Morgunblaðið - 22.11.1994, Blaðsíða 48

MORGUNBLAÐIÐ, KRINGLAN 1 103 REYKJAVÍK
SlMI 691100, SÍMBRÉF 691181, PÓSTHÖLF 3040 / AKUREYRI: HAFNARSTRÆTI 85
ÞRIÐJUDAGUR 22. NÓVEMBER 1994
VERÐ í LAUSASÖLU 125 KR. MEÐ VSK
Áhrif verkfalls sjúkraliða á starfsemi sjúkrahúsanna
Starfsfólk víða 30-50%
færra en venjulega
Nýjarjóla-
skreytingar í
miðbænum
AU STURSTRÆTI og Hafnar-
stræti hafa verið settar upp nýjar
jólaskreytingar. Leitað var tií-
boða í skreytingarnar og reynd-
ist hagstæðasta boð koma frá
Þýskalandi. Að sögn Garðars
Lárussonar deildarstjóra hjá
Rafmagnsveitu Reykjavíkur er
kostnaður vegna jólalýsingar í
miðbænum yfir hátíðarnar 5,5
milljónir. Um er að ræða lýsingu
í Austurstræti, Hafnarstræti,
Ingólfstorgi, Vonarstræti,
Kirkjutorgi, Lækjargötu, Banka-
stræti, Laugavegi að Hlemmi og
Skólavörðustíg. Gert er ráð fyrir
að allar skreytingar verði komn-
ar upp fyrir 27. nóvember en
'v jólatrén verða sett upp síðar.
Eins og allir vita hefur pósthúsið
fengið nýjan lit, sem mun njóta
sín sérlega vel í jólamánuðinum.
MIKILLAR þreytu er farið að gæta
meðal starfsfólks spítalanna vegna
þess ástands sem skapast hefur í
kjölfar verkfalls sjúkraliða sem nú
hefur staðið í eina og hálfa viku.
Álag á hjúkrunarfræðingum og
öðru starfsfólki á öldrunardeildum
hefur aukst mikið, og á mörgum
deildum er 30-50% færra starfsfólk
en venjulega. Starfsfólk á þeim
deildum þar sem dregið hefur verið
úr starfsemi hefur verið flutt yfir
á öldrunardeildir eða þangað sem
álagið er mest.
Að sögn Kristínar Á. Guðmunds-
dóttur, formanns Sjúkraliðafélags-
ins, hefur nokkuð verið um að
Fimmtungi
sjúkrarúma hefur
verið lokað
hjúkrunarfæðingar gangi í störf
sjúkraliða, en hins vegar hefði ekki
verið mikið um að Sóknarkonur
gangi í störf þeirra.
Rúmlega fimmtungi
rúma lokað
Yfír fímmtungi allra sjúkrarúma
á Ríkisspítölunum og Landakotsspít-
ala hefur verið lokað vegna verk-
fallsins. Deildum hefur verið lokað
og dregið úr innlögnum og aðgerð-
um, og eru nú nánast engar bæklun-
araðgerðir gerðar á Landspítalan-
um. Á Ríkisspítölunum hefur 120
rúmum verið lokað, á Borgarspítal-
anum 67 rúmum og á Landakoti
hefur 27 rúmum verið lokað.
Ekkert miðað í
samkomulagsátt
Samninganefndir ríkisins og
Sjúkraliðafélagsins hafa rætt sam-
an næstum daglega síðan verkfallið
hófst, en nær ekkert hefur miðað
í samkomulagsátt.
■ Yfir fimmtungi allra/25
Börn yngri en 16
Greiddu
44 millj.
í skatta
ÁLAGNING tekjuskatts og út-
svars á böm innan 16 ára nam
44 milljónum króna á þesp
ári. Skattskyldar tekjur þess-
ara bama námu tæpum 730
milljónum króna.
Þetta kom fram hjá Friðrik
Sophussyni fjármálaráðherra á
Alþingi í gær í svari við fyrir-
spum frá Guðrúnu Helgadótt-
ur, ■ þingmanni Alþýðubanda-
lagsins. Friðrik sagði að um
10.100 böm undir 16 ára hefðu
greitt tekjuskatt og útsvar í
ár og því greitt að jafnaði unj
4.400 krónur í skatt af um 72
þúsund króna tekjum.
y J

Morgunblaðið/Sverrir
Rekstur Samskipa hf. hefur gengið
betur en áætlað var
Gert ráð fynr
hagnaði í ár
REKSTUR Samskipa hf. hefur að
undanförnu gengið betur en áætl-
anir forsvarsmanna félagsins gerðu
ráð fyrir í haust, samkvæmt upplýs-
ingum Ólafs Ólafssonar, forstjóra
Samskipa. Áætlanir nú gera ráð
fyrir einhveijum hagnaði, en ekki
50 milljóna króna tapi, eins og
áætlað hafði verið, og jafnvel um-
talsverðum hagnaði þegar sölu-
hagnaður skipa bætist við. Ólafur
vildi ekki staðfesta þessar upplýs-
ingar Morgunblaðsins.
Hvassafell selt
Ólafur sagði í samtali við Morg-
unblaðið að reksturinn sjálfur gengi
nú betur en á fyrri hluta þessa árs
og í fyrra, en vildi engar tölur nefna
í þeim efnum.
