Morgunblaðið - 11.08.1994, Síða 8

8 FIMMTUDAGUR 11. ÁGÚST 1994
MORGUNBLAÐIÐ
FRÉTTIR
Beijavinir farnir
að athuga móann
Laxamýri, Morgunmblaðid.
BERJAVINIR eru farnir að athuga
móann og virðist sem nokkuð mis-
jöfn uppskera verði eftir svæðum.
Ur Köidukinn hafa þær fréttir borist
að þar verði lítil ber en á Hvamms-
heiði verða bæði bláber og aðalblá-
ber. Svo virðist sem krækiberjablóm-
in hafi frosið á nokkrum stöðum í
maí, þannig að ekki verður mok af
krækibeijum eins og stundum er.
Vanalega fer fólk ekki að tína af
krafti fyrr"en um 20. ágúst, en í
bestu árum hefur tínslan byijað tíu
dögum fyrr. Kalt vor og kaldur júní-
mánuður gera það að verkum að ber
eru ekki enn þroskuð þrátt fyrir ein-
stakt tíðarfar síðustu vikurnar.
Góð berja-
spretta í
Mjóafirði
Egilsstöðum, Morgunblaðið
ÚTLIT er fyrir góða beijasprettu í
Mjóafírði, bæði krækiber og aðalblá-
ber. Aðalbláberin eru sætari og betri
nú en í fyrra þar sem sumarið hefur
verið hlýtt. Ferðalangar á leið tii
Mjóafjarðar eru farnir að skreppa út
í móa og tína upp í sig.
Lítil sem engin beijaspretta er á
Borgarfirði eystri, ekki nema á svæð-
um þar sem snjór hafði legið lengst
yfir. Sama er víðar á Fljótsdalshér-
aði, vísar hafa ekki náð sér á strik
og spurning hvort kalt vor og miklir
þurrkar í sumar eigi sök á því.
Hrútaber eru farin að roðna í
Hallormsstað og verður nóg af þeim
þegar þau verða tilbúin til tínslu seint
í ágúst- og byijun september.
Reykhólahreppi, Morgunblaðið
BLÓMGUN krækibeijalyngs var
með albesta móti í vor og svo var
einnig um aðalblábeijalyng. Hins
vegar gæti það dregið eitthvað úr
þroska hve mörg blóm voru á hveiju
lyngi.
Eftir um 10 daga ætti beija-
spretta að vera orðin góð en auðvit-
að fer það allt eftir tíðarfari hve
berin þroskast hratt. Krækiberin
eru orðin svört en þau eru ekki
orðin nógu safamikil ennþá.
Berja-
uppskera
frekar lítil
Blönduósi, Morgunblaðið
BERJASPRETTA í nágrenni
Blönduóss er ekki meiri en í meðal-
lagi að sögn kunnugra. Astæðuna
telja menn vera kuldatíð þegar
blómgun lyngsins stóð sem hæst.
Beijaland sem hér um ræðir er
í Vatnahverfi, Röðli og í svokall-
aðri Kúagirðingu. Að sögn við-
mælenda Morgunblaðsins gerðu
þeir sér von um góða berjaupp-
skeru miðað við hagstætt veðurfar
allan júlímánuð. Þess ber þó að
geta að sögn heimildarmanna að
kalt var þegar blómgun beija-
lyngsins stóð sem hæst og ræður
það mestu hvernig staðan er í dag.
-----♦ -------
Börnin orð-
in berjablá
Borgarnesi, Morgunblaðið.
BÖRNIN í Borgarnesi urðu fyrst
beijablá fyrir nokkrum vikum síð-
an en fullorðna fólkið telur rétt
að bíða í um viku enn áður en það
hefur beijatínslu.
í Borgarfirði eru krækiber víða
orðin vel sprottin og töluvert af
þeim víðast hvar. Sums staðar er
jafnvel „allt svart“ eins og einn
viðmælenda Morgunblaðsins í
Norðurárdal orðaði það. Af blá-
beijum virðist einnig ætla að verða
töluvert en var fólk sammála um
að þau ættu lengra í land.
Lítið er af aðalblábeijum í Borg-
arfirði, helst uppi á afréttum og
„þangað nenna fáir að fara eftir
beijum" eins og kona í Hítardal
orðaði það. Voru viðmælendur
sammála um að það hefði viðrað
mjög vel fyrir beijasprettu í sumar
og þá hefði vorið einnig verið gott.
