Morgunblaðið - 11.01.1995, Blaðsíða 13
MORGUNBLAÐIÐ
MIÐVIKUDAGUR 11. JANÚAR 1995 13
LANDIÐ
Morgunblaðið/Pétur Kristjánsson
GRÝLA og hennar hyski vai' mætt á þrettándagleði Seyðfirðinga.
Veglegt hátíðahald
að baki
Seyðisfirði - Óvenju glæsileg
þrettándabrenna var á föstu-
dagskvöld á Seyðisfirði. Að
sjálfsögðu var Grýla og hennar
hyski mætt á staðinn ásamt
úrvali af púkum, álfum og öðr-
um kynjaverum.
Alfadrottning og álfakóngur
fóru fyrir blysför sem farin var
frá félagsheimilinu Herðubreið
inn að brennustæðinu. Leikfé-
lag Seyðisfjarðar hjálpaði jóla-
sveininuip að rata á staðinn.
Dansað var kringum bálið og
sungið af krafti auk þess sem
flugeldar, blys og bombur nutu
sín prýðilega í blíðviðrinu.
Þar með er jólahaldinu lokið,
en það var að öllu leyti með
veglegra móti vegna 100 ára
afmælis kaupstaðarins. Mikið
var um bíósýningar, dansleiki
og aðrar skemmtanir um hátíð-
irnar. Hinn aukni kraftur i
skemmtanahaldinu fyrir alla
aldurshópa hefur glatt bæj-
arbúa og aukið á hátíðleika
afmælisársins. Búast má við
því að ekki verði langt að bíða
þar til fleira gerist til þess að
gleðja bæjarbúa og gesti
þeirra.
Síðbúin þrettánda-
gleði í Eyjum
V estmannaeyjum - Veðurguð-
irnir voru í ham í Eyjum, eins og
víðar, á þrettándanum og ekki var
unnt að halda þrettándagleðina
sem Knattspyrnufélagið Týr sér
um fyrr en á sunnudagskvöld. Þá
mættu jólasveinar, tröll og forynj-
ur í bæinn og kvöddu Eyjamenn
á venjubundinn hátt með blysför
um bæinn og dansi á íþróttavellin-
um við Löngulág.
Suðaustan hvassviðri skall á
síðdegis á þrettándanum þannig
að gleðinni var frestað til laugar-
dags en þá var komið suðvestan
þvassviðri og því var hátíðahöld-
unum frestað til sunnudags en þá
var veðrið mjög gott. Jólasveinar
tendruðu blys sín á Hánni þar sem
haldin var mikil flugeldasýning en
síðan gengu þeir niður af fjallinu
til byggða þar sem Eyjamenn biðu
þeirra og gengu með þeim í blys-
för um bæinn. Haldið var á malar-
völlinn við Löngulág þar sem bál
var tendrað og þar dönsuðu álfar,
púkar, tröll og ýmsar forynjur að
ógleymdum hjúunum grýlu og
Leppalúða.
Kyiyaverur aldrei fleiri
Að loknum dansi á íþróttavellin-
um var farin blysför um bæinn
að sjúkrahúsinu en þaðan héldu
jólasveinarnir ásamt Grýlu og öðru
hyski til fjalla þar sem þau dvelja
til næstu jóla. Knattspyrnu'félagið
Týr sá um þrettándagleðina eins
og ávallt áður og tókst gleðin
mjög vel. Umfang hennar eykst
sífellt og alltaf fjölgar þeim kynja-
verum sem taka þátt á gleðinni.
35 tröll af ýmsum gerðum, bæði
stór og smá, tóku þátt í gleðinni.
Morgunblaðið/Sigurgeir Jónasson
ÞAÐ voru ýmsar kynjaverur
sem tóku þátt í þrettánda-
gleði Eyjabúa.
Jólasveinarnir þrettán, Grýla,
leppalúði, álfar og púkar en alls
eru á annað hundrað þátttakendur
í dansinum á íþróttavellinum.
Eyjamenn fjölmenntu að vanda á
þrettándagleðina en flestir bæj-
arbúar taka þátt í henni.
Þá færist sífellt í aukana að
fólk komi ofan af landi til að taka
þátt í þrettándagleðinni og reiknað
er með að gestir af fastalandinu
hafi skipt hundruðum, þó svo að
margir hafi þurft að halda heim á
sunnudaginn áður en hátíðarhöld-
in fóru fram þar sem ekki var
hægt að halda þau fyrr vegna
veðurhamsins.
Álfagleði
á Egils-
stöðum
Egilsstöðum - íþróttafélagið
Höttur stóð að venju fyrir blysför
og álfabrennu á Egilsstöðum.
Álfadrottning og álfakónur,
sem að þessu sinni voru þau Sig-
ríður Sigurðardóttir og Friðjón
Jóhannsson, fóru fyrir blysför-
inni og síðan var komið saman
við bálköst á íþróttavellinum og
sungin álfalög. Björgunarsveit
og Hjálparsveit skáta sáu um
flugeldasýningu.
Morgunblaðið/Anna Ingólfsdóttir
MIKILL fjöldi safnaðist saman við þrettándabrennu á íþrótta-
vellinum á Egilsstöðum.
Eftir 4 daga
kynnum við
bjóðarsáttar
samninga um
solarlandaferðir