Morgunblaðið - 01.03.1995, Blaðsíða 18

18 MIÐVIKUDAGUR 1. MARZ 1995
MORGUNBLAÐIÐ
ERLENT
Forboðin sýning
skyndilega sett upp
London. Daily Telegraph.
SÝNING á 63 meistaraverkum
málaralistinnar, sem opnuð var
í Púshkin-safninu í Moskvu í
fyrradag, virðist hafa verið sett
upp í miklum fljótheitum, að
sögn listfræðinga.
Engin sýningarskrá er fyrir-
liggjandi og gestir fá því engar
upplýsingar um myndirnar. Svo
virðist sem sýningin hafi verið
sett upp í skyndingu eftir að
fréttir voru sagðar af fyrirhug-
aðri sýningu á 74 ennþá verð-
mætari málverkum, sem opnuð
verður í Pétursborg 30. mars
næstkomandi.
Kröfur Þjóðverja
Þannig var þýska sendiráðið
fyrst látið vita í síðustu viku að
sýningin stæði fyrir dyrum.
Þjóðveijar hafa krafist þess að
myndunum, sem sovéskir her-
menn tóku traustataki í þýskum
listasöfnum í stríðsiok, verði
skilað.
Þá er ekki lengra síðan en í
október sl., að Valentín Sídorov
menningarmálaráðherra Iagði
bann við því að myndirnar á
sýningunni í Púshkín-safninu
kæmu fyrir almenningssjónir.
MEÐAL verka á sýningunni
er mynd af Júlíönu Gab-
erskaju eftir Brandt.
Safnið hefur gefið sýningunni
yfirskriftina „Bjargað tvisvar"
og er hún sögð opnuð í tilefni
50 ára afmælis sigurs sovéska
hersins á Þjóðverjum, eh»s og
komist er að orði.
„Okkur er það mikil ánægja,
að sú stund skuli runnin upp,
að myndirnar eru sýndar opin-
berlega," sagði frú Írína Ant-
onova, forstöðumaður Púshkín-
safnsins, við opnun sýningarinn-
ar, sem stendur yfir í fimm
mánuði.
„Eigum björgunarlaun
skilið“
„Sovéskar hersveitir björg-
uðu þessum listaverkum en fas-
istarnir skemmdu okkar. Her-
menn okkar unnu raunverulegt
björgunarstarf. Við eigum
björgunarlaun skilið,“ bætti hún
við. Antonova, sem er 75 ára,
var majór í Rauða hernum og
hafði umsjón með skipulegu
brottnámi verkanna úr þýskum
söfnum.
Hingað til hefur mikil leynd
hvílt yfir þeim listaverkum sem
geymd eru í Púshkín-safninu.
Heimildir herma hins vegar, að
nú sé unnið að listaverkaskrám
yfir tvö dýrmætustu söfnin, sem
komust í hendur Rússa. Annars
vegar meistarateikningar Hans
Konigs og hins vegar dýrgripa-
safnið sem Heinrich Schliemann
gróf upp í Tróju árin 1874-76.
Reuter
VERÐMÆTASTA myndin er Syndafallið eftir Lucas Cranach.
Fyrrverandi yfirmaður
spænska þjóðvarðliðsins
Fannst í Asíu
eftir 10 mánuði
Madrid. Reuter.
LUIS Roldan, fyrrver-
andi yfirmaður
spænska þjóðvarðliðs-
ins, sem farið hefur
huldu höfði í 10 mán-
uði, var fluttur til
Madridar í gær en
hann var handtekinn í
Suðaustur-Asíu. Hafa
spænskir stjórnmála-
menn fagnað handtök-
unni og segja, að Rold-
an geti hugsanlega
skýrt ýmislegt varð-
andi hneykslismálin,
sem verið hafa
spænsku sósíalista-
stjóminni þung
skauti síðustu tvö ár.
Skjalafals og fjárdráttur
Roldan er sakaður um alls kon-
ar svindl og misferli, skjalafals og
fjárdrátt, meðal annars að hafa
gengið í leynilega sjóði innanríkis-
ráðuneytisins. Hann varð yfirmað-
ur þjóðvarðliðsins 1986 og komst
í mikil efni áður en
hann lét sig hverfa
í apríl á síðasta ári.
Vonast er til, að
Roldan geti gefið
upplýsingar um
tengsl stjórnvalda
við leynilegan hóp
lögreglumanna,
sem börðust gegn
aðskilnaðarhreyf-
ingu Baska, ETA,
og eru sakaðir um
að hafa myrt 27
manns á síðasta
áratug. Hefur oft
verið lagt að Felipe
Gonzalez forsætis-
ráðherra að segja
af sér vegna þessa máls en hann
neitar allri vitneskju um það.
Dagblaðið E1 Pais sagði í leið-
ara í gær, að pólitískur stöðugleiki
á Spáni hefði aukist með handtöku
Roldans og stjómvöld hefðu sýnt,
að þau vildu komast til botns í
málinu.
Indónesar umsvifa-
miklir hugverkaþjófar
Jakarta. Reuter.
