Morgunblaðið - 22.11.1994, Blaðsíða 2

Morgunblaðið - 22.11.1994, Blaðsíða 2
2 ÞRIÐJUDAGUR 22. NÓVEMBER 1994 MORGUNBLAÐIÐ FRETTIR Eigandi Atlanta að loknum samningnm við Félag íslenskra atvinnuflugmanna Endurmat á stöðu fyrir- tækisins nauðsynlefft SAMNINGAR tókust milli flugfé- lagsins Atlanta og Félags íslenskra atvinnuflugmanna aðfaranótt sunnudags og hefur verkfalli fé- lagsins verið aflýst. Arngrímur Jó- hannsson, eigandi Atlanta, segir að það sé léttir að samningur sé í höfn, en hann þurfi að endurmeta viðskiptalega stöðu fyrirtækisins í ljósi hans. Tryggvi Baldursson, for- maður FÍA, segir að niðurstaðan sé ásættanleg fyrir félaga í FÍA og hann muni leggja áherslu á það á næstunni að sameina félög flug- manna. Tryggvi sagði að það sem hefði leyst deiluna að lokum væri að menn hefðu mætt á fundinn um helgina með jákvæðara hugarfari og meiri samningsvilja en áður. Aðalkrafa þeirra um að félagsmenn í FÍA hefðu jafnan rétt til vinnunn- ar á við aðra flugmenn Atlanta að teknu tilliti til verkefnastððu fé- lagsins og starfsaldurs flugmanna hefði náðst fram. Stéttarfélagið hafi notað þær vinnureglur í sam- Skoða möguleika á að sameina félög flugmanna, segir formaður FÍ A bandi við ráðningar og uppsagnir. Það gilti hjá öllum viðsemjendum félagsins, en það sem hefði skekkt þá mynd um tíma hefði verið sú trú sumra að . forgangsréttarákvæðið hefði áhrif á þá vinnureglu. Það myndi ekki gerast. Þokkalega sáttír Hann sagði að þeir væru þokka- lega sáttir með niðurstöðu samning- anna, en það væri auðvitað þannig í samningunum að sjaldnast væri það niðurstaðan að annar aðilinn fengi öllu sínu framgengt. Aðspurð- ur um hvaða lærdóm mætti- draga af þessari deilu og því að stofnað hefði verið nýtt stéttarfélag sagði hann að hann þyrfti þess kannski síður en margir aðrir. „Við höfum upplifað þetta í FÍA. Félagið klofn- aði einu sinni og það kom strax í Ijós að hagsmunum flugmanna er miklu betur borgið í einu stéttarfé- lagi heldur en fleirum. Ég mun leggja á það áherslu á næstunni að vera í sambandi við forsvarsmenn Frjálsa flugmannafélagsins og skoða m^jguleika á því að sameinast aftur í einu félagi." Hreyfanleikinn að baki Arngrímur, Jóhannsson sagði að sá samningur sem gengið hefði ver- ið frá um helgina væri nokkurn veginn samhljóða því sem legið hefði fyrir fyrsta daginn. Það hefði verið farið fram á miklu meira í upphafi, en allt frá fyrsta degi hefði legið á borðinu að flugmennirnir kæmu inn á sinn stað. Forgangsréttarákvæðið stæði eins og það væri og mennirn- ir kæmu inn í sín sæti með leyfí Frjálsa flugmannafélagsins. Arngrímur sagði að það frjálsa umhverfi sem félagið hefði búið við og sá hreyfanleiki sem það hefði haft og fengið mikið lof fyrir væri að baki. Sá möguleiki að geta brugð- ist við beiðni um flugvél og áhöfn með jafnvel dags fyrirvara í tak- markaðan tíma einsog Atlanta hefði getað gert væri horfinn, en sá mark- aður hefði verið félaginu mjög mikil- vægur á undanförnum árum. Kerfíð sem væri við lýði hér á landi virkaði ekki í atvinnurekstri eins ög Atlanta hefði stundað. Allt yrði miklu stirð- ara en félagið