Morgunblaðið - 08.09.1994, Blaðsíða 16

16 FIMMTUDAGUR 8. SEPTEMBER 1994
MORGUNBLAÐIÐ
ERLEIMT
Fulltrúi Egyptalands harðorður á Kaíró-ráðstefnu
Páfagarður sakaður
um
Kaíró. Reuter.
GESTGJAFAR mannfjöldaráð-
stefnu Sameinuðu þjóðanna í Kaíró,
Egyptar, sökuðu í gær fulltrúa
Páfagarðs um að vilja ráðskast með
umheiminn. „Við virðum Páfagarð,
við virðum páfann en við sættum
okkur ekki við að nokkur þröngvi
skoðunum sínum upp á aðra. Ef
þeir ætla ekki að semja um málin
hvers vegna komu þeir þá?“ spurði
Maher Mahran er fer með fólks-
fjölgunarmál í stjóm landsins. Páfa-
garður er nú í fararbroddi fáeinna
kaþólskra ríkja, einkum í Rómönsku
Ameríku, sem neita að samþykkja
málamiðlun er náðist á þriðjudag
um fáeinar setningar í 114 blað-
síðna yfirlýsingu ráðstefnunnar.
Umrædd ríki vilja kveða skýrar á
um bann við því að fóstureyðingar
verði notaðar sem ráð við ofijölgun.
Mahran sagði Egypta vilja leyfa
fóstureyðingar eingöngu í þeim til-
vikum er líf móður væri í hættu.
Hann réðst á bókstafstrúarmenn
múslima sem hafa gagnrýnt ráð-
stefnuna harðlega fyrir meintan
stuðning lokaskýrslunnar við fóst-
ureyðingar og lauslæti. Hann sagði
að þeir hefðu ekki einu sinni lesið
skýrsluna. Einhveijum hefði allt í
einu dottið í hug að segja að ráð-
stefnan væri siðlaus. „Síðan höfum
við leyft öllum sem vilja ráðast á
þróun, fjölskylduáætlanir og an'nað
gott að Ieika hér lausum hala...
Það hefur sljákkað nokkuð í þeim
núna, þeir eru að ná lendingu, von-
andi ekki brotlendingu".
Aróðursstríð
Fulltrúar á ráðstefnunni rekast
hvarvetna á áróðursspjöld hópa,
annars vegar þeirra sem vilja banna
allar fóstureyðingar og telja fóstrið
eiga að njóta mannréttinda alveg
frá getnaði, hins vegar hópa sem
ósveigjanleika
^ Reuter
KYNNINGARBÁSAR tveggja hópa sjást hér hlið við hlið á svæði þar sem frjáls félagasamtök halda
fundi sína á Kaíró-ráðstefnunni. Annar er hlynntur rétti til fóstureyðinga, hinn á móti.
vilja leyfa konum að ákveða sjálfar
hvort þær vilji fóstureyðingu. Marg-
ir vilja að aðgerðin sé kostuð af
ríkinu; fátækt eigi ekki að stjórna
valinu.
Daginn fyrir ráðstefnuna hvatti
Nafis Sadik, stjórnandi hennar,
fréttamenn til þess að líta ekki á
atburðinn sem fund um fóstureyð-
ingar, þá myndu þeir láta eitt eða
tvö deiluefni skyggja á megin-
markmiðið sem var að fjalla um
offjölgun í heiminum og ráð við
henni. Viðvörunarorð Sadiks hafa
ræst.
Tillitssöm ráðgjöf
í síðustu útgáfu væntanlegrar
lokayfirlýsingar er því skýrt vísað
á bug að fóstureyðingar geti verið
þáttur í fjölskylduáætlunum er hafa
að markmiði að draga úr offjölgun.
Aðildarríkin eru hvött til að sinna
vanda þeirra kvenna sem láta eyða
fóstri án þess að allrar varúðar sé
gætt og læknishjálp sé viðunandi.
Ríkin eru einnig hvött til þess að
efla fjölskylduáætlanir til þess að
dregið verði úr fóstureyðingum.
Leggja verði þunga áherslu á að
koma í veg fyrir óæskilega þungun
og konur eigi að hafa aðgang að
vandaðri og tillitssamri ráðgjöf.
Páfagarður, sem einnig berst
gegn getnaðarvörnum, vill að bætt
verði við setningu þar sem segir
að ekkert í lokaskjalinu megi skilja
sem svo að verið sé að „lögfesta á
alþjóðlegum vettvangi réttinn til
fóstureyðinga". Bandaríkin og fleiri
ríki fullyrða að andstöðuríkjuunum
hljóti að að nægja að láta bóka
andstöðu sína við ákveðna hluta
skjalsins, þ.e. setningar þar sem
vikið er að fóstureyðingunm.
Bretland
Vilja þjóð-
aratkvæði
um forseta
Lundúnum. The Daily Telegraph.
UNGLIÐAHREYFING Frjálsra
demókrata í Bretlandi hefur lagt
til að efnt verði til þjóðaratkvæðis
um hvort leggja beri konungdæm-
ið niður eftir daga Elísabetar
drottningar og kjósa forseta, sem
ekki hafí framkvæmdavald.