Skip félagsins, eins og Hvassa-
fell og Helgafell, eru mun meira
virði en bókfært verð þeirra segir
til um. Sala á Hvassafellinu er nú
á lokastigi. Kauptilboð hefur borist
frá Noregi, sem Samskip telja gott,
samkvæmt upplýsingum Morgun-
blaðsins, en ekki hefur verið gengið
endanlega frá sölunni.
Einnig kemur til greina að selja
Helgafellið, samkvæmt upplýsing-
um Morgunblaðsins, því félagið
þarf að fara að endurskoða skipa-
kost sinn. Ef það verður gert, áætla
menn einnig umtalsverðan hagnað
af þeirri sölu, þannig að söluhagn-
aður beggja skipanna legðist, við
þann hagnað sem forsvarsmenn
fyrirtækisins eygja vegna betri
rekstrarafkomu.
Tölvuleikir sett-
ir undir eftirlit
Frumvarp um
bann við ofbeldis-
kvikmyndum lagt
fram í gær
SAMKVÆMT frumvarpi um skoð-
un kvikmynda og bann við ofbeldis-
kvikmyndum, sem lagt var fram á
Alþingi í gær, verður menntamála-
ráðherra heimilt að setja sérstakar
reglur um skoðun tölvuleikja.
Nefnd í stað eftirlits
í frumvarpinu kemur fram að
talsvert hafi færst í vöxt að tölvu-
leikir innihaldi umtalsvert ofbeldi
sem kunni að vera börnum og ung-
lingum háskalegt, ekki síst þar sem
gert er ráð fyrir virkri þátttöku
,þeirra í leiknum.
Lagafrumvarpinu er ætlað að
leysa af hólmi núverandi lög um
bann við ofbeldiskvikmyndum og
lagaákvæði um skoðun kvikmynda
til að að meta sýningarhæfi þeirra
fyrir börn. Gert' er ráð fyrir skipan
sex manna kvikmyndaskoðunar-
nefndar, sem leysi núverandi Kvik-
myndaeftirlit af hólmi. Nefndin
skoði allar kvikmyndir sem ætlaðar
eru til sýningar og dreifingar hér-
lendis og meti hvört kvikmyndin sé
ofbeldismynd í skilningi laganna og
hvort kvikmyndin sé við hæfi barna.
Samkvæmt frumvarpinu eru of-
beldiskvikmyndir myndir þar sem
sérstaklega er sóst eftir að sýna
hvers kyns misþyrmingar eða
hrottalegar drápsaðferðir á mönn-
um og dýrum.
Sjónvarpsstöðvar eiga sam-
kvæmt frumvarpinu að annast sjálf-
ar skoðun kvikmynda sem þær
ætla að sýna, að höfðu samráði við
Kvikmyndaskoðunarnefnd.
Verð sjávarafurða hækkar áfram á mörkuðum erlendis
Hækkun j afngildir
2 milljörðum á ári
VERÐ á sjávarafurðum heldur
áfram að hækka á erlendum mörk-
uðum og nemur hækkunin 1,7%
milli mánaðanna október og nóvem-
ber. Meðalverðið hefur þá hækkað
um rúm 4% á tveimur mánuðum
og er orðið 5,7% hærra en það var
um áramótin og 2,5% hærra en að
meðaltali í fyrra mælt í mynteining-
unni SDR. Reiknað er með að heild-
arverðmæti útflutts sjávarfangs á
þessu ári nemi 81 milljarði kr. og
jafngildir hækkunin frá meðalverði
síðasta árs því tveimur milljörðum
kr. í auknum útflutningstekjum á
heilu ári og hækkunin frá áramót-
um jafngildir 4,5 milljörðum í aukn-
um útflutningstekjum á heilu ári.
Vísbendingar um frekari
hækkanir
Þórður Friðjónsson, forstjóri
Þjóðhagsstofnunar, sagði í samtali
við Morgunblaðið að á síðustu mán-
uðum hefði verð á flestum sjávaraf-
urðum okkar hækkað. Rækja hefði
verið fyrst til að hækka og hefði
hækkað langmest, en nú hefðu
botnfiskafurðir einnig hækkað,
einkum sjófrystar afurðir. Hann
sagði að þetta benti til þess að verð-
lag á sjávarafurðum væri almennt
að treysta sig í sessi og flestar vís-
bendingar gæfu til kynna að frek-
ari verðhækkanir væru framundan.
Aðspurður um hvaða áhrif það
hefði á þjóðartekjurnar ef loðnu-
veiði yrði minni en ráð var fyrir
gert, sagði Þórður of snemmt að
draga ályktanir af fregnum um
ástand loðnustofnsins, enda hefðu
fískifræðingar bent á að það væri
langt í frá að það væri fullrannsak-
að mál. Gert væri ráð fyrir að á
þessu ári skiluðu loðnuafurðir þjóð-
arbúinu 11 milljörðum króna. Hins
vegar væri flókið mál að sundur-
gi-eina hvaða áhrif minni loðnuveiði
hefði. Það færi til dæmis eftir því
hvernig loðnufrysting gengi og
hvort hún gengi eins vel og á síð-
asta ári, en yfir 30% af tekjunum
í ár væru vegna loðnufrystingar.