Morgunblaðið - 22.11.1994, Blaðsíða 19

Morgunblaðið - 22.11.1994, Blaðsíða 19
MORGUNBLAÐIÐ ÞRIÐJUDAGUR 22. NÓVEMBER 1994 19 ERLENT Aung San Suu Kyi SÞ styðji baráttu lýðræð- isafla Manila. Reuter. ÁVARP frá Aung San Suu Kyi, leið- toga andófsmanna í Burma, var lesið upp á Asíu- og Kyrrahafsráðstefnu menningar- og þróunarstofnunar Sameinuðu þjóðanna (WCCD) á Filippseyjum í gær. I ávarpinu ræðst Suu Kyi á harð- stjórnir og hvetur Sameinuðu þjóðirn- ar til þess að leggja lið baráttu sam- taka lýðræðissinna fyrir umbótum. Corazon Aquino fyrrverandi for- seti Filippseyja las upp ávarpið, sem smyglað hafði verið frá Rangoon í Burma þar sem Suu Kyi hefur verið haldið í stofufang- elsi í fimm ár. í ræðunni sagði Suu Kyi, að þau rök harðstjórna að hagvöxtur væri mun meira aðkallandi en lýðræðis- legar umbætur væru eins og hver önnur bábilja. „Þessi afstaða er forskrift að harm- leik og hörmungum," sagði Suu Kyi. Hún gagnrýndi harðlega einnig þá röksemdafærslu að lýðræði væri vest- rænt fyrirbrigði sem væri ekki hægt að yfirfæra á þjóðir Asíu og Afríku. „Vilji Sameinuðu þjóðirnar stuðla að eðlilegri þróun ber þeim að styðja þau öfl sem leitast við að fela þjóð- inni völdin, samtökum sem stofnað er til á grundvelli lýðræðishugsjón- arinnar og munu, þegar öllu er á botninn hvolft, tryggja frið og fram- þróun," sagði í ræðunni. De Cuellar kom með ræðuna Aquino sagðist hafa fengið ræð- una frá Javier Perez de Cuellar, fyrr- verandi framvkæmdastjóra SÞ, sem nú er forseti WCCD. Að öðru leyti vildi hún ekki fjalla um hvernig ræð- an hefði komist í hennar hendur, sagðist óttast að það gæti bitnað á höfundinum. Stj ornarmy ndun dregst á Irlandi Dublin. Reuter. BERTIE Ahern, sem kjörinn var eftirmaður Alberts Reynolds forsæt- isráðherra írlands sem leiðtogi Fianna Fail, sagði í gær, að tilraun- ir til að mynda nýja stjórn myndu líklega dragast fram í næstu viku. Reynolds baðst lausnar í síðustu viku en hann hafði veitt samsteypu- stjórn Fianna Fail og Verkamanna- flokksins forystu um tveggja ára skeið. Rauf hann ekki þing til að flokkarnir gætu stokkað stjórnina upp og setið áfram við völd. Búist var við að Ahern, sem var fjármálaráðherra í ríkisstjórn Al- berts Reynolds, tæki við starfi for- sætisráðherra, enda hefur farið mjög vel á með honum og Dick Spring leiðtoga Verkamannaflokksins. Skoðanakannanir sem birtar voru í gær sýna að fylgi Verkamanna- flokksins hefur aukist verulega. Að sama skapi hefur fylgi Fianna Fail minnkað. Höfðar til allra Ahern er 43 ára, endurskoðandi að mennt. Hann er fæddur árið 1951 og hefur setið á þingi frá ár- inu 1977 eða frá því hann var 26 ára. Hann er yngsti formaður Fianna Fail frá upphafi. Ahern er sagður alþýðlegur og hann höfði að einhverju leyti til allra. Hann eigi sér fáa haturs- menn. Kunni það að hjálpa honum við að vinna sér traust norður-írskra sambandssinna sem hingað til hafa verið fullir tortryggni í garð stjórn- valda í írska lýðveldinu. Gagnrýnendur efast um að hon- um muni takast jafn vel upp og Reynolds í málefnum Norður- írlands. Til þess skorti hann þá glöggskyggni og það framsæi sem einkenndi Reynolds, svo og kjark til að taka pólitíska áhættu. Ahern er sagður ákafur en raun- sær kaþólikki. Hann er andvígur fóstureyðingum, getnaðarvörnum og hjónaskilnaði. Samt sem áður er hann skilinn að borði og sæng eftir 19 ára sambúð við konu sína, Miriam Kelly. Kenndi hann vinnuálagi um. Aung San SuuKyi Reuter Nautamyndir verndaðar KON A bendir á stóra útlínumynd af nauti án höf- uðs við veginn að Montserrat, í grennd við Barcel- ona. ÁJkveðið hefur verið að 97 slíkar myndir verði verndaðar sem þjóðartákn Spánverja og undan- þegnar lögum sem banna auglýsingaskilti á vegum við spænskar borgir. Ársþing PEN-samtakanna gagnrýnt fyrir of mikinn íburð MARGIR hafa orðið til að gagn- rýna hvernig staðið var að árs- þingi Alþjóðasamtaka rithöfunda, PEN, sem haldið var í Prag í Tékklandi fyrr í mánuðinum. Rúmlega 400 manns sátu þingið á Atrium-hótelinu, einu fínasta og dýrasta hóteli borgarinnar. í frétt í norska blaðinu Aften- posten segir að margir rithöfund- ar hafi verið óánægðir hversu mikið var lagt í þingið. Hið rétta andrúmsloft náist ekki