Tillaga ungliðanna verður rædd
á flokksþingi Fijálsra demókrata
eftir tíu daga._ Tillagan olli upp-
námi innan Ihaldsflokksins og
Verkamannaflokksins og nokkrir
þingmenn þeirra sögðu tillöguna
til marks um að Fijálsir demó-
kratar væru „á villigötum".
Charles Kennedy, forseti Fijáls-
lyndra demókrata, kvaðst ekki
vera hlynntur því að konungdæm-
ið yrði afnumið en sagði rétt að
ræða þetta mál vegna fréttaflutn-
ingsins að undanförnu um
hneykslismál barna drottningar-
innar.
Umræðan á meðal Frjálsra
demókrata er sögð sýna þann
skaða sem hneykslismálin hafa
valdið konungdæminu.
Reuter
Hlé gert á
viðræðum
HLÉ var gert á viðræðum
Bandaríkjamanna og Kúbu-
manna um málefni flóttamanna
frá Kúbu. Var það gert til þess
að aðalsamningamaður Kúbu,
Ricardo Alarcon, gæti snúið
heim til þess að ráðfæra sig
við stjórnvöld í Havana um
framhald samninganna. Búist
er jafnvel við að viðræður, sem
liófust sl. fimmtudag í Was-
hington, verði hafnar að nýju
á morgun eða laugardag.
Warren Christopher utanríkis-
ráðherra Bandaríkjanna sagði
að viðræðurnar hefðu til þessa
verið gagnlegar og einungis
væri um að ræða stutt hlé en
ekki snurðu. Hermt er að enn
sé hyldýpisgjá milli sjónar-
miða. Bandaríkjamenn hafa
boðist til að veita allt að 20.000
Kúbumönnum landvist á ári
gegn því að stjórnin í Havana
stöðvi flóttamannastraum frá
landinu. Myndin var tekin í gær
af fyrstu flóttamönnunum sem
flogið var með til búða í banda-
rískri herstöð í Panama. Ætl-
unin er að flytja þangað allt
að 10.000 Kúbumenn sem dvelj-
ast nú í Guantanamo-herstöð-
inni á Kúbu.
10.000
látnir í
Alsír
FORSETI Alsír, Liamine
Zeroual, sagði í gær að um
10.000 manns hefðu látið lífið
í óöldinni í landinu á síðustu
2'h ári. Það er mun meira en
áður hefur verið sagt frá opin-
berlega. Yfirvöld reyna nú að
semja við öfgasinnaða músl-
ima um frið í landinu.
Skattur g,eg,n
tannlæknum
ÍTÖLSK skattayfírvöld hafa
nú ákveðið að beina spjótum
sínum að tannlæknum í bar-
áttu sinni gegn skattsvikum.
Áætlað er að heiidar tekjutap
ítalska ríkisins af völdum
skattsvika nemi um 100 tril-
ljónum líra (4500 milljarðar
króna) á ári. Ekki var gefin
nein skýring á því hvers vegna
tannlæknar er teknir fram yfir
t.d. stjórnmálamenn og endur-
skoðendur.
Dauðalisti
glæpamanna
ÁSTRALSKUR stjórnmála-
maður er nú í felum eftir að
hann lýsti því yfir að morð á
starfsbróður hans í vikunni
hefði verið af pólitískum or-
sökum en ekki tengt asískum
glæpasamtökum eins og talið
hefur verið. Um væri að ræða
pólitíska valdabaráttu glæpa-
foringja frá Víetnam. Segist
stjórnmálamaðurinn vera
næstur á dauðalistanum.
Hæstir skattar
í Lúxemborg
ÞRÁTT fyrir að Danir greiði
hæstu skattana og að Frakkar
verði að láta mest af hendi til
félagsmála greiða Lúxem-
borgarar hins vegar hæsta
heildarskatta, beina og óbeina.
Námu þeir 52,7% af innan-
landsframleiðslu á síðasta ári.
Lægstir eru heildarskattar í
Bretlandi, 31,9%.
PLO-lögregla
gegn Jihad
PALESTÍNSKA lögreglan
stendur nú fyrir fjöldahand-
tökum á öfgasinnuðum mú-
slimum í Jihad-samtökunum,
sem myrtu ísraelskan her-
mann í vikunni. Eru handtök-
urnar tilkomnar vegna þrýst-
ings ísraelskra yfirvalda. Tals-
menn Jihad segja að hinir
handteknu séu ekki skæruliðar
heldur úr stjórnmálaarmi sam-
takanna en 49 manns hafa
verið handteknir.
Asakanir um
samstarf við
kommúnista
HELMUT Kohl, kanslari
Þýskalands, og Rudolf Scharp-
ing, leiðtogi sósíaldemókrata,
deildu í gær hart á þýska þing-
inu og sökuðu hvorn annan
um óviðurkvæmilegt makk við
austur-þýska kommúnista.
Sakaði Kohl Scharping um að
ætla að mynda stjórn með
stuðningi afturbatakommún-
ista. Scharping sagði flokk
Kohls hins vegar hafa innlimað
austur-þýska kristilega demó-
krata, þrátt fyrir að stuðning
þeirra við stjórn kommúnista.