Morgunblaðið - 27.01.1995, Blaðsíða 5

MORGUNBLAÐIÐ
FRÉTTIR
Ahugi á vikri af
Mýrdalssandi
NOKKRIR aðilar í Evrópu hafa
lýst áhuga á kaupum á vikri af
Mýrdalssandi, en ástæðan mun
vera sú að verulega er farið að
ganga á jarðefnanámur á megin-
landinu.
Að sögn Þóris N. Kjartansson-
ar, sem er einn eigenda jarðarinn-
ar Hjörleifshöfða er nær yfir
megnið af Mýrdalssandi, hefur
verið áætlað að rúmlega milljarður
tonna af vikri sé nýtanlegur af
sandinum. Þórir segir að vikurinn
þyki sérstaklega heppilegur sem
fyllingarefni auk þess sem hann
eftirsóknarverður sem byggingar-
efni.
Þórir sagði í samtali við
Morgunblaðið að nokkrir evrópskir
aðilar með stóra kaupendur á bak
við sig hefðu undanfarið verið að
kanna möguleika á vikurkaupum
héðan og hefðu þeir meðal annars
komið til landsins að kynna sér
aðstæður. Þórir sagði að málið
væri þó allt á umræðustigi enn
sem komið er, en hann sagði ljóst
að flutningur á vikrinum landveg-
inn til útskipunar t.d. í Þorláks-
höfn gæti ekki borið sig og því
gæti vart orðið af útflutningi með
þeim hætti.
Mjög kostnaðarsamt
Hann sagði að sjónir manna
hefðu því beinst að hugsanlegum
möguleikum á því að skipa vikrin-
um út beint af sandinum, annað-
hvort með dælingu eða færibönd-
um, en einnig væru hugmyndir
um að nota stóra landgöngup-
ramma. Hann sagði þó ljóst að
þetta yrði mjög kostnaðarsamt og
ógjörningur að af því gæti orðið
nema með aðild fjársterkra er-
lendra aðila í byggingariðnaði.
LÆKKUN hefur orðið á gjaldtöku
vegna útflutnings kynbótahrossa.
Gjaldtaka vegna hrossaútflutnings
Veruleg lækkun í kjöl-
far lagasetningar
VERULEG lækkun hefur orðið á
gjaldtöku vegna útflutnings kyn-
bótahrossa í kjölfar nýrra laga um
hrossaútflutning sem samþykkt
voru á Alþingi milli jóla og nýárs.
Gjaldið sem innheimt er rennur
í Stofnverndarsjóð íslenska hesta-
kynsins, og samkvæmt auglýsingu
landbúnaðarráðuneytisins þarf nú
t.d. að greiða 100.000 krónur fyr-
ir hvern útfluttan kynbótahest
með heiðursverðlaun, en áður
þurfti að greiða 500.000 krónur,
og fyrir kynbótahryssu með heið-
ursverðlaun þarf að greiða 16.000'
krónur, en samkvæmt eldri gjald-
skrá þurfti að greiða 80.000 kr.
Lægsta gjald fyrir útfluttan kyn-
bótahest er nú 8.000 krónur en
lægsta gjald fyrir kynbótahryssu
er 1.000 krónur.
Samkvæmt nýju lögunum verð-
ur gjaldtaka fyrir hvert útflutt
hross að hámarki 8.000 krónur frá
og með 15. apríl næstkomandi, og
er innifalið í því greiðsla í Stofn-
verndarsjóð, öli sjóðagjöld og
greiðsla til dýralæknis. Að sögn
Bergs Pálssonar var Stofnvernd-
arsjóður hugsaður til þess að gera
hrossaræktarsamböndum kleift að
ganga inn í kaup á kynbótahross-
um sem selja átti úr landi, en sam-
böndin gátu fengið styrk úr sjóðn-
um til að fjármagna kaupin.
Bergur sagði að þar sem fram-
boðið á úrvals kynbótahrossum
væri nú orðið mjög mikið hefði
þörfin fyrir sjóð af þessu tagi orð-
ið mun minni en hún var áður.
Sagði Bergur að hrossabændur
væru mjög sáttir við nýju lögin
og þá gjaldtöku sem gert væri ráð
fyrir samkvæmt þeim.
Inflúensa greinist,
en ekki faraldur
INFLÚENSA af A-stofni greindist
í barni hér á landi með ræktun
10. janúar síðastliðinn og nokkur
tilfelli hafa greinst síðan á heilsu-
gæslustöðvum og læknavakt. Að
sögn Helga Guðbergssonar
borgarlæknis er þó ekki um neinn
faraldur að ræða ennþá.
Helgi sagði að fylgst hefði verið
með læknavaktinni og ástandið
kannað í skólum og á leikskólum,
en ekki hefði borið mikið á veikind-
um þar frá áramótum. Hann sagði
að ef inflúensan næði sér á strik
mætti búast við að faraldur gæti
staðið í 1-2 mánuði. Hann sagði
að tugþúsundir íslendinga hefðu
verið bólusettir við inflúensunni
síðastliðið haust, en þar væri aðal-
lega um að ræða fullorðið fólk og
lasburða.
FÖSTUDAGUR 27. JANÚAR 1995 5
Tröllvaxinn vinningur framundan!
Þrefaldur fyrsti vinningur á laugardag.
MERKISMENN