í lúxusum- hverfi og þar að auki hafi einung- is ríku þjóðirnar efni á að senda fulltrúa á þingið en ekki ríki þriðja heimsins. Bent var á að enginn rithöfundur frá Afríku sótti árs- þingið 'að þessu sinni. Næsta árs- þing verður haldið í borginni Perth í Ástralíu og því er haldið fram að einungis vel stæðir, hvítir PEN- félagar muni hafa tök á að sækja þann fund. Ekki öllum boðið Á móti hefur þó verið bent á að Atrium hafi verið eina hótelið í Prag, sem gat hýst þing af þessu tagi, ekki bara vegna umfangsins heldur einnig nauðsynlegrar aukaþjónustu á borð við túlkun. En það er ekki aðeins skipulag ráðstefnunnar, sem hefur sætt gagnrýni. Margir rithöfundar reiddust mjög vegna móttöku er Vaclav Klaus forsætisráðherra Torvelda þátt- töku rithöfunda þriðja heimsins bauð til. Bentu þeir á að hann hefði ekki staðið nægilega vel vörð um tjáningarfrelsið og m.a. reynt að koma í veg fyrir að Sal- man Rushdie gæti sótt Tékka heim í fyrra. Þrátt fyrir það klæddu menn sig upp og héldu í boð forsætisráðherrans. Þar kom hins Vegar í ljós að boðið var ekki ætlað öllum. Ein- ungís um fimmtíu þekktustu for- setum PEN-samtaka í heiminum var hleypt inn. Þetta olli mikilli reiði þar sem ekki hefur tíðkast til þessa innan PEN að skipta mönnum upp í hága og lága. Þetta vakti á ný upp umræðu innan samtakanna um það hvern- ig standa bæri að samskiptum við stjómmálamenn. Á undanförnum árum hafa samtökin þegið fjöl- mörg boð forseta, forsætisráð- herra og borgarstjóra víðs vegar í heiminum. Margir telja þetta vera hættulega þróun þar sem samtökin verði of nátengd valdinu með þessum hætti í stað þess að viðhalda sjálfstæði sínu. Rithöf- undar eigi að vera gagnrýnendur valdhafa en ekki hirðfífl, segir í Aftenposten. Skrifræðisbákn og karlaklúbbur Þá segir að sú gagnrýni verði sífellt háværari að PEN-samtökin séu skrifræðisbákn og karlaklúb- bur sem einungis geti náð sam- stöðu um almenn málefni er eng- an styggi. Það er einungis sú nefnd samtakanna, sem sér um stuðning við fangelsaða rithöf- unda, sem sögð er sinna hlutvenri sínu með sóma. Nefndinni er stjórnað af Joanne Leedom- Ackerman, ásamt tveimur öðrum konum, og reka þær upplýsingam- iðstöð í London sem almennt er litið á sem óháða og trúverðuga. Þá hafi stofnun Alþjóðaþings rithöfunda í Strassborg fyrr á árinu gert það að verkum að PEN-samtökin þurfi nú að horfast í augu við samkeppni. Nýju sam- tök hafi það einnig að markmiði að tryggja tjáningarfrelsi og berj- ast fyrir málstað kúgaðra rithöf- unda, Hefur Alþjóðaþinginu þegar tekist að fá ýmsum málum fram- gengt. Má þar nefna óhefðbundið verkefni, sem nýtur stuðnings Evrópuráðsins, og gengur út á að fá borgir til að skjóta skjóls- húsi yfir rithöfunda á flótta. Hef- ur Strassborg þegar gert Salman Rushdie að heiðursborgara og hefur hann rétt á að heimsækja borgina hvenær sem hann æskir þess og skuldbinda þá borgaryfir- völd sig til að tryggja öryggi hans. Berlín hefur -einnig fallist á þátttöku í verkefninu og búist er við að Amsterdam og Lissabon muni einnig gera. það innan skamms. PEN-samtökin geta ekki sýnt fram á neina samsvarandi starf- semi og UNESCO, helsti styr- kveitandi samtakanna, ætlar að skera framlög-sin veruelga niður á næsta ári. Segir Aftenposten þetta mikið bak§lag fyrir samtök- in og að framtíðin sé ekki björt fyrir PEN. Bílar til sölu MMC Lancer 1600 árg. '93, 5 g., 4 d., rauöur, ek. 58 þús. Verö 1.120 þús. MMC Lancer 1500 árg. '89, 5 g., 4d., hvítur.'ek. 88 þús. Verö 680 þús. Hyundai Pony 1300, árg. '93,5 g., 4 d., blár, ek. 43 þús. Verö810þús. Landa Sport 1600, árg. '91,5 g., 3 d., rauður, ek. 40 þús. Verð 480 þús. Nissan Micra 1300, árg '94, 5 g., 5 d., grár, ek. 20 þús. Verð 860 þús. Ford station LTD, 302 EFI, árg. '86, sjálfsk,, 5 d., sæti fyrir 8, hvítur, ek. 76 þús. mfl. Verð 790 þús. Lada Samara 1500, árg. '92, 5 g., 4 d., rauður, ek. 24 þús. Verö 490 þús. Toyota Carina 2000, árg. '91, sjálf- sk., 4 d., grænn, ek. 46 þús. Verð 1.150 þús. Toyota Llte Ace diesel, árg. '92, 5 g., 4 d., vínrauður, ek. 160 þús. Verö 480 þús. Bifreiðar og landbúnaöarvélar, Suöurlandsbraut 14, s. 681200, beinn s. 814060.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.