þyrfti sveigjanleika. „Ég verð að laga míg að breyttu umhverfi héðan í frá. Það liggur í augum uppi að ég verð að endur- skoða alla starfsemina eftir þetta," sagði Arngrímur. Varðandi það hvort enn væru uppi fyrirætlanir um að flytja starfsemina út fyrir landsteinana, sagðist hann skoða alla möguleika. Ef hægt væri að koma sér beíur fyrir annars staðar væri það ekki heilagt að vera hér- lendis þó hér væri gott að vera. Þetta yrði að meta alfarið á grund- velli viðskiptahagsmuna. Kvennadeild Landspítalans Fleirbur- um fjölgar ÚTLIT er fyrir að fæðingar á kvennadeild Landspítalans verði um 2.900 á árinu eða ríflega 200 færri en árið 1993 þegar fæðingar voru samtals 3.129. A árinu hefur fleir- burum fjölgað miðað við liðið ár og hafa þegar fæðst fernir þríburar og von er á fleirum fyrir árslok að sögn Guðrúnar Bjargar Sigurbjörnsdóttur yfirljósmóður. „Miðað við sama tíma í fyrra hafa fæðst fleiri tvíburar á þessu ári og er það áframhaldandi aukning miðað við fyrri ár," sagði Guðrún. „Fjölgun fleirbura tengist góðum árangri í glasafrjóvgun." í tímaritinu Heilbrigðismál, kem- ur fram að á árinu 1993 voru fæð- ingar 4.578 á öllu landinu eða jafn margar og árið 1992. Hins vegar fæddust 4.649 börn. Tvíburar voru 63 og fjórir þríburaf. Fæðingardeild- in er með stærri fæðingarstöðum á Norðurlöndum. Um 68% fæðinga á landinu voru á deildinni miðað við 54% fyrir tíu árum. Morgunblaðið/Baldvin Jónsson ÍSLENSKU. landsliðsmennirnir að störfum í eldhúsimi í Lúxemborg í gær. Tæplega f ertugur mað- ur lést í umferðarslysi ÞRJÁTÍU og níu ára gamall maður, Sveinn R. Brynjólfsson lést í umferðarslysi skammt norðan Akureyrar á laugardag. Slysið varð með þeim hætti að tveir bílar rákust saman á þjóðveginum á móts við bæinn Sólborgar- hól í Glæsibæjar- hreppi, rétt við félágs- heimilið Hlíðarbæ. Öðrum bílnum var ekið í átt frá Akureyri í norður, hann snerist á veginum en mikil hálka var og krapi Sveinn R. Brynjóifsson. þegar slysið átti sér stað. Sveinn ók bílnum sem kom úr gagn- stæðri átt á leið í bæinn. Talið er að hann hafí látist samstundis. Ökumaður hins bílsins slasaðist lítillega. Sveinn var fæddur árið 1955 í Ólafsfírði. Hann var til heimins að Fögrusíðu 15a á Akureyri. Hann lætur eftir sig eiginkonu og þrjú börn. Hann starfaði ötul- lega innan Knatt- spyrnufélags Akur- eyrar og var í mörg ár í stjórn knatt- spyrnudeildar KA, þar af formaður 1991-'92 og sat í stjórn er hann lést. Hann var fulltrúi KA í Knattspyrnuráði Akureyrar og hafði umsjón með margvi'slegri starfsemi innan fé- lagsins. Hann starfaði á skipulags- deild Akureyrarbæjar. Gullverðlaun íyrir heitu réttina ÍSLENSKT landslið í matreiðslu vann til gullverðlauna í gær í al- þjóðlegri matreiðslukeppni sera haldin er í Lúxemborg. Keppnin heitir „Culinary World Cup" og segir Ulfar Finnbjornsson, fyrir- liði, að þetta sé í fyrsta skipti sem íslendingar hafi tekið þátt í þess- ari keppni. Alls taka þátt lið frá 20 löndum og fengu einungis tvær þjóðir gull í gær að sögn Úlfars. Verðlaunin voru fyrir heitan mat en á matseðli landsliðsins, sem í eru fimm matreiðslumeistarar, var