TALSMENN bandarískra fyrir-
tækja sögðu á mánudag, að nú
þegar samningar hefðu náðst um
að Kínverjar virtu höfundarrétt og
hættu að fjölfalda ólöglega banda-
rískt efni, væri röðin komin að
Indónesíu.
í Indónesíu er mikið um þjófnað
á bandarískum og öðrum erlendum
hugverkum. Samtök bandarískra
hugbúnaðarfyrirtækja ætla að
skera upp herör gegn víðtækum
brotum þar en auk þess vilja þau,
að Búlgaríu og Tyrklandi verði
bætt á listann yfir þau ríki, sem
virða alþjóðlega samninga að þessu
leyti að(vettugi.
Talið er að erfitt geti orðið að
beijast gegn hugverkaþjófnaðinum
í Indónesíu en í Kína vegna þess
að í fyrmefnda landinu er ólögleg
fjölföldun á geisladiskum einkum
í höndum glæpasamtaka.
Strokupiltinum fagnað við heimkomuna
Reuter
PETER Kerry með föður sínum, John, á Heathrow-flugvelli.
Peter segist munu hafa hægt um sig á næstunni en móðir hans
vill hafa vaðið fyrir neðan sig.
Vilja lækna hann
af fiökkueðlinu
London. Reuter.
PETER Kerry, 14 ára gamall,
breskur drengur, sem stakk af
til Malasíu eftir að hafa stolið
vegabréfi og greiðslukorti föður
síns, kom aftur til síns heima í
London í gær. Var hann heldur
slæptur eftir ferðalagið en gaf
litlar skýringar á uppátækinu.
Foreldrar Kerrys, lögreglu-
menn og fjöldi fréttamanna tóku
á móti honum við komuna til
Heathrow-flugvallar en hann
stökk að heiman vegna deilu við
föður sinn um niðursuðudós með
spaghetti, sem fór til spillis.
Fallegt í Malasíu
„Mig hefur lengi langað til
Malasíu enda er það fallegt land
og ég hef gaman af því að ferð-
ast,“ sagði Kerry og foreldrar
hans létu sér skýringuna nægja
að sinni.
„Við ætlum að jafna okkur
aðeins en síðan munum við ræða
í rólegheitum hvernig hægt er
að lækna hann af flökkueðlinu,"
sagði John Kerry, faðir Peters,
en þetta er ekki í fyrsta sinn, sem
Peter leggst í ferðalög, innan-
lands eða utan.
Myndir í
öllum höfnum
Peter Kerry komst framhjá
vegabréfaeftirlitinu jafnt í Lond-
on sem í Malasíu en þegar hann
ætlaði að koma sér fyrir á hóteli
í bænum Johor Baru var honum
vísað burt þar sem búið var að
loka greiðslukorti föður hans.
Lét hann þá loks vita af sér enda
var hann hræddur um, að sér
yrði stungið í fangelsi.
Kerry sagði við fréttamenn,
að hann ætlaði að hafa hægt um
sig þar til hann yrði eldri en
móðir hans sagði, að nú yrði
þess gætt, að hann kæmist hvorki
í vegabréf né peninga.
„Eg vona, að myndirnar ykkar
af honum verði hengdar upp í
öllum höfnum og flughöfnum
landsins til að hann þekkist og
komist ekki úr landi,“ sagði hún
við fréttamennina.
Lítil
hætta
stafar af
ísfleka
Hringsólar um
Suðurskautslandið
Sydney. Reuter.
EKKI er líklegt, að skipum stafi
hætta af gífurlega stórum ísfleka,
sem brotnaði frá suðurskautsísn-
um, og er ástæðan sú, að hann
mun berast með sjávarstraumum
réttsælis um skautið. Kom það
fram í Reuters-fréttum í gær og
að flekinn hafi losnað suður af
Nýja Sjálandi sem er rangt, hann
losnaði suður af Hornhöfða, syðsta
odda Suður-Ameríku.
ísflekinn er 78 sinnum 37 km
stór og um 200 metra þykkur en
ástralskir vísindamenn segja, að
hann muni berast með straumum
réttsælis um suðurskautið. Þeir
spá því raunar, að hann muni taka
niðri á grunnu vatni fljótlega og
brotna upp á nokkrum mánuðum
eða jafnvel árum. Brot úr honum
gætu þó borist inn á siglingaleiðir
og valdið hættu.
Hlýnandiveðurfar
Breskir vísindamenn segja, að
ísflekinn hafi brotnað frá vegna
þess, að veðurfar sé að hlýna í
suðurhöfum. Hafi meðalhitinn
hækkað um 2,5 stig á celcíus frá
því á fimmta áratugnum. Ástralir
eru þó ekki á því, að sú sé ástæð-
an, heldur telja einfaldlega, að ís-
flekinn hafi verið búinn að skríða
svo langt, að hann hafi brotnað
undan eigin þunga.
Þessi ísfleki er alls ekki sá
stærsti, sem vitað er um, _að hafi
brotnað frá meginísnum. Á ofan-
verðum sjöunda áratugnum brotn-
aði fleki úr Amery-hellunni, sem
var 300 km langur.