
ismans. En það eru smámunir í sam-
anburði við þá raunverulegu byltingu
sem bróðurpartur þessara sex millj-
arða manna sem nú búa á hnettinun
nýtur vegna útbreiðslu heimskom-
múnismans um alla jörðina í mismun-
andi myndum.
Góðu afrekum heims-
kommúnismans ennþá gleymt
Ég bendi bara á að velferðarkerfi
Vesturlanda er eitt.af mörgum núlif-
andi skilgetnum afkvæmum heims-
kommúnismans. Að ekki sé nú taiað
um alla fjárhags-, hernaðar-, tækni-
og siðferðisaðstoðirnar við langflest-
ar fátækari þjóðir heimsins sem í
hlekkjum „auðvaldsrikjanna" óneit-
anlega voru.
Þessar fátæku þjóðir hlutu ekki
bara sjálfstæði sitt í skjóli marxism-
ans heldur var hluti gjaldþrots sov-
éska heimsveldisins ekki síst vegna
hinna óhemju fjármuna sem Sovét-
menn dældu inn í flest fátækustu
ríki heims til að koma þeim á fæt-
uma eins og sjá má merki um í öllum
heimsálfum í dag. Þessu atriði má
heldur ekki gleyma. En trúlega þarf
lengri tími að líða frá þessari
þrungnu átakasögu svo menn geti
horft á hlutina hlutlausari augum en
mörgum er mögulegt í dag.
En batnandi Moggum er best að
lifa og því er þessum ábendingum
hér með komið á framfæri.
MAGNÚS H. SKARPHÉÐINSSON,
nemi í sagnfræði við'HÍ.