Morgunblaðið - 27.01.1995, Blaðsíða 7
MORGUNBLAÐIÐ
FÖSTUDAGUR 27. JANÚAR 1995 7
FRÉTTIR
Einhugur á almennum félagsfundi V erkamannafélagsins Dagsbrúnar um verkfallsboðun
Heimíld var
samþykkt án
mótatkvæða
HUGUR var í fundarmönnum á
almennum félagsfundi Verka-
mannafélagsins Dagsbrúnar sem
haldinn var í Bíóborginni í gær.
Þar var mótatkvæðalaust sam-
þykkt að veita stjórn og trúnaðar-
mannaráði félagsins heimild til
verkfallsboðunar.
Guðmundur J. Guðmundsson,
formaður Dagsbrúnar, gerði í upp-
hafi fundarins grein fyrir þeim
kröfum sem settar hefðu verið fram
í viðræðum við vinnuveitendur, en
meðal annars er þess krafist að
lágmarkslaun verði 50 þús. kr. á
mánuði og skattleysismörk hækki
í 60 þúsund krónur.
Guðmundur sagði að raunveru-
lega hefði slitnað upp úr viðræðum
Flóabandalagsins svokallaða við
vinnuveitendur í síðustu viku, en
ásamt Dagsbrún eru í bandalaginu
Verkamannafélagið Hlíf í Hafnar-
fírði og Verkalýðs- og sjómannafé-
lag Keflavíkur. Sagði Guðmundur
vonlaust að fá samningaviðræðum-
ar í gang á nýjan leik nema heimild
til verkfallsboðunar væri fyrir hendi.
Reynt til þrautar að
ná samningum
Sagði Guðmundur að í stjórnum
allra félaganna þriggja hefði verið
samþykkt með öllum greiddum át-
kvæðum að boða til félagsfunda
og leita eftir heimild félagsmanna
til boðunar vinnustöðvunar.
„Við óskum eftir samningum og
við munum reyna til þrautar að
knýja fram samninga. En ef við
eigum að vera hér með yfir 700
Dagsbrúnarmenn atvinnulausa ár
eftir ár, og ef við eigum eftir að
láta kaupmáttinn minnka ár eftir
ár, þá er komið nýtt ísland, þá er
komin stór stétt örsnauðra manna
sem eru að missa þær eigur sem
þeir áttu,“ sagði hann.
Hefði þurft betri undirbúning
Nokkrir fundarmanna tóku til
máls að loknu framsöguerindi for-
mannsins og hvöttu þeir til þess
að allir viðstaddir stæðu einhuga í
baráttunni fyrir bættum kjörum og
samþykktu heimild til verkfallsboð-
unar.
í máli eins þeirra, Þórs Ludvigs,
kom fram að hann teldi að und-
irbúa hefði átt launakröfur Dags-
brúnar mun betur en gert hefði
verið, og taka hefði átt þær til frek-
ari umfjöllunar á félagsfundum.
Sagði hann viðurkennt að ekki
væri hægt að lifa af launum undir
100 þúsund krónum á mánuði og
þess vegna hefði Dagsbrún átt að
gera kröfu um 100 þúsund króna
lágmarkslaun í stað 50 þúsund
króna lágmarkslauna.
Morgunblaðið/Ámi Sæberg
FRÁ félagsfundi Dagsbrúnar
í gær þar sem samþykkt var
samhljóða að veita stjórn og
trúnaðarmannaráði félagsins
heimild til boðunar vinnu-
stöðvunar. Á innfelldu mynd-
inni er Guðmundur J. Guð-
mundsson, formaður félags-
ins, í ræðustól.
Samþykkt einróma
í lok fundarins var svohljóðandi
tillaga stjórnar Dagsbrúnar borin
upp til atkvæðagreiðslu: „Fundur í
Verkamannafélaginu Dagsbrún
haldinn í Bíóborg 26. janúar 1995
samþykkir að veita stjóm og trún-
aðarmannaráði félagsins heimild til
boðunar vinnustöðvunar til að knýja
fram samninga um kaup og kjör.“
Var tillaga þessi samþykkt með öll-
um atkvæðum fundarmanna.
Þetta er KÁFPI
- hundamaturinn
eem hundarnir
eru að tala um!
Alhliða feeða fyrir hunda af öllum stærðum
Inniheldur öll þau næringarefni sem hundurinn þinn þarfnasi • í bragðgððu formí
A næstu dögum verða kynningar
í verslunum, þar sem hundaeigendur
fá upplýsingar um KAPPA hundamat og
þegar heim er komið gera hundarnir ^
það sem máli skiptir - smakka! ,$m
FÓÐURBLANDAN hf
FORYSTA í FÓÐURBLÖNDUN
Dreifing: Nathan & Olsen hf, Vatnagörðum 20, Reykjavík. Sími 568 1234