humar, hörpuskel, bleikja og rauðspretta á fennelrísottó með laxahrognum og Sambucca-sósu í forrétt, léttsteikt lífrænt ræktað lambafillét með fínt skornu græn- meti, innbökuðum kartöflum og blóðbergssósu í aðalrétt og blá- berjafrauð fjallkonunnar með rabarbarasósu í eftirrétt. Sagði Úlfar í samtali við Morgunblaðið í gær að hráefnið hefðu þeir haft með sér að heiman, bæði kjöt- og fiskmetið, auk smjörs, osts, rjóma og mysu svo eitthvað sé nefnt, og hefði það vakið athygli að „sveita- mennirnir frá Islandi" kynnu að matreiða svo góða rétti úr svo góðu hráefni. Kaldir réttir á morgun Seinni hluti keppninnar fer fram á morgun og verður keppt til úrslita í matreiðslu kaldra rétta. Alls þurfa þeir að bera fram 60-70 rétti að sögn Úlfars. Hann segir loks að gefln séu verðlaun samkvæmt stigafjölda fyrir kalda rétti líkt og þá heitu og síðan fái það lið, sem flest stig hlýtur sam- anlagt fyrir báða réttina, aðal- verðlaun keppninnar. ^IKSTUTT Forsætis- ráðherra heimsæk- ir Kína DAVÍÐ Oddsson forsætisráð- herra fer í vikunni í opinbera heimsókn til Kína í boði Li Peng forsætisráðherra Kína. Heimsóknin stendur frá 27. nóvember til 3. desember og mun Davíð Oddsson eiga við- ræður við forseta Kína, for- sætisráðherra og varaforsæt- isráðherra sem er jafhfram utanríkisráðherra landsins. Með Davíð verða íförinni eiginkona hans, Ástríður Thorarensen, Ólafur Davíðs- son ráðuneytisstjóri í forsætis- ráðuneyti, Ingvi S. Ingvarsson sendiherra, Eyjólfur Sveinsson aðstoðarmaður forsætisráð- herra, Albert Jónsson deildar- stjóri í forsætisráðuneyti og Páll Sigurjónsson formaður Útflutningsráðs. Seltzer frá Islandi SELTZER-fyrirtækið hefur ákveðið að hætta rekstri gos- drykkjaverksmiðju sinnar á íslandi árið 1995 og flytja hana þá til Bretlands, að því að segir í frétt frá fyrirtæk- inu. Það segist ekki hafa getað rekið framleiðsluna með hagn- aði, frekar en tveir fyrrverandi eigendur verksmiðjunnar, en Seltzer hefur verið framleitt á íslandi síðan 1989. Fram- leiðsla á íslandi sé ákveðnum erfiðleikum bundin og ekki sé ljóst hvernig hægt sé að yfir- stíga þá í heimi þar sem sam- keppni sé mjög hörð. Afram verður hægt að framleiða gosdrykki í verk- smiðju Seltzers og munu nýir eigendur hennar hafa hug á að halda þeirri framleiðslu áfram, að sögn fyrirtækisins. Sambands; stjórn ASÍ fundar FUNDUR sambandsstjórnar . Alþýðusambands íslands hófst í gær, mánudag, en honum lýkur upp úr hádegi í dag. Á dagskrá fundarins er m.a. kynning og umræður um kjara- og atvinnumál, lífeyris- mál, viðhorfín til verkalýðs: hreyfmgarinnar og vinnu- verndarmál. Rétt til setu á sambands- stjórnarfundinum eiga um 70 fulltrúar; miðstjórn ASÍ og varamenn, fulltrúar í sam- bandsstjórn kosnir á þingi sambandsins og fulltrúar til- nefndir af aðildarsamböndum og félögum ASÍ. Til hafnar með sjúkling ÞÝSKA eftiriitsskipið Frið- þjófur kom til hafnar í Reykja- vík í gærkvöldi með 54 ára gamlan mann sem fengið hafði heilablóðfall. Maðurinn var með meðvit- und þegar komið var til lands. Hann var fluttur á Landspítal- ann.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.