Berjaspretta er með
því besta sem gerist
Apótekarafélag íslands um lyfsöluleyfi dýralækna
Fái með sér lyf í vitjanir
í ATHUGASEMD Apótekarafélags
íslands við frumvarp til núgildandi
lyfjalaga er m.a. lagt til að apótek
geti séð dýralæknum fyrir lyfjum í
vitjanir, líkt og viðgangist víða á
landsbyggðinni, þar sem samstarf sé
milli heilsugæslulækna og apóteka
um svonefnda vakttösku sem er eign
apóteksins en læknar nota í vitjun-
um. Fyrir þetta greiddu apótekin
þjónustugjald sem ákveðið væri af
lyfjagreiðstunefnd. Með þessu móti
gætu bændur hafið meðferð strax
með lyfjum sem þeir fengju afhent
af dýralækni en síðar send frá apó-
tekinu lyf til framhaldsmeðferðar.
Apótekarafélagið minnir á at-
hugasemdina í fréttatilkynningu.
Fram kemur að félaginu þyki lögin
í heild illa unnin og að mörgu leyti
afleit, „. . . og segir það eitt meira
en mörg orð, að setja þurfti bráð-
birgðalög fyrir gildistöku þeirra.
Veik von er þó við það bundin að
þverpólitísk nefnd. . . nái að lag-
færa helstu annmarka laganna, áður
en þau koma til fullra framkvæmda
1. nóvember 1995.“
Lyf afgreidd án lyfseðils
Vitnað er í fréttatilkynningu Dýra-
læknisfélagsins frá 6. ágúst. En í
henni segir m.a.: „. . . stjóm Dýra-
læknisfélags íslands hefur hvatt fé-
lagsmenn sína til að fara að núgild-
andi lyfjalögum þó þau séu erfið fyr-
ir alla aðila í framkvæmd og treystir
stjómin því að lyfsalar virði reglur
um lyfseðlaskyldu dýralyfja ekki síst
með tilliti til hollustu íslenskra land-
búnaðarafurða."
Apótekarafélagið segir að orðin
megi skilja sem svo að dýralæknar
efist um að apótekarar fari eftir sett-
um reglum. Stjóm Apótekarafélags-
ins vill koma á framfæri að henni er
kunnugt um að í a.m.k. einu héraði
hafí verið afgreidd lyfseðlaskyld dýra-
lyf til bænda án lyfseðils útgefnum
af dýralækni. Hafí það verið gert að
beiðni yfirdýralæknis og i samráði við
héraðsdýralækni annars héraðs þar
sem ekki hafí fengist dýralæknir til
að gegna starfí héraðsdýralæknis við-
komandi héraðs. Þessi beiðni hafi
ekki verið afturkölluð.
í niðurlagi segir að Apótekarafélag
íslands kjósi frekar viðræður og sam-
start en ritdeilur. Það eitt geti leitt
til þess að markmið laganna „að
tryggja eftir föngum gæði og öryggi
lyfja og lyfjaþjónustu" verði náð,
bæði fyrir menn og málleysingja.
Laugavegi 41
Sími 13570
Skóverslun Þórðar
Kirkjustræti 8
Sími 14181
Fiske-safnið við Cornell-háskóla
*
Islensku
bækurnar eru í
góðum höndum
Nýlega heimsóttu
þeir Einar Bene-
diktsson, sendi-
herra, og Kristján Karls-
son, rithöfundur, bóka-
safn Cornell-háskólans í
íþöku í New York-ríki.
Þar er að finna Fiske-
safnið, sem er þriðja
stærsta safn íslenskra
bóka, með um 37 þúsund
bindi. Safnið er kennt við
auðkýfinginn og bóka-
safnarann Willard Fiske,
sem gaf haskólanum
safnið og íjármuni til að
standa straum af umsjón
þess. Nýr bókavörður var
ráðinn til safnsins í vor
og undanfarið hefur verið
unnið að umtalsverðum
breytingum á því.
- Hvernig stóð á ferð
ykkarKristjáns tilíþöku?
Cornell-háskólinn, sem
á þetta mikla safn íslenskra bóka,
er að endurskipuleggja safnið
með athyglisverðum hættj og
hefur verið í sambandi við sendi-
ráðið í Washington, sem hefur
fylgst með endurskipulagning-
unni.
Þegar að ég fékk upplýsingar
hjá háskólanum um hvað stæði
til ráðfærði ég mig við Kristján
Karlsson, rithöfund, en hann var
á sínum tíma bókavörður við
Fiske-safnið. Hann tók við af
Halldóri Hermannssyni, sem um
áratugaskeið var bókavörður
þess og afkastamikill fræðimaður
á sviði íslenskra fræða.
