Morgunblaðið - 28.06.1994, Blaðsíða 5

MORGUNBLAÐIÐ
ÞRIÐJUDAGUR 28. JÚNÍ 1994 5
FRÉTTIR
Samkeppnisráð
Skógræktir
skilji milli
skógar- og
garðplantna
SAMKEPPNISRÁÐ mælir með
því að Skógræktarfélag Reykja-
víkur og Skógrækt ríkisins að-
skilji frá starfsemi sinni þann
rekstur sem er í samkeppni við
einkareknar gróðrarstöðvar. Jafn-
framt hvetur Samkeppnisráð
Reykjavíkurborg til að viðhafa
útboð við kaup á tijá-plöntum.
Félag garðplöntuframleiðenda
sendi Samkeppnisstofnun kvörtun
á síðasta ári þar sem bent er á
tengsl á milli skógræktarfélaga
og sveitarfélaga, en félagið taldi
þau óeðlileg. Félagið fullyrti
Skógræktarfélag Reykjavíkur og
Skógrækt ríkisins starfi við allt
aðrar aðstæður en sjálfstæðar
gróðurstöðvar. Félögin borgi ekki
skatta og gjöld með sama hætti
og aðrir, fái fjármagn úr opinber-
um sjóðum og noti hagnað af
framleiðslu skógarplanta til að
niðurgreiða verð á garðplöntum.
Skógræktarfélag Reykjavíkur
mótmælti þessum ásökunum í
greinargerð til Samkeppnis-
stofnunar þar sem fullyrt er að
félagið borgi skatta og gjöld með
sama hætti og aðrir og að hlut-
fall styrkja úr opinberum sjóð sé
aðeins brot úr prósenti af heildar-
veltu.
Plöntusala rekin með tapi
Niðurstaða Samkeppnisráðs er
að garðplöntusala Skógræktarfé-
lags Reykjavíkur sé rekin með
tapi og því megi draga þá ályktun
að hagnaði af sölu skógarplanta
og af annari starfsemi sé notaður
til niðurgreiðslu á sölu garðplanta.
Þar eð samkeppnisaðstæður séu
ekki þær sömu hjá Skógræktarfé-
laginu og Skógrækt ríkisins ann-
ars vegar og einkareknum gróðr-
arstöðvum hins vegar sé eðlilegt
að skilja Ijárhagslega á milli fram-
leiðslu og sölu á garðplöntum og
sumarblómum hjá Skógræktarfé-
lagi Reykjavíkur og Skógrækt rík-
isins og annarrar starfsemi. Þetta
er gert með tilvísun í 14. grein
samkeppnislaga.
é
Morgunblaðið/Árni Helgason
99 ára
lestrarhestur
Stykkishólmi - Herdís Gísla-
dóttir er senn 99 ára gömul og
hefur alla ævi haft mikinn
áhuga á lestri bóka og man
mikið. Það sem henni þykir
mest gaman að eru lausavísur
allskonar og þegar fréttaritari
tók þessa mynd var hún að
byrja á vísnabók með um 700
vísum. Herdis er Strandamaður
að uppruna og bjó í Saurbæ í
Dölum. Hún lærði ljósmóður-
fræði hjá Guðmundi landlækni
Björnssyni.
Við seljum
••
anægju, oryggi
og vellíðan
' '//'
Það er tilfinningin. Ilmurinn, kyrrðin
loftið, hreyfingin. Ekkert jafnast á
við að vera vel búinn úti í náttúrunni.
Þetta er ekkert pjatt. Maður líður áfram
á góðum gönguskóm og þreytist mun minna.
Þeir verða vinir manns.
Matarlystin, maður! Það er svo gott að borða!
Ég vil geta eldað almennilegan mat í útilegu.
" Þeir vita náttúrlega hvað þeir eru að tala
um í Skátabúðinni því þeir hafa reynsluna.
Svo kom verðið mér verulega á óvart.
Já, já, ég veit að ég mátti ekki
heyra minnst á útilegu en svo
þegar maður kynnist þessu þá
verður útiveran hluti
af lífsstílnum.
Bakpoki er ekki það sama og
bakpoki. Það er málið.
Þetta þarf allt að vera létt,
traust, öruggt og einfalt.
Sumum leiðist í rigningu en mér \
finnst ekkert betra en hola mér \
ofan í góðan svefnpoka í góðu tjaldi I
og láta rigninguna sem fellur /
á tjaldhimininn svæfa mig. '
-StfWK fKAMÚK
Snorrabraut 60 • Sími 61 20 45
Póstsendum samdægurs. Biöjiö um mynda- og verðlista okkar.