Kristján var bókavörður við
Fiske-safnið þegar ég kom þang-
að árið 1951. Hann er því manna
dómbærastur á þetta safn og
hvað stæði til að gera þarna.
Háskólinn hafði mikinn áhuga
á að fá sendiherrann í Washing-
ton í heimsókn. Kristján var á
ferð um Bandaríkin og Kanada
í júní og að henni aflokinni kom
hann til Washington og fórum
við með þeim hjónum til Cornell
í lok júní.
- Hvemig var heimsóknin?
Þetta var mjög áhugaverð og
fróðleg ferð. Búið er að endur-
skipuleggja bókasafn háskólans
og þar af leiðandi Fiske-safnið,
sem nú er orðinn hluti af safni
eldri bóka. Sumar bækurnar eru
til útláns en aðrar tilheyra þeim
hluta sem almenningur fær ekki
beinan aðgang að. Allt hefur
þetta verið endurskipulagt í nýrri
bókhlöðu sem er að verulegu leyti
neðanjarðar og þar er íslenska
bókasafninu vel fyrir komið.
- Safnið er sem sagt ekki
lengur í einni heild?
Safnið er enn ein heild, en það
er ekki verið að klessa bókunum
hverri ofan í aðra, enda hefur
það enga sérstaka þýðingu. Allt
bókasafnið er aðgengilegt út frá
tölvuskrám sem eru notaðar til
að ná í bækurnar.
Það sem að skiptir mestu máli
er ekki hvar þessum bókum er
raðað niður í hillur heldur hvern-
ig hægt er að auka notagildi
þeirra í framtíðinni.
- Hvernig verður það gert?
Ætlunin er að tölvuvæða
bókasafnið og gera það tölvutækt
í gagnagrunnum og gagnanet-
um. Fyrst verða bókaskrárnar
gerðar tölvutækar en síðar verð-
ur texti bókanna skannaður inn,
þannig að hægt verður að slá
Einar Benediktsson
►Einar Benediktsson, sendi-
herra, er fæddur þann 30.
apríl árið 1931. Hann lauk
stúdentsprófi frá Menntaskól-
anum í Reykjavík árið 1950,
BA-prófi í hagfræði frá Col-
gate University í Bandarikjun-
um árið 1953 og MA-prófi í
alþjóðafræðum frá Fletcher
School of Law and Diplomacy
í Boston árið 1954. Einar lagði
stund á framhaldsnám í hag-
fræði við London School of
Economics og Háskólann í
Torino á Ítalíu árin 1954-56.
Hann hefur gengt ýmsum
störfum fyrir Islands hönd,
m.a. verið deildarstjóri í efna-
hagsmálaráðuneyti, viðskipta-
ráðuneyti og utanríkisráðu-
neyti. Hann var skipaður
sendiherra í Genf árið 1970, í
París árið 1976, í London árið
1982, í Brussel árið 1986, í
Osló árið 1991 og hefur nú
verið sendiherra Islands í Was-
hington D.C. frá því í sept-
ember 1993.
þeim upp í gaguagrunnum. í
þetta er verið að eyða 1,6 milljón-
um Bandaríkjadala. (110 milljón-
ir íslenskra króna) og munu
menningarsjóðir í Washingtor
D.C. og háskólinn sjálfur fjár-
magna þær.
A þennan hátt er þetta safr
að verða upplýsingaveitan um
íslenskar og forníslenskar bók-
menntir um heim allan. í gegnum
gagnagrunna, eins og til dæmis
Internet, verður hægt að fá að-
gang að þessum upplýsingum.
- Hvernig Ieist ykkur Kristján
á þessar framkvæmdir?
Þegar við Kristján höfðum
numið þetta allt fögnuðum vic
því mjög. Það þarf enginn ac
hafa áhyggjur af því að þessc
bækur séu ekki vel geymdar. Þæi
eru betur geymdar en nokkri
sinni fyrr. Aðalatriðið er að ní
er hægt að nota þær meira og
þær koma meira að gagni fyríi
íslenska menningu og norrær
fræði en áður.
íþaka er dálítið út úr alfara-
leið í Bandaríkjunum og í heimin-
um, en það skiptir ekki máli
þessum nýja heimi tölvuvæðing-
arinnar. Fiske-safnið hlýtur
framtíðinni að verða mjög leið-
andi bókasafn fyrir þá sem hafi
áhuga á íslenskum fræðum vest
anhafs og